ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⴱⵏⵉ ⵏ ⵜⴷⴰⵎⵙⴰ ⵏ ⵍⵖⴻⵍⵍⴰ ⵢⴻⵃⵡⴰⴵ « ⴰⴽⵓⴷ ⴷ ⵚⵚⴱⴻⵔ » (ⵙⴻⵍⵍⴰⵍ)
ⵎⵄⴻⵙⴽⴻⵕ - ⴰⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵏⵏⴰ-ⴷ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵎⵄⴻⵙⴽⴻⵕ, ⴷⴰⴽⴽⴻⵏ ⴰⵄⴻⴷⴷⵉ ⵙⴻⴳ ⵜⴷⴰⵎⵙⴰ ⵏ ⵓⵙⵙⴻⴽⴼⴻⵍ ⵏ ⵢⵉⵙⴻⵔⵖⴰ ⵖⴻⵔ ⵜⴷⴰⵎⵙⴰ ⵏ ⵓⴼⴰⵔⴻⵙ ⵏ ⵍⵖⴻⵍⵍⴰ ⴷ ⴰⵢⴻⵏ ⴰⵔⴰ ⵢⴻⵃⵡⵉⴵⴻⵏ « ⴰⴽⵓⴷ ⴷ ⵚⵚⴱⴻⵔ ».
« ⵢⴻⵙⵙⴻⴼⴽ ⴰⴷ ⵏⵥⴻⵔ ⴷⴰⴽⴽⴻⵏ ⴰⵄⴻⴷⴷⵉ ⵙⴻⴳ ⵜⴷⴰⵎⵙⴰ ⵏ ⵓⵖⴻⵍⵍⴻⵜ (ⵏ ⵢⵉⵙⴻⵔⵖⴰ) ⵖⴻⵔ ⵜⴷⴰⵎⵙⴰ ⵏ ⵓⴼⴰⵔⴻⵙ ⴷ ⴰⵢⴻⵏ ⴰⵔⴰ ⵢⴻⴹⴹⴼⴻⵏ ⴰⵟⴰⵙ ⵏ ⵡⴰⴽⵓⴷ, ⵢⴻⵔⵏⴰ ⴰⵙⵙⴻⵡⵊⴻⴷ ⵉ ⵜⴰⵍⵍⵉⵜ ⵏ ⵡⴰⵙⵎⵉ ⴰⵔⴰ ⵉⵅⴰⵚⵚ ⵓⵒⵉⵜⵕⵓⵍ ⴰⴷ ⵢⵉⵖⵣⵉⴼ. ⴰⵙⵙ-ⴰ, ⵢⴻⵙⵙⴻⴼⴽ ⴰⴷ ⴷ-ⵏⴻⵙⵙⵉⵡⴻⵍ ⵖⴻⴼ ⵓⴼⴰⵔⴻⵙ ⴷ ⵓⵏⵏⵓⵎⵎⴻⴷ ⴷⴻⴳ ⵍⴻⵙⵡⴰⵇ ⵉⴱⴻⵕⵕⴰⵏⵉⵢⴻⵏ, ⵢⴻⵔⵏⴰ ⴰⵢⴰ ⵢⴻⵃⵡⴰⴵ ⴰⵟⴰⵙ ⵏ ⵡⴰⴽⵓⴷ. ⵢⴻⵙⵙⴻⴼⴽ ⴰⴷ ⵏⵉⵍⵉ ⴷ ⵉⵚⴻⴱⴱⴰⵔⴻⵏ ⵢⴻⵔⵏⴰ ⴰⴷ ⵏⴻⴷⴷⵓ ⵖⴻⵔ ⵙⴷⴰⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵔⵣⵉ-ⵏⵏⴻⵙ ⵖⴻⴼ ⵜⵡⵉⵍⴰⵢⵜ ⵏ ⵎⵄⴻⵙⴽⴻⵕ, ⴰⵏⴻⵖⵍⴰⴼ ⴰⵎⴻⵏⵣⵓ ⵢⴻⵙⵙⴻⴼⵀⴻⵎ-ⴷ ⴷⴰⴽⴽⴻⵏ « ⵉⴳⴰ-ⵜⵜ ⴰⴽⴽⴻⵏ ⴰⴷ ⵢⴻⵙⵙⴻⴱⵖⴻⵙ ⵉⵙⴻⵏⴼⴰⵔⴻⵏ, ⵍⴰⴷⵖⴰ ⴷⴻⴳ ⵢⵉⵏⵓⵔⴰⵔ ⵏ ⵜⴼⴻⵍⵍⴰⵃⵜ, ⵉⵙⴻⵔⵖⴰ ⴷ ⵜⴻⵎⴳⵓⵔⵉ, ⵢⴻⵔⵏⴰ ⴰⵢⴰ ⵢⴻⴷⴷⴰ ⵙⵡⴰⵙⵡⴰ ⴷⴻⴳ ⵓⴱⵔⵉⴷ ⵏ ⵓⵏⴰⴱⴰⴹ ».
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵢⵢⵓⵔ ⵏ ⵔⴻⵎⴹⴰⵏ, ⵎⴰⵙⵙ ⵙⴻⵍⵍⴰⵍ ⵢⴻⵏⵏⴰ-ⴷ ⴷⴰⴽⴽⴻⵏ ⵓⵍⴰⵛ ⵓⴳⵓⵔⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⴼⴰⵔⵉⵙⴻⵏ ⵏ ⵓⵙⵙⵓⴷⴻⵔ ⵢⴻⵔⵏⴰ ⴰⵍⴰ ⴷⴻⴳ 3 ⵡⵓⵙⵙⴰⵏ ⵉⵎⴻⵣⵡⵓⵔⴰ ⵏ ⵡⴰⵢⵢⵓⵔ-ⴰ ⴰⵔⴰ ⴷ-ⵢⴻⴳⴳⴻⵜ ⵍⵖⴰⵛⵉ ⵖⴻⴼ ⵍⴻⵙⵡⴰⵇ ⵉⵎⵉ ⴰⵢⴰ ⵢⵓⴷⴻⴼ ⴷⴻⴳ ⵍⴻⵄⵡⴰⵢⴻⴷ ⵏ ⵎⴻⴷⴷⴻⵏ ⴷⴻⴳ ⵔⴻⵎⴹⴰⵏ.
