ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵖⵍⵓⵙⵜ ⵎⴰⵍⴰⴽⵧⴼⴼ ⵜⴻⵔⵔⴰ-ⴷ ⴰⵙⵙⴰⵖ-ⵉⵙ ⴷ ⵛⵛⴻⵄⴱⵉ

ⵍⴻⵣⵣⴰⵢⴻⵔ – ⵙⵏⴻⴱⴳⵉⵏ-ⴷ ⵉⵎⴻⵣⴷⴰⵖ ⵏ ⵜⴻⵇⵚⴻⴱⵜ ⵏ ⵜⵎⴰⵏⴻⵖⵜ ⵡⵉⴷ ⵉⵃⴻⵎⵎⵍⴻⵏ ⴰⵥⴰⵡⴰⵏ ⵏ ⵛⵛⴰⵄⴱⵉ ⴰⴽⴽⴻⵏ ⵜⵡⴻⵏⵏⴰⴹⵜ ⵏ ⵜⵎⴻⴷⴷⵉⵢⵉⵏ ⵏ ⵡⴰⴳⴳⵓⵔ ⵉⵎⵇⴻⴷⴷⴻⵙ ⵏ ⵢⵉⵙⴻⴳⴳⴰⵙⴻⵏ 1960 ⵉ ⵍⵎⴻⵏⴷ ⵏ ⵜⵎⴻⵖⵔⴰ ⵉⴳⴰ ⴰⵙⵙ ⵏ ⵍⴻⵜⵏⵉⵢⴻⵏ ⵓⵛⴻⵏⵏⴰⵢ ⴽⴰⵎⴻⵍ ⴼⴻⵔⴷⵊⴰⵍⵍⴰⵀ ⴷⴻⴳ ⵜⴻⵖⵍⵓⵙⵜ ⵎⵓⵛⴰⵄⴻⵏ ⵎⴰⵍⴰⴽⵧⴼⴼ.

ⴰⴽⵓⴷ ⵏ ⵜⵎⴻⴷⴷⵉⵜ, ⵉⵎⴰⵏ ⵏ ⵓⴳⴻⵍⵍⵉⴷ ⵏ ⵛⵛⵏⴰ ⵏ ⵛⵛⴻⵄⴱⵉ, ⴻⵍ ⵀⴰⴷⵊ ⵎⵀⴰⵎⴻⴷ ⴻⵍ ⴰⵏⴽⴰ ⵢⴻⵎⵎⵓⵜⴻⵏ ⴷⴻⴳ ⵓⵙⴻⴳⴳⴰⵙ ⵏ 1978, ⵢⴻⵍⵍⴰ ⵉⵜⴻⵣⵣⵉ ⵖⴻⴼ ⵜⴻⵖⵍⵓⵙⵜ ⵜⴰⵖⴻⵔⴼⴰⵏⵜ ⵉⵖⴻⵔ ⵢⴻⵍⵍⴰ ⵢⴻⵜⵜⵔⵓⵃⵓ ⴰⵟⴰⵙ ⵉ ⵍⵎⴻⵏⴷ ⵏ ⵓⵥⴰⵡⴰⵏ ⵏ ⵓⴳⴳⴰⵢ ⵏ ⴽⴰⵎⴻⵍ ⴼⴻⵔⴷⵊⴰⵍⵍⴰⵀ ⵢⴻⵍⵍⴰⵏ ⴷ ⵢⵉⵡⴻⵏ ⵙⴻⴳ ⴳⴻⵔ ⵡⴰⵟⴰⵙ ⵏ ⵢⵉⴱⴰⵍⵎⵓⴷⴻⵏ ⵏ ⵓⵎⴻⵔⵃⵓⵎ.

ⴰⵖⵍⴰⴷ ⴰⵎⴻⵥⵢⴰⵏ ⵏ ⴱⴰⴱ ⵍⵡⴰⴷ, ⵉⴷⴻⴳ ⵜⵓⵖ ⵜⴰⴼⴰⵜ ⵉ ⵍⵎⴻⵏⴷ ⵏ ⵜⵎⴻⵖⵔⴰ, ⵓⵙⴰⵏ-ⴷ ⵖⴻⵔ-ⵙ ⴽⵔⴰ ⵏ ⵜⴻⵎⵔⴰⵡⵉⵏ ⵏ ⵡⵉⴷ ⵉⵃⴻⵎⵎⵍⴻⵏ ⴰⵥⵡⴰⵏ ⴷ ⵍⴵⵉⵔⴰⵏ ⵢⴻⵙⵄⴰⵏ ⵜⴰⵎⴷⴰⵏⵉⵜ ⴷ ⵢⴻⵍⵎⴻⵥⵢⴻⵏ ⵢⴻⵟⵟⴰⴼⴰⵔⴻⵏ ⵛⵛⴻⵄⴱⵉ ⵉ ⵢⵓⵖⴰⵍⴻⵏ ⵖⴻⵔ ⵣⵉⴽ-ⵏⵏⵉ ⵓⵔ ⵏⴻⴱⵄⵉⴷ ⴰⵔⴰ ⵉⴷⴻⴳ ⵍⵍⴰⵏⵜ ⵜⴻⵖⵍⵓⵙⵉⵏ ⵏ ⵜⴻⵇⵚⴻⴱⵜ ⵏ ⵡⴰⴷⴷⴰ ⵅⴻⴷⴷⵎⴻⵏⵜ ⵢⴰⵍ ⵜⴰⵎⴻⴷⴷⵉⵜ ⵜⵉⵎⴻⵖⵔⵉⵡⵉⵏ ⴷⴻⴳ ⵡⴰⵢⵢⵓⵔ ⵏ ⵔⴻⵎⴹⴰⵏ.

ⵀⴻⵢⵢⴰⵏ ⵜⵉⵎⴻⵖⵔⵉⵡⵉⵏ ⵏⵏⵉⴹⴻⵏ ⵏ ⵓⵥⴰⵡⴰⵏ ⵏ ⵛⵛⴻⵄⴱⵉ, ⴰⴽⴽⴻⵏ ⴰⵍⴰⵎⵎⴰ ⴷ ⴰⵙⵙ ⵏ 17 ⵢⵓⵍⵢⵓ ⴷⴻⴳ ⵜⴻⵖⵍⵓⵙⵜ ⵎⴰⵍⴰⴽⵧⴼⴼ ⵉ ⴷ-ⵢⴻⵡⵡⵉⵏ ⵢⴰⴽⴰⵏ, ⴱⴰⴷⵔⴻⴷⴷⵉⵏⴻ ⴱⴻⵏⵙⵉⴷⵉ ⵙⵍⵉⵎⴰⵏⴻ, ⵙⴰⴱⵔⵉ ⵎⴻⵍⵀⴰ ⵔⵏⵓ-ⴷ ⴰⴱⴷⴻⵔⵔⴰⵀⵎⴰⵏⴻ ⵜⵉⴱⴻⵔⵔⴰⵏⵉⵏⴻ.