ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵍⵓⴼⵜ ⵏ ⵍⵉⴱⵢⴰ: ⵜⵉⵎⵓⵖⵍⵉⵡⵉⵏ ⵏ ⵍⴷⵣⴰⵢⴻⵔ ⴷ ⵜⵓⵏⴻⵙ ⵜⵜⴻⴷⴷⵓⵏⵜ ⴷⴻⴳ ⵢⵉⵡⴻⵏ ⵏ ⵓⴱⵔⵉⴷ (ⴰⵖⴻⵍⵍⴰ ⵏ ⵓⵏⴰⴱⴰⴹ ⴰⵜⵓⵏⵙⵉ)
ⵍⴷⵣⴰⵢⴻⵔ ⵜⴰⵎⴰⵏⴻƔⵜ- ⴰⵖⴻⵍⵍⴰ ⵏ ⵓⵏⴰⴱⴰⴹ ⴰⵜⵓⵏⵙⵉ, ⵀⴰⴱⵉⴱ ⴻⵙⵙⵉⴷ, ⵢⴻⵏⵏⴰ-ⴷ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ ⵜⵉⵎⵓⵖⵍⵉⵡⵉⵏ ⵏ ⵜⵓⵏⴻⵙ ⴷ ⵍⴷⵣⴰⵢⴻⵔ ⴷⴻⴳ ⵡⴰⴽⴽⴻⵏ ⵢⴻⵔⵣⴰⵏ ⵜⴰⵍⵓⴼⵜ ⵏ ⵍⵉⴱⵢⴰ ⵜⵜⴻⴷⴷⵓⵏⵜ ⴷⴻⴳ ⵢⵉⵡⴻⵏ ⵏ ⵓⴱⵔⵉⴷ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵜⴻⴼⵔⵓ ⵜⴰⵍⵓⴼⵜ-ⴰ ⵙ ⵓⴱⵔⵉⴷ ⴰⵙⴻⵔⵜⵉ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵉⴳⴰ ⵉ ⵜⵖⴻⵎⵙⴰ ⴷⴻⴼⴼⵉⵔ ⵓⵎⵢⴰⴳⴻⵔ-ⵏⵏⴻⵙ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵎⴰⵙⵙ ⴻⵙⵙⵉⴷ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴻⵍⵍⴰ ⵜⴻⴳⵏⵉⵜ ⵉⵡⴰⵜⴰⵏ « ⵉ ⵓⵎⴱⴰⴷⴷⴻⵍ ⵏ ⵜⵎⵓⵖⵍⵉⵡⵉⵏ ⴷ ⵜⵓⴽⵛⵉ ⵏ ⵜⵎⴻⵥⵥⵓⵖⵜ ⵉ ⵜⴻⵏⵚⵉⵃⵉⵏ ⵜⵓⵎⵄⵉⵏⵉⵏ ⵏ ⴱⵧⵓⵜⴻⴼⵍⵉⴽⴰ ». ⵙⵉⵏ-ⴰ ⵏ ⵢⵉⴷⵉⵙⴰⵏ ⴱⴻⴷⵔⴻⵏ-ⴷ ⵙⵙⴰⵡⵍⴻⵏ-ⴷ ⴷⴰⵖ ⵖⴻⴼ ⵡⴰⵟⴰⵙ ⵏ ⵜⴻⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵜⵙⴻⵔⵜⵉⵜ ⴷ ⵜⴷⴰⵎⵙⴰ.
ⴷⴻⴳ ⵓⴷⵉⵡⴻⵏⵏⵉ-ⵏⵙⴻⵏ, ⵙⵙⴰⵡⵍⴻⵏ-ⴷ ⴷⴰⵖ ⵖⴻⴼ ⵜⴻⵎⵙⴰⵍⵜ ⵏ ⵍⵉⴱⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ ⴰⵜⵓⵏⵙⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⴰⵎⴰⵡⵜ ⴷⴰⴽⴽⴻⵏ ⵜⵉⵎⵓⵖⵍⵉⵡⵉⵏ ⵏ ⵍⴷⵣⴰⵢⴻⵔ ⴷ ⵜⵓⵏⴻⵙ ⵖⴻⴼ ⵜⴻⵎⵙⴰⵍⵜ-ⴰ ⴷ ⵜⵓⵛⵔⵉⴽⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴼⴻⵔⵔⵓ ⴰⵙⴻⵔⵜⵉ ⵏ ⵜⴰⵍⵓⴼⵜ ⴷⴻⴳ ⵜⵎⵓⵔⵜ-ⴰ.
ⵎⴰⵙⵙ ⴻⵙⵙⵉⴷ ⵢⴻⵏⵏⴰ-ⴷ ⴷⴰⴽⴽⴻⵏ ⴼⴻⵔⵔⵓ ⵏ ⵜⴰⵍⵓⴼⵜ ⴷⴻⴳ ⵍⵉⴱⵢⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ « ⵙ ⵜⵙⴻⵔⵜⵉⵜ ⴽⴰⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⵏⴻⵎⵄⴰⵡⴰⵏ ⴰⴽⴽ ⵙ ⵍⴻⵎⵄⴰⵡⵏⴰ, ⴷⴰⵖ, ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵡⴰⴽⴽ ⵜⵉⵎⵓⵔⴰ ⵜⵉⵏⴰⵔⴰⴳⵉⵏ (ⵜⵉⵊⵉⵔⴰⵜⵉⵏ) ⵏ ⵍⵉⴱⵢⴰ ⴰⴽⴽⴻⵏ ⴰⴷ ⵏⴻⵙⵙⵉⵡⴻⴹ ⵖⴻⵔ ⵜⵉⴼⵔⴰⵜ ⴳⴰⵔ ⵢⵉⵍⵉⴱⵉⵢⴻⵏ ⵢⴻⵔⵏⴰ ⴷ ⵜⵉⵏ ⴰⵔⴰ ⵇⴻⴱⵍⴻⵏ ⴰⴽⴽ ⵢⵉⴷⵉⵙⴰⵏ ».
