ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵏⴷⵓⴼ: ⴰⵀⵉⵍ ⵏ ⵓⴷⴰⵡⵉ ⵏ 4500 ⵏ ⵜⴻⵣⴷⴰⵢⵉⵏ ⵎⴳⴰⵍ ⵡⴰⴹⴹⴰⵏ ⵏ ⴱⵓⴼⴻⵕⵡⴰ

ⵜⵉⵏⴷⵓⴼ – ⵙⵡⴻⵊⴷⴻⵏ-ⴷ ⵢⵉⵡⴻⵏ ⵏ ⵡⴰⵀⵉⵍ ⵉ ⵓⴷⴰⵡⵉ ⵏ 4500 ⵏ ⵜⴻⵣⴷⴰⵢⵉⵏ (300 ⵏ ⵢⵉⵇⴻⵟⵟⴰⵔⴻⵏ) ⴷⴻⴳ ⵜⵉⵏⴷⵓⴼ ⵎⴳⴰⵍ ⵡⴰⴹⴹⴰⵏ ⵏ ⴱⵓⴼⴻⵕⵡⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⵎⴻⵀⵍⴰ ⵜⴰⴷⵉⴳⴰⵏⵜ ⵏ ⵢⵉⵎⴻⵥⵍⴰ ⵏ ⵜⴼⴻⵍⵍⴰⵃⵜ ⴰⵙⵙ ⵏ ⵍⴰⵕⴻⴱⵄⴰ.

ⵜⴰⵃⴻⵎⵍⴰ-ⴰ ⵏ ⵓⵃⴻⵣⵣⴻⴱ ⵉⵙⵡⵉ-ⵏⵏⴻⵙ ⴷ ⴰⵙⵙⴻⵏⴳⴻⵔ ⵏ ⵢⵉⵡⴻⵏ ⵙⴻⴳ ⵡⴰⴹⴹⴰⵏⴻⵏ ⵉⵎⵉⵀⴰⵡⴻⵏ ⴰⴽⴽ ⴰⵢ ⵢⴻⵜⵜⵃⴰⵣⴻⵏ ⵜⵉⵣⴷⴰⵢⵉⵏ ⵏ ⵜⵉⵏⵉ (ⵜⵜⵎⴻⵕ) ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⴼⴻⵍⵍⴰⵃⵜ ⵏ ⵜⵡⵉⵍⴰⵢⵜ ⵏ ⵜⵉⵏⴷⵓⴼ.

ⵉⵅⴻⴷⴷⴰⵎⴻⵏ ⴰⴽⴽ ⴷ ⵜⵜⴰⵡⵉⵍⴰⵜ ⴰⵔⴰ ⵃⵡⵉⵊⴻⵏ ⵙⵡⴻⵊⴷⴻⵏ-ⵜⴻⵏ-ⵉⴷ, ⴰⵎ ⵡⴰⴽⴽⴻⵏ ⴰⵢ ⵡⴻⵊⴷⴻⵏ ⵢⵉⴼⴰⵔⵉⵙⴻⵏ ⴰⵢ ⵉⵏⴻⵖⵖⴻⵏ ⵉⴱⴻⵄⵄⵓⵛⴻⵏ ⵖⴻⵔ ⵜⵎⴻⵀⵍⴰ ⵏ ⵓⵃⵓⴷⴷⵓ ⵏ ⵢⵉⵎⵖⴰⵏ ⴷ ⵓⵙⵙⴻⴼⵇⴻⴷ ⴰⵜⴻⴽⵏⵉ ⵏ ⵓⵖⵍⵉⴼ ⵏ ⵜⴼⴻⵍⵍⴰⵃⵜ ⴷ ⵜⵏⴻⴼⵍⵉⵜ ⵏ ⵜⵎⵓⵔⵜ ⴰⴽⴽⴻⵏ ⴰⴷ ⵙⵔⴻⴱⵃⴻⵏ ⵛⵛⵖⴻⵍ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⵡⴰⴹ ⵏ ⵜⴷⴰⵡⵙⴰ ⵏ ⵢⵉⵎⵖⴰⵏ ⴷⴻⴳ ⵜⵎⴻⵀⵍⴰ ⵏ ⵢⵉⵎⴻⵥⵍⴰ ⵏ ⵜⴼⴻⵍⵍⴰⵃⵜ ⵏ ⵜⵉⵏⴷⵓⴼ, ⵎⵧⵀⴰⵎⴻⴷ ⴱⵧⵓⴰⵣⵣⴰ.

ⵉⵎⴻⵥⵍⴰ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵓⴼⴰⵏ-ⴷ ⵓⴳⴰⵔ ⵏ ⵢⵉⵎⵓⴽⴰⵏ ⴰⵢⴷⴻⴳ ⴰⴹⴹⴰⵏ-ⴰ ⵢⴻⵙⵙⴻⴳⴳⵔⴰ-ⴷ ⴰⵅⴻⵚⵚⴰⵔ ⵉ ⵍⵖⴻⵍⵍⴰ ⵏ ⵜⵉⵏⵉ ⴰⵙⴻⴳⴳⴰⵙ ⵢⴻⵣⵔⵉⵏ, ⵓⵍⴰ ⵎⴰ ⴰⵙⵓⴷⵓ ⴰⵜⴻⴽⵏⵉ ⵏ ⵜⴼⴻⵍⵍⴰⵃⵜ ⵍⴰ ⵢⴻⵜⵜⴻⴳ ⵜⴰⵃⴻⵎⵍⴰ ⴰⴽⴽⴻⵏ ⴰⴷ ⴷ-ⵢⴻⵙⵃⵓⵍⴼⵓ ⵉⴼⴻⵍⵍⴰⵃⴻⵏ ⵏ ⵜⵡⵉⵍⴰⵢⵜ-ⴰ, ⵖⴻⴼ ⵍⴻⵃⵙⴰⴱ ⵏ ⵜⴻⵖⴱⴰⵍⵓⵜ-ⴰ.

ⵍⵖⴻⵍⵍⴰ ⵏ ⵜⵉⵏⵉ ⵍⴰ ⵜⵔⴻⵏⵏⵓ ⵢⴰⵍ ⴰⵙⴻⴳⴳⴰⵙ, ⵉⵎⵉ ⵉⴼⴻⵍⵍⴰⵃⴻⵏ ⵏ ⵜⴻⵎⵏⴰⴹⵜ-ⴰ ⵇⵇⵍⴻⵏ ⵜⵜⴰⴽⴼⴻⵏ ⵓⴳⴰⵔ ⵏ ⵡⴰⵣⴰⵍ ⵉ ⵓⵙⴼⵓⵍⵍⴻⵃ ⵏ ⵍⵖⴻⵍⵍⴰ-ⴰ, ⴷⵖⴰ ⴷ ⴰⵢⴰ ⴰⵢ ⴰⵙⴻⵏ-ⵉⴳⴰⵏ ⵉⴼⴰⴷⴷⴻⵏ, ⵍⴰⴷⵖⴰ ⵉⵎⵉ ⴰⵢ ⵔⴻⴱⵃⴻⵏⵜ ⴽⵔⴰ ⵏ ⵛⵛⴻⵜⵍⴰⵜ ⵏ ⵜⵉⵏⵉ ⵏ ⵜⴻⵎⵏⴰⴹⵜ-ⴰ ⴰⵎ ⵍⴻⵃⵎⵉⵕⴰ, ⵜⴻⵏⵏⴰⵙⴻⵔ, ⵍⴼⴻⴳⴳⵓⵙ, ⵃⴻⵔⵟⴰⵏ, ⵍⴻⵄⴹⴻⵎ ⴷ ⵅⴻⵍⵜ, ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⴱⵧⵓⴰⵣⵣⴰ.