ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

Lebni n lluzin amaynut deg Jijel i usduqqes n temguri n temṛebbit deg Lezzayer

ⵍⴻⴱⵏⵉ ⵏ ⵍⵍⵓⵣⵉⵏ ⴰⵎⴰⵢⵏⵓⵜ ⴷⴻⴳ ⵊⵉⵊⴻⵍ ⵉ ⵓⵙⴷⵓⵇⵇⴻⵙ ⵏ ⵜⴻⵎⴳⵓⵔⵉ ⵏ ⵜⴻⵎⵕⴻⴱⴱⵉⵜ ⴷⴻⴳ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵏⴻⵖⵍⴰⴼ ⵏ ⵜⴻⵎⴳⵓⵔⵉ ⴷ ⵍⵎⵉⵏⴰⵜ, ⴰⴱⴷⴻⵙⵙⴰⵍⴻⵎ ⴱⵧⵓⵛⵀⵧⵓⴰⵔⴻⴱ, ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⵜⴰⵎⴳⵓⵔⵉ ⵏ ⵜⴻⵎⵕⴻⴱⴱⵉⵜ ⴰⴷ ⴷ-ⵜⴻⴷⴷⵓⵇⵇⴻⵙ ⴷⴻⴳ ⵍⴻⵣⵣⴰⵢⴻⵔ ⵙ ⵍⴻⴱⵏⵉ ⵏ ⵍⵍⵓⵣⵉⵏ ⴰⵎⴰⵢⵏⵓⵜ ⴷⴻⴳ ⵜⵡⵉⵍⴰⵢⵜ ⵏ ⵊⵉⵊⴻⵍ ⴷⴻⴳ ⵓⴽⴰⵜⴰⵔ ⵏ ⵢⵉⵡⴻⵜ ⵏ ⵜⵉⵛⵛⵓⵔⴽⴰ.

ⵕⵕⴰⵢ-ⴰ ⵢⴻⵍⵍⴰ-ⴷ ⵖⴻⴼ ⵍⵊⴰⵍ ⵏ ⵓⵃⴱⴰⵙ ⵏ ⵍⵍⵓⵣⵉⵏⴰⵜ ⵏ ⴱⵓⵛⵇⵓⴼ (ⴳⴰⵍⵎⴰ) ⴷ ⵡⴰⴷ ⵙⵙⴻⵎⵎⴰⵕ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ) 12 ⵏ ⵢⵉⵙⴻⴳⴳⴰⵙⴻⵏ ⴰⵢⴰ.

ⵜⵉⵔⵉⵔⵉⵜ-ⴰ ⵏ ⵓⵏⴻⵖⵍⴰⴼ ⵢⴻⵖⵔⴰ-ⵜⵜ-ⵉⴷ ⵙ ⵢⵉⵙⴻⵎ-ⵏⵏⴻⵙ ⵓⵏⴻⵖⵍⴰⴼ ⵏ ⵡⴰⵙⵙⴰⵖⴻⵏ ⴷ ⵓⵎⵏⵉ, ⵜⴰⵀⴰⵔ ⴽⵀⴰⵧⵓⴰ ⴷⴻⴳ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵢⴻⵔⵏⴰ ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ ⴷⴻⴳ ⵜⵔⵉⵔⵉⵜ-ⴰ-ⵏⵏⴻⵙ ⴷ ⴰⴽⴽⴻⵏ ⴰⵡⴰⵍⵉ ⵏ ⵊⵉⵊⴻⵍ ⵢⴻⵇⴱⴻⵍ ⵍⴻⴱⵏⵉ ⵏ ⵢⵉⵡⴻⵜ ⵏ ⵍⵍⵓⵣⵉⵏ ⵙ ⵜⵉⵛⵛⵓⵔⴽⴰ ⴷ ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⵜⴰⴱⴻⵕⵕⴰⵏⵉⵜ ⵉⵥⴻⵡⵔⴻⵏ ⴷⴻⴳ ⵓⵙⵙⴻⵖⵔⴻⴼ ⵏ ⵜⴻⵎⵜⵓⵏⵜ, ⵢⴻⵔⵏⴰ ⵜⵜⵡⴰⵀⴻⵢⵢⴰⵏ-ⴷ ⵢⵉⴷⵔⵉⵎⴻⵏ ⴷ ⵡⴰⵍⵓⴳ ⵏ ⵛⵛⵓⵔⵓⴹ ⵉ ⵍⵎⴻⵏⴷ ⵏ ⵓⵎⴰⵀⵉⵍ-ⴰ (ⴰⵅⴻⴷⴷⵉⵎ).

ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⵜⵜⴰⴵⴻⵡ-ⴷ ⵓⴳⴰⵔ ⵏ 100 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵏ ⵜⴻⵎⵜⵓⵏⵜ ⴷⴻⴳ ⵓⵙⴻⴳⴳⴰⵙ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⵍⵓⵣⵉⵏ ⵏ ⵊⵉⵊⴻⵍ ⴰⴷ ⵜⴻⴷⴷⵓⴽⴽⴻⵍ ⴷ ⵜⵉⴷ ⵏ ⴱⵓⵛⵇⵓⴼ ⴷ ⵡⴰⴷ ⵙⵙⴻⵎⵎⴰⵕ ⴰⴽⴽⴻⵏ ⴰⴷ ⴷ-ⴳⴻⵏⵜ ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ, ⵢⴻⵔⵏⴰ ⵙⵏⴰⵜ-ⴰ ⵏ ⵍⵍⵓⵣⵉⵏⴰⵜ ⵜⵉⵏⴻⴳⴳⵓⵔⴰ ⴰⴷ ⵇⵇⵍⴻⵏⵜ ⴰⴷ ⵜⵜⵊⴻⵍⵍⵉⵍⴻⵏⵜ ⵜⴰⵎⵜⵓⵏⵜ ⴰⵔⴰ ⴷ-ⵢⴻⵜⵜⵡⴰⵅⴷⴰⵎⴻⵏ ⴷⴻⴳ ⵊⵉⵊⴻⵍ, ⴰⴷ ⵜⵊⴻⵎⵎⵄⴻⵏⵜ ⵢⴻⵔⵏⴰ ⴰⴷ ⵜⵜ-ⴼⴻⵔⵔⵇⴻⵏⵜ, ⴷⵖⴰ ⴷ ⴰⵢⴰ ⴰⵔⴰ ⵢⴻⵊⵊⴻⵏ ⴰⴷ ⴷ-ⵏⵏⵓⵍⴼⵓⵏ ⵢⵉⵎⵓⴽⴰⵏ ⵉⵎⴰⵢⵏⵓⵜⴻⵏ ⵏ ⵓⵎⴰⵀⵉⵍ.

ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵜⵉⵣⵔⴰⵡⵉⵏ ⵢⴻⵇⵇⵏⴻⵏ ⵖⴻⵔ ⵓⵙⴷⵓⵇⵇⴻⵙ ⵏ ⵍⵍⵓⵣⵉⵏ ⵏ ⴱⵓⵛⵇⵓⴼ ⵙⵙⴻⴽⵏⴻⵏⵜ-ⴷ ⴷ ⴰⴽⴽⴻⵏ ⴷ ⴰⵡⴻⵣⵖⵉ ⴰⴷ ⵜⴻⵇⵇⴻⵍ ⵍⵍⵓⵣⵉⵏ-ⴰ ⵖⴻⵔ ⵓⵎⴰⵀⵉⵍ ⵉⵎⵉ ⵉⴼⴰⵔⵉⵙⴻⵏ ⵉⴽⵔⵓⵔⴰⵏⴻⵏ ⴰⵢ ⵙⵙⴻⵇⴷⴰⵛⴻⵏ ⴷⴻⴳ-ⵙ ⵣⴻⵎⵔⴻⵏ ⴰⴷ ⴹⵓⵔⵔⴻⵏ ⴰⴽⴰⵍ ⵏ ⵜⴼⴻⵍⵍⴰⵃ ⴷ ⵡⴰⵎⴰⵏ ⵏ ⵜⵉⵙⵙⵉⵜ.

ⵉⴷⵓⴱⴰ ⴼⴽⴰⵏ ⴰⵣⴰⵍ ⴷ ⴰⵎⴻⵇⵔⴰⵏ ⵉ ⵓⵅⴷⴰⵎ ⵏ ⵜⴻⵎⵜⵓⵏⵜ ⵍⴰⴷⵖⴰ ⵉⵎⵉ ⵍⴻⵣⵣⴰⵢⴻⵔ ⵍⴰ ⴷ-ⵜⴻⵜⵜⴰⴵⴻⵡ ⴰⵟⴰⵙ ⴰⴼⴰⵔⵉⵙ-ⴰ ⵙⴻⴳ ⵓⵣⵖⴰⵔ, ⵢⴻⵔⵏⴰ ⴰⵙⴻⵇⵇⴰⵎⵓ ⵏ ⵢⵉⵜⵜⴻⴽⴽⵉⵢⴻⵏ ⵏ ⵓⵡⴰⵏⴰⴽ ⵢⴻⵄⵣⴻⵎ ⴷⴻⴳ 2012 ⴰⴷ ⵢⴻⵔⵥⴻⵎ ⵍⵍⵓⵣⵉⵏ ⵏ ⵜⴻⵎⵜⵓⵏⵜ ⵙⴷⴻⴼⴼⵉⵔ ⵎⴰ ⵖⴻⵍⵇⴻⵏⵜ ⵍⵍⵓⵣⵉⵏⴰⵜ ⵏ ⴱⵓⵛⵇⵓⴼ ⴷ ⵡⴰⴷ ⵙⵙⴻⵎⵎⴰⵕ ⴷⴻⴳ 2002.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴷⵓⵇⵇⴻⵙ ⵏ ⵜⴻⵎⴳⵓⵔⵉ ⵜⴰⵖⴻⵍⵏⴰⵡⵜ ⵙ ⵓⵎⴰⵜⴰ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵏⴰⴱⴰⴹ ⵢⴻⴱⴷⴰ-ⴷ ⴰⵙⵙⴻⴼⵄⴻⵍ ⵏ ⵢⵉⵡⴻⵏ ⵏ ⵡⴰⵀⵉⵍ ⴷ ⴰⵎⴻⵇⵔⴰⵏ ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⵏ ⵓⴼⴰⵔⴻⵙ ⴰⵖⴻⵍⵏⴰⵡ ⴷ ⵓⵙⵙⴻⵜⵔⴻⵔ ⵏ ⵜⴻⵎⴳⵓⵔⵉ ⵜⴰⵏⴰⴳⴷⵓⴷⵜ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵓⵙⵙⴻⴼⵜⵉ ⵉ ⵍⵎⴻⵏⴷ ⵏ ⵓⵙⵏⴻⵔⵏⵉ ⵏ ⵓⵙⵙⴻⴼⵜⵉ ⴷⴻⴳ ⵡⴰⴽⴽ ⵉⵏⵓⵔⴰⵔ ⵏ ⵜⴷⴰⵎⵙⴰ, ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵙⴻⵏⴼⴰⵔ-ⴰ ⵏ ⵍⵇⴰⵏⵓⵏ ⴰⵜⴰⵏ ⵖⴻⵔ ⵜⵎⴰⵔⵉⵜ ⵜⴰⵎⴰⵜⵓⵜ ⵏ ⵓⵙⵍⴻⴽⵎⴰⵏ ⵢⴻⵔⵏⴰ ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵢⴻⵜⵜⵓⵏⴻⴼⴽ ⵉ ⵓⵏⴰⴱⴰⴹ.