ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵣⵔⵓⵣⴰⵖ ⵢⴻⴱⴷⴻⵔ-ⴷ ⵜⴰⴳⵏⵉⵜ ⵜⴰⵡⴻⵄⵕⴰⵏⵜ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ

ⵍⴷⵣⴰⵢⴻⵔ– ⴰⴳⴻⵏⵙⴰⵙ ⵏ ⴰⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⵉⵣⵔⵓⵣⴰⵖ (ⵀⵛⵔ) ⴷⴻⴳ ⵍⴷⵣⴰⵢⴻⵔ, ⵀⴰⵎⴷⵉ ⴱⵓⴽⵀⴰⵔⵉ, ⵢⴻⴱⴷⴻⵔ-ⴷ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴷⵣⴰⵢⴻⵔ ⴷⴰⴽⴽⴻⵏ ⵜⴰⴳⵏⵉⵜ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⴷⴻⴳ ⵍⴷⵣⴰⵢⴻⵔ ⵙⵉⵎⴰⵍ ⵍⴰ ⵜⴻⵜⵜⴻⵇⵇⴰⵍ ⵓⵔ ⵜⴻⵜⵜⵡⴰⵃⵎⴰⵍ ⴰⵔⴰ, ⵢⴻⵔⵏⴰ ⵢⴻⵙⵙⵓⵜⴻⵔ ⵙⴻⴳ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴷ ⵉⴽⴻⵎⵎⴻⵍ ⴰⴱⴷⴰⴷ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵢⵉⵚⴻⵃⵔⴰⵡⵉⵢⴻⵏ ⴷⴻⴳ ⵡⴰⵢⴻⵏ ⴰⵢ ⵃⵡⴰⴵⴻⵏ.

« ⴰⵙⵙ ⴰⴳⵔⴰⵖⵍⴰⵏ ⵏ ⵢⵉⵣⵔⵓⵣⴰⵖ ⴷ ⵜⴰⴳⵏⵉⵜ ⴰⴽⴽⴻⵏ ⴰⴷ ⴷ-ⵏⵃⴻⵜⵜⴻⵜ ⵖⴻⴼ ⵜⴻⴳⵏⵉⵜ ⵏ ⵢⵉⵣⵔⵓⵣⴰⵖ ⵏ ⵓⵏⴻⵥⵔⵓⴼ ⵓⵜⵔⵉⵎ ⴰⵢ ⵍⴰ ⵢⴻⵜⵜⴻⵇⵇⴰⵍⴻⵏ ⵓⵔ ⵜⴻⵜⵜⵡⴰⵃⵎⴰⵍ ⴰⵔⴰ, ⵢⴻⵔⵏⴰ ⴰⴷ ⵏⴼⴰⵕⴻⵙ ⵜⴰⴳⵏⵉⵜ-ⴰ ⴰⴽⴽⴻⵏ ⴰⴷ ⵏⴻⵙⵙⵓⵜⴻⵔ ⵙⴻⴳ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴷ ⵉⴽⴻⵎⵎⴻⵍ ⴰⴱⴷⴰⴷ-ⵏⵏⴻⵙ ⵉ ⵢⵉⵣⵔⵓⵣⴰⵖ-ⴰ ⴷⴻⴳ ⵡⴰⵢⴻⵏ ⵃⵡⴰⴵⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵢⵉⵣⵔⵓⵣⴰⵖ ⴷⴻⴳ ⵢⵉⵡⴻⵏ ⵏ ⵓⵍⵖⵓ ⴰⵢ ⴷ-ⵢⴻⵙⵙⵓⴼⴼⴻⵖ ⵉ ⵍⵎⴻⵏⴷ ⵏ ⵡⴰⵙⵙ-ⴰ ⴰⴳⵔⴰⵖⵍⴰⵏ.

ⵉⵎⴹⴻⴱⴱⴻⵔ-ⴰ ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ, ⵙⴷⴻⴼⴼⵉⵔ ⵏ ⵢⵉⵡⴻⵏ ⵏ ⵜⴻⵎⵍⵉⵍⵉⵜ ⴰⵢⴷⴻⴳ ⴰⵢ ⴷ-ⵎⵍⴰⵍⴻⵏⵜ ⴽⵔⴰⴹⵜ ⵏ ⵜⵏⴻⴳⴳⵉⵡⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ (ⴰⵀⵉⵍ ⴰⵎⴰⴹⵍⴰⵏ ⵏ ⵜⵓⵞⵞⵉⵜ, ⵓⵏⵉⵛⴻⴼ ⴷ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵢⵉⵣⵔⵓⵣⴰⵖ), « ⵜⴻⵏⵇⴻⵙ ⵎⵍⵉⵃ ⵍⵡⴻⵍⵀⴰ » ⴰⵢ ⴷ-ⵜⵜⴰⵔⵔⴰⵏ ⵍⴻⴵⵏⴰⵙ ⵖⴻⵔ ⵜⴰⵍⵓⴼⵜ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ « ⴰⵏⵇⴰⵙ ⵏ ⵍⴻⵎⵄⴰⵡⵏⴰ-ⴰ ⵢⴻⴽⴽⴰ-ⴷ ⵙⴻⴳ ⵓⵟⵟⵓⵇⵇⴻⵜ ⵏ ⵜⵓⵄⵊⵉⵍⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵓⵎⴰⴹⴰⵍ ».

ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⴷⴰⴽⴽⴻⵏ « ⴰⵙⵙⴻⵏⵇⴻⵙ ⵏ ⵓⵚⴻⵔⵔⴻⴼ ⵏ ⵢⵉⴷⵔⵉⵎⴻⵏ ⵢⴻⴳⵍⴰ-ⴷ ⵙ ⵓⵙⵙⴻⵏⵇⴻⵙ ⴷⴻⴳ ⵍⴻⵎⵄⴰⵡⵏⴰ, ⵙ ⵡⴰⵢⴰ, ⵎⴻⴷⴷⴻⵏ ⴰⴷ ⴽⴻⵎⵎⵍⴻⵏ ⴰⴷ ⵏⴹⴻⵔⵔⴻⵏ ».

ⵙ ⵡⴰⵢⴰ, ⵜⵉⵏⴻⴳⴳⵉⵡⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵏⵏⴰⵏⵜ-ⴷ ⴷⴰⴽⴽⴻⵏ « ⵙⵄⴰⵏⵜ ⵓⴳⵓⵔⴻⵏ ⴷ ⵉⵎⴻⵇⵔⴰⵏⴻⵏ ⴰⴽⴽⴻⵏ ⴰⴷ ⵄⴰⵡⵏⴻⵏⵜ ⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⵢⴻⵏⴹⴻⵔⵔⴻⵏ ⵙⴻⴳ ⵍⴻⵅⵚⴰⵚ, ⵢⴻⵔⵏⴰ ⵉⵣⵔⵓⵣⴰⵖ ⵅⵓⵚⵚⴻⵏ-ⵜⴻⵏ ⵍⴰⴷⵖⴰ ⵡⴰⵎⴰⵏ ⴷ ⵡⵓⵞⵞⵉ ».

ⵜⵉⵏⴻⴳⴳⵉⵡⵉⵏ-ⴰ ⵏⵏⴰⵏⵜ-ⴷ ⴷⴰⴽⴽⴻⵏ ⵜⴰⴳⵏⵉⵜ ⴰⵢⴷⴻⴳ ⵍⵍⴰⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ « ⵓⵔ ⵜⴻⵜⵜⵡⴰⵃⵎⴰⵍ », ⵢⴻⵔⵏⴰ ⵏⵏⴰⵏⵜ-ⴷ ⴷⴰⴽⴽⴻⵏ « ⵉⵣⵔⵓⵣⴰⵖ ⵍⴰ ⴰⵙⴻⵏ-ⵜⵜⴰⴽⴼⴻⵏ 18 ⵏ ⵢⵉⵍⵉⵜⵔⴻⵏ ⵏ ⵡⴰⵎⴰⵏ ⴷⴻⴳ ⵡⴰⵙⵙ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ « ⴷⴻⴳ ⵜⴻⵎⵏⴰⴹⵉⵏ ⵏⵉⴹⴻⵏ ⵏ ⵜⵎⵓⵔⵜ, ⵢⴰⵍ ⴰⵎⴷⴰⵏ ⵢⴻⵙⵙⴻⵇⴷⴰⵛ 10 ⵏ ⵜⵉⴽⴽⴰⵍ ⵓⴳⴰⵔ ⵏ ⵡⴰⵎⴰⵏ ».

ⵜⴰⵖⴱⴰⵍⵓⵜ-ⴰ ⵜⴻⴱⴷⴻⵔ-ⴷ ⴷⴰⴽⴽⴻⵏ ⴰⵀⵉⵍ ⴰⵎⴰⴹⵍⴰⵏ ⵏ ⵜⵓⵞⵞⵉⵜ (ⵒⴰⵎ) « ⵢⴻⵙⵙⴻⵏⵇⴻⵙ ⴰⵏⴻⵡⵡⴻⵄ ⵏ ⵡⵓⵞⵞⵉ ⵢⴻⵔⵏⴰ ⵢⵓⵖ-ⴷ ⵉⴼⴰⵔⵉⵙⴻⵏ ⵏ ⵜⵓⵞⵞⵉⵜ ⵔⵅⵉⵙⴻⵏ ⴰⴽⴽⴻⵏ ⴰⴷ ⵢⴻⴼⵔⴻⵇ ⵍⴻⵎⵄⴰⵡⵏⴰ ⵓⵍⴰ ⵎⴰ ⵅⵓⵚⵚⴻⵏ ⵢⵉⴷⵔⵉⵎⴻⵏ ».

ⴰⵀⵉⵍ ⴰⵎⴰⴹⵍⴰⵏ ⵏ ⵜⵓⵞⵞⵉⵜ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴻⵛⵖⴻⴱ-ⵉⵜ ⵜⴻⴳⵏⵉⵜ ⵢⴻⵔⵏⴰ « ⴰⴷ ⵜ-ⵜⴻⵔⵔ ⵜⵎⴰⵔⴰ, ⴷⴻⴳ ⵢⵓⵍⵢⵓ, ⴰⴷ ⵢⴻⵙⵙⴻⵏⵇⴻⵙ ⵜⵓⵞⵞⵉⵜ ⵙⴻⴳ ⵜⵇⴻⵛⵡⴰⵍⵉⵏ ⵏ ⵓⵚⴻⴷⴷⴻⵇ », « ⴰⵛⴽⵓ ⵓⵔ ⵏⵙⴻⵄⵄⵓ ⴰⵔⴰ ⵉⴷⵔⵉⵎⴻⵏ ⴰⴽⴽⴻⵏ ⴰⴷ ⵏⵚⴻⴷⴷⴻⵇ ⵜⵉⵔⴻⵎⵜ ⵢⴻⵎⵎⴷⴻⵏ ⵙⴻⴳ ⵛⵜⴻⵎⴱⴻⵕ ⴰⴽⴽⵉⵏ, ⵢⴻⵔⵏⴰ ⵉⵎⴻⵣⴷⴰⵖⴻⵏ ⴷⴷⵔⴻⵏ ⴰⵍⴰ ⵙ ⵍⴻⵎⵄⴰⵡⵏⴰ ⴰⵢ ⴷ-ⵢⴻⵜⵜⴰⵡⴹⴻⵏ ⵙⴻⴳ ⵓⵣⵖⴰⵔ ».

Ɣⴻⴼ ⵍⴻⵃⵙⴰⴱ ⵏ ⵓⴳⴻⵏⵙⴰⵙ ⵏ ⵡⴰⵀⵉⵍ ⴰⵎⴰⴹⵍⴰⵏ ⵏ ⵜⵓⵞⵞⵉⵜ ⴷⴻⴳ ⵍⴷⵣⴰⵢⴻⵔ, ⵔⵧⵎⴰⵉⵏ ⵙⵉⵔⵉⵧⵙ, « ⵜⴰ ⵎⴰⵛⵉ ⴰⴽⴽ ⴷ ⵜⴰⵙⵡⵉⵄⵜ ⵉⵡⴰⵜⴰⵏ ⵉ ⵓⵃⴱⴰⵙ ⵏ ⵍⴻⵎⵄⴰⵡⵏⴰ ⵜⴰⴳⵔⴰⵖⵍⴰⵏⵜ », ⵢⴻⵔⵏⴰ ⴰⵢⴰ « ⵢⴻⵣⵎⴻⵔ ⴰⴷ ⵢⴻⵙⵡⴰⵖ ⵉⵙⵓⵔⵉⴼⴻⵏ ⴰⵢ ⴷ-ⵢⴻⵍⵍⴰⵏ ⵖⴻⵔ ⵙⴷⴰⵜ ⴷⴻⴳ ⵓⵙⵙⴻⵍⵀⵓ ⵏ ⵜⵓⵞⵞⵉⵜ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵢⴻⴳⵍⵓ ⵡⴰⵢⴰ ⵙ ⵢⵉⵅⴻⵚⵚⴰⵔⴻⵏ ⵓⵔ ⵏⴻⵣⵎⵉⵔ ⴰⵔⴰ ⴰⴷ ⵏⴻⴱⵏⵓ ⴼⴻⵍⵍ-ⴰⵙⴻⵏ ⵢⴻⵔⵏⴰ ⵢⴻⵣⵎⴻⵔ ⵡⴰⵢⴰ ⴰⴷ ⴷ-ⵢⴻⵙⵙⴻⵏⴽⴻⵔ ⵛⵛⵡⴰⵍ ⵖⴻⵔ ⵢⵉⵎⴻⵣⴷⴰⵖⴻⵏ-ⴰ. ⵉⵣⵔⵓⵣⴰⵖ ⴷⴷⵔⴻⵏ ⴽⴰⵏ ⵙ ⵍⴻⵎⵄⴰⵡⵏⴰ-ⴰ, ⵍⴰⴷⵖⴰ ⵉⵎⵉ ⵜⴰⵍⵓⴼⵜ-ⵏⵙⴻⵏ ⵖⴻⵣⵣⵉⴼⴻⵜ ».

ⴰⴳⴻⵏⵙⴰⵙ ⵏ ⵓⵏⵉⵛⴻⴼ ⴷⴻⴳ ⵍⴷⵣⴰⵢⴻⵔ, ⵜⵀⵧⵎⴰⵙ ⴷⴰⵠⵉⵏ, ⵢⴻⵏⵏⴰ-ⴷ ⵙⴻⴳ ⵢⵉⴷⵉⵙ-ⵏⵏⴻⵙ ⴷⴰⴽⴽⴻⵏ « ⵉⵣⵔⵓⵣⴰⵖ-ⴰ ⵙⵙⴻⴽⵏⴻⵏ-ⴷ ⵚⵚⴱⴻⵔ ⴷ ⴰⵎⴻⵇⵔⴰⵏ ⴷⴻⴳ ⵓⵇⴰⴱⴻⵍ ⵏ ⵍⵎⴻⵃⵏⴰ ».

ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵏⴻⴳⴳⵉⵡⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⵓⵣⴰⵖ « ⴰⴷ ⴽⴻⵎⵎⵍⴻⵏ ⴰⴷ ⴷ-ⴳⴳⴰⵔⴻⵏ ⵜⵉⵖⵔⵉ ⴰⴽⴽⴻⵏ ⴰⴷ ⴷ-ⵔⵔⴻⵏ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵍⵡⴻⵍⵀⴰ-ⵏⵙⴻⵏ ⵖⴻⵔ ⵍⴻⵅⵚⴰⵚ ⵏ ⵢⵉⴷⵔⵉⵎⴻⵏ ⵉ ⵓⵄⴰⵡⴻⵏ ⵏ ⵢⵉⵣⵔⵓⵣⴰⵖ »

ⴷⵖⴰ ⴷⴻⴳ ⵜⴻⴳⵏⵉⵜ-ⴰ, ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ « ⵜⴰⵍⵓⴼⵜ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⵜⵓⵡⴻⴹ ⵖⴻⵔ ⵓⵙⴻⴳⴳⴰⵙ-ⵏⵏⴻⵙ ⵡⵉⵙ 40 », ⵢⴻⵔⵏⴰ ⵜⵉⵏⴻⴳⴳⵉⵡⵉⵏ-ⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵡⴰⵍⴰⵏⵜ ⴷⴰⴽⴽⴻⵏ « ⴰⵏⵇⴰⵙ-ⴰ ⴰⵎⴻⵇⵔⴰⵏ ⴷⴻⴳ ⵢⵉⴷⵉⵔⵎⴻⵏ ⵏ ⵍⴻⵎⵄⴰⵡⵏⴰ ⵏ ⵢⵉⵡⴻⵜ ⵙⴻⴳ ⵜⵍⵓⴼⴰ ⴰⵢ ⵢⴻⵜⵜⵓ ⵓⵎⴰⴹⴰⵍ ⵉⴱⴰⵏ-ⴷ ⴷⴻⴳ ⵢⵉⵡⴻⵜ ⵏ ⵜⴻⴳⵏⵉⵜ ⵉⵡⴻⵄⵕⴻⵏ: ⵜⴰⵍⵓⴼⵜ ⵏ ⴼⴻⵔⵔⵓ ⵏ ⵜⴰⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵜⵄⴻⴹⴹⴻⵍ ⴰⵟⴰⵙ ⵢⴻⵔⵏⴰ ⵔⴻⴳⵍⴻⵏ ⴰⴽⴽ ⵢⵉⴱⵔⵉⴷⴻⵏ ⴰⴽⴽⴻⵏ ⴰⴷ ⵜⴻⴼⵔⵓ ⵙ ⵜⵙⴻⵔⵜⵉⵜ ».

Ɣⴻⴼ ⵡⴰⵢⴰ, ⵜⵉⵏⴻⴳⴳⵉⵡⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⵙⵓⵜⵔⴻⵏⵜ ⵙⴻⴳ ⵢⵉⴷⵉⵙⴰⵏ ⴰⵔⴰ ⵉⵄⴰⵡⵏⴻⵏ ⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ « ⴰⴷ ⴷ-ⴳⵔⴻⵏ ⴷⴻⴳ ⵍⴻⵃⵙⴰⴱ ⴰⵄⴻⴹⴹⴻⵍ ⵏ ⵜⴰⵍⵓⴼⵜ-ⴰ ».

ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵏⴻⵜⵜⴰⵜ ⴰⵢ ⴷ ⵜⴰⵍⵓⴼⵜ ⵜⴰⵖⴻⵣⴼⴰⵏⵜ ⴰⴽⴽ ⴷⴻⴳ ⵓⵎⴰⴹⴰⵍ ⴰⵢⵢⴻⵙ ⴷ-ⵢⴻⵍⵀⴰ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵢⵉⵣⵔⵓⵣⴰⵖ.