ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⴳⴰⵔ ⵏ 600 ⵏ ⵢⵉⵍⴻⵎⵥⵉⵢⴻⵏ ⵏ « ⵍⴷⵣⴰⵢⴻⵔ ⵜⴰⵎⴻⵍⵍⴰⵍⵜ » ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵓⵙⵙⵉⵣⴷⴻⴳ ⵏ ⵜⴻⴼⵜⵉⵙⵉⵏ ⵏ ⵊⵉⵊⴻⵍ
ⵊⵉⵊⴻⵍ – ⴰⵣⴰⵍ ⵏ 664 ⵏ ⵢⵉⵍⴻⵎⵥⵉⵢⴻⵏ ⴰⵢ ⴷ-ⵙⴽⴻⵛⵎⴻⵏ ⴰⴽⴽⴻⵏ ⴰⴷ ⵅⴻⴷⵎⴻⵏ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ ⵏ « ⵍⴷⵣⴰⵢⴻⵔ ⵜⴰⵎⴻⵍⵍⴰⵍⵜ » ⵉ ⵓⵙⵙⵉⵣⴷⴻⴳ ⴷ ⵓⴱⴷⴰⴷ ⵉ ⵜⴻⴼⵜⵉⵙⵉⵏ ⵏ ⵜⵡⵉⵍⴰⵢⵜ ⵏ ⵊⵉⵊⴻⵍ ⴷⴻⴳ ⵜⴰⵍⵍⵉⵜ ⵏ ⵢⵉⵎⵓⵔⴰⵙ ⵏ ⵓⵏⴻⴱⴷⵓ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⴻⵜⵜⵡⴰⵅⴻⴱⴱⴻⵔ ⴰⵙⵙ ⵏ ⵍⴻⵜⵏⵉⵢⴻⵏ ⵙⵖⵓⵔ ⵜⵎⴻⵀⵍⴰ ⵏ ⵜⵉⴳⴰⵡⵜ ⵜⴰⵏⵎⴻⵜⵜⵉⵜ ⴷ ⵜⴻⵎⵙⴻⵜⵍⴻⵍⵜ.
ⵉⵅⴻⴷⴷⴰⵎⴻⵏ-ⴰ ⴰⴷ ⴷ-ⵍⵀⵓⵏ ⵙ 83 ⵏ ⵢⵉⵙⴻⵏⴼⴰⵔⴻⵏ, ⵢⴻⵔⵏⴰ ⵓⵔ ⵍⵍⵉⵏ ⴰⵔⴰ ⴳⴰⵔ-ⴰⵙⴻⵏ ⵢⵉⵅⴻⴷⴷⴰⵎⴻⵏ ⵏ ⵜⵖⵉⵡⴰⵏⵉⵏ ⴰⵔⴰ ⵢⴻⵜⵜⴻⴽⴽⵉⵏ ⵓⵍⴰ ⴷ ⵏⵉⵜⵏⵉ ⴷⴻⴳ ⵓⵅⴻⴷⴷⵉⵎ-ⴰ.
ⵜⴰⵃⴻⵎⵍⴰ-ⴰ ⴰⴷ ⵜⴻⵜⵜⴻⴽⴽⵉ ⴷⴻⴳ ⵓⵙⵙⴻⵏⵇⴻⵙ ⵏ ⵜⵔⴻⴱⴱⴰⵡⵜ (ⵚⵚⵓⵎⴰⵊ) ⵢⴻⵔⵏⴰ ⴰⴷ ⵜⵄⴰⵡⴻⵏ ⵜⵉⵎⴰⵣⴷⴰⵢⵉⵏ ⵜⵉⴷⵉⴳⴰⵏⵉⵏ, ⵢⴻⵔⵏⴰ ⴰⴷ ⴷ-ⵜⴻⵍⵀⵓ ⴰⵍⴰ ⵙ ⵓⵙⵙⵉⵣⴷⴻⴳ ⵏ ⵡⴰⴽⴽ ⵜⵉⴼⵜⵉⵙⵉⵏ ⵢⴻⵍⴷⵉⵏ ⴰⵢⴷⴻⴳ ⵢⴻⵍⵍⴰ ⵜⵜⴻⵙⵔⵉⵃ ⵏ ⵓⵄⵓⵎⵓ ⴷⴻⴳ 8 ⵏ ⵜⵖⵉⵡⴰⵏⵉⵏ ⵏ ⵢⵉⵔⵉ ⵏ ⵍⴻⴱⵃⴻⵕ ⵏ ⵜⵉⵡⵓⵍⴰⵢⵜ-ⴰ.
ⵉ ⵓⵙⵎⴻⴽⵜⵉ, ⵜⴻⵜⵜⵡⴰⵀⴻⵢⵢⴰ-ⴷ ⵜⵊⴻⵍⵍⴰⴱⵜ ⵏ 100 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ ⵜⵖⵉⵡⴰⵏⵉⵏ ⵏ ⵢⵉⵔⵉ ⵏ ⵍⴻⴱⵃⴻⵕ ⵏ ⵊⵉⵊⴻⵍ ⴰⴽⴽⴻⵏ ⴰⴷ ⴷ-ⵍⵀⵓⵏⵜ ⵙ ⵓⵙⵙⵉⵣⴷⴻⴳ ⴷ ⵓⵜⴻⵡⵡⴻⵍ ⵏ ⵜⴻⴼⵜⵉⵙⵉⵏ.
