ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴷⵣⴰⵢⴻⵔ ⵜⵓⵔⴰⴷ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵜⴻⴱⴷⴰⵎⵎⴰⵙⵜ ⵉ ⵍⵎⴻⵏⴷ ⵏ ⵓⵎⵛⵉⵡⴻⵕ ⵉ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵎⴰⵍⵉ

ⵊⵓⵀⴰⵏⵏⴻⵣⴱⵓⵔⴳ – ⵍⴷⵣⴰⵢⴻⵔ ⵜⴻⵏⵀⴻⵕ ⵙ ⵜⵖⴰⵔⴰ « ⵜⵓⵔⵎⵉⴷⵜ » ⵜⴰⴱⴷⴰⵎⵎⴰⵙⵜ-ⵏⵏⵉ ⵜⴰⴳⵔⴰⵖⵍⴰⵏⵜ ⴰⵢ ⵉⴱⴻⴷⴷⴻⵏ ⵖⴻⴼ ⵍⴻⵎⵛⴰⵡⵕⴰⵜ-ⵏⵏⵉ ⵏ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵎⴰⵍⵉ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⵎⵜⴰⵡⴰ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴷⴻⴳ ⵡⴰⵙⵙ ⵏ 15 ⵎⴰⵢⵓ ⴷⴻⴳ ⴱⴰⵎⴰⴽⵧ, ⴰⴽⴽⴻⵏ ⴰⴷ ⴷ-ⵜⴻⵇⵇⴻⵍ ⵜⵎⵓⵔⵜ-ⴰ ⵖⴻⵔ ⵓⴱⵔⵉⴷ ⵏ ⵜⵏⴻⵍⴼⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⴷⴻⴳ ⵊⵧⵀⴰⵏⵏⴻⵙⴱⵓⵔⴳ, ⵓⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ.

« ⵜⴰⵎⵓⵔⵜ-ⵉⵏⵓ ⵜⴳⴰ ⴰⵢⴰ ⵙ ⵕⵕⵓⵃ ⵏ ⵜⴻⵎⵙⴻⵜⵍⴻⵍⵜ ⴷ ⵜⵏⴰⵔⴳⴰ ⵜⴰⵇⴱⵓⵔⵜ (ⴷ ⵎⴰⵍⵉ) ⵢⴻⵔⵏⴰ ⵜⴻⵏⵀⴻⵕ ⵙ ⵓⴱⵔⵉⴷ ⵓⵔⵎⵉⴷ ⵜⴰⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ ⴷⴻⴳ ⵜⴰⵍⵓⴼⵜ ⵏ ⵎⴰⵍⵉ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⵎⵜⴰⵡⴰ ⵏ ⵜⴰⵍⵡⵉⵜ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴰⵙⵙ ⵏ 15 ⵎⴰⵢⵓ ⴷⴻⴳ ⴱⴰⵎⴰⴽⵧ ⴰⴽⴽⴻⵏ ⴰⴷ ⴷ-ⵜⴻⵇⵇⴻⵍ ⵜⵎⵓⵔⵜ-ⴰ ⵜⴰⵡⴻⵍⵜⵎⴰⵜ ⵖⴻⵔ ⵓⵔⴽⴰⴷ ⴷ ⵓⴱⵔⵉⴷ ⵏ ⵜⵉⴷⴷⵉⵜ ⵖⴻⵔ ⵙⴷⴰⵜ ⴷ ⵜⵏⴻⴼⵍⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⴻⵍⵍⴰⵍ.

ⴰⵏⴻⵖⵍⴰⴼ ⴰⵎⴻⵏⵣⵓ ⵢⴻⵏⵏⴰ-ⴷ ⴰⵢⴰ ⵉ ⵍⵎⴻⵏⴷ ⵏ ⵓⵔⵥⴰⵎ ⵏ ⵜⵖⵉⵎⵉⵜ ⵜⴰⵏⵓⵎⴰⵏⵜ ⵜⵉⵙ 25 ⵏ ⵜⵇⴰⵛⵓⵛⵜ ⵏ ⵢⵉⵖⴼⴰⵡⴻⵏ ⵏ ⵓⵡⴰⵏⴰⴽ ⴷ ⵓⵏⴰⴱⴰⴹ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ, ⵙ ⵢⵉⵙⴻⵎ-ⵏⵏⴻⵙ ⴷ ⴰⴳⴻⵏⵙⴰⵙ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.

ⴰⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ ⵙⵜⴻⵏⵢⴰⵏ-ⵜ ⵢⵉⴷⵉⵙⴰⵏ ⵉⵎⴰⵍⵉⵢⴻⵏ ⵢⴻⵜⵜⴻⴽⴽⴰⵏ ⴷⴻⴳ ⵓⵎⵛⵉⵡⴻⵕ ⴰⵙⵙ ⵏ 15 ⵎⴰⵢⵓ ⵢⴻⵣⵔⵉⵏ ⵉ ⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⴳⴰⴼⴰ ⵏ ⵜⵎⵓⵔⵜ.

ⴰⵎⵜⴰⵡⴰ-ⴰ ⵢⴻⵙⵜⴻⵏⵢⴰ-ⵜ ⵓⴳⴻⵏⵙⴰⵙ ⵏ ⵓⵏⴰⴱⴰⴹ ⴰⵎⴰⵍⵉ, ⵉⵎⵓⵙⵙⴰ ⵉⵙⴻⵔⵜⵢⴻⵏ-ⵉⵙⴻⵔⴷⴰⵙⵉⵢⴻⵏ ⵏ ⵓⴳⴰⴼⴰ ⵏ ⵎⴰⵍⵉ ⴰⵢ ⵢⴻⵎⵄⴰⵀⴰⴷⴻⵏ ⵖⴻⴼ ⵜⵖⴻⵔⵖⴻⵔⵜ ⵏ ⵍⴷⵣⴰⵢⴻⵔ ⴷ ⵜⴻⵖⵍⴰⵎⵜ ⵏ ⵜⴻⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ ⴰⵢ ⵜⴻⵏⵀⴻⵕ ⵍⴷⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⵔⵏⴰⵏⵜ ⵙⵜⴻⵏⵢⴰⵏⵜ-ⵜ ⵙⵏⴰⵜ ⵙⴻⴳ ⵜⴻⴳⵔⴰⵡⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ (ⵛⵎⴰ), ⵜⵉ ⴷ ⵜⴰⵙⴻⵎⵢⵓⴷⴷⴻⵙⵜ ⵉ ⵓⵖⵔⴻⴼ ⵏ ⵓⵣⴰⵡⴰⴷ (ⵛⵒⴰ) ⴷ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⴷ ⵜⴻⵔⵏⵉⵡⵉⵏ ⵜⵉⴼⴻⵔⴼⴰⵏⵉⵢⵉⵏ ⵏ ⵓⵣⴱⵓ (ⵛⵎ-ⴼⵒⵔ2).

ⴷⴻⴳ ⵡⴰⵙⵙ ⵏ 5 ⵢⵓⵏⵢⵓ ⵢⴻⵣⵔⵉⵏ, ⵙⵜⴻⵏⵢⴰⵏ ⴷⴰⵖ ⵢⵉⵡⴻⵏ ⵏ ⵓⵕⴰⴱⵓⵍ ⵏ ⵡⴰⵢⴻⵏ ⵡⵓⵖⵓⵔ ⵙⵙⴰⵡⴹⴻⵏⵜ ⵍⴻⵎⵛⴰⵡⵕⴰⵜ ⵖⴻⴼ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ ⴷ ⵢⵉⵡⴻⵜ ⵏ ⵜⴻⴼⵜⴰⵔⵜ ⴰⵢⴷⴻⴳ ⵎⵙⴻⴼⵀⴰⵎⴻⵏ ⵢⵉⴷⵉⵙⴰⵏ ⵢⴻⵙⵜⴻⵏⵢⴰⵏ ⵖⴻⴼ ⵡⴰⵎⴻⴽ ⴰⵔⴰ ⴷ-ⵜⵉⵍⵉ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷⴻⴳ ⵓⴳⴰⴼⴰ ⵏ ⵎⴰⵍⵉ.

ⵜⴰⴳⵔⴰⵡⵜ ⵏⵉⴹⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵙⴻⵎⵢⵓⴷⴷⴻⵙⵜ ⵏ ⵢⵉⵎⵓⵙⵙⴰ ⵏ ⵓⵣⴰⵡⴰⴷ ⵜⵄⵓⵀⴻⴷ « ⵙ ⵓⴱⵔⵉⴷ ⵓⵏⵚⵉⴱ » ⴰⴽⴽⴻⵏ ⴰⴷ ⵜⴻⵙⵜⴻⵏⵢⵉ ⴰⵎⵜⴰⵡⴰ ⵏ ⵜⴰⵍⵡⵉⵜ ⴷ ⵓⵎⵙⵓⵖⴰⵍ ⴷⴻⴳ ⵎⴰⵍⵉ ⴰⵙⵙ ⵏ 20 ⵢⵓⵏⵢⵓ ⴷⴻⴳ ⴱⴰⵎⴰⴽⵧ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⵉⴱⵢⴰ, ⵎⴰⵙⵙ ⵙⴻⵍⵍⴰⵍ ⵢⴻⵏⵏⴰ-ⴷ ⴷⴰⴽⴽⴻⵏ « ⵜⴰⵎⵓⵔⵜ-ⴰ ⵜⴰⵏⴰⵔⴰⴳⵜ (ⵜⴰⵊⴰⵕⴻⵜ), ⵜⴰⵡⴻⵍⵜⵎⴰⵜ, ⵜⴻⵙⵙⵓⵏⵇⵓⵇⴻⵍ-ⵉⵜⵜ ⵢⵉⵡⴻⵜ ⵏ ⵜⴰⵍⵓⴼⵜ ⴷ ⵜⴰⵎⵉⵀⴰⵡⵜ, ⴷ ⵜⵉⵏ ⴰⵢ ⵢⴻⴵⴵⴰⵏ ⵉⴷⵉⵙⴰⵏ ⵉⵍⵉⴱⵉⵢⴻⵏ ⴰⴷ ⵙⵙⵓⵜⵔⴻⵏ ⵙⴻⴳ ⵍⴷⵣⴰⵢⴻⵔ ⴰⴷ ⵜⴻⵏⵀⴻⵕ ⵜⴰⴱⴷⴰⵎⵎⴰⵙⵜ ⴰⵔⴰ ⴷ-ⵉⴳⴻⵏ ⴰⴱⵔⵉⴷ ⵉ ⵓⵎⵛⵉⵡⴻⵕ ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏ ⴰⴽⴽ ⵢⵉⴷⵉⵙⴰⵏ, ⴷ ⴰⵎⵛⵉⵡⴻⵕ ⴰⵔⴰ ⵢⴻⵙⵙⵉⵡⴹⴻⵏ ⵖⴻⵔ ⵓⵙⵙⴻⴱⴷⴻⴷ ⵏ ⵜⵙⵓⴷⴰ ⵜⵉⵙⴻⵔⵜⵉⵢⵉⵏ, ⵜⵉⵎⴻⴳⴷⴰⵢⵉⵏ ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏ ⴰⴽⴽ ⵡⵉⴷ ⵜⴻⵔⵣⴰ ⵜⴰⵍⵓⴼⵜ ⵉ ⵓⵃⵔⴰⵣ ⵏ ⵜⵏⴰⵢⴰ, ⵜⵓⵎⵎⴷⴰ ⵏ ⵡⴰⴽⴰⵍ ⵏ ⵜⵎⵓⵔⵜ-ⴰ ⴷ ⵜⵓⵇⵇⵍⴰ-ⵏⵏⴻⵙ ⵖⴻⵔ ⵓⴱⵔⵉⴷ ⵏ ⵜⵏⴻⴼⵍⵉⵜ ».