ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵖⵓⵏⵜ 1 ⵏ ⵜⴽⵓⵔⵜ ⵏ ⵓⴹⴰⵔ/ⵓⵙⵎ ⵍⴻⴱⵍⵉⴷⴰ: « ⵎⵉ ⵉⵕⵓⵃ ⴷⵧⵓⵉⴷⴻⵏⴻ, ⴰⴷ ⵣⴻⵎⵔⴻⵖ ⴰⴷ ⵇⵇⵉⵎⴻⵖ » (ⵎⵧⵓⴰⵙⵙⴰ)

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⴰⵎⴻⵙⵜⴻⴽⵏⵉ ⴽⴰⵎⴻⵍ ⵎⵧⵓⴰⵙⵙⴰ ⵢⴻⵏⵏⴰ-ⴷ ⴰⵙⵙ ⵏ ⵍⵊⴻⵎⵄⴰ ⴷⴰⴽⴽⴻⵏ ⵕⵕⵡⴰⵃ ⵏ ⵓⵙⴻⵍⵡⴰⵢ ⵏ ⵓⵙⵎ ⵍⴻⴱⵍⵉⴷⴰ, ⵎⵧⵀⴰⵎⴻⴷ ⴷⵧⵓⵉⴷⴻⵏⴻ, ⴷ ⴰⵢⴻⵏ ⴰⵔⴰ ⵜ-ⵢⴻⵊⵊⴻⵏ ⴰⴷ ⵢⴻⵇⵇⵉⵎ ⴷⴻⴳ ⵜⴻⵖⵍⴰⵎⵜ-ⴰ ⴰⵢ ⵢⴻⵙⵙⴰⵡⴻⴹ ⵖⴻⵔ ⵜⴻⵎⵖⵓⵏⵜ ⵜⴰⵎⴻⵣⵡⴰⵔⵓⵜ ⵏ ⵜⴽⵓⵔⵜ ⵏ ⵓⴹⴰⵔ ⵜⴰⵎⵙⴰⴷⵓⵔⵜ ⵙⴷⴻⴼⴼⵉⵔ ⵎⴰ ⵜⴻⵙⵄⴻⴷⴷⴰ 4 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⵜⴻⵎⵖⵓⵏⵜ ⵜⵉⵙ ⵙⵏⴰⵜ.

« ⵢⴻⵍⵍⴰ ⴷ ⴰⵡⴻⵣⵖⵉ ⴰⴷ ⵄⴰⵡⴷⴻⵖ ⴰⴷ ⵅⴻⴷⵎⴻⵖ ⴷ ⴷⵧⵓⵉⴷⴻⵏⴻ, ⵢⴻⵔⵏⴰ ⵍⵍⵉⵖ ⵜⵜⵡⴰⵍⵉⵖ-ⵜ ⴷ ⴰⵎⴻⵏⵏⴻⴽⵛⴰⵎ ⴷⴻⴳ ⵓⵎⴰⴹⴰⵍ ⵏ ⵜⴽⵓⵔⵜ ⵏ ⵓⴹⴰⵔ. ⵎⵉ ⵉⵕⵓⵃ, ⵣⴻⵎⵔⴻⵖ ⴰⴷ ⵇⵇⵉⵎⴻⵖ ⴷⴻⴳ ⵍⴻⴱⵍⵉⴷⴰ, ⵍⴰⴷⵖⴰ ⵉⵎⵉ ⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⴳⴰⵏ ⴷⴻⴳ-ⵉ ⵍⴰⵎⴰⵏ ⴰⴽⴽⴻⵏ ⴰⴷ ⴽⴻⵎⵎⵍⴻⵖ ⴰⵅⴻⴷⴷⵉⵎ ⴷⴻⴳ ⵜⵙⴻⵎⵀⵓⵢⵜ ⴰⵢ ⴷ-ⵢⴻⵜⵜⴻⴷⴷⵓⵏ ⵢⴻⵔⵏⴰ ⴱⵖⴰⵏ ⴰⵢⴰ ⵉ ⵍⵎⴻⵏⴷ ⵏ ⵓⵔⴽⴰⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⵧⵓⴰⵙⵙⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.

ⴷ ⴰⴱⴷⴻⵍⵀⴰⵎⵉⴷ ⴼⵧⵓⴼⴰ ⴰⵢ ⵢⴻⵇⵇⵍⴻⵏ ⴷ ⴰⵙⴻⵍⵡⴰⵢ ⴰⵎⴰⵢⵏⵓ ⵏ ⵓⵙⵎ ⵍⴻⴱⵍⵉⴷⴰ ⴷⴻⴳ ⵓⵎⴽⴰⵏ ⵏ ⵎⵧⵀⴰⵎⴻⴷ ⴷⵧⵓⵉⴷⴻⵏⴻ, ⵎⵉ ⵉⴼⵓⴽ ⵓⴳⵔⴰⵡ ⴰⵎⴰⵜⵓ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴻⵅⵎⵉⵙ.

« ⴷⵉⵎⴰ ⵍⵍⵉⵖ ⵜⵜⵉⵏⵉⵖ-ⴷ ⴷⴰⴽⴽⴻⵏ ⴼⴽⵉⵖ ⵜⵓⵣⵡⵉⵔⵜ ⵉ ⵓⵙⵎ ⵍⴻⴱⵍⵉⴷⴰ, ⵓⵍⴰ ⵎⴰ ⵖⵔⴰⵏ-ⵉⵢⵉ-ⴷ ⵙⴻⴳ ⵡⴰⵏⴷⴰ ⵏⵉⴹⴻⵏ, ⵍⴰⴷⵖⴰ ⵙⴻⴳ ⵓⵙⵎ ⴱⴻⵍⵄⴻⴱⴱⴰⵙ (ⵜⴰⵎⵖⵓⵏⵜ 2) ⴰⵢ ⵉⵃⴻⵜⵜⴻⵜⴻⵏ ⴰⴽⴽⴻⵏ ⴰⴷ ⵅⴻⴷⵎⴻⵖ ⵖⴻⵔ-ⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷ ⵜⴰ ⴰⵢ ⴷ ⵜⵉⴽⴽⴻⵍⵜ ⵜⵉⵙ ⴽⵔⴰⴹⵜ (3) ⴰⵢⴷⴻⴳ ⴰⵔⴰ ⵢⴻⵜⵜⵡⴰⴼⵔⴻⵏ ⴽⴰⵎⴻⵍ ⵎⵧⵓⴰⵙⵙⴰ ⴰⴽⴽⴻⵏ ⴰⴷ ⵢⵉⵍⵉ ⴷ ⴰⵎⴻⵙⵜⴻⴽⵏⵉ ⵏ ⵓⵙⵎ ⵍⴻⴱⵍⵉⴷⴰ. ⴷⴻⴳ ⵜⵙⴻⵎⵀⵓⵢⵜ ⵢⴻⵣⵔⵉⵏ (ⴰⵢ ⵉⴼⵓⴽⴻⵏ ⵙⴻⴳ ⵎⴻⵍⵎⵉ ⴽⴰⵏ), ⵢⴻⵅⴷⴻⵎ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵙⵎ ⵍⴻⴱⵍⵉⴷⴰ ⵎⵉ ⵜⵓⵔⴰⵔ ⴷⴻⴳ ⵜⴻⵎⵖⵓⵏⵜ ⵜⵉⵙ ⵙⵏⴰⵜ.