ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵛⵛⵕⴻⵄ ⵏ ⴽⵀⴰⵍⵉⴼⴰ: ⴼⵓⴽⴻⵏⵜ ⵛⵛⵀⴰⴷⴰⵜ ⵏ ⵢⵉⵎⴻⵜⵜⵀⵓⵎⴻⵏ ⴰⵢ ⴷ-ⵢⴻⵙⵄⴻⴷⴷⴰⵏ ⵍⵃⴻⴱⵙ

ⵍⴻⴱⵍⵉⴷⴰ - ⵉⵏⴰⴳⴰⵏ ⵉⵏⴻⴳⴳⵓⵔⴰ ⴰⵢ ⴷ-ⵢⴻⵙⵄⴻⴷⴷⴰⵏ ⵍⵃⴻⴱⵙ ⴷⴻⴳ ⵛⵛⵕⴻⵄ ⴰⵎⴻⵣⵡⴰⵔⵓ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⵙⵍⴰⵏ-ⴰⵙⴻⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⵏ ⵍⴻⴱⵍⵉⴷⴰ, ⵙⴰⴽⴽⵉⵏ, ⴰⵙⵙ ⵏ ⵍⵃⴻⴷⴷ, ⴷ ⴰⵏⴻⵖⵍⴰⴼ ⴰⵇⴱⵓⵔ ⵏ ⵜⴻⴷⵔⵉⵎⵜ, ⵎⵧⵀⴰⵎⴻⴷ ⴷⵊⴻⵍⵍⴰⴱ ⵓⵎⵉ ⴰⵔⴰ ⵙⵍⴻⵏ ⵙ ⵢⵉⵙⴻⵎ-ⵏⵏⴻⵙ ⴷ ⴰⵏⴻⵎⵀⴰⵍ ⴰⵇⴱⵓⵔ ⵏ ⵜⴱⴰⵏⴽⴰ-ⴰ.

ⴽⵓⵥ (4) ⵏ ⵢⵉⵏⴰⴳⴰⵏ ⵓⵎⵉ ⵢⴻⵙⵍⴰ ⵍⵇⴰⴹⵉ ⴰⵏⵜⴰⵔ ⵎⴻⵏⵧⵓⴰⵔ ⴷⴻⴳ ⵜⵖⵉⵎⵉⵜ ⵏ ⵜⵎⴻⴷⴷⵉⵜ, ⴷⴻⴳ ⵡⴰⵙⵙ ⵡⵉⵙ 16 ⵏ ⵛⵛⵕⴻⵄ ⵏ ⵜⴱⴰⵏⴽⴰ ⵏ ⴽⵀⴰⵍⵉⴼⴰ, ⵢⴻⵔⵏⴰ ⵡⵉ ⴷ ⴰⵙⴻⵍⵡⴰⵢ ⴰⵇⴱⵓⵔ ⵏ ⵜⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⵏ ⵢⵉⵅⴻⴷⴷⵉⵎⴻⵏ ⵉⵏⵎⴻⵜⵜⵉⵢⴻⵏ ⵏ ⵓⵙⵙⴻⴳⵎⵉ (1999-2006), ⴼⴰⵔⵉⴷ ⴱⴻⵏ ⴰⵎⴻⵔ, ⴰⵏⴻⵎⵀⴰⵍ ⵏ ⵜⴻⴷⵔⵉⵎⵜ ⴰⵇⴱⵓⵔ ⵏ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵢⵉⵙⴻⵏⴽⵉⴷⴻⵏ ⵉⵏⵎⴻⵜⵜⵉⵢⴻⵏ (ⵛⵏⴰⵙ), ⵎⵓⵙⵜⴰⵒⵀⴰ ⵎⴻⵏⴰⴷ, ⴰⵏⴻⵎⵀⴰⵍ ⴰⵎⴰⵜⵓ ⴰⵇⴱⵓⵔ ⵏ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⵖⴻⵍⵍⵉⵙⵜ ⵏ ⵡⵉⴷ ⵓⵔ ⵢⴻⵙⵄⵉⵏ ⵜⴰⵛⴻⵀⵕⵉⵜ (ⵛⴰⵙⵏⵧⵙ), ⵀⴰⵙⵙⴻⵏ ⴱⵧⵓⴱⴻⴷⵔⴰ ⴷ ⵓⵏⴰⴳⵉ ⵢⵧⵓⵛⴻⴼ ⴱⴻⵏ ⵢⵧⵓⵙⴼⵉ.

ⴰⵏⴻⴳⴳⴰⵔⵓ-ⴰ ⴷ ⵏⴻⵜⵜⴰ ⴰⵢ ⴷ ⴰⵡⵃⵉⴷ ⵓⵔ ⴷ-ⵢⴻⵙⵄⴻⴷⴷⴰⵏ ⴰⵔⴰ ⵍⵃⴻⴱⵙ ⴷⴻⴳ ⵛⵛⵕⴻⵄ-ⵏⵏⵉ ⴰⵎⴻⵣⵡⴰⵔⵓ ⴰⵢ ⴷ-ⵢⴻⵍⵍⴰⵏ ⴷⴻⴳ 2007. ⴰⵏⴰⴳⵉ ⴰⵎⴻⵣⵡⴰⵔⵓ ⴰⵢ ⵉⴱⴻⴷⴷⴻⵏ ⴷ ⴼⴰⵔⵉⴷ ⴱⴻⵏ ⴰⵎⴻⵔ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⴼⵔⴻⵏ ⵜⴰⴱⴰⵏⴽⴰ ⵏ ⴽⵀⴰⵍⵉⴼⴰ ⴰⴽⴽⴻⵏ ⴰⴷ ⵢⴻⵙⵙⴻⵔⵙ ⴷⴻⴳ-ⵙ 500 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉⵎⵉ ⵍⴼⴰⵢⴷⴰ ⴷⴻⴳ-ⵙ ⵜⴻⵍⵍⴰ ⵙ 12% ⴷⴻⴳ ⵡⴰⴽⵓⴷ ⴰⵢⴷⴻⴳ ⵜⴰⴱⴰⵏⴽⴰ ⵜⵓⴼⴼⵉⵖⵜ ⵏ ⵍⴷⵣⴰⵢⴻⵔ (ⴱⴻⴰ) ⵜⴻⵍⵍⴰ ⵜⴻⵜⵜⴰⴽⴼ ⵍⴼⴰⵢⴷⴰ ⵏ 2% ⴽⴰⵏ ⵓⵇⴱⴻⵍ 2001, ⵢⵉⵍⵉ ⵓⵇⴱⴻⵍ ⵡⴰⵢⴰ, ⵜⴻⵍⵍⴰ ⵜⴻⵜⵜⴰⴽⴼ ⵍⴼⴰⵢⴷⴰ ⵏ 11,45%.

ⵉⴷⵔⵉⵎⴻⵏ-ⵏⵏⵉ ⵍⵍⴰⵏ ⵏⴰⵇⴰⵍ ⵜⵜⵡⴰⵡⴻⵀⵀⴰⵏ ⵉ ⵢⵉⵅⴻⴷⴷⴰⵎⴻⵏ ⵏ ⵓⵃⵔⵉⵛ ⵏ ⵓⵙⵙⴻⴳⵎⵉ (ⵜⵜⴻⵕⴱⴻⵢⵢⴰ), ⵢⴻⵔⵏⴰ ⵎⵉ ⵔⵙⴻⵏ ⴷⴻⴳ ⵜⴱⴰⵏⴽⴰ-ⵏⵏⵉ ⵏ ⴽⵀⴰⵍⵉⴼⴰ, ⵡⴻⵔⵊⵉⵏ ⵙⵙⴰⵡⴹⴻⵏ ⴰⴷ ⵜⴻⵏ-ⵉⴷ-ⵔⵔⴻⵏ, ⵖⴰⵙ ⴰⴽⴽⴻⵏ ⵓⵔⴰⵏ ⵜⵉⴱⵕⴰⵜⵉⵏ ⵉ ⵜⵏⴻⴳⴳⴰ ⵏ ⵜⴱⴰⵏⴽⴰ-ⴰ ⴷⴻⴳ ⵍⵃⴻⵕⵕⴰⵛ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴰⴳⵉ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵢⴻⵔⵔⴰ-ⴷ 168.000 ⵏ ⵢⵉⴷⵉⵏⴰⵕⴻⵏ ⵉ ⵢⵉⵎⵚⴻⴼⴼⵉ, ⵎⵧⵏⵛⴻⴼ ⴱⴰⴷⵙⵉ.

ⵎⵉ ⵢⴻⵜⵜⵡⴰⵜⵜⴻⵔ ⵖⴻⴼ ⵜⴽⴰⵔⴹⴰ ⵏ ⵔⵔⴻⴽⴱⴰ ⴱⴰⵟⴻⵍ ⴷⴻⴳ ⵢⵉⵙⴰⴼⴰⴳⴻⵏ ⵏ ⴽⵀⴰⵍⵉⴼⴰ ⴰⵉⵔⵡⴰⵢⵙ (ⵙ ⵏⴻⵜⵜⴰ ⴷ ⵜⵡⴰⵛⵓⵍⵜ-ⵏⵏⴻⵙ) ⴰⴽⴽⴻⵏ ⴰⴷ ⵢⴻⴷⴷⵓ ⵖⴻⵔ ⴷⵓⴱⴰⵢ, ⴰⵏⴰⴳⵉ-ⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵍⵍⴰⵏ ⴷⴰⵖ ⵢⵉⵙⴻⵍⵎⴰⴷⴻⵏ « ⴰⵢ ⵉⴼⵓⵔⵚⴻⵏ ⵙⴻⴳ ⵓⵊⴰⵣⵉ-ⴰ ».

ⴰⵏⴻⵎⵀⴰⵍ ⴰⵇⴱⵓⵔ ⵏ ⵛⵏⴰⵙ, ⵎⵓⵙⵜⴰⵒⵀⴰ ⵎⴻⵏⴰⴷ, ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ-ⵏⵏⴻⵙ, ⴷⴰⴽⴽⴻⵏ ⵢⴻⵙⵙⴻⵔⵙ 10 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ ⵜⴱⴰⵏⴽⴰ ⵏ ⴽⵀⴰⵍⵉⴼⴰ ⴰⵢ ⵢⴻⵜⵜⵡⴰⴼⴻⵙⵅⴻⵏ, ⵢⴻⵔⵏⴰ ⵉⴳⴰ ⴰⵢⴰ ⵙⴷⴻⴼⴼⵉⵔ ⵎⴰ ⵢⴻⵇⴱⴻⵍ-ⴰⵙ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⵏ ⵓⵙⴻⵏⴷⵓⵇ, ⴰⵢ ⵢⴻⵙⵙⴻⵍⵡⵉ ⵓⵎⴰⵔⵓ ⴰⵎⴰⵜⵓ ⵏ ⵜⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ (ⵓⴳⵜⴰ), ⴰⴱⴷⴻⵍⵎⴰⴷⵊⵉⴷ ⵙⵉⴷⵉ-ⵙⴰⵉⴷ.

ⵀⴰⵙⵙⴻⵏ ⴱⵧⵓⴱⴻⴷⵔⴰ, ⴰⵏⴻⵎⵀⴰⵍ ⴰⵎⴰⵜⵓ ⴰⵇⴱⵓⵔ ⵏ ⵛⴰⵙⵏⵧⵙ, ⴰⵢ ⴷ-ⵢⴻⵙⵄⴻⴷⴷⴰⵏ 4 ⵏ ⵢⵉⵙⴻⴳⴳⴰⵙⴻⵏ ⵏ ⵍⵃⴻⴱⵙ, ⵢⴻⵔⵏⵏⴰ-ⴷ ⴷⴰⴽⴽⴻⵏ ⵍⵍⴰⵏ-ⴷ « ⵡⵓⴳⵓⵔⴻⵏ » ⴷⴻⴳ ⵓⵅⴻⵍⵍⴻⵚ ⵏ ⵢⵉⴱⵓⵔⵚⵢⵓⵏⴻⵏ ⵏ ⵍⵍⴰⵏⵜⵔⵉⵜ ⵙ ⵜⴱⴰⵏⴽⴰ ⵏ ⴱⴻⴰ, ⴷⵖⴰ ⵖⴻⴼ ⵡⴰⵢⴰ ⴰⵢ ⴼⴻⵔⵏⴻⵏ ⵜⴰⴱⴰⵏⴽⴰ ⵜⵓⵙⵍⵉⴳⵜ ⵏ ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ ⴰⴽⴽⴻⵏ ⴰⴷ ⵙⵙⴻⵔⵙⴻⵏ 12 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵍⵇⴰⴹⵉ ⵎⴻⵏⵧⵓⴰⵔ.

ⵎⵉ ⵜ-ⵢⴻⵜⵜⴻⵔ ⵍⵇⴰⴹⵉ, ⴱⵧⵓⴱⴻⴷⵔⴰ ⵢⴻⵙⵜⴻⵄⵕⴻⴼ ⴷⴰⴽⴽⴻⵏ ⵜⴻⵜⵜⵓⵏⴻⴼⴽ-ⴰⵙ ⵍⴼⴰⵢⴷⴰ ⵏ 490 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⴼⴰⵢⴷⵉ ⵙⴻⴳ ⵓⵙⵙⵉⴽⴻⵍ (ⴰⵚⴰⴼⴻⵔ) ⴱⴰⵟⴻⵍ ⴷⴻⴳ ⴽⵀⴰⵍⵉⴼⴰ ⴰⵉⵔⵡⴰⵢⵙ. ⵍⵇⴰⴹⵉ ⵎⴻⵏⵧⵓⴰⵔ ⵢⴻⵜⵜⴻⵔ ⴰⵏⴰⴳⵉ ⵢⵧⵓⵙⴼⵉ ⴱⴻⵏ ⵢⵧⵓⵛⴻⴼ ⵖⴻⴼ ⵜⵖⴰⵡⵙⵉⵡⵉⵏ-ⵏⵏⵉ ⵜⵓⵣⵍⵉⴳⵉⵏ ⴰⵢ ⴷ-ⵢⴻⴽⵛⴻⴼ ⵎⵉ ⵢⴻⵍⵍⴰ ⵉⵅⴻⴷⴷⴻⵎ ⴷⴻⴳ ⵜⴱⴰⵏⴽⴰ ⵏ ⴽⵀⴰⵍⵉⴼⴰ, ⴷⵖⴰ ⵢⴻⵏⵏⴰ-ⴷ ⵓⵏⴰⴳⵉ-ⵏⵏⵉ ⴷⴰⴽⴽⴻⵏ ⵢⴻⵜⵜⵡⴰⵀⴻⵢⵢⴰ-ⴷ ⵓⵕⴰⴱⵓⵍ ⵖⴻⴼ ⵡⴰⵢⴰ ⴷⴻⴳ Ɣⵓⵛⵜ ⵏ 2000 ⵢⴻⵔⵏⴰ ⵢⴻⵜⵜⵓⵏⴻⴼⴽ ⵉ ⵜⵎⴻⵀⵍⴰ ⵏ ⵜⴱⴰⵏⴽⴰ.

ⴱⴻⵏ ⵢⵧⵓⵛⴻⴼ ⵢⴻⴽⵛⴻⵎ ⴰⴷ ⵢⴻⵅⴷⴻⵎ ⴷⴻⴳ ⵜⴱⴰⵏⴽⴰ-ⴰ ⴷⴻⴳ 1998 ⵢⴻⵔⵏⴰ ⵢⴻⴹⴹⴻⴼ ⴷⵉⵏ ⴰⵎⴽⴰⵏ ⵏ ⵢⵉⵎⵡⴻⴽⴽⴻⵍ ⴰⵎⴰⵜⵓ, ⵙⴰⴽⴽⵉⵏ ⵢⴻⵇⵇⴻⵍ ⴷ ⴰⵏⴻⵚⵚⴰⵃ ⵏ ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ ⴰⵢ ⴷ-ⵢⴻⵍⵀⴰⵏ ⴷ ⵜⴻⵙⵡⴻⴹⵜ ⵜⴰⵎⴰⵜⵓⵜ ⴷⴻⴳ 2000. ⴷⵖⴰ ⴷⴻⴳ ⵓⵙⴻⴳⴳⴰⵙ-ⵏⵏⵉ, ⵉⴳⴻⵔ ⵜⴰⵎⴰⵡⵜ ⴷⴰⴽⴽⴻⵏ « ⵜⵉⵖⴰⵡⵙⵉⵡⵉⵏ ⵓⵔ ⵍⴰ ⵜⵜⴻⴷⴷⵓⵏⵜ ⴰⵔⴰ ⴰⴽⴽⴻⵏ ⵉⵡⴰⵜⴰ », ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⴳⵏⵉⵜ-ⵏⵏⵉ « ⵜⴻⵔⵡⵉ ⴰⴽⴽ ».

ⴰⵏⴰⴳⵉ-ⴰ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵄⴻⵣⵍⴻⵏ-ⵜ ⵙⴻⴳ ⵜⴱⴰⵏⴽⴰ-ⴰ ⴷⴻⴳ ⵓⵙⴻⴳⴳⴰⵙ ⵏ 2000 « ⴰⵛⴽⵓ ⵢⴻⵍⵍⴰ ⵢⴻⵜⵜⴻⴳ ⴰⵅⴻⴷⴷⵉⵎ-ⵏⵏⴻⵙ » ⵢⴻⵔⵏⴰ ⵔⵔⴰⵏ-ⵜ ⵖⴻⵔ ⵜⴽⴻⴱⴱⴰⵏⵉⵜ ⵏ ⴽⵀⴰⵍⵉⴼⴰ ⴰⵉⵔⵡⴰⵢⵙ ⴰⵛⴽⵓ ⴷⵉⵏ « ⵓⵔ ⵢⴻⵜⵜⵛⴻⵡⵡⵉⵍ ⴰⵔⴰ ⴰⵟⴰⵙ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵅⴰⵍⵉ-ⵙ ⵏ ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ ⵙ ⵜⵉⵎⵎⴰⴷ-ⵏⵏⴻⵙ, ⴳⵀⴰⵣⵉ ⴽⴻⴱⴱⴰⵛⵀⴻ, ⵢⴻⵙⵙⴻⵎⵄⴻⵏ-ⴰⵙ-ⴷ « ⴰⴷ ⵜ-ⵢⴻⵏⵖ ».

« ⵍⵍⴰⵏ ⵎⴻⴷⴷⴻⵏ ⵓⵔ ⵢⴻⵍⵍⵉⵏ ⴰⵔⴰ ⴱⵖⴰⵏ ⴰⴷ ⵔⴻⴱⵃⴻⵏⵜ ⵜⵖⴰⵡⵙⵉⵡⵉⵏ ⴷⴻⴳ ⵜⴱⴰⵏⴽⴰ ⵏ ⴽⵀⴰⵍⵉⴼⴰ, ⵢⴻⵔⵏⴰ ⵢⴻⵍⵍⴰ ⴳⴰⵔ-ⴰⵙⴻⵏ ⵎⴰⵙⵙ ⴽⴻⴱⴱⴰⵛⵀⴻ », ⴰⵢ ⴷ-ⵢⴻⵏⵏⴰ ⵓⵏⴰⴳⵉ-ⵏⵏⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⵙⴷⴰⵜ ⵍⵇⴰⴹⵉ, ⴷⴰⴽⴽⴻⵏ « ⵢⴻⵍⵍⴰ-ⴷ ⵓⵙⴰⵄⴻⴷ ⴷ ⴰⵎⴻⵇⵔⴰⵏ ⴷⴻⴳ ⵙⵙⵓⵎⴰⵜ ⴷⴻⴳ ⴽⵔⴰ ⵏ ⵜⵏⴻⴳⴳⵉⵡⵉⵏ (ⵏ ⵜⴱⴰⵏⴽⴰ-ⴰ) ⵡⴰⵔ ⵎⴰ ⵢⴻⴳⵍⴰ-ⴷ ⴰⵢⴰ ⵙ ⵍⴰⵜⴻⵕ ⵖⴻⴼ ⵍⵅⴻⵣⵏⴰ ⵏ ⵜⴻⴷⵔⵉⵎⵜ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵙⵜⴻⵄⵕⴻⴼ ⴷⴰⴽⴽⴻⵏ ⵜⴻⵔⴹⴻⵍ-ⴰⵙ-ⴷ ⵜⴱⴰⵏⴽⴰ 150 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵙⴰⵏⵜⵉⵎⴻⵏ, ⵢⴻⵔⵏⴰ ⵢⴻⵔⵔⴰ ⵉⴷⵔⵉⵎⴻⵏ-ⴰ ⵉⵎⵉ ⵢⴰⵍ ⴰⵢⵢⵓⵔ, ⵉⴷⵉⵙ ⴰⵢ ⵜ-ⵢⴻⵙⵅⴻⴷⵎⴻⵏ ⵢⴻⵜⵜⴻⴽⴽⴻⵙ-ⴰⵙ ⵛⵡⵉⵟ ⵙⴻⴳ ⵜⵛⴻⵀⵕⵉⵜ-ⵏⵏⴻⵙ. ⴰⴱⵓⴳⴰⵟⵓ ⵏ ⵓⵎⴻⵜⵜⵀⵓⵎ ⴰⴱⴷⴻⵍⵎⵧⵓⵎⴻⵏⴻ ⴽⵀⴻⵍⵉⴼⴰ, ⵏⴰⵙⴻⵔⵔⴻⴷⵉⵏⴻ ⵍⴰⵣⴰⴰⵔ, ⵉⴳⴻⵔ-ⴷ ⵉⵎⴰⵏ-ⵏⵏⴻⵙ ⴰⴽⴽⴻⵏ ⴰⴷ ⴷ-ⵢⵉⵏⵉ ⴷⴰⴽⴽⴻⵏ ⴰⵏⴰⴳⵉ-ⴰ ⵉⴱⴻⴷⴷⴻⵍ ⴰⵡⴰⵍ-ⵏⵏⴻⵙ, ⵢⴻⵔⵏⴰ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵏⴰⴳⵉ-ⴰ « ⵙⵙⵓⵍⵉⵏ-ⴰⵙ ⴷⴻⴳ ⵓⵎⴽⴰⵏ », ⵎⴰⵛⵉ ⴷ ⴰⵄⵣⴰⵍ ⴰⵢ ⵢⴻⵜⵜⵡⴰⵄⵣⴻⵍ.

« ⵍⴻⵎⵎⴻⵔ ⵎⴰⵛⵉ ⴰⴽⴽⴰ, ⵜⵉⵍⵉ ⵓⵔ ⴰⴽ-ⴷ-ⵉⴽⴻⵛⵛⴻⴼ ⴰⵔⴰ ⵉⵙⵡⴰⴹⴻⵏ ⵏⵉⴹⴻⵏ (ⴰⴼⴻⵜⵜⴻⵛ) ⵙⴷⴻⴼⴼⵉⵔ ⵓⵕⴰⴱⵓⵍ-ⵏⵏⵉ ⴰⵢ ⴷ-ⵜⵇⴻⴷⴷⵎⴻⴷ ⴷⴻⴳ ⵓⵙⴻⴳⴳⴰⵙ ⵏ 2000 », ⴰⵢ ⴷ-ⵢⴻⵏⵏⴰ. ⵜⵉⵖⵉⵎⵉⵜ ⵏ ⵡⴰⵙⵙ ⵡⵉⵙ 16 ⵏ ⵛⵛⵕⴻⵄ ⵉⴼⵓⴽ-ⵉⵜⵜ ⵍⵇⴰⴹⵉ ⵎⴻⵏⵧⵓⴰⵔ ⵙ ⵜⵖⵓⵔⵉ ⵏ ⵡⴰⵢⴻⵏ ⴰⵢ ⴷ-ⵏⵏⴰⵏ 6 ⵏ ⵢⵉⵏⴰⴳⴰⵏ ⵓⵔ ⵉⵖⴰⴱⴻⵏ, ⵢⴻⵔⵏⴰ ⵛⵛⵀⴰⴷⴰⵜ-ⵏⵙⴻⵏ ⴳⴰⵏ-ⵜⴻⵏⵜ ⴰⵙⵎⵉ ⴰⵢ ⴱⴻⴷⴷⴻⵏ ⴰⵙⵙ ⴰⵎⴻⵣⵡⴰⵔⵓ ⵙⴷⴰⵜ ⵍⵇⴰⴹⵉ ⵏ ⵓⵃⵜⴰⵛ.