ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⵎⵓⵜⴻⵏ 3 ⵢⴻⵔⵏⴰ ⵊⴻⵔⵃⴻⵏ 304 ⴷⴻⴳ ⵢⵉⵡⴻⵜ ⵏ ⴷⴷⵓⵕⵜ (ⵜⴰⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴽⵔⴰⴹ (3) ⵏ ⵢⵉⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⵢⴻⵔⵏⴰ ⵊⴻⵔⵃⴻⵏ 304 ⴷⴻⴳ ⵢⵉⵙⴻⵀⵡⴰ (ⵍⴰⴽⵙⵉⴷⴰⵜ) ⵏ ⵓⴱⵔⵉⴷ ⴰⵢ ⴷ-ⵢⴻⵍⵍⴰⵏ ⴳⴰⵔ 2 ⴷ 8 ⵢⵓⵏⵢⵓ ⴷⴻⴳ ⵜⴻⵎⴷⵉⵏⵜ, ⵖⴻⴼ ⵍⴻⵃⵙⴰⴱ ⵏ ⵜⴻⵛⵔⴰⵡⵜ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵍⴻⵅⵎⵉⵙ.

ⵍⴻⵃⴰⴱⴰⵜ ⴰⵢ ⴷ-ⵢⴻⵍⵍⴰⵏ ⴷⴷⵓⵕⵜ-ⴰ ⴽⴻⵛⴼⴻⵏ-ⴷ ⴷ ⴰⴽⴽⴻⵏ ⵏⴻⵇⵙⴻⵏ ⵢⵉⵙⴻⵀⵡⴰ ⵏ ⵓⴱⵔⵉⴷ (-12) ⵖⴻⴼ ⵍⴻⵃⵙⴰⴱ ⵏ ⴷⴷⵓⵕⵜ ⵢⴻⵣⵔⵉⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵏⵇⴻⵙ ⵓⵎⴹⴰⵏ ⵏ ⵢⵉⵎⴻⵊⵔⴰⵃ (-36) ⴷ ⵓⵎⴹⴰⵏ ⵏ ⵢⵉⵎⴻⵔⵜⵜⴰⵏⴻⵏ (-50).

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵙⵙⴻⴱⴱⴰⵜ ⵏ ⵢⵉⵙⴻⵀⵡⴰ, ⴷ ⵉⵎⴷⴰⵏⴻⵏ ⴰⵢ ⴷ-ⵢⴻⵜⵜⵖⵉⵎⵉⵏ ⴷ ⵙⵙⴻⴱⴱⴰ ⵜⴰⵎⴻⵣⵡⴰⵔⵓⵜ ⵙ 92,36%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴽⵛⴻⴼ ⵜⴻⵛⵔⴰⵡⵜ-ⴰ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⵙⴻⴳ ⵜⴰⵣⵣⵍⴰ ⵏ ⵡⴰⵟⴰⵙ ⵏⴻⵖ ⵍⵇⴻⵍⵍⴰ ⵏ ⵓⵇⴰⴷⴻⵔ ⵏ ⵓⵎⴻⵛⵛⴰⵇ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ).

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵜⵄⴰⵡⴻⴷ ⵜⴳⴻⵔ-ⴷ ⵜⵉⵖⵔⵉ ⵉ ⵢⵉⵏⴻⵀⵀⴰⵕⴻⵏ ⴰⴽⴽⴻⵏ « ⴰⴷ ⵜⵜⵇⴰⴷⴰⵔⴻⵏ » ⵍⵇⴰⵏⵓⵏ ⵏ ⵜⴻⵏⵀⴰⵕⵜ, ⴰⴷ ⵜⵜⵃⴰⴷⴰⵔⴻⵏ ⵢⴻⵔⵏⴰ ⴰⴷ ⵜⵜⴰⵔⵔⴰⵏ ⵍⴱⴰⵍ-ⵏⵙⴻⵏ ⵎⵉ ⴰⵔⴰ ⵏⴻⵀⵀⵕⴻⵏ.