ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵜⵡⴰⴹⴹⴼⴻⵏ-ⴷ 95 ⵏ ⵢⵉⵎⵉⵏⵉⴳⴻⵏ ⵓⴼⴼⵉⵔⴻⵏ ⴷⴻⴳ ⵙⵒⴻⵏⵢⵓⵍ

ⵎⴰⴷⵔⵉⴷ – ⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵓⵙⵙⵓⴽⴽⴻⵙ ⵏ ⵍⴻⴱⵃⴻⵕ ⴷⴻⴳ ⵙⵒⴻⵏⵢⵓⵍ ⴹⴹⴼⴻⵏ-ⴷ ⴰⵙⵙ ⵏ ⵍⵃⴻⴷⴷ 95 ⵏ ⵢⵉⵎⵉⵏⵉⴳⴻⵏ ⵓⴼⴼⵉⵔⴻⵏ ⴰⵢ ⴷ-ⵢⵓⵙⴰⵏ ⵙⴻⴳ ⵜⵎⵓⵔⴰ ⵏ ⵡⴻⵏⵥⵓⵍ ⵏ ⵓⵏⴻⵥⵔⵓⴼ, ⴳⴰⵔ-ⴰⵙⴻⵏ 11 ⵏ ⵜⵍⴰⵡⵉⵏ. ⵉⵎⵉⵏⵉⴳⴻⵏ-ⴰ ⵍⵍⴰⵏ ⵄⴻⵔⵔⴹⴻⵏ ⴰⴷ ⴰⵡⴹⴻⵏ ⵖⴻⵔ ⵙⵒⴻⵏⵢⵓⵍ ⴷⴻⴳ ⵙⵉⵏ ⵏ ⵢⵉⵖⴻⵔⵔⵓⴱⴰ ⵏ ⵓⵔⴻⵇⵇⴻⵄ.

ⴰⵖⴻⵔⵔⴰⴱⵓ ⴰⵎⴻⵣⵡⴰⵔⵓ ⵍⵍⴰⵏ ⴷⴻⴳ-ⵙ 51 ⵏ ⵢⴻⵎⴷⴰⵏⴻⵏ, ⴳⴰⵔ-ⴰⵙⴻⵏ 5 ⵏ ⵜⵍⴰⵡⵉⵏ, ⵎⴰ ⴷ ⴰⵖⴻⵔⵔⴰⴱⵓ ⵡⵉⵙ ⵙⵉⵏ ⴷⴷⴰⵏ-ⴷ ⴷⴻⴳ-ⵙ 44 ⵏ ⵢⵉⵎⵉⵏⵉⴳⴻⵏ ⵓⴼⴼⵉⵔⴻⵏ, ⴳⴰⵔ-ⴰⵙⴻⵏ 4 ⵏ ⵜⵍⴰⵡⵉⵏ. ⴰⵏⴻⴳⴳⴰⵔⵓ-ⴰ ⵡⵡⵉⵏ-ⵜ ⵖⴻⵔ ⵓⵙⴰⴳⴻⵏ ⵏ ⵎⵧⵜⵔⵉⵍ, ⴷⴻⴳ ⵜⵖⴻⵔⵏⴰⴹⵜ (ⵍⴰⵏⴷⵍⵓⵙ, ⴰⵏⵥⵓⵍ ⵏ ⵙⵒⴻⵏⵢⵓⵍ) ⵖⴻⴼ ⵡⴰⴽⴽⴻⵏ ⴷ-ⵏⵏⴰⵏ ⵢⵉⵎⴻⵥⵍⴰ ⵏ ⵓⵙⵙⵓⴽⴽⴻⵙ, ⴰⵎ ⵡⴰⴽⴽⴻⵏ ⴰⵢ ⴷ-ⵔⵏⴰⵏ ⴷⴰⴽⴽⴻⵏ ⵉⵎⵉⵏⵉⴳⴻⵏ-ⴰ ⴷ ⵢⵉⵡⴻⵏ ⵏ ⵓⵖⴻⵔⵔⴰⴱⵓ ⵏ ⵙⵙⴻⵍⵄⴰ ⴰⵢ ⵜⴻⵏ-ⵢⴻⵥⵔⴰⵏ.

ⵎⵉ ⴰⵔⴰ ⵜⴻⵏ-ⵙⵄⴻⴷⴷⵉⵏ ⴷⴻⴳ ⵡⴻⵃⵜⴰⵛ, ⵉⵎⵉⵏⵉⴳⴻⵏ-ⴰ ⴰⴷ ⵜⴻⵏ-ⴰⵡⵉⵏ ⵖⴻⵔ ⵡⴰⵎⵎⴰⵙ ⵏ ⵢⵉⵎⵉⵏⵉⴳⴻⵏ ⵉⴱⴻⵕⵕⴰⵏⵉⵢⴻⵏ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⴰⴽⴽⴻⵏ ⴰⴷ ⵜⴻⵏ-ⵔⵔⴻⵏ ⵖⴻⵔ ⵜⵎⵓⵔⴰ-ⵏⵙⴻⵏ ⵜⵉⵏⴻⵚⵍⵉⵢⵉⵏ.