ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴻⴱⴷⴰ-ⴷ ⵜⴻⵎⵍⵉⵍⵉⵜ ⵜⵉⵙ 3 ⵏ ⵓⵎⵛⵉⵡⴻⵕ ⴳⴰⵔ ⵢⵉⵍⵉⴱⵉⵢⴻⵏ ⴷⴻⴳ ⵍⴷⵣⴰⵢⴻⵔ
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵜⴻⴱⴷⴰ-ⴷ ⵜⴻⵎⵍⵉⵍⵉⵜ ⵜⵉⵙ 3 ⵏ ⵓⴷⵉⵡⴻⵏⵏⵉ ⴳⴰⵔ ⵢⵉⵍⵉⴱⵉⵢⴻⵏ, ⴷ ⵜⵉⵏ ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏ ⵢⵉⵎⴹⴻⴱⴱⵔⴻⵏ ⴷ ⵢⵉⵖⴻⵍⵍⴰⵜⴻⵏ ⵏ ⵢⵉⴽⴰⴱⴰⵔⴻⵏ ⵉⵙⴻⵔⵙⵉⵢⴻⵏ ⴷ ⵢⵉⵎⴻⵖⵏⴰⵙⴻⵏ ⵉⵍⵉⴱⵉⵢⴻⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵍⵉⴱⵢⴰ ⵙ ⵓⴱⵔⵉⴷ ⴰⵙⴻⵔⵜⵉ.
ⵜⴰⴼⴰⴳⵍⴰ ⵏ ⵓⵔⵥⴰⵎ ⵏ ⵜⴻⵎⵍⵉⵍⵉⵜ-ⴰ ⵢⴻⵙⵙⴻⵍⵡⵉ-ⵜⵜ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵜⴻⵎⵖⵓⵏⵜ ⵜⴰⵄⵕⴰⴱⵜ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⵙ ⵓⵃⴷⴰⵕ ⵏ ⵓⵎⴰⵣⵓⵏ ⵓⵣⵣⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ, ⴱⴻⵔⵏⴰⵔⴷⵉⵏⵧ ⵍⴻⵧⵏⴻ.
ⵜⵉⵎⵍⵉⵍⵉⵜ-ⴰ ⵜⵉⵙ ⴽⵔⴰⴹⵜ (3) ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⵜⵓⴷⴻⴼ ⴷⴻⴳ ⵓⴽⴰⵜⴰⵔ ⵏ ⵍⵎⴻⵊⵀⵓⴷ ⵢⴻⵜⵜⴽⴻⵎⵎⵉⵍⴻⵏ ⵏ ⵍⴷⵣⴰⵢⴻⵔ ⴰⴽⴽⴻⵏ ⴰⴷ ⴷ-ⵜⴻⵙⵙⴻⵎⵍⵉⵍ ⵉⴷⵉⵙⴰⵏ ⵉⵍⵉⴱⵉⵢⴻⵏ ⵖⴻⵔ ⵓⵎⵛⵉⵡⴻⵕ ⴰⴽⴽⴻⵏ ⴰⴷ ⴷ-ⵜⴰⴼ ⵜⴰⵍⵓⴼⵜ ⵏ ⵍⵉⴱⵢⴰ ⵜⵉⴼⵔⴰⵜ ⵙ ⵓⴱⵔⵉⴷ ⵏ ⵜⵙⴻⵔⵜⵉ, ⵍⴰⴷⵖⴰ ⵉⵎⵉ ⴰⵏⴰⴱⴰⴹ ⴷ ⵓⵎⵏⵉ ⵏ ⵜⵎⵓⵔⵜ-ⴰ ⴱⴹⴰⵏ ⵖⴻⴼ ⵙⵉⵏ ⵢⴻⵔⵏⴰ ⵍⴰ ⵜⵜⵏⴰⵖⴻⵏ ⵖⴻⴼ ⵓⴷⴰⴱⵓ.
ⵎⴻⵏⵖⵉⵔ ⵜⵉⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ, ⵉⵎⵜⵜⴻⴽⴽⵉⵢⴻⵏ ⴰⴷ ⵙⵙⵉⵡⵍⴻⵏ, ⴷⴻⴳ ⵙⵉⵏ-ⴰ ⵏ ⵡⵓⵙⵙⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⵢⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⵢⴻⵜⵜⵡⴻⴳ ⴷⴻⴳ ⵜⴻⵎⵙⴰⵍⵜ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷ ⵜⴻⴷⵢⴰⵏⵉⵏ ⵜⵉⵏⴻⴳⴳⵓⵔⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⵉⴱⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴻⵙⵙⴰⵀⴻⵍ ⵢⵉⵡⴻⵏ ⵡⴰⵙⵙ ⵓⵇⴱⴻⵍ ⵜⴻⵎⵍⵉⵍⵉⵜ-ⴰ.
ⴰⵜⵜⴻⴽⴽⵉ ⴷⴻⴳ ⵜⴻⵎⵍⵉⵍⵉⵜ-ⴰ « ⴷ ⴰⵢⴻⵏ ⴰⵔⴰ ⴷ-ⵢⴰⵡⵉⵏ ⵍⴰⵜⴻⵕ ⵎⴻⵖⵖⵔⴻⵏ ⵓⴳⴰⵔ ⵉⵎⵉ ⴰⵔⴰ ⵉⵍⵉⵏ ⴷⴻⴳ-ⵙ ⵡⵓⴷⵎⴰⵡⴻⵏ ⵉⵍⵉⴱⵉⵢⴻⵏ ⵉⵎⴰⵢⵏⵓⵜⴻⵏ ⴰⵢ ⵢⴻⵙⵄⴰⵏ ⴷⴷⵓⵕ ⴷⴻⴳ ⵓⵏⵔⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
