ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⵏ ⵎⴰⵍⵉ: ⴷ ⴰⵙⵓⵔⵉⴼ ⴰⵎⴻⵇⵔⴰⵏ ⵉ ⵜⴰⵍⵡⵉⵜ ⴰⵔⴰ ⵉⴷⵓⵎⴻⵏ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ)

ⵏⴻⵡ ⵢⵧⵔⴽ (ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⴰⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⵢⵓⵎⴰⵔ (ⵢⴻⴼⵕⴻⵃ) ⵙ ⵓⵙⵜⴻⵏⵢⵉ, ⴰⵙⵙ ⵏ ⵍⵊⴻⵎⵄⴰ ⴷⴻⴳ ⴱⴰⵎⴰⴽⵧ, ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴰⵖⴻⵍⵏⴰⵡ ⴷⴻⴳ ⵎⴰⵍⵉ, ⴰⵢ ⴷ-ⵢⵓⴼⵔⴰⵔⴻⵏ ⵙⴻⴳ ⵓⴽⴰⵍⴰ ⵏ ⵍⴷⵣⴰⵢⴻⵔ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵢⴰ ⴷ ⴰⵙⵓⵔⵉⴼ ⴰⵎⴻⵇⵔⴰⵏ ⵉ ⵓⵙⵙⴻⴱⴷⴻⴷ ⵏ ⵜⴰⵍⵡⵉⵜ ⴰⵔⴰ ⵉⴷⵓⵎⴻⵏ ⴷⴻⴳ ⵜⵎⵓⵔⵜ-ⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵀⴻⵏⵏⴰ ⴷⴰⵖ ⵉⴷⵉⵙⴰⵏ ⴰⵢ ⵢⴻⵔⵣⴰ ⵜⴰⵍⵓⴼⵜ ⴷ ⵜⴻⵖⵍⴰⵎⵜ ⵏ ⵜⴻⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ ⴰⵢ ⵜⴻⵏⵀⴻⵕ ⵍⴷⵣⴰⵢⴻⵔ ⴷⴻⴳ ⵍⵎⴻⵊⵀⵓⴷ-ⵏⵏⴻⵙ ⴰⵢ ⵢⴻⵙⵙⴰⵡⴹⴻⵏ ⴰⴽⴽⴻⵏ ⴰⴷ ⴷ-ⵢⴻⴼⵔⵓⵔⵉ ⵓⴹⵔⵉⵙ-ⴰ ⵢⴻⴹⴹⴼⴻⵏ ⵜⴰⵍⴻⵎⵎⴰⵙⵜ.

« ⴰⵎⴰⵔⵓ ⴰⵎⴰⵜⵓ ⵢⴻⵜⵜⵡⴰⵍⵉ ⴷⴰⴽⴽⴻⵏ ⴰⵙⵜⴻⵏⵢⵉ ⵏ ⴽⵔⴰ ⵙⴻⴳ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴰⵍⵓⴼⵜ ⴰⵙⵙ-ⴰ ⴷ ⴰⵙⵓⵔⵉⴼ ⴰⵎⴻⵇⵔⴰⵏ ⵉ ⵓⵙⵙⴻⴱⴷⴻⴷ ⵏ ⵜⴰⵍⵡⵉⵜ ⴰⵔⴰ ⵉⴷⵓⵎⴻⵏ ⴷⴻⴳ ⵎⴰⵍⵉ ⵢⴻⵔⵏⴰ ⵢⴻⵙⵙⴰⵔⴰⵎ ⵙ ⵜⵉⴷⴻⵜ ⵉⴷⵉⵙⴰⵏ ⵏⵉⴹⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⴽⴰⵍⴰ ⵏ ⵍⴷⵣⴰⵢⴻⵔ ⴰⴷ ⴷ-ⵔⵏⵓⵏ ⵖⴻⵔ ⵓⵎⵜⴰⵡⴰ-ⴰ ⵎⴻⵍⵎⵉ ⴰⵢ ⴷ-ⵜⴻⵍⵍⴰ ⵜⴻⴳⵏⵉⵜ ⵉ ⵡⴰⵢⴰ », ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ-ⵏⵏⴻⵙ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵖⴻⵎⵙⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⵢⵓⵎⴻⵔ ⴷⴰⵖ ⵙ ⵜⴻⴳⵔⴰⵡⵉⵏ-ⵏⵏⵉ ⵜⵉⵎⵙⴻⵍⵍⵃⵉⵏ ⵏ ⵜⵙⴻⵎⵢⵓⴷⴷⴻⵙⵜ ⴰⵢ ⵉⵡⴻⵎⵎⵕⴻⵏ ⴰⵎⵜⴰⵡⴰ-ⴰ ⴰⵙⵙ ⵏ 14 ⵎⴰⵢⵓ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ».

Ɣⴻⴼ ⵍⴻⵃⵙⴰⴱ ⵏ ⵓⵏⴻⵟⵟⴰⵇ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵎⴰⵙⵙ ⴱⴰⵏ « ⵢⴻⵜⵜⵓⵇⴻⵏⵏⴻⵄ ⵙ ⵍⵊⴻⵀⴷ ⴷⴰⴽⴽⴻⵏ ⴰⵎⵜⴰⵡⴰ-ⴰ ⴷ ⵍⵍⵙⴰⵙ ⵉⵊⴻⵀⴷⴻⵏ ⴰⵢⵖⴻⴼ ⴰⵔⴰ ⵜⴻⵜⵜⵡⴰⴱⵏⵓ ⵜⴰⵍⵡⵉⵜ ⵜⵓⵖⴷⵉⵎⵜ ⴰⵔⴰ ⵉⴷⵓⵎⴻⵏ ⴷⴻⴳ ⵎⴰⵍⵉ », ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ « ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴰⵍⵓⴼⵜ ⴰⴽⴽⴻⵏ ⴰⴷ ⵊⵊⴻⵏ ⴰⵎⵜⴰⵡⴰ-ⴰ ⵢⴻⵔⵥⴻⵎ ⵉ ⵢⵉⴷⵉⵙⴰⵏ ⴰⵢ ⴷ-ⵢⴻⵇⵇⵉⵎⴻⵏ ⵢⴻⵔⵏⴰ ⴰⴷ ⴽⴻⵎⵎⵍⴻⵏ ⴰⵎⵛⵉⵡⴻⵕ ⴰⴽⴽⴻⵏ ⴷ-ⵙⵜⴻⵏⵢⵉⵏ ⴰⴽⴽ ⵢⵉⴷⵉⵙⴰⵏ ⵎⴻⵍⵎⵉ ⴰⵢ ⴷ-ⵜⴻⵍⵍⴰ ⵜⴻⴳⵏⵉⵜ ⵉ ⵡⴰⵢⴰ ».

ⴰⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉⴳⴻⵔ-ⴷ ⵜⵉⵖⵔⵉ ⵉ ⵜⴻⵖⵍⴰⵎⵜ ⵏ ⵜⴻⴱⴷⴰⵎⵎⴰⵙⵜ ⴷ ⵢⵉⴷⵉⵙⴰⵏ ⴰⵢ ⵢⴻⵙⵜⴻⵏⵢⴰⵏ ⴰⵎⴰⵜⴰⵡⴰ-ⴰ ⴰⴽⴽⴻⵏ ⴰⴷ ⵏⴰⴷⵉⵏ ⵖⴻⴼ ⵜⵖⴰⵡⵙⵉⵡⵉⵏ ⴰⵢⵖⴻⴼ ⵎⵙⴻⴼⵀⴰⵎⴻⵏ ⵢⴻⵔⵏⴰ ⵣⴻⵎⵔⴻⵏ ⴰⴷ ⵜⴻⵏⵜ-ⵙⴼⴻⵄⵍⴻⵏ ⵜⴰⵙⵡⵉⵄⵜ-ⴰ, ⵙⴻⴳ ⵍⴻⵄⴹⵉⵍ ⴰⴷ ⵙⵜⴻⵏⵢⵉⵏ ⴰⴽⴽ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴰⵍⵓⴼⵜ, ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵜⴻⵜⵜⵓⵏⴻⴼⴽ ⵜⵓⵣⵡⵉⵔⵜ ⵉ ⵜⵖⴰⵡⵙⵉⵡⵉⵏ ⴰⵢ ⵉⵣⴻⵎⵔⴻⵏ ⴰⴷ ⵜⵜⴻⴽⴽⵉⵏⵜ ⴷⴻⴳ ⵓⵀⴻⵢⵢⵉ ⵏ ⵜⴻⴳⵏⵉⵜ ⴰⵔⴰ ⵢⴻⵊⵊⴻⵏ ⴰⴷ ⴷ-ⵔⵏⵓⵏ ⵢⵉⴷⵉⵙⴰⵏ ⵏⵉⴹⴻⵏ.

ⵎⴰⵙⵙ ⴱⴰⵏ ⵢⴻⵙⵎⴻⴽⵜⵉ-ⴷ ⴰⴽⴽ ⵉⴷⵉⵙⴰⵏ ⴷⴰⴽⴽⴻⵏ « ⴰⵎⵜⴰⵡⴰ ⵏ ⵓⵃⴱⴰⵙ ⵏ ⵢⵉⵎⴻⵏⵖⵉ ⵏ 23 ⵎⴰⵢⵓ 2014 ⴷ ⵜⵙⴻⵖⵔⴰ ⵏ ⵓⵃⴱⴰⵙ ⵏ ⵛⵛⵡⴰⵍ ⴷⴻⴳ 24 ⵢⵓⵍⵢⵓ 2014 ⴷ 19 ⴼⵓⵕⴰⵕ ⵏ 2015 ⵎⴰⵣⴰⵍ-ⵉⵜⴻⵏ ⴷⴻⴳ ⵍⴼⴻⵄⵍ » ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ « ⴰⴷ ⴹⴹⴼⴻⵏ ⴷⴻⴳ ⵡⴰⵡⴰⵍ-ⵏⵙⴻⵏ ⴷⴻⴳ ⵜⴻⵎⵙⴰⵍⵜ-ⴰ ».

ⴰⵎⴰⵍⴰⵍ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵜⴻⵎⵀⴰⵍ ⵏ ⵓⵃⵔⴰⵣ ⵏ ⵜⴰⵍⵡⵉⵜ, ⵀⴻⵔⵠé ⵍⴰⴷⵙⵧⵓⵙ, ⴰⵢ ⵉⵃⴻⴷⵕⴻⵏ ⴷⴰⵖ ⴷⴻⴳ ⵜⴼⴰⴳⵍⴰ ⵏ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⵏ ⴱⴰⵎⴰⴽⵧ ⵢⴻⵖⵔⴰ-ⴷ ⵢⵉⵡⴻⵏ ⵏ ⵢⵉⵣⴻⵏ ⵏ ⵎⴰⵙⵙ ⴱⴰⵏ ⴰⵢⴷⴻⴳ ⴰⵢ ⴷ-ⵉⵃⴻⵜⵜⴻⵜ ⴷⴰⴽⴽⴻⵏ ⴰⴹⵔⵉⵙ ⵏ ⵓⵎⵜⴰⵡⴰ-ⴰ ⴷ « ⵍⵍⵙⴰⵙ ⵉⴼⴰⵣⴻⵏ ⵉ ⵓⴽⴻⵎⵎⴻⵍ ⵏ ⵓⴽⴰⵍⴰ ⵏ ⵜⴰⵍⵡⵉⵜ ⴳⴰⵔ ⵢⵉⵎⴰⵍⵉⵢⴻⵏ ». ⵎⴰⵛⴰ, ⴰⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵙⵃⴰⵙⵙⴻⴼ ⵉⵎⵉ « ⵢⵉⵡⴻⵏ ⵙⴻⴳ ⵢⵉⴷⵉⵙⴰⵏ ⵏ ⵜⴰⵍⵓⴼⵜ-ⴰ ⵓⵔ ⵢⴻⵃⴷⵉⵕ ⴰⵔⴰ ⴰⵙⵙ-ⴰ ».

ⴰⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ ⵙⵜⴻⵏⵢⴰⵏ-ⵜ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⴱⴰⵎⴰⴽⵧ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵎⵛⵉⵡⴻⵕ ⵉ ⴼⴻⵔⵔⵓ ⵏ ⵜⴰⵍⵓⴼⵜ ⴷⴻⴳ ⵓⴳⴰⴼⴰ ⵏ ⵜⵎⵓⵔⵜ. ⴰⵎⵜⴰⵡⴰ-ⴰ ⵢⴻⵙⵜⴻⵏⵢⴰ-ⵜ ⵓⴳⴻⵏⵙⴰⵙ ⵏ ⵓⵏⴰⴱⴰⴹ ⴰⵎⴰⵍⵉ, ⵉⵎⵓⵙⵙⴰ ⵉⵙⴻⵔⵜⵉⵢⴻⵏ-ⵉⵙⴻⵔⴷⴰⵙⵉⵢⴻⵏ ⵏ ⵓⴳⴰⴼⴰ ⵏ ⵎⴰⵍⵉ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵇⴰⵄⴻⵜ ⵏ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷ ⵜⴻⵖⵍⴰⵎⵜ ⵏ ⵜⴻⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ.

ⵙⵏⴰⵜ ⵙⴻⴳ ⵙⴻⵎⵎⵓⵙ-ⵏⵏⵉ (ⵅⴻⵎⵙⴰ) ⵏ ⵜⴻⴳⵔⴰⵡⵉⵏ ⴰⵢ ⵢⴻⵍⵍⴰⵏ ⴷⴻⴳ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ (ⵛⵎⴰ), ⵎⴻⵃⵙⵓⴱ ⵜⴰⵙⴻⵎⵢⵓⴷⴷⴻⵙⵜ ⵉ ⵓⵖⵔⴻⴼ ⵏ ⵓⵣⴰⵡⴰⴷ (ⵛⵒⴰ, ⴰⵢ ⵢⴻⴱⴹⴰⵏ ⵖⴻⴼ ⵜⵏⴻⵚⵍⵉⵜ-ⵏⵏⵉ) ⴷ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⴷ ⵜⴻⵔⵏⴰ ⵜⵉⴼⴻⵔⴼⴰⵏⵉⵏ ⵏ ⵓⵣⴱⵓ ⵜⵉⵙ ⵙⵏⴰⵜ (ⵛⵎ-ⴼⵒⵔ2) ⵙⵜⴻⵏⵢⴰⵏⵜ ⴷⴰⵖ ⴰⵎⵜⴰⵡⴰ-ⵏⵏⵉ.

ⴰⵎⵓⵙⵙⵓ ⴰⵖⴻⵍⵏⴰⵡ ⵏ ⵓⵙⴻⵍⵍⵉ ⵏ ⵓⵣⴰⵡⴰⴷ (ⵎⵏⵍⴰ), ⴰⵙⴻⵇⵇⴰⵎⵓ ⵓⵏⵏⵉⴳ ⵉ ⵜⴷⵓⴽⵍⵉ ⵏ ⵓⵣⴰⵡⴰⴷ (ⵀⵛⵓⴰ), ⴰⵎⵓⵙⵙⵓ ⴰⵄⵕⴰⴱ ⵏ ⵓⵣⴰⵡⴰⴷ (ⴰⵢ ⵢⴻⴱⴹⴰⵏ ⵖⴻⴼ ⵓⵏⴻⵚⵍⵉ-ⵏⵏⵉ) ⴰⵢ ⵢⴻⵜⵜⴻⴽⴽⴰⵏ ⴷⴰⵖ ⴷⴻⴳ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ, ⵡⴻⵎⵎⵕⴻⵏ ⴽⴰⵏ ⴰⵎⵜⴰⵡⴰ-ⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ.

ⵜⴰⵖⵍⴰⵎⵜ ⵏ ⵜⴻⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ ⴰⵢ ⵢⴻⵜⵜⵡⴰⵙⵎⴻⵖⵔⴻⵏ ⵍⵍⴰⵏ ⴷⴻⴳ-ⵙ, ⵎⴻⵏⵖⵉⵔ ⵍⴷⵣⴰⵢⴻⵔ, ⵓⵎⵖⵉⵡⴰⵏ ⴰⴷⴰⵎⵙⴰⵏ ⵏ ⵢⵉⵡⴰⵏⴰⴽⴻⵏ ⵏ ⵜⴻⴼⵔⵉⵇⵜ ⵏ ⵓⵜⴰⵔⴰⵎ (ⵛⴻⴷⴻⴰⵧ), ⵜⴰⴷⵓⴽⵍⵉ ⵜⴰⴼⵔⵉⵇⵉⵜ, ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵜⴰⴷⵓⴽⵍⵉ ⵜⵓⵕⵓⴼⵉⵜ, ⵜⵓⴷⴷⵙⴰ ⵏ ⵓⵎⵢⴰⵍⴻⵍ ⵉⵙⵍⴰⵎⵉ, ⴱⵓⵔⴽⵉⵏⴰ ⴼⴰⵙⵧ, ⵎⵓⵔⵉⵟⴰⵏⵢⴰ, ⵏⵉⵊⵉⵔ, ⵜⵛⴰⴷ, ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴷ ⴼⵕⴰⵏⵙⴰ.