ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵙⴻⵔⴷⴰⵙⴻⵏ ⵉⵙⵓⵔⵉⵢⴻⵏ ⵍⴰ ⵜⵜⴰⵥⴻⵏ ⵖⴻⵔ ⵜⴻⵎⴷⵉⵏⵜ ⵏ ⵜⴰⴷⵎⵓⵔ

ⴷⵉⵎⴻⵛⵇ – ⵉⴳⴻⵏ ⴰⵙⵓⵔⵉ ⵢⵓⵥⴰ ⴰⵔⵎⵉ ⴰⵢ ⵢⵓⵡⴻⴹ ⵖⴻⵔ ⵓⵜⴰⵔⴰⵎ (ⵍⵖⴻⵔⴱ) ⵏ ⵜⴻⵎⴷⵉⵏⵜ ⵜⴰⵇⴱⵓⵔⵜ ⵏ ⵜⴰⴷⵎⵓⵔ ⴰⵢ ⴷ-ⵢⴻⵖⵍⵉⵏ ⴰⵢⵢⵓⵔ ⴰⵢⴰ ⴳⴰⵔ ⵢⵉⴼⴰⵙⴻⵏ ⵏ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⵏ ⵓⵡⴰⵏⴰⴽ ⵉⵙⵍⴰⵎⴰⵏ (ⴷⴰⵄⴻⵛ), ⵢⴻⵔⵏⴰ ⵢⴻⵙⵙⴰⵡⴻⴹ ⵢⵉⴳⴻⵏ ⴰⵙⵓⵔⵉ ⴰⴷ ⵢⴻⴹⵎⴻⵏ ⵜⴰⵖⴻⵍⵍⵉⵙⵜ ⵏ ⵓⴱⵔⵉⴷ ⵏ ⵓⵙⵙⵉⵡⴻⴹ ⵏ ⵓⵒⵉⵜⵕⵓⵍ ⵏ ⵜⴻⵎⵏⴰⴹⵜ-ⴰ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵖⵎⵉⵙ ⴰⵙⵓⵔⵉ ⴷ ⵢⵉⵡⴻⵜ ⵏ ⵜⵓⴷⴷⵙⴰ ⵜⴰⵔⵏⴰⴱⴰⴹⵜ ⴰⵙⵙ ⵏ ⵍⴻⵜⵏⵉⵢⴻⵏ.

« ⵉⵙⴻⵔⴷⴰⵙⴻⵏ ⵏ ⵡⴰⴽⴰⵍ ⵓⵥⴰⵏ ⵙ ⵡⴰⵟⴰⵙ ⵖⴻⵔ ⵜⴻⵎⵏⴰⴹⵜ ⵏ ⴰⵍ-ⴱⵉⵢⴰⵔⴰⵜ ⴰⵍ-ⴳⵀⴰⵔⴱⵉⵢⴰ » ⴰⵢ ⵢⴻⵍⵍⴰⵏ ⵏⴰⵇⴰⵍ ⴳⴰⵔ ⵢⵉⴼⴰⵙⵙⴻⵏ ⵏ ⴷⴰⵄⴻⵛ, ⵜⴰⴳⵔⴰⵡⵜ ⵜⵉⵎⵙⴻⵍⵍⴻⵃⵜ ⴰⵢ ⵢⴻⴹⴹⴼⴻⵏ ⵜⵉⵎⵏⴰⴹⵉⵏ ⴷⴻⴳ ⵙⵓⵔⵢⴰ ⴷ ⵍⵄⵉⵔⴰⵇ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵎⵉⵙ ⴰⵢⴰⵍⵍⴰⵙ ⵏ ⴰⵍ-ⵡⴰⵜⴰⵏ.

ⵖⴻⴼ ⵍⴻⵃⵙⴰⴱ ⵏ ⵓⵙⴰⵏⴰⵢ ⴰⵙⵓⵔⵉ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵉⴷⵓⴱⴰ ⵙⵙⴰⵡⴹⴻⵏ « ⴰⴷ ⵙⵙⵓⴼⴼⵖⴻⵏ ⵉⴵⵉⵀⴰⴷⵉⵢⴻⵏ ⵙⴻⴳ ⴰⵍ-ⴱⵉⵢⴰⵔⴰⵜ ⴷⴻⴳ ⵜⴳⴰⵔⴰ ⵏ ⴷⴷⵓⵕⵜ ⵢⴻⵣⵔⵉⵏ ⵢⴻⵔⵏⴰ ⴰⵎⴽⴰⵏ-ⴰ ⵢⴻⴱⵄⴻⴷ ⵙ 10 ⴽⴰⵏ ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵜⴰⴷⵎⵓⵔ ».

« ⵜⵓⴹⴹⴼⴰ ⵏ ⵜⴻⵎⵏⴰⴹⵜ-ⴰ ⵜⴻⴵⴵⴰ ⵉⴳⴻⵏ ⴰⵙⵓⵔⵉ ⴰⴷ ⵢⴻⴹⵎⴻⵏ ⵍⴰⵎⴰⵏ ⵉ ⵓⴱⵔⵉⴷ ⵏ ⵓⵙⵙⵉⵡⴻⴹ ⵏ ⵓⵒⵉⵜⵕⵓⵍ ⵙⴻⴳ ⵢⵉⴳⴻⵔ ⵏ ⵊⴰⵣⴰⵍ ⴰⵢ ⵉⴱⴻⵄⴷⴻⵏ ⵙ 20 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵜⴰⴷⵎⵓⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⵔⴰⵎⵉ ⴰⴱⴷⴻⵍ ⵔⴰⵀⵎⴰⵏⴻ, ⴰⵏⴻⵎⵀⴰⵍ ⵏ ⵓⵙⴰⵏⴰⵢ ⴰⵙⵓⵔⵉ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ. ⵉⴳⴻⵏ ⴰⵙⵓⵔⵉ ⵢⴻⵙⵙⴰⵡⴻⴹ ⴰⴷ ⴰⵙ-ⵢⴻⴽⴽⴻⵙ ⵉ ⴷⴰⵄⴻⵛ ⵉⴳⴻⵔ-ⵏⵏⵉ ⵏ ⵓⵒⵉⵜⵕⵓⵍ ⴷⴷⵓⵕⵜ ⵢⴻⵣⵔⵉⵏ.

« ⴰⵏⵀⵉⵍ ⴰⵙⵓⵔⵉ ⵢⴻⵣⵎⴻⵔ ⴰⴷ ⵢⴻⵙⵙⴰⵡⴰⴹ ⴰⵒⵉⵜⵕⵓⵍ ⵙⴻⴳ ⵊⴰⵣⴰⵍ, ⴰⴷ ⵜ-ⵢⴻⵙⵄⴻⴷⴷⵉ ⵖⴻⴼ ⴰⵍ-ⴱⵉⵢⴰⵔⴰⵜ, ⵙⴰⴽⴽⵉⵏ ⴰⴷ ⵜ-ⵢⴻⵙⵙⵉⵡⴻⴹ ⵖⴻⵔ ⵜⴻⵎⴷⵉⵏⵉⵏ ⵏⵉⴹⴻⵏ ⴰⵢ ⵢⴻⴹⴹⴻⴼ » ⴷⴻⴳ ⵜⵎⵓⵔⵜ-ⴰ ⴷⴻⴳ ⵢⴻⵏⴽⴻⵔ ⵟⵟⵔⴰⴷ ⵙⴻⴳ ⵎⴻⵖⵔⴻⵙ ⵏ 2011, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴰⵏⴰⵢ.

ⴰⵙⵙ ⵏ ⵍⴻⵜⵏⵉⵢⴻⵏ, ⵉⴳⴻⵏ ⴰⵙⵓⵔⵉ ⵢⴻⵙⵙⴰⵡⴻⴹ ⵓⴳⴰⵔ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵖⴻⵔ ⴰⵍ-ⴱⵉⵢⴰⵔⴰⵜ, ⵢⴻⵔⵏⴰ ⵉⴽⴻⵎⵎⴻⵍ ⵜⵉⵢⵜⵉⵡⵉⵏ-ⵏⵏⴻⵙ ⵜⵉⴳⴻⵏⵡⴰⵏⵉⵏ ⵎⴳⴰⵍ ⴷⴰⵄⴻⵛ ⴷⴻⴳ ⵜⴰⴷⵎⵓⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴰⵏⴰⵢ ⴰⵙⵓⵔⵉ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⵜⵉⵢⵜⵉⵡⵉⵏ-ⴰ ⴳⵍⴰⵏⵜ ⵙ ⵜⵎⴻⴷⴷⵓⵔⵉⵏ ⵏ11 ⵏ ⵢⵉⵖⴰⵔⵉⵎⴻⵏ.

ⴰⵖⵎⵉⵙ-ⵏⵏⵉ ⴰⵙⵓⵔⵉ ⵉⵅⴻⴱⴱⴻⵔ-ⴷ ⴷⴰⵖ ⴷ ⴰⴽⴽⴻⵏ ⵉⴳⴻⵏ « ⵢⴻⵙⵙⴰⴳⴳⴻⵜ » ⵜⵉⵢⵜⵉⵡⵉⵏ-ⵏⵏⴻⵙ ⵜⵉⴳⴻⵏⵡⴰⵏⵉⵏ « ⵎⴳⴰⵍ ⵓⵡⴰⵏⴰⴽ ⵉⵙⵍⴰⵎⴰⵏ ⴷⴻⴳ ⵜⴰⴷⵎⵓⵔ ⴷ ⵜⴻⵎⵏⴰⴹⵉⵏ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ ».

ⵜⴰⴳⵔⴰⵡⵜ-ⴰ ⵜⵉⵎⵙⴻⵍⵍⴻⵃⵜ ⵜⴻⵥⵥⴰ ⵍⵎⵉⵏⴰⵜ ⴷⴻⴳ ⵢⵉⵅⴻⵔⴱⴰⵏ ⵏ ⵜⴰⴷⵎⵓⵔ ⴰⵢ ⵜⴻⵙⵙⴰⴷⴻⴼ ⵓⵏⴻⵙⵛⵧ ⴷⴻⴳ ⵜⴳⴻⵎⵎⵉ ⵜⴰⵎⴰⴹⵍⴰⵏⵜ ⵏ ⵜⴰⵍⵙⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴰⵏⴰⵢ ⴰⵙⵓⵔⵉ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⵢ ⵢⵓⴳⴰⴷⴻⵏ ⵍⴻⵎⵎⴻⵔ ⴰⴷ ⵢⴻⵜⵜⵡⴰⵙⵙⴻⴷⵔⴻⵎ ⵓⵎⴽⴰⵏ-ⴰ.

ⴷ ⴰⵛⵓ ⴽⴰⵏ, ⵡⴻⵔⵄⴰⴷ ⵓⵔ ⴷ-ⵉⴱⴰⵏ ⴰⵔⴰ ⵎⴰ ⵢⴻⵍⵍⴰ ⵉⵎⴻⵏⵖⴰⵏ ⵏ ⴷⴰⵄⴻⵛ ⴱⵖⴰⵏ ⴰⴷ ⵙⴷⴻⵔⵎⴻⵏ ⵜⴰⵎⴷⵉⵏⵜ-ⴰ ⵜⴰⵇⴱⵓⵔⵜ ⵏⴻⵖ ⴱⵖⴰⵏ ⴽⴰⵏ ⴰⴷ ⵔⴻⴳⵍⴻⵏ ⴰⴱⵔⵉⴷ ⵉ ⵢⵉⵙⴻⵔⴷⴰⵙⴻⵏ ⵉⵙⵓⵔⵉⵢⴻⵏ ⴰⴽⴽⴻⵏ ⴰⴷ ⵔⴻⵏⵏⵓⵏ ⴰⵔⴰ ⴰⴷ ⴷ-ⴰⵥⴻⵏ.

ⴰⵡⴰⵏⴰⴽ ⵉⵙⵍⴰⵎⴰⵏ ⵢⴻⵙⵙⴻⴷⵔⴻⵎ ⴰⵟⴰⵙ ⵏ ⵢⵉⴳⴻⵔⵔⵓⵊⴻⵏ ⵉⵇⴱⵓⵔⴻⵏ ⴷⴻⴳ ⵍⵄⵉⵔⴰⵇ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⵔⵙ ⵍⴱⵓⵎⴱⴰⵜ ⴷⴻⴳ ⵜⴻⵎⴷⵉⵏⵉⵏ ⴰⵢ ⵢⴻⴹⴹⴻⴼ ⴰⴽⴽⴻⵏ ⴰⴷ ⵢⴻⵔⵥ ⵉⴼⴰⴷⴷⴻⵏ ⵉ ⵢⵉⴳⴻⵏ ⴰⵢ ⵍⴰ ⵉⵄⴻⵔⵔⴹⴻⵏ ⴰⴷ ⵉⵄⴰⵡⴻⴷ ⴰⴷ ⵜⴻⵏ-ⵢⴻⴹⴹⴻⴼ.

ⵜⵓⵣⵡⵉⵔⵜ ⵏ ⵓⵏⵀⵉⵍ ⴰⵙⵓⵔⵉ ⵏⴻⵜⵜⴰ ⴷ ⴰⵄⴰⵡⴻⴷ ⵏ ⵜⵓⴹⴹⴼⴰ ⵏ ⵢⵉⴳⵔⴰⵏ ⵏ ⵓⵒⵉⵜⵕⵓⵍ ⴷ ⵍⴳⴰⵣ ⴰⵢ ⴷ-ⵢⴻⵣⵣⵉⵏ ⵖⴻⴼ ⵜⴰⴷⵎⵓⵔ ⴰⵛⴽⵓ ⴷ ⵏⵉⵜⵏⵉ ⴰⵢ ⴷ-ⵢⴻⵜⵜⴰⴽⴼⴻⵏ « ⵜⵔⵉⵙⵉⵜⵉ ⵉ ⴷⵉⵎⴻⵛⵇ, ⴱⴰⵏⵢⴰⵙ ⴰⵢ ⴷ-ⵢⴻⵣⴳⴰⵏ ⵖⴻⴼ ⵢⵉⵔⵉ ⵍⴻⴱⵃⴻⵕ ⴷ ⵜⴻⵎⴷⵉⵏⵜ ⵏ ⵃⵓⵎⵚ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⴱⴷⴻⵍ ⵔⴰⵀⵎⴰⵏⴻ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵓⵔ ⵉⵛⵉⴽⴽ ⴰⵔⴰ ⵉⴳⴻⵏ « ⴰⴷ ⵢⴻⵎⵎⴻⵖ ⵜⴰⵙⵡⵉⵄⵜ-ⴰ ⵖⴻⴼ ⵜⴰⴷⵎⵓⵔ ⴷⴻⴳ ⴰⴳⴷⵓⴷ ⵓⵔ ⵢⴻⴷⴷⵉ ⴰⵔⴰ ⵢⵉⴷ-ⵙ ».

ⵉⴳⴻⵔ ⵏ ⵊⴰⵣⴰⵍ ⴷ ⵢⵉⵡⴻⵏ ⵙⴻⴳ ⵢⵉⴳⵔⴰⵏ ⵉⵏⴻⴳⴳⵓⵔⴰ ⴰⵢ ⴰⵙ-ⴷ-ⵢⴻⵇⵇⵉⵎⴻⵏ ⵉ ⵓⵏⵀⵉⵍ ⴰⵙⵓⵔⵉ.