ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵃⵔⴰⵣ ⴷ ⵓⵚⴻⴳⴳⴻⵎ ⵏ ⵢⵉⵙⵓⵔⴰ ⵉⵣⵣⴰⵢⵔⵉⵢⴻⵏ

ⵍⴻⵣⵣⴰⵢⴻⵔ – ⵉ ⵍⵎⴻⵏⴷ ⵏ ⵜⵔⵉⵔⵉⵜ ⵏ ⵡⴰⵣⴰⵍ ⵉ ⵙⵙⵉⵏⵉⵎⴰ ⴷ ⵓⵙⵙⴻⵍⵀⵓ ⵏ ⵓⵙⵡⵉⵔ ⵏ ⵢⵉⵅⴻⴷⴷⴰⵎⴻⵏ ⵏ ⵡⴰⵎⵎⴰⵙ ⴰⴷⵣⴰⵢⵔⵉ ⵏ ⵙⵙⵉⵏⵉⵎⴰ ⴷ ⵜⴻⵎⴽⴰⵔⴹⵉⵜ ⵜⴰⵖⴻⵍⵏⴰⵡⵜ, ⵢⴻⴱⴷⴰ-ⴷ ⵢⵉⵡⴻⵏ ⵏ ⵛⵛⵖⴻⵍ ⵏ ⵓⵚⴻⴳⴳⴻⵎ ⴷ ⵓⵃⵔⴰⵣ ⵏ ⵢⵉⵙⵓⵔⴰ ⵉⵣⵣⴰⵢⵔⵉⵢⴻⵏ.

ⵛⵛⵖⴻⵍ-ⴰ ⵍⵀⴰⵏ-ⴷ ⵢⵉⴷ-ⵙ ⵢⵉⵎⴰⵣⵣⴰⵢⴻⵏ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵔⵏⴰ ⵢⵓⴷⴻⴼ ⴷⴻⴳ ⵡⴰⵀⵉⵍ ⵏ ⵓⵃⵔⴰⵣ ⴷ ⵜⵓⴽⵛⵉ ⵏ ⵡⴰⵣⴰⵍ ⵉ ⵜⴳⴻⵎⵎⵉ ⵏ ⵙⵙⵉⵏⵉⵎⴰ ⵜⴰⴷⵣⴰⵢⵔⵉⵜ (2012) ⴰⵢ ⴷ-ⵢⴻⵍⵍⴰⵏ ⵙ ⵜⵉⵛⵛⵓⵔⴽⴰ ⴳⴰⵔ ⵓⵖⵍⵉⴼ ⵏ ⵢⵉⴷⵍⴻⵙ ⴷ ⵜⴷⵓⴽⵍⵉ ⵜⵓⵕⵓⴼⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ.

ⴷ ⵡⴰ ⴰⵢ ⴷ ⵛⵛⵖⴻⵍ ⴰⵎⴻⵣⵡⴰⵔⵓ ⵙⴻⴳ ⵚⵚⴻⵏⴼ-ⴰ ⵉ ⵍⵎⴻⵏⴷ ⵏ ⵓⵚⴻⴳⴳⴻⵎ ⴷ ⵓⵙⵙⴻⵕⵛⴻⴱ ⵏ ⵜⴳⴻⵎⵎⵉ ⵜⴰⴷⵣⴰⵢⵔⵉⵜ ⵏ ⵙⵙⵉⵏⵉⵎⴰ, ⵢⴻⵔⵏⴰ ⵛⵛⵖⴻⵍ-ⴰ ⴰⴷ ⴷ-ⵉⵃⴰⵣ ⴰⵚⴻⴳⴳⴻⵎ ⴰⵜⴻⴽⵏⵉ ⵢⴻⵔⵏⴰ ⴷ « ⵉⵎⴷⴻⵇⵇⴻⵇ » ⵏ ⵙⵉⵏ ⵏ ⵢⵉⵙⵓⵔⴰ ⵉⵎⵉⴷⵔⵓⵙⴻⵏ ⵏ ⵙⵙⵉⵏⵉⵎⴰ ⵜⴰⴷⵣⴰⵢⵔⵉⵜ. ⴰⵎⴻⵣⵡⴰⵔⵓ ⴷ ⴰⵙⴰⵔⵓ ⵏ « ⵉⴹ ⵢⴻⵜⵜⴰⴳⴰⴷ ⵜⴰⴼⵓⴽⵜ » (ⵍⴰ ⵏⵓⵉⵜ ⴰ ⵒⴻⵓⵔ ⴷⵓ ⵙⵧⵍⴻⵉⵍ) ⵏ ⵎⵓⵙⵜⴰⵒⵀⴰ ⴱⴰⴷⵉⴻ (1965) ⴷ « ⵜⴰⵃⵢⴰ ⵢⴰ ⴷⵉⴷⵓ » ⵏ ⵎⵧⵀⴰⵎⴻⴷ ⵣⵉⵏⴻⵜ (1971).

ⵜⵉⴽⵍⵉ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ, ⵜⴻⵙⵄⴰ ⴰⵣⴰⵍ ⴷ ⴰⵎⴻⵇⵔⴰⵏ ⵉ ⵓⵃⵔⴰⵣ ⵏ ⵜⴳⴻⵎⵎⵉ ⵜⴰⴷⵣⴰⵢⵔⵉⵜ ⵏ ⵙⵙⵉⵏⵉⵎⴰ ⴷ ⵛⵛⴼⴰⵡⴰⵜ. ⵉ ⵍⵎⴻⵏⴷ ⵏ ⵡⴰⵢⴰ, ⴰⵎⵎⴰⵙ ⴰⴷⵣⴰⵢⵔⵉ ⵏ ⵙⵙⵉⵏⵉⵎⴰ ⴷ ⵜⴻⵎⴽⴰⵔⴹⵉⵜ ⵜⴰⵖⴻⵍⵏⴰⵡⵜ ⴰⴷ ⵙⵄⵓⵏ ⵜⵜⴰⵡⵉⵍⴰⵜ ⵉⴼⴰⵣⴻⵏ ⴰⴽⴽⴻⵏ ⴰⴷ ⴷ-ⵍⵀⵓⵏ ⵙ ⵛⵛⵖⴻⵍ-ⴰ.