ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵓⵣⵣⵢⴰ ⵜⵉⵙ 3 ⵏ ⵓⵎⵛⵉⵡⴻⵕ ⴳⴰⵔ ⵢⵉⵍⵉⴱⵉⵢⴻⵏ: ⵜⵉⵎⵍⵉⵍⵉⵜ ⴰⴷ ⵜⴽⴻⵎⵎⴻⵍ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴷⵣⴰⵢⴻⵔ
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵉⵅⴻⴷⴷⵉⵎⴻⵏ ⵏ ⵜⵓⵣⵣⵢⴰ ⵜⵉⵙ 3 ⵏ ⵓⵎⵛⵉⵡⴻⵕ ⴳⴰⵔ ⵢⵉⵍⵉⴱⵉⵢⴻⵏ (ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏ ⵢⵉⵎⴹⴻⴱⴱⵔⴻⵏ ⴷ ⵢⵉⵖⴻⵍⵍⴰⵜⴻⵏ ⵏ ⵢⵉⴽⴰⴱⴰⵔⴻⵏ ⵉⵙⴻⵔⵜⵉⵢⴻⵏ ⴷ ⵢⵉⵎⴻⵖⵏⴰⵙⴻⵏ ⵉⵍⵉⴱⵉⵢⴻⵏ) ⴱⴷⴰⵏ-ⴷ ⵉⴹⴻⵍⵍⵉ, ⵍⴰⵕⴻⴱⵄⴰ, ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵔⵏⴰ ⴽⴻⵎⵎⵍⴻⵏ ⴰⵙⵙ ⵏ ⵍⴻⵅⵎⵉⵙ ⴷⴻⴼⴼⵉⵔ ⵜⴻⵡⵡⵓⵔⴰ ⵉⵖⴻⵍⵇⴻⵏ ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵖⴻⵔ ⴼⴻⵔⵔⵓ ⴰⵙⴻⵔⵜⵉ ⵏ ⵜⴰⵍⵓⴼⵜ ⴷⴻⴳ ⵜⵎⵓⵔⵜ-ⴰ.
ⵜⵓⵣⵣⵢⴰ-ⴰ ⵜⵉⵙ 3 ⵏ ⵍⴷⵣⴰⵢⴻⵔ ⴷ ⵜⵉⵏ ⴰⵢⴷⴻⴳ ⴰⵔⴰ ⵃⴻⴷⵕⴻⵏ ⵢⵉⴳⴻⵏⵙⴰⵙⴻⵏ ⵉⴳⴻⵊⴷⴰⵏⴻⵏ ⵏ ⵜⴻⴳⵔⴰⵡⵉⵏ ⵜⵉⵙⴻⵔⵜⵉⵢⵉⵏ ⵏ ⵍⵉⴱⵢⴰ ⴰⴽⴽⴻⵏ ⴰⴷ ⵎⵛⵉⵡⵕⴻⵏ ⵖⴻⴼ ⵓⵎⵜⴰⵡⴰ ⵏ ⵜⴰⵍⵡⵉⵜ ⴰⵔⴰ ⵉⴼⴰⴽⴻⵏ ⵜⴰⵍⵓⴼⵜ ⴰⵢ ⵉⵃⵓⵣⴰⵏ ⵜⴰⵎⵓⵔⵜ-ⴰ.
ⴰⵎⴰⵣⵓⵏ ⵓⵣⵣⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ, ⴱⴻⵔⵏⴰⵔⴷⵉⵏⵧ ⵍⴻⵧⵏ, ⵢⴻⵏⵏⴰ-ⴷ ⴰⵙⵙ ⵍⴰⵕⴻⴱⵄⴰ, ⵎⵉ ⴱⴷⴰⵏ ⵢⵉⵅⴻⴷⴷⵉⵎⴻⵏ ⵏ ⵜⴻⵎⵍⵉⵍⵉⵜ ⴷⴰⴽⴽⴻⵏ ⵜⵉⵎⵍⵉⵍⵉⵜ-ⴰ ⵜⵉⵙ 3 ⵏ ⵓⵎⵛⵉⵡⴻⵕ ⴳⴰⵔ ⵢⵉⵍⵉⴱⵉⵢⴻⵏ « ⵜⴻⵙⵄⴰ ⴰⵣⴰⵍ ⴷ ⴰⵎⴻⵇⵔⴰⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵙⵙⵉⵡⴹⴻⵏ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵖⴻⵔ ⵓⵙⴻⵏⴼⴰⵔ ⵏ ⵓⵎⵜⴰⵡⴰ ⴰⵔⴰ ⵇⴻⴱⵍⴻⵏ ⴰⴽⴽ ⵢⵉⵍⵉⴱⵉⵢⴻⵏ.
ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵜⴻⵎⵖⵓⵏⵜ ⵜⴰⵄⵕⴰⴱⵜ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴰⴷⴷⴰⴷ ⵓⵔ ⵢⴻⵜⵜⴱⴻⴷⴷⵉⵍⴻⵏ ⵏ ⵍⴷⵣⴰⵢⴻⵔ ⴰⵢ ⵍⴰ ⵉⵅⴻⴷⴷⵎⴻⵏ ⴰⴽⴽⴻⵏ « ⴰⴷ ⵜⵄⴰⵡⴻⵏ ⴰⵢⵜⵎⴰⵜⴻⵏ ⵉⵍⵉⴱⵉⵢⴻⵏ ⵡⴰⴽⴽ ⵜⵉⴳⵔⴰⵡⵉⵏ ⴰⴽⴽⴻⵏ ⴰⴷ ⴷⴷⵓⵏ ⴷⴻⴳ ⵓⴱⵔⵉⴷ ⵏ ⵓⵎⵛⵉⵡⴻⵕ ⴰⵔⴰ ⵜⴻⵏ-ⵢⴻⵙⴷⵓⴽⴽⵍⴻⵏ ⴰⴽⴽⴻⵏ ⵎⴰ ⵍⵍⴰⵏ, ⵎⴻⵏⵖⵉⵔ ⵜⵉⴳⵔⴰⵡⵉⵏ ⴰⵢ ⵃⴻⵙⴱⴻⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵜⵉⵔⴻⴱⵔⴰⴱⵉⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⵜⴰⵖⴻⵍⵍⵉⵙⵜ (ⵍⴰⵎⴰⵏ) ⵏ ⵍⵉⴱⵢⴰ ⴷ ⵜⴰⵖⴻⵍⵍⵉⵙⵜ ⴷⴰⵖ ⵏ ⵍⴷⵣⴰⵢⴻⵔ ».
ⵉⵅⴻⴷⴷⵉⵎⴻⵏ ⵏ ⵜⵓⵣⵣⵢⴰ ⵜⵉⵙ 3 ⵏ ⵓⵎⵛⵉⵡⴻⵕ ⴳⴰⵔ ⵢⵉⵍⵉⴱⵉⵢⴻⵏ ⵍⴰ ⴷ-ⵜⵜⵉⵏⵉⵏ ⵙⴻⴳ ⵢⵉⴹⴻⵍⵍⵉ, ⵍⴰⵕⴻⴱⵄⴰ, ⴷⴻⴼⴼⵉⵔ ⵜⴻⵡⵡⵓⵔⴰ ⵉⵖⴻⵍⵇⴻⵏ, ⵙ ⵓⵃⴷⴰⵕ ⵏ ⵢⵉⵏⵎⵓⵀⴰⵍ ⵏ ⵜⵎⵓⵔⴰ ⵉⵛⴻⵔⴽⴻⵏ ⵜⵉⵍⵉⵙⴰ ⴷ ⵍⵉⴱⵢⴰ ⵢⴻⵔⵏⴰ ⵅⴻⴷⴷⵎⴻⵏ ⴷⴻⴳ ⵍⴷⵣⴰⵢⴻⵔ.
