ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴷⵣⴰⵢⴻⵔ ⵜⵡⴻⵜ-ⴷ « ⵙ ⵍⵊⴻⵀⴷ » ⴷⴻⴳ ⵓⵅⴹⴰⴼ ⵏ ⵢⵉⵅⴻⴷⴷⴰⵎⴻⵏ ⵏ ⵜⵇⴻⵏⵚⵓⵍⵉⵜ ⵜⴰⵜⵓⵏⵙⵉⵜ ⴷⴻⴳ ⵟⵔⴰⴱⵍⴻⵙ
ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⵍⴷⵣⴰⵢⴻⵔ ⵜⴻⵙⵙⴰⵥⴻⵔ « ⵙ ⵍⵊⴻⵀⴷ » ⴷⴻⴳ ⵓⵅⴹⴰⴼ ⵏ ⵢⵉⵅⴻⴷⴷⴰⵎⴻⵏ ⵏ ⵜⵇⴻⵏⵚⵓⵍⵉⵜ ⵜⴰⵎⴰⵜⵓⵜ ⵏ ⵜⵓⵏⴻⵙ ⴷⴻⴳ ⵟⵔⴰⴱⵍⴻⵙ (ⵍⵉⴱⵢⴰ) ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵙⵙⴻⴱⵜ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⴰⵣⵉⵣ ⴱⴻⵏⴰⵍⵉ ⵛⵀⴻⵔⵉⴼ ⴰⵢ ⴷ-ⵢⴻⵏⵏⴰⵏ ⴷⴰⴽⴽⴻⵏ ⵛⵛⵖⴻⵍ-ⴰ ⴷ ⵜⵓⴼⴼⵖⴰ ⵜⵓⴼⴹⵉⵃⵜ ⵉ ⵍⵇⴰⵏⵓⵏ ⴰⴳⵔⴰⵖⵍⴰⵏ.
« ⵛⵛⵖⴻⵍ-ⴰ ⴷ ⵜⵓⴼⴼⵖⴰ ⵜⵓⴼⴹⵉⵃⵜ ⵢⴻⵔⵏⴰ ⵓⵔ ⵜⴻⵜⵜⵡⴰⵇⴱⴰⵍ ⵉ ⵍⴻⵇⵡⴰⵏⵉⵏ ⴷ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ⴰⵢ ⵉⴹⴻⵎⵏⴻⵏ ⵜⴰⵖⴻⵍⵍⵉⵙⵜ (ⵍⴰⵎⴰⵏ) ⵉ ⵢⵉⵏⴰⵡⵓⵔⴻⵏ ⴷ ⵜⵓⵖⴷⴰⴹⵉⵏ ⵜⵉⴷⵉⵒⵍⵓⵎⴰⵜⵉⵢⵉⵏ ⴷ ⵜⵇⴻⵏⵚⵓⵍⴰⵏⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢ ⴷ-ⵉⴳⴰ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴷⵣⴰⵢⴻⵔ.
« ⵏⴻⴽⴽⵏⵉ ⵏⴻⵙⵙⴰⵥⴻⵔ ⵍⴻⵛⵖⴰⵍ ⴰⵎ ⵡⵉ, ⵢⴻⵔⵏⴰ ⵏⴻⴱⵖⴰ ⴰⴷ ⴷ-ⵏⴻⵙⵙⴽⴻⵏ ⵉ ⵓⵏⴰⴱⴰⴹ ⴷ ⵓⵖⵔⴻⴼ ⵏ ⵜⵓⵏⴻⵙ ⴷⴰⴽⴽⴻⵏ ⴰⵇⵍ-ⴰⵖ ⵏⴻⴱⴷⴻⴷ ⴰⴱⴷⴰⴷ ⴷ ⵓⵎⵎⵉⴷ ⵖⴻⵔ ⵢⵉⴷⵉⵙ-ⵏⵙⴻⵏ ⵢⴻⵔⵏⴰ ⵓⵍⴰⵡⴻⵏ-ⵏⵏⴻⵖ ⴰⵜⵏⵉ ⵖⴻⵔ ⵢⵉⴷⵉⵙ ⵏ ⵡⵉⴷ ⵏ ⵜⵡⴰⵛⵓⵍⵉⵏ ⵏ ⵢⵉⵏⴰⵡⵓⵔⴻⵏ ⴰⵢ ⵢⴻⵜⵜⵡⴰⵅⴻⴹⴼⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵏⴳⴻⵔ ⵜⵉⵖⵔⵉ ⵉ ⵓⵃⵔⴰⵣ-ⵏⵙⴻⵏ ⴷ ⵓⵙⵍⴻⵍⵍⵉ-ⵏⵙⴻⵏ ⵡⴰⵔ ⵛⵛⵓⵔⵓⴹ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⴰⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴰⵙⵙⵉⵥⴻⵔ-ⵏⵏⴻⵙ ⵉ « ⵡⴰⴽⴽ ⵍⴻⵛⵖⴰⵍ ⵏ ⵔⵔⴻⴱⵔⴰⴱ » ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ « ⵡⴰⵢⵜⵎⴰⵜⴻⵏ ⵏ ⵍⵉⴱⵢⴰ, ⴰ ⵜⴰⴳⵔⴰⵡⵜ ⵢⴻⴱⵖⵓⵏ ⵉⵍⵉⵏ ⵙⴻⴳ-ⵙ, ⴰⴽⴽⴻⵏ ⴰⴷ ⵙⵃⵉⵕⵕⵎⴻⵏ ⵜⴰⴽⵔⵉⴹⵜ ⵢⴻⵔⵏⴰ ⴰⴷ ⴽⴻⵎⵎⵍⴻⵏ ⴰⵎⵛⵉⵡⴻⵕ ⵏ ⵜⵉⴷⴻⵜ ⴰⴽⴽⴻⵏ ⴰⴷ ⴰⵡⴹⴻⵏ ⴰⴷ ⴼⵔⵓⵏ ⵜⴰⵍⵓⴼⵜ ⵙ ⵜⴰⵍⵡⵉⵜ ⵢⴻⵔⵏⴰ ⴰⴷ ⴷ-ⵙⵄⴻⵊⵍⴻⵏ ⴰⵙⵙⴻⴱⴷⴻⴷ ⵏ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ ⴰⵔⴰ ⵉⵣⴻⵎⵔⴻⵏ ⴰⴷ ⴷ-ⵢⴻⵙⵙⴻⴱⴷⴻⴷ ⵜⵉⵙⵓⴷⴰ ⵜⵉⵎⴻⴳⴷⴰⵢⵉⵏ ⵉⵊⴻⵀⴷⴻⵏ ⵢⴻⵔⵏⴰ ⴰⴷ ⵉⵇⴰⴱⴻⵍ ⴰⴽⴽ ⵓⴳⵓⵔⴻⵏ, ⵍⴰⴷⵖⴰ ⵡⵉⴷ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ».
