ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵔⴰⵔⴻⵏ ⵏ 2015 ⵏ ⵢⵉⵎⴻⵄⴷⴰⵕ: ⵍⴷⵣⴰⵢⴻⵔ ⵜⴼⵓⴽ ⴷⴻⴳ ⵓⵎⴽⴰⵏ ⵡⵉⵙ 11

ⵙⴻⵧⵓⵍ – ⵍⴷⵣⴰⵢⴻⵔ ⵜⴼⵓⴽ ⵜⴰⵥⵔⵉⴳⵜ-ⴰ ⵜⵉⵙ 5 ⵏ ⵡⵓⵔⴰⵔⴻⵏ ⵉⵎⴰⴹⵍⴰⵏⴻⵏ ⵏ ⵡⴰⴷⴷⴰⵍⴻⵏ ⵏ ⵢⵉⵎⴻⵄⴷⴰⵕ ⵏ 2015 (ⵉ ⵡⵉⴷ ⵢⴻⵜⵜⵡⴰⵍⵉⵏ) ⵏ ⵙⴻⵧⵓⵍ (ⴷⴻⴳ ⴽⵓⵔⵢⴰ ⵏ ⵓⵏⵥⵓⵍ) ⴷⴻⴳ ⵓⵎⴽⴰⵏ ⵡⵉⵙ 11, ⵢⴻⵔⵏⴰ ⵜⴻⵔⴱⴻⵃ-ⴷ ⵙ ⵓⵊⴻⵎⵎⴰⵍ 7 ⵏ ⵜⵣⴰⵍⵖⵉⵡⵉⵏ (4 ⵏ ⵡⵓⵔⴻⵖ, 1 ⵏ ⵓⵥⵔⴻⴼ ⴷ 2 ⵏ ⵓⴱⵕⵓⵏⵣ) ⴷⴻⴳ 3 ⵏ ⵡⴰⴷⴷⴰⵍⴻⵏ, ⴰⵎ ⵡⴰⴽⴽⴻⵏ ⴰⵢ ⵉⴳⴰ ⵓⵎⴰⵣⵣⴰⵍ ⴰⴱⴷⴻⵍⴰⵜⵉⴼ ⴱⴰⴽⴰ ⴰⴽⵍⵉⵙ ⵏ ⵓⵎⴰⴹⴰⵍ ⴰⵎⴰⵢⵏⵓ.

ⵍⴷⵣⴰⵢⴻⵔ ⵜⴻⵜⵜⴻⴽⴽⴰ ⴷⴻⴳ 3 ⵏ ⵡⴰⴷⴷⴰⵍⴻⵏ ⴳⴰⵔ 9 ⴷⴻⴳ ⵡⴰⵀⵉⵍ ⴰⵎⴰⵜⵓ ⵏ ⵡⵓⵔⴰⵔⴻⵏ-ⴰ, ⵢⴻⵔⵏⴰ ⵡⵉⴷ ⴰⵔⴰ ⵉⵔⴻⴱⵃⴻⵏ ⴷⴻⴳ ⵡⴰⴷⴷⴰⵍⴻⵏ-ⴰ ⴰⴷ ⵜⵜⴻⴽⴽⵉⵏ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵢⵉⵎⴻⵄⴷⴰⵕ ⵏ ⵔⵉⵧ ⵏ 2016.

ⵏⵏⵉⴳ ⵏ ⵔⵔⴱⴻⵃ ⴰⵢ ⴷ-ⵃⴰⵣⴻⵏ ⵙⴰ-ⵏⵏⵉ (7) ⵏ ⵢⵉⵏⴰⴷⴷⴰⵍⴻⵏ ⵉⴷⵣⴰⵢⵔⵉⵢⴻⵏ, ⵢⴻⵍⵍⴰ-ⴷ ⴷⴰⵖ ⵓⴽⵍⵉⵙ ⵏ ⵓⵎⴰⴹⴰⵍ ⴷⴻⴳ ⵜⴻⵎⵙⵉⵣⵣⴻⵍⵜ ⵏ 800 ⵏ ⵢⵉⵎⵉⵜⵔⴻⵏ (ⵜ13), ⴷ ⴰⴽⵍⵉⵙ ⵏ 1:50:70, ⵢⵉⵍⵉ ⴰⴽⵍⵉⵙ ⴰⵇⴱⵓⵔ ⵢⴻⵍⵍⴰ ⵖⴻⵔ ⵓⵏⴰⵣⵣⴰⵍ ⴰⴽⵓⴱⵉ ⵍⴰⵣⴰⵔⵧ ⵔⴰⵙⵀⵉⴷ ⵙ 2:52:50, ⴷ ⵡⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ 2007 ⴷⴻⴳ ⵔⵉⵧ).

ⴳⴰⵔ 58 ⵏ ⵜⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ, 43 ⴰⵢ ⴷ-ⵉⵔⴻⴱⵃⴻⵏ ⵜⵉⵣⴰⵍⵖⵉⵡⵉⵏ, ⵢⴻⵔⵏⴰ ⵜⴰⵎⵓⵔⵜ ⵜⴰⵎⴻⵣⵡⴰⵔⵓⵜ ⴷⴻⴳ-ⵙⴻⵏⵜ ⴷ ⵔⵓⵙⵢⴰ ⵙ 114 ⵏ ⵜⵣⴰⵍⵖⵉⵡⵉⵏ, ⴳⴰⵔ-ⴰⵙⴻⵏⵜ 48 ⵏ ⵡⵓⵔⴻⵖ ⴷ 35 ⵏ ⵓⵥⵔⴻⴼ, ⵙⴰⴽⴽⵉⵏ ⵜⴻⴹⴼⴻⵔ-ⵜⵜ-ⵉⴷ ⵓⴽⵕⴰⵏⵢⴰ ⵙ 38 ⵏ ⵜⵣⴰⵍⵖⵉⵡⵉⵏ ⴳⴰⵔ-ⴰⵙⴻⵏⵜ 16 ⵏ ⵡⵓⵔⴻⵖ, ⵙⴰⴽⴽⵉⵏ ⴷ ⵉⵕⴰⵏ ⵙ 32 ⵏ ⵜⵣⴰⵍⵖⵉⵡⵉⵏ ⴳⴰⵔ-ⴰⵙⴻⵏⵜ 15 ⵏ ⵡⵓⵔⴻⵖ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⵍⴷⵣⴰⵢⴻⵔ ⴰⵢ ⴷ ⵜⴰⵎⵓⵔⵜ ⵜⴰⴼⵔⵉⵇⵉⵜ ⵜⴰⵎⴻⵣⵡⴰⵔⵓⵜ ⵓⵇⴱⴻⵍ ⵎⵓⵣⴰⵎⴱⵉⴽ ⴰⵢ ⴷ-ⵉⵔⴻⴱⵃⴻⵏ 8 ⵏ ⵜⵣⴰⵍⵖⵉⵡⵉⵏ ⴳⴰⵔ-ⴰⵙⴻⵏⵜ 3 ⵏ ⵡⵓⵔⴻⵖ.

ⵉⴷⵣⴰⵢⵔⵉⵢⴻⵏ ⴰⵢ ⴷ-ⵉⵔⴻⴱⵃⴻⵏ ⵜⵉⵣⴰⵍⵖⵉⵡⵉⵏ ⴷ ⴰⴱⴷⴻⵍⴰⵜⵉⴼ ⴱⴰⴽⴰ, ⴷ ⴰⵏⴰⵣⵣⴰⵍ ⴰⵢ ⵢⴻⵇⵇⵍⴻⵏ ⴷ ⴰⵍⵖⵓⵖ ⵏ ⵓⵎⴰⴹⴰⵍ ⴷⴻⴳ ⵙⵏⴰⵜ ⵏ ⵜⴻⵎⵙⵉⵣⵣⵍⵉⵏ (1500 ⵏ ⵢⵉⵎⵉⵜⵔⴻⵏ ⴷ 800 ⵏ ⵢⵉⵎⵉⵜⵔⴻⵏ ⵜ13), ⵍⵢⵏⴷⴰ ⵀⴰⵎⵔⵉ (ⴰⵏⴻⴳⴳⴻⵣ ⵙ ⵜⴻⵖⵣⴻⴼ ⵜ12) ⴷ ⵓⵊⵓⴷⵧⴽⴰ ⵎⵧⵓⵍⵧⵓⴷ ⵏⵧⵓⵔⴰ (ⴷⴷⴰⵡ ⵏ 60 ⵏ ⵢⵉⴽⵉⵍⵓⴳⵕⴰⵎⴻⵏ). ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴰⵣⴰⵍⵖⵉ ⵏ ⵓⵥⵔⴻⴼ ⵜⴰⵡⵃⵉⴷⵜ ⴰⵢ ⴷ-ⵢⴻⵜⵜⵡⴰⵔⴻⴱⵃⴻⵏ ⵢⴻⵡⵡⵉ-ⵜⵜ ⵢⵉⵎⵏⴻⴳⴳⴻⵣ ⴱⴻⵏⵜⵔⵉⴰ ⴼⵉⵔⴰⵙ ⴷⴻⴳ ⵓⵏⴻⴳⴳⴻⵣ ⵏ ⴽⵔⴰⴹ ⵏ ⵢⵉⵙⵓⵔⵉⴼⴻⵏ (ⵜ11) ⵢⴻⵔⵏⴰ ⴷ ⵏⴻⵜⵜⴰ ⴷⴰⵖ ⴰⵢ ⵢⴻⵡⵡⵉⵏ ⵜⴰⵣⴰⵍⵖⵉ ⵏ ⵓⴱⵕⵓⵏⵣ ⴷⴻⴳ ⵓⵏⴻⴳⴳⴻⵣ ⵙ ⵜⴻⵖⵣⴻⴼ.

ⵜⴰⵣⴰⵍⵖⵉ ⵜⴰⵏⴻⴳⴳⴰⵔⵓⵜ ⵏ ⵓⴱⵕⵓⵏⵣ ⵢⴻⵡⵡⵉ-ⵜⵜ ⵓⵊⵓⴷⵧⴽⴰ ⵎⴻⵀⴷⵉ ⵎⴻⵙⴽⵉⵏⴻ (ⴷⴷⴰⵡ ⵏ 73 ⵏ ⵢⵉⴽⵉⵍⵓⴳⵕⴰⵎⴻⵏ).

ⵙ ⵜⵃⴰⵡⴰⵛⵜ-ⴰ ⴷⴻⴳ ⵡⵓⵔⴰⵔⴻⵏ ⵉⵎⴰⴹⵍⴰⵏⴻⵏ ⵏ ⵙⴻⵧⵓⵍ, ⵍⴷⵣⴰⵢⴻⵔ ⵜⴻⵙⵙⴻⵍⵀⴰ ⴰⵙⵡⵉⵔ-ⵏⵏⴻⵙ ⵙ ⵡⵓⴳⴰⵔ ⵏ ⵜⵣⴰⵍⵖⵉⵡⵉⵏ ⵏ ⵡⵓⵔⴻⵖ ⵖⴻⴼ ⵍⴻⵃⵙⴰⴱ ⵏ 2011, ⴰⵙⵎⵉ ⴰⵢ ⵜⴻⵜⵜⴻⴽⴽⴰ ⴷⴻⴳ ⵡⵓⵔⴰⵔⴻⵏ-ⴰ ⴷⴻⴳ ⴰⵏⵜⴰⵍⵢⴰ (ⵟⵟⴻⵔⴽ) ⵢⴻⵔⵏⴰ ⵜⴻⵡⵡⵉ-ⴷ ⴷⵉⵏ 8 ⵏ ⵜⵣⴰⵍⵖⵉⵡⵉⵏ (2 ⵏ ⵡⵓⵔⴻⵖ, 2 ⵏ ⵓⵥⵔⴻⴼ ⴷ 4 ⵏ ⵓⴱⵕⵓⵏⵣ).