ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴳⵔⴰⵡⵜ ⵜⴰⵎⴰⵢⵏⵓⵜ ⵏ ⵢⵉⵖⴻⵔⵓⴱⴰ ⵉ ⵜⵔⵓⵥⵉ ⵏ ⵍⵃⴻⵕⵙ ⴰⵢⴷⴻⴳ ⵜⴻⵍⵍⴰ ⵖⴻⵣⵣⴰ

ⵖⴻⵣⵣⴰ – ⵇⴻⵍⵄⴻⵏ, ⴷⴻⴳ ⵡⵓⵙⵙⴰⵏ-ⴰ ⵉⵏⴻⴳⴳⵓⵔⴰ ⵙⴻⴳ ⵜⵎⵓⵔⴰ ⵏ ⵜⵓⵕⵓⴼⵜ, ⵢⵉⵖⴻⵔⵔⵓⴱⴰ ⵏ ⵢⵉⵎⴻⵖⵏⴰⵙⴻⵏ ⴰⵢ ⴷ-ⵢⵓⵙⴰⵏ ⵙⴻⴳ 20 ⵏ ⵜⵎⵓⵔⴰ ⵢⴻⵎⴳⴻⵔⵔⴰⴷⴻⵏ ⴰⴽⴽⴻⵏ ⴰⴷ ⵄⴻⵔⴹⴻⵏ ⴰⴷ ⵔⵥⴻⵏ ⵜⴰⵔⴳⵓⵍⵜ ⵏ ⵍⵃⴻⵕⵙ ⴰⵢ ⴷ-ⵜⵃⴻⵜⵜⴻⵎ ⵉⵙⵕⴰⵢⵉⵍ ⵖⴻⴼ ⵜⴻⵙⴼⵉⴼⵜ ⵏ ⵖⴻⵣⵣⴰ. ⵜⴰⵏⴰⵡⵜ-ⴰ ⵏ ⵢⵉⵖⴻⵔⵔⵓⴱⴰ ⵜⴻⴱⴷⴰ ⴰⴱⵔⵉⴷ ⵖⴻⵔ ⵖⴻⵣⵣⴰ 5 ⵏ ⵢⵉⵙⴻⴳⴳⴰⵙⴻⵏ ⵙⴷⴻⴼⴼⵉⵔ ⵎⴰ ⵜⴻⵍⵍⴰ-ⴷ ⵜⴻⴷⵢⴰⵏⵜ-ⵏⵏⵉ ⴰⵢⴷⴻⴳ ⵉⵙⴻⵔⴷⴰⵙⴻⵏ ⵉⵙⵕⴰⵢⵉⵍⵉⵢⴻⵏ ⵎⵎⵖⴻⵏ ⵖⴻⴼ ⵢⵉⵖⴻⵔⵔⵓⴱⴰ ⵏ ⵓⵄⴰⵡⴻⵏ ⴰⵢ ⵢⴻⵍⵍⴰⵏ ⵜⵜⴻⴷⴷⵓⵏ ⵖⴻⵔ ⵖⴻⵣⵣⴰ.

« ⵜⴰⵏⴰⵡⵜ ⵏ ⵜⵍⴻⵍⵍⵉ ⵜⵉⵙ ⵉⵉⵉ » ⴷ ⵜⵉⵏ ⴰⵔⴰ ⵢⴻⵙⵙⵉⵡⴹⴻⵏ ⵖⴻⵔ ⵖⴻⵣⵣⴰ, ⴰⵔⵎⴰ ⴷ ⵜⴰⴳⴰⵔⴰ ⵏ ⵡⴰⵢⵢⵓⵔ, ⵉⵎⴻⵖⵏⴰⵙⴻⵏ ⵢⴻⴽⴽⴰⵜⴻⵏ ⵖⴻⴼ ⴼⴰⵍⴻⵙⵟⵉⵏ. ⵉ ⵓⵙⵎⴻⴽⵜⵉ, ⵖⴻⵣⵣⴰ ⴷⴷⵔⴻⵏ ⴷⴻⴳ-ⵙ 1,8 ⴷ ⴰⵎⴻⵍⵢⵓⵏ ⵏ ⵎⴻⴷⴷⴻⵏ ⴷⴻⴳ ⵜⴻⴳⵏⴰⵜⵉⵏ ⵉⵡⴻⵄⵕⴻⵏ ⵢⴻⵔⵏⴰ ⵜⴻⵇⵇⴻⵍ ⵜⴻⵎⵏⴰⴹⵜ-ⴰ ⴷ ⵍⵃⴻⴱⵙ ⵢⴻⴷⴷⵔⴻⵏ ⴷⴷⴰⵡ ⵜⴻⵔⴳⵓⵍⵜ ⴰⵢ ⴷ-ⵜⵃⴻⵜⵜⴻⵎ ⴼⴻⵍⵍ-ⴰⵙ ⵉⵙⵕⴰⵢⵉⵍ.

ⵙ ⵓⵊⴻⵎⵎⴰⵍ, 5 ⵏ ⵢⵉⵖⴻⵔⵔⵓⴱⴰ ⴰⵔⴰ ⵢⴻⵙⵙⵉⵡⴹⴻⵏ ⵖⴻⵔ ⵖⴻⵣⵣⴰ ⴰⵣⴰⵍ ⵏ 70 ⵏ ⵢⵉⵎⴷⴰⵏⴻⵏ, ⴳⴰⵔ-ⴰⵙⴻⵏ ⵓⴼⵔⵉⵏⴻⵏ, ⴰⵢ ⴷ-ⵢⵓⴰⵏ ⵙⴻⴳ 20 ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴷ-ⵜⴻⵏⵏⴰ ⵜⵖⴻⵔⵖⴻⵔⵜ ⵏ ⵜⵓⴷⴷⵙⵉⵡⵉⵏ ⵜⵉⵔⵏⴰⴱⴰⴹⵉⵏ ⵜⵉⴼⵕⴻⵏⵙⵉⵙⵉⵏ ⵉ ⵍⵎⴻⵏⴷ ⵏ ⴼⴰⵍⴻⵙⵟⵉⵏ.

ⴰⴷ ⵢⴻⵜⵜⴻⴽⴽⵉ, ⵎⴰ ⵓⵍⴰⵛ, ⵢⵉⵡⴻⵏ ⵏ ⵓⵡⴰⵎⵏⵉ ⵓⵕⵓⴼⵉ, ⴰⵎⴰⵣⴰⵏ ⴰⵄⵕⴰⴱ-ⵉⵙⵕⴰⵢⵉⵍⵉ ⴱⴰⵙⵙⴻⵍ ⴳⵀⴰⵜⵜⴰⵙ ⴷ ⵓⵙⴻⵍⵡⴰⵢ ⴰⵇⴱⵓⵔ ⵏ ⵜⵓⵏⴻⵙ, ⵎⵧⵏⵛⴻⴼ ⵎⴰⵔⵣⵧⵓⴽⵉ. ⵉⵙⵡⵉ ⵏ ⵜⴰⵏⴰⵡⵜ-ⴰ ⵏⴻⵜⵜⴰ ⴷ ⴰⵊⴱⴰⴷ ⵏ ⵍⵡⴻⵍⵀⴰ ⵖⴻⴼ ⵜⴻⵔⵀⵓⵍⵜ ⴰⵢ ⴷ-ⵜⵃⴻⵜⵜⴻⵎ ⵉⵙⵕⴰⵢⵉⵍ ⵖⴻⴼ ⵜⴻⵙⴼⵉⴼⵜ ⵏ ⵖⴻⵣⵣⴰ ⴰⵎⴰ ⵙⴻⴳ ⵢⵉⴷⵉⵙ ⵏ ⵡⴰⴽⴰⵍ, ⴰⵎⴰ ⵙⴻⴳ ⵢⵉⴷⵉⵙ ⵏ ⵢⵉⴳⴻⵏⵏⵉ ⵏⴻⵖ ⵏ ⵍⴻⴱⵃⴻⵕ. ⵢⵓⵖ ⵍⵃⴰⵍ, ⵜⴰⵙⵡⵉⵄⵜ-ⴰ, ⴷ ⴰⵡⴻⵣⵖⵉ ⴰⴷ ⵢⴻⴱⵄⴻⴷ ⵢⵉⵡⴻⵏ ⵓⴳⴰⵔ ⵏ 6 ⵏ ⵢⵉⵎⵉⵍⴻⵏ ⵖⴻⴼ ⵢⵉⵔⵉ ⵏ ⵍⴻⴱⵃⴻⵕ ⵏ ⵖⴻⵣⵣⴰ (ⵢⴻⵔⵏⴰ ⵓⵍⴰ ⴷ ⵉⵚⴻⵢⵢⴰⴷⴻⵏ ⵉⴼⴰⵍⴻⵙⵟⵉⵏⵉⵢⴻⵏ ⵓⵔ ⵙⵄⵉⵏ ⴰⵔⴰ ⴰⵣⵔⴻⴼ ⴰⴷ ⵙⴱⴻⵄⴷⴻⵏ ⴷⴻⴳ ⵍⴻⴱⵃⴻⵕ), ⴰⵎ ⵡⴰⴽⴽⴻⵏ ⴷ ⴰⵡⴻⵣⵖⵉ ⴰⴷ ⴷ-ⵢⴰⴷⴻⴼ ⵓⵖⴻⵔⵔⴰⴱⵉ ⵖⴻⵔ ⵡⴰⵎⴰⵏ ⵏ ⵖⴻⵣⵣⴰ, ⵢⴻⵔⵏⴰ ⵡⵉⵏ ⴰⵔⴰ ⴷ-ⵉⵇⴻⵔⵔⴱⴻⵏ, ⴰⴷ ⵇⴻⵔⵔⵙⴻⵏ ⴼⴻⵍⵍ-ⴰⵙ ⵢⵉⵙⴻⵔⴷⴰⵙⴻⵏ ⵉⵙⵕⴰⵢⵉⵍⵉⵢⴻⵏ.

« ⵉⵙⵡⵉ-ⵏⵏⴻⵖ ⵏⴻⵜⵜⴰ ⴷ ⴰⴽⴻⵎⵎⴻⵍ ⵏ ⵓⵃⵕⴰⵙ ⴰⴳⵔⴰⵖⵍⴰⵏ (ⵖⴻⴼ ⵉⵙⵕⴰⵢⵉⵍ) ⴰⴽⴽⴻⵏ ⴰⴷ ⵜⴼⴰⴽ ⵜⴻⵔⴳⵓⵍⵜ-ⴰ ⴰⵛⴽⵓ ⵎⴰⵛⵉ ⴰⵍⴰ ⴷ ⵏⴻⴽⴽⵏⵉ ⴰⵢ ⵢⴻⵜⵜⵡⴰⵍⵉⵏ ⴰⵢⴰ ⴷ ⴰⵡⴻⵃⵛⵉ ⵢⴻⵔⵏⴰ ⵢⴻⴼⴼⴻⵖ ⵉ ⵍⵇⴰⵏⵓⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⵜⴰⴼⴼⴰⵏ ⴳⵔⴰⵏⴻⵔ, ⵢⵉⵡⴻⵏ ⵙⴻⴳ ⵢⵉⵎⴻⵖⵏⴰⵙⴻⵏ ⴰⵢ ⵢⴻⴷⴷⴰⵏ ⴷⴻⴳ ⵓⵖⴻⵔⵔⴰⴱⵓ ⴰⵙⵡⵉⴷⵉ ⵏ ⵎⴰⵔⵉⴰⵏⵏⴻ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵏ ⴰⴼⵒ.

ⵡⵉⴷ ⵢⴻⵍⵍⴰⵏ ⵎⴳⴰⵍ ⵜⴻⵔⴳⵓⵍⵜ-ⴰ ⵜⵜⵡⴰⵍⵉⵏ ⴷ ⴰⴽⴽⴻⵏ ⴰⵍⴰ ⴷ ⵜⵓⴽⴽⵙⴰ-ⵏⵏⴻⵙ ⵡⴰⵔ ⵛⵛⵓⵔⵓⴹ ⴰⵔⴰ ⵢⴻⴵⴵⴻⵏ ⵖⴻⵣⵣⴰ ⴰⴷ ⵜⵄⴰⵡⴻⴷ ⴰⴷ ⵜⴻⵜⵜⵡⴰⴱⵏⵓ. ⵉⵙⴻⵔⴷⴰⵙⴻⵏ ⵏ ⵍⴻⴱⵃⴻⵕ ⵉⵙⵕⴰⵢⵉⵍⵉⵢⴻⵏ ⵥⵥⵄⴻⵏ, ⴰⵛⵃⴰⵍ ⴷ ⵜⵉⴽⴽⴻⵍⵜ, ⵜⴰⵏⴰⵡⵉⵏ ⴰⵢ ⴷ-ⵢⵓⵙⴰⵏ ⴰⴽⴽⴻⵏ ⴰⴷ ⵄⴻⵔⴹⴻⵏⵜ ⴰⴷ ⵔⵥⴻⵏⵜ ⵜⴰⵔⴳⵓⵍⵜ ⵙⴻⴳ ⵎⴰⵢⵓ 2010, ⵢⴻⵔⵏⴰ ⵜⵓⵎⵎⵖⴰ ⵜⵉⵙⵕⴰⵢⵉⵍⵉⵜ ⵖⴻⴼ ⵓⵖⴻⵔⵔⴰⴱⵓ ⵏ « ⵎⴰⵠⵉ ⵎⴰⵔⵎⴰⵔⴰ » ⵜⴻⴳⵍⴰ ⵙ 10 ⵏ ⵜⵎⴻⴷⴷⵓⵔⵉⵏ, ⴰⴽⴽ ⴷ ⵉⵟⴻⵔⴽⵉⵢⴻⵏ.

ⵜⴰⵏⴰⵡⵜ-ⴰ ⴰⴷ ⵜⴻⴷⴷⵓ ⵖⴻⵔ ⵖⴻⵣⵣⴰ ⵇⵔⵉⴱ ⴰⵙⴻⴳⴳⴰⵙ ⵙⴷⴻⴼⴼⵉⵔ ⵎⴰ ⵎⵎⵖⴻⵏ ⵢⵉⵙⴻⵔⴷⴰⵙⴻⵏ ⵉⵙⵕⴰⵢⵉⵍⵉⵢⴻⵏ, ⴷⴻⴳ ⵓⵏⴻⴱⴷⵓ ⵏ 2014, ⵖⴻⴼ ⵜⴻⵎⵏⴰⴹⵜ-ⴰ ⴰⵢⴷⴻⴳ ⵏⵖⴰⵏ ⴰⵣⴰⵍ ⵏ 2.200 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵢⴻⵔⵏⴰ ⵙⴷⴻⵔⵎⴻⵏ ⵉⵅⵅⴰⵎⴻⵏ ⵏ ⵡⵓⴳⴰⵔ ⵏ 100.000 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ.