ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵏⴷⵓⴼ: ⵓⴳⴰⵔ ⵏ ⵍⵎⴻⵊⵀⵓⴷ ⵉ ⵓⵃⵔⴰⵣ ⵏ ⵍⴰⵜⴻⵕ ⴰⵇⴱⵓⵔ (ⵜⵉⴷⴷⵓⴽⵍⵉⵡⵉⵏ)
ⵜⵉⵏⴷⵓⴼ – ⵉⵎⴹⴻⴱⴱⵔⴻⵏ ⵏ ⵜⵉⴷⴷⵓⴽⵍⵉⵡⵉⵏ ⴰⵢ ⵉⵅⴻⴷⴷⵎⴻⵏ ⵖⴻⴼ ⵓⵃⵔⴰⵣ ⵏ ⵜⴳⴻⵎⵎⵉ ⵜⴰⵏⴳⴰⵏⵜ ⴷ ⵜⵔⴰⵏⴳⴰⵏⵜ ⵏⵏⴰⵏ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⵡⵓⴳⴰⵔ ⵏ ⵍⵎⴻⵊⵀⵓⴷ ⵉ ⵓⵃⵔⴰⵣ ⵏ ⵍⴰⵜⴻⵕ ⴰⵙⴻⵏⵣⵉⴽⴰⵏ ⵢⴻⵎⴼⵓⵣⵔⴰⵄⴻⵏ ⴷⴻⴳ ⵜⴻⵎⵏⴰⴹⵉⵏ ⵜⴻⵎⴳⴻⵔⵔⴰⴷⴻⵏ ⵏ ⵜⵡⵉⵍⴰⵢⵜ ⵏ ⵜⵉⵏⴷⵓⴼ.
ⴰⵅⴻⴷⴷⵉⵎ ⴰⵢ ⵢⴻⵙⵙⴻⴼⴽⴻⵏ ⴰⴷ ⴷ-ⵢⵉⵍⵉ ⵏⴻⵜⵜⴰ ⴷ ⴰⵃⵔⴰⵣ ⵏ ⵍⴰⵜⴻⵕ-ⴰ ⵙⴻⴳ « ⵓⵅⵚⴰⵔ » ⴰⵢ ⵢⴻⵜⵜⵃⴰⵣⴻⵏ ⵛⵡⵉⵟ, ⵛⵡⵉⵟ, ⴰⵟⴰⵙ ⵙⴻⴳ ⵢⵉⵎⵓⴽⴰⵏ ⴰⵢⴷⴻⴳ ⵢⴻⵍⵍⴰ ⵢⴻⵔⵏⴰ ⵢⴻⵣⵎⴻⵔ ⴰⴷ ⵢⴻⵄⵔⴻⵇ ⴰⴽⴽ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ ⵓⵏⴻⵎⵀⴰⵍ ⵏ ⵜⵉⴷⴷⵓⴽⵍⴰ ⵜⴰⴷⵉⴳⴰⵏⵜ « ⴻⵍ-ⴵⴰⵡⵀⴰⵕⴰ », ⴰⴱⴷⴻⵍⴰⵣⵉⵣ ⵜⴰⵀⴰⵔ.
ⵜⴰⵎⵏⴰⴹⵜ-ⴰ ⵜⴻⵛⵛⵓⵕ ⴷ ⵉⵎⵓⴽⴰⵏ ⵏ ⵍⴰⵜⴻⵕ ⴰⵇⴱⵓⵔ, ⵢⴻⵔⵏⴰ ⵉⵎⵓⴽⴰⵏ-ⴰ ⴷ ⵍⵓⵎⵉⵕⴰⵜ ⴷⴻⴳ ⵓⵎⴻⵣⵔⵓⵢ ⵏ ⵜⴻⵎⵏⴰⴹⵜ ⵢⴻⵔⵏⴰ ⵃⵡⴰⵊⴻⵏ ⴰⴷ ⴷ-ⵔⵔⴻⵏ ⵖⴻⵔ-ⵙⴻⵏⵜ ⵎⴻⴷⴷⴻⵏ ⵓⴳⴰⵔ ⵏ ⵍⵡⴻⵍⵀⴰ. Ɣⴻⴼ ⵡⴰⵢⴰ, ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵅⴻⴷⴷⵉⵎ ⵙ ⵜⵖⴰⵡⵍⴰ ⵉ ⵓⵃⵔⴰⵣ-ⵏⵙⴻⵏ ⵙ ⵜⵜⴰⵡⵉⵍⴰⵜ ⴰⵔⴰ ⵉⴳⴻⵏ ⵍⴻⵇⵔⴰⵔ ⵉ ⵜⵙⴻⴳⴷⴰ ⵏ ⵜⴻⵎⵏⴰⴹⵜ-ⴰ ⴷ ⵡⴰⵢⴻⵏ ⴰⴽⴽ ⵢⴻⴷⴷⴰⵏ ⵢⵉⴷ-ⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ.
ⵉⵎⴹⴻⴱⴱⴻⵔ-ⴰ ⵢⴻⵔⵔⴰ ⵜⴰⵊⵎⵉⵍⵜ ⵉ ⵍⵎⴻⵊⵀⵓⴷ ⴰⵢ ⴳⴰⵏ ⵢⵉⵎⴹⴻⴱⴱⵔⴻⵏ ⵏ ⵓⵃⵔⵉⵛ ⵏ ⵢⵉⴷⵍⴻⵙ ⴷ ⵡⵉⴷ ⵏ ⵓⴼⵔⴰⴳ ⴰⴷⴻⵍⵙⴰⵏ ⵏ ⵜⵉⵏⴷⵓⴼ ⵙ ⵓⵎⵄⴰⵡⴻⵏ ⴷ ⵜⵉⴷⴷⵓⴽⵍⴰ-ⴰ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵔⴻⵇⵇⴻⵄ ⵏ ⴽⵔⴰ ⵏ ⵢⵉⵎⵓⴽⴰⵏ ⵢⴻⵇⵇⵏⴻⵏ ⵖⴻⵔ ⵓⵎⴻⵣⵔⵓⵢ ⴰⵎ ⵣⵣⴰⵡⵢⴰ ⵏ ⴱⴻⵍⵍⴻⵄⵎⴻⵛ ⴷ ⴷⵡⵉⵔⴻⵜ ⴰⵀⵍ ⵍⵄⴰⴱⴻⴷ.
ⴷ ⴰⵛⵓ ⴽⴰⵏ, ⵍⴻⵛⵖⴰⵍ-ⴰ « ⵓⵔ ⴷ-ⵜⵜⵇⴰⵎⴻⵏ ⴰⵔⴰ » ⵢⴻⵔⵏⴰ ⵃⵡⴰⵊⴻⵏ « ⵓⴳⴰⵔ ⵏ ⵓⵅⴻⴷⴷⵉⵎ ⵓⵄⵊⵉⵍ » ⵉ ⵓⵃⵓⴷⴷⵓ ⵏ ⵡⴰⵢⴻⵏ ⴰⵢ ⴷ-ⵢⴻⵇⵇⵉⵎⴻⵏ ⴷ ⵉⵎⵓⴽⴰⵏ ⵉⵙⴻⵏⵣⵉⴽⴰⵏⴻⵏ ⴷ ⵢⵉⵎⴻⵣⵔⵓⵢⴰⵏⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
Ɣⴻⴼ ⵍⴻⵃⵙⴰⴱ ⵏ ⵓⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ, ⵜⴰⵣⵔⴰⵡⵜ ⵜⴰⵜⴻⴽⵏⵉⵜ ⴰⵢ ⴳⴰⵏ ⴷⴻⴳ ⵣⵣⴰⵡⵢⴰ ⵏ ⴱⴻⵍⵍⴻⵄⵎⴻⵛ ⴰⴽⴽⴻⵏ ⴰⴷ ⵜⵜ-ⵔⴻⵇⵇⵄⴻⵏ ⵜⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵢⵉⵃⴻⵣⵣⵉⴱⴻⵏ ⵏ ⵓⵚⴻⵏⵏⴻⴼ ⵏ ⵢⵉⴷⴻⴳⴳⴻⵏ ⴷ ⵍⵎⵓⵏⵉⵎⴰⵜ ⵏ 1998, ⴷ ⴰⵛⵓ ⴽⴰⵏ ⵓⵔ ⵜⴻⴷⴷⵉ ⴰⵔⴰ ⴰⵟⴰⵙ ⵖⴻⵔ ⵙⴷⴰⵜ, ⴰⵎ ⵡⴰⴽⴽⴻⵏ « ⴰⵢ ⵜⴻⵛⵛⵓⵕ ⴷ ⵍⴻⵄⵢⵓⴱ ⵉⵜⴻⴽⵏⵉⵢⴻⵏ », ⴷⵖⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵉⵎⴹⴻⴱⴱⵔⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴷ ⵃⴻⴱⵙⴻⵏ ⵛⵛⵖⴻⵍ-ⴰ.
ⵙⴻⴳ ⵍⴻⵄⴹⵉⵍ ⴰⴷ ⵜⵜⵡⴰⵚⴻⴳⴳⵎⴻⵏ ⵍⴻⵄⵢⵓⴱ-ⴰ, ⵜⵉⴷⴷⵓⴽⵍⴰ ⵜⴳⴻⵔ-ⴷ ⵜⵉⵖⵔⵉ ⵉ ⵢⵉⵎⴹⴻⴱⴱⵔⴻⵏ ⵏ ⵓⵃⵔⵉⵛ-ⴰ ⴰⴷ ⴳⴻⵏ ⴰⵢⴻⵏ ⵢⴻⵙⵙⴻⴼⴽⴻⵏ ⴰⴽⴽⴻⵏ ⴰⴷ ⵃⵓⴷⴷⴻⵏ ⵉⵎⵓⴽⴰⵏ ⴰⵢ ⵍⴰ ⵉⴷⴻⵔⵔⵎⴻⵏ, ⵍⴰⴷⵖⴰ ⵙⵙⵇⵓⴼⴰⵜ ⴷ ⵢⵉⵖⴻⵔⴱⴰⵏ, ⵙ ⵓⵙⵙⴻⵊⵀⴻⴷ-ⵏⵙⴻⵏ ⵙ ⵜⵙⵓⵍⴰⵍ ⵏ ⵡⵓⵣⵣⴰⵍ.
ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⴻⵎⵀⴰⵍ ⵏ ⵢⵉⴷⵍⴻⵙ ⵏ ⵜⵡⵉⵍⴰⵢⵜ ⵏ ⵜⵉⵏⴷⵓⴼ, ⴰⴱⴷⴻⵍⴰⵣⵉⵣ ⴰⴱⴰⴱⵙⵉⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵍⴻⵛⵖⴰⵍ ⵢⴻⵎⴳⴻⵔⵔⴰⴷⴻⵏ ⴰⵢ ⴷ-ⵊⴻⵔⵔⴷⴻⵏ ⵉ ⵓⵔⴻⵇⵇⴻⵄ ⵏ ⵢⵉⵎⵓⴽⴰⵏ ⵉⵎⴻⵣⵔⵓⵢⴰⵏⴻⵏ, ⴳⴰⵔ-ⴰⵙⴻⵏ ⵣⵣⴰⵡⵢⴰ ⵏ ⴰⵀⵍ ⴱⴻⵍⵍⴻⵄⵎⴻⵛ ⴷ ⴷⵡⵉⵔⴻⵜ ⴰⵀⵍ ⴻⵍ-ⴰⴱⴻⴷ, ⵓⵔ ⴷ-ⵓⴼⵉⵏ ⴰⵔⴰ ⴰⵏⵡⴰ ⴰⵔⴰ ⴷ-ⵢⴻⵍⵀⵓⵏ ⵢⴻⵙ-ⵙⴻⵏ ⵖⴻⴼ ⵍⴵⴰⵍ ⵏ ⵡⴰⵟⴰⵙ ⵏ ⵙⵙⴻⴱⴱⴰⵜ, ⵢⴻⵔⵏⴰ ⵢⵉⵡⴻⵜ ⵙⴻⴳ-ⵙⴻⵏⵜ ⵏⴻⵜⵜⴰⵜ ⵓⵍⴰⵛ ⵜⵉⵏⴰⵔⵉⵢⵉⵏ ⵏ ⵜⴻⵣⵔⴰⵡⵜ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⴷⴻⴳ ⵜⴻⵣⵔⴰⵡⵉⵏ ⵏ ⵚⵚⴻⵏⴼ-ⴰ ⵙ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ.
ⵣⵣⴰⵡⵢⴰ ⵏ ⴰⵀⵍ ⴱⴻⵍⵍⴻⵄⵎⴻⵛ ⵜⵓⵙⴰ-ⴷ ⵜⴰⵎⴰ ⵏ ⵍⴻⵎⵇⴰⵎ ⵏ ⵓⵎⴰⵙⵙⴰⵏ ⵎⵧⵀⴰⵎⴻⴷ ⴻⵍ-ⵎⵧⴽⵀⵜⴰⵔ ⴱⴻⵍⵍⴻⵄⵎⴻⵛ, ⵢⴻⵔⵏⴰ ⵜⴻⵍⵍⴰ ⴷⴻⴳ-ⵙ ⵜⵎⴻⵙⴳⵉⴷⴰ, « ⵜⴰⵅⵣⴰⵏⵜ » (ⵜⴰⵎⴽⴰⵔⴹⵉⵜ) ⴰⵢⴷⴻⴳ ⵍⵍⴰⵏ 600 ⵏ ⵢⵉⴷⵍⵉⵙⴻⵏ ⵢⵓⵔⴰⵏ ⵙ ⵓⴼⵓⵙ. ⵎⴰ ⴷ ⴷⵡⵉⵔⴻⵜ ⴰⵀⵍ ⵍⵄⴰⴱⴻⴷ ⵍⵍⴰⵏ ⴷⴻⴳ-ⵙ ⴰⵟⴰⵙ ⵏ ⵢⵉⵎⵓⴽⴰⵏ ⵏ ⵓⵄⴱⴰⴷ ⴷ ⵡⴰⵟⴰⵙ ⵏ ⵢⵉⴷⵍⵉⵙⴻⵏ ⵢⵓⵔⴰⵏ ⵙ ⵓⴼⵓⵙ. ⵙⵉⵏ-ⴰ ⵏ ⵢⵉⵎⵓⴽⴰⵏ ⵙⴻⴳ ⴳⴰⵔ ⵡⴰⵟⴰⵙ ⵏ ⵢⵉⵎⵓⴽⴰⵏ ⵉⵎⴻⵣⵔⵓⵢⴰⵏⴻⵏ ⵢⴻⵙⵄⴰⵏ ⴰⵣⴰⵍ ⴰⵙⴻⵏⵣⵉⴽⴰⵏ ⴷⴻⴳ ⵜⵡⵉⵍⴰⵢⵜ ⵏ ⵜⵉⵏⴷⵓⴼ.
ⴷⴰⵔ ⴷⴷⵉⵎⴰⵏⵉ ⵍⵡⴻⵙⵔⵉ, ⴰⵢ ⴷ-ⵢⴻⵣⴳⴰⵏ ⴷⴻⴳ ⵜⵉⵏⴷⵓⴼⵜ, ⴷ ⵜⵎⵉⵡⴰ ⵏ ⵍⴻⵇⵚⵉⴱⴰ, ⵍⵃⴻⵏⴽ, ⵍⴻⵄⵡⵉⵏⴰⵜ, ⵙⴻⴼⵉⵢⴻⵜ, ⵄⵡⵉⵏⴰⵜ ⴱⴻⵍⵍⴻⴳⵕⴻⵄ, ⵜⴰⴳⴼⵓⵎⵜ ⴷ ⵇⴻⵍⵄⴻⵜ ⵍⴱⴻⵔⵜⵖⵉⵣ ⴷ ⴽⵔⴰ ⵙⴻⴳ ⵢⵉⵎⵓⴽⴰⵏ ⵉⵙⴻⵏⵣⵉⴽⴰⵏⴻⵏ ⵏⵉⴹⴻⵏ ⵏ ⵜⵡⵉⵍⴰⵢⵜ-ⴰ.
