ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵏⴰⵜ ⵏ ⵍⴱⵓⵎⴱⴰⵜ ⴷⴻⴳ ⵏ’ⴷⵊⴰⵎⴻⵏⴰ: ⵎⵎⵓⵜⴻⵏ, ⵎⴰ ⵓⵍⴰⵛ, 27 ⵢⴻⵔⵏⴰ ⵊⴻⵔⵃⴻⵏ 101

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵎⴰ ⵓⵍⴰⵛ, 27 ⵏ ⵢⵉⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⵢⴻⵔⵏⴰ ⵊⴻⵔⵃⴻⵏ 101 ⴷⴻⴳ ⵡⵓⵍ ⵏ ⵜⴻⵎⴷⵉⵏⵜ ⵏ ⵏ’ⴷⵊⴰⵎⴻⵏⴰ, ⵜⴰⵎⴰⵏⴻⵖⵜ ⵏ ⵞⴰⴷ, ⴷⴻⴳ ⵟⵟⴻⵔⴹⵇⴻⵏⵜ, ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ, ⴰⵙⵙ ⵏ ⵍⴻⵜⵏⵉⵢⴻⵏ, ⵙⵏⴰⵜ ⵏ ⵍⴱⵓⵎⴱⴰⵜ ⴰⵢ ⵜⴳⴰ ⵜⴻⴳⵔⴰⵡⵉⵜ ⵜⴰⵎⴻⴹⴹⴰⵔⴼⵓⵜ ⵏ ⴱⵧⴽⵧ ⵀⴰⵔⴰⵎ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴰⴱⴰⴹ ⴰⵞⴰⴷⵉ.

ⵙⵏⴰⵜ-ⴰ ⵏ ⵜⴻⵏⵟⴰⴳⵉⵏ-ⵜⵉⵏⴻⵖⵎⴰⵏⵉⵏ ⵍⵍⴰⵏⵜ-ⴷ ⵎⴳⴰⵍ ⵡⴰⵎⵎⴰⵙ ⴰⵍⴻⵎⵎⴰⵙ ⵏ ⵜⴻⵎⵙⵓⵍⵜⴰ ⵏ ⵏ’ⴷⵊⴰⵎⴻⵏⴰ ⴷ ⵓⵖⴻⵔⴱⴰⵣ ⵏ ⵜⴻⵎⵙⵓⵍⵜⴰ, ⵢⴻⵔⵏⴰ ⴳⵍⴰⵏⵜ ⵙ 27 ⵏ ⵜⵎⴻⴷⴷⵓⵔⵉⵏ ⴷ 101 ⵏ ⵢⵉⵎⴻⵊⵔⴰⵃ ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴰⴱⴰⴹ ⴰⵞⴰⴷⵉ ⴷⴻⴳ ⵢⵉⵡⴻⵏ ⵏ ⵓⵍⵖⵓ.

« ⴽⵓⵥ (4) ⵏ ⵢⵉⵔⴻⴱⵔⴰⴱⴻⵏ ⴰⵢ ⵢⴻⵜⵜⵡⴻⵏⵖⴻⵏ ⴷⴰⵖ », ⵖⴻⴼ ⵍⴻⵃⵙⴰⴱ ⵏ ⵕⵕⴰⴷⵢⵓ ⵏ ⵓⵏⴰⴱⴰⴹ ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ « ⵜⵉⵏⵟⴰⴳⵉⵏ-ⴰ ⵓⵔ ⵜⵜⵔⵓⵥⵓⵏⵜ ⴰⵔⴰ ⵉⴼⴰⴷⴷⴻⵏ ⵉ ⵞⴰⴷ ⴰⴽⴽⴻⵏ ⴰⴷ ⵜⴻⵏⵏⴰⵖ ⵎⴳⴰⵍ ⵡⵉⴷ ⵢⴻⴼⴼⵖⴻⵏ ⵉ ⵍⵇⴰⵏⵓⵏ (ⴱⵧⴽⵧ ⵀⴰⵔⴰⵎ ».

ⴷⴻⴳ ⵜⵎⴰⵏⴻⵖⵜ ⵏ ⵞⴰⴷ, ⴰⵢⵖⴻⴼ ⴷ-ⵢⴻⵖⵍⵉ ⵍⴻⵃⵣⴻⵏ, ⵜⴻⵍⵍⴰ-ⴷ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵖⴻⴼ ⵜⴻⵏⵟⴰⴳⵉⵏ-ⴰ, ⵎⴰⵛⴰ ⵓⵔ ⵢⴻⵃⴷⵉⵕ ⴰⵔⴰ ⴷⴻⴳ-ⵙ ⵓⵙⴻⵍⵡⴰⵢ ⵏ ⵉⴷⵔⵉⵙⵙ ⴷⴻⴱⵉ ⵉⵜⵏⵧ ⵉⵎⵉ ⴰⵢ ⵢⴻⵍⵍⴰ ⴷⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ ⴰⵏⴷⴰ ⴰⵢ ⵢⴻⵜⵜⴻⴽⴽⴰ ⴷⴻⴳ ⵜⵇⴰⵛⵓⵛⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ.

ⵉⴳⴻⵏ ⴰⵞⴰⴷⵉ ⵍⴰ ⵢⴻⵜⵜⴻⴽⴽⴰⵢ ⵙⴻⴳ ⵡⴰⵢⵢⵓⵔ ⵏ ⴼⵓⵕⴰⵕ ⵏ 2015 ⴷⴻⴳ ⵜⴻⵎⵀⴻⵍⵜ ⵜⴰⵙⴻⵔⴷⴰⵙⵉⵜ ⵜⴰⵎⵏⴰⴹⴰⵏⵜ ⵉ ⵍⵎⴻⵏⴷ ⵏ ⵜⵓⵥⵥⵄⴰ ⵏ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⵏ ⴱⵧⴽⵧ ⵀⴰⵔⴰⵎ ⵙⴻⴳ ⵜⴻⵎⵏⴰⴹⵉⵏ ⴰⵢ ⵢⴻⴹⴹⴻⴼ ⴷⴻⴳ ⵓⴳⴰⴼⴰ-ⴰⴳⵎⵓⴹⴰⵏ ⵏ ⵏⵉⵊⵉⵔⵢⴰ, ⵢⴻⵔⵏⴰ ⵜⵉⵍⵉⵙⴰ ⵏ ⵏⵉⵊⵉⵔⵢⴰ ⴱⴻⵄⴷⴻⵏⵜ ⵙ 50 ⴽⴰⵏ ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵏ’ⴷⵊⴰⵎⴻⵏⴰ, ⵜⴰⵎⴰⵏⴻⵖⵜ ⵏ ⵞⴰⴷ.

ⵏⵉⵊⵉⵔⵢⴰ, ⵏⵉⵊⵉⵔ, ⵞⴰⴷ, ⴽⴰⵎⵔⵓⵏ ⴷ ⴱⴻⵏⵉⵏ ⵎⵙⴻⴼⵀⴰⵎⴻⵏⵜ ⴰⵙⵙ ⵏ 11 ⵢⵓⵏⵢⵓ, ⴷⴻⴳ ⵢⵉⵡⴻⵜ ⵏ ⵜⵇⴰⵛⵓⵛⵜ ⴷⴻⴳ ⴰⴱⵓⵊⴰ, ⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏⵜ ⵜⴰⴷⵓⵙⵉ ⵜⴰⵎⵏⴰⴹⴰⵏⵜ ⴰⴽⴽⴻⵏ ⴰⴷ ⵏⵏⴰⵖⴻⵏⵜ ⵅⵉⵔ ⵎⴳⴰⵍ ⴱⵧⴽⵧ ⵀⴰⵔⴰⵎ ⴰⵢ ⵢⴻⵇⵇⵏⴻⵏ ⵉⵎⴰⵏ-ⵏⵏⴻⵙ ⵖⴻⵔ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⵏ « ⵓⵡⴰⵏⴰⴽ ⵉⵙⵍⴰⵎⴰⵏ » (ⴷⴰⵄⴻⵛ).

ⵜⴰⴷⵓⵙⵉ-ⴰ ⵜⴻⵜⵜⵡⴰⵙⵙⴻⵏ ⵙ ⵢⵉⵙⴻⵎ ⵏ ⵎⵏⵊⵜⴼ ⵙ ⵜⴰⵏⴳⵍⵉⵣⵉⵜ, ⴰⴷ ⵜⴻⵙⵄⵓ 8.700 ⵏ ⵢⵉⵙⴻⵔⴷⴰⵙⴻⵏ, ⴰⴷ ⵜⵉⵍⵉ ⴷⴷⴰⵡ ⵕⵕⴰⵢ ⵏ ⵏⵉⵊⵉⵔⵢⴰ ⵢⴻⵔⵏⴰ ⴰⴷ ⵜⴻⵙⵄⵓ ⴰⵎⵎⴰⵙ-ⵏⵏⴻⵙ ⴷⴻⴳ ⵏ’ⴷⵊⴰⵎⴻⵏⴰ.

ⴰⵣⴰⵍ ⵏ 5000 ⵏ ⵢⵉⵙⴻⵔⴷⴰⵙⴻⵏ ⵉⵞⴰⴷⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⴱⵧⴽⵧ ⵀⴰⵔⴰⵎ. ⴷⴻⴳ ⵢⴻⴱⵔⵉⵔ, ⵎⵎⵓⵜⴻⵏ 71 ⵏ ⵢⵉⵙⴻⵔⴷⴰⵙⴻⵏ ⵉⵞⴰⴷⵉⵢⴻⵏ ⴷⴻⴳ ⵢⵉⵎⴻⵏⵖⵉ-ⴰ.