ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵖⴷⴻⵎⵜ-ⵜⴰⵎⵙⴰⵍⵜ ⵏ ⵙⵧⵏⴰⵜⵔⴰⵛⵀ 1: ⴱⴻⴷⴷⵓ ⵏ ⵛⵛⵕⴻⵄ ⵙ ⵓⵃⴷⴰⵕ ⵏ ⵡⴰⵟⴰⵙ ⵏ ⵍⵖⴰⵛⵉ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵢⴻⴱⴷⴰ-ⴷ ⴰⵙⵙ ⵏ ⵍⵃⴻⴷⴷ ⵖⴻⴼ 9ⵙ30 ⵏ ⵜⵚⴻⴱⵃⵉⵜ ⵛⵛⵕⴻⵄ ⵏ ⵜⴻⵎⵙⴰⵍⵜ ⵏ ⵙⵧⵏⴰⵜⵔⴰⵛⵀ 1 ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⵏ ⵜⴻⵊⵔⵉⵎⵉⵏ ⵏ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⵜⴰⵎⵙⴰⵍⵜ ⴰⵢⴷⴻⴳ ⵜⵜⵡⴰⵜⵜⴻⵀⵎⴻⵏ 15 ⵏ ⵢⵉⵎⴷⴰⵏⴻⵏ ⴷ 4 ⵏ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ ⵖⴻⴼ ⵜⵊⵓⵄⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⴻⵜⵜⵡⴰⵅⴻⴱⴱⴻⵔ.

ⵛⵛⵕⴻⵄ ⵢⴻⴱⴷⴰ-ⴷ ⵎⵉ ⴷ-ⵢⴻⵖⵔⴰ ⵍⵇⴰⴹⵉ ⵉ ⵢⵉⵎⴻⵜⵜⵀⵓⵎⴻⵏ, ⵉⴱⵓⴳⴰⵟⵓⵜⴻⵏ ⴷ ⵢⵉⵏⴰⴳⴰⵏ ⴷⴻⴳ ⵢⵉⵡⴻⵜ ⵏ ⵜⵣⴻⵖⵖⴰ ⵢⴻⵛⵛⵓⵕⴻⵏ ⴰⵔⵎⵉ ⴷ ⴰⵢⴻⵏ ⴽⴰⵏ. ⵍⵖⴰⵛⵉ-ⴰ ⴰⵢ ⴷ-ⵢⵓⵙⴰⵏ ⴰⴽⴽⴻⵏ ⴰⴷ ⵃⴻⴷⵕⴻⵏ ⴷⴻⴳ ⵛⵛⵕⴻⵄ-ⴰ ⵍⵍⴰⵏ ⴷⴻⴳ-ⵙ ⵢⵉⴱⵓⴳⴰⵟⵓⵜⴻⵏ, ⵉⵏⴻⵖⵎⴰⵙⴻⵏ, ⵓⴷⵎⴰⵡⴻⵏ ⵢⴻⵜⵜⵡⴰⵙⵙⵏⴻⵏ ⴷⴻⴳ ⵓⵏⵔⴰⵔ ⵏ ⵢⵉⵡⴻⵥⵍⴰ ⴷ ⵢⵉⵎⴷⴰⵏⴻⵏ ⵏ ⵎⴻⵏⵡⴰⵍⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴳⴰⵔ 108 ⵏ ⵢⵉⵏⴰⴳⴰⵏ, 26 ⵖⴰⴱⴻⵏ ⵓⵍⴰ ⵎⴰ ⵜⴻⴼⴼⴻⵖ-ⴷ ⵍⴻⵡⵚⴰⵢⴰ ⴰⴽⴽⴻⵏ ⴰⴷ ⵜⴻⵏ-ⵉⴷ-ⴰⵡⵢⴻⵏ, ⵎⴰ ⴷ ⵢⵉⵡⴻⵏ ⵏ ⵓⵏⴰⴳⵉ ⵢⴻⵡⵡⴻⴹ ⵍⴻⵄⴼⵓ ⵏ ⵕⴻⴱⴱⵉ.

ⴳⴰⵔ ⵢⵉⵎⴻⵜⵜⵀⵓⵎⴻⵏ, ⵢⴻⵍⵍⴰ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵇⴱⵓⵔ ⵏ ⵜⴻⴳⵔⴰⵡⵜ ⵏ ⵙⵧⵏⴰⵜⵔⴰⵛⵀ, ⵎⴻⵣⵉⴰⵏⴻ ⵎⵧⵀⴰⵎⴻⴷ, ⴷ 8 ⵏ ⵢⵉⵏⴻⵎⵀⴰⵍⴻⵏ ⵉⵙⵍⴻⴽⵎⴰⵏⴻⵏ ⵏ ⵜⴻⴳⵔⴰⵡⵜ-ⴰ, ⴳⴰⵔ-ⴰⵙⴻⵏ ⴰⵎⴰⵔ ⵣⴻⵏⴰⵙⵏⵉ, ⴰⵢ ⴷ-ⵢⴻⵍⵀⴰⵏ ⴷ ⵓⵙⵙⵉⵡⴻⴹ ⵏ ⵢⵉⵙⴻⵔⵖⴰ ⵙ ⵢⵉⵇⵓⴷⴰⵙ ⴷ ⴱⴻⵍⴽⴰⵛⴻⵎ ⴱⵧⵓⵎⴻⴷⵉⴻⵏⴻ, ⴰⵏⴻⵎⵀⴰⵍ ⵏ ⵢⵉⵔⵎⵓⴷⴻⵏ ⵏ « ⵓⵙⴰⵡⴻⵏ ».

ⴷⴻⴳ ⵡⵓⵎⵓⵖ ⵏ ⵢⵉⵎⴻⵜⵜⵀⵓⵎⴻⵏ, ⵍⵍⴰⵏⵜ ⴷⴰⵖ 4 ⵏ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ ⵓⵎⵉ ⵜⵜⵓⵏⴻⴼⴽⴻⵏ « ⵙ ⵜⵉⵏ ⵏ ⵜⵃⵉⵍⴻⵜ » ⵍⴻⵄⵇⵓⴷⴰⵜ, ⵢⴻⵔⵏⴰ ⴰⵢⴰ ⵉⴹⵓⵔⵔ ⵙⵧⵏⴰⵜⵔⴰⵛⵀ.