ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵍⵓⴼⵜ ⴷⴻⴳ ⴱⵓⵔⵓⵏⴷⵉ: ⴰⵏⴰⴱⴰⴹ ⵢⴻⵇⵇⴻⵍ-ⴷ ⵖⴻⵔ ⵓⵎⵛⵉⵡⴻⵕ
ⴱⵓⴵⵓⵎⴱⵓⵔⴰ (ⴱⵓⵔⵓⵏⴷⵉ) – ⴰⵏⴰⴱⴰⴹ ⵢⴻⵇⵇⴻⵍ-ⴷ ⴰⵙⵙ ⵏ ⵍⴰⵕⴻⴱⵄⴰ ⵖⴻⵔ ⵓⵎⵛⵉⵡⴻⵕ ⴰⵙⴻⵔⵜⵉ ⴷⴻⴳ ⴱⵓⵔⵓⵏⴷⵉ ⵙⴷⴻⴼⴼⵉⵔ ⵎⴰ ⵉⵖⵓⵏⵣⴰ ⴰⵎⵛⵉⵡⴻⵕ-ⴰ ⴰⵢ ⴷ-ⵢⴻⵍⵍⴰⵏ ⴷⴷⴰⵡ ⵍⴻⵄⵏⴰⵢⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.
« ⵡⴰ ⴷ ⵉⵙⴰⵍⵉ ⵢⴻⵍⵀⴰⵏ, ⴰⵏⴰⴱⴰⴹ ⴰⴱⵓⵔⵓⵏⴷⵉ ⵢⴻⵇⵇⴻⵍ-ⴷ ⵖⴻⵔ ⵓⵎⵛⵉⵡⴻⵕ ⴰⵙⴻⵔⵜⵉ ⵙⴻⴳ ⵜⵍⴻⵎⵎⴰⵙⵜ ⵏ ⵡⴰⵙⵙ-ⴰ, ⵓⵍⴰ ⵎⴰ ⵏⴻⵙⵃⴰⵙⵙⴻⴼ ⵉⵎⵉ ⴰⴽⴰⴱⴰⵔ ⵉⵃⴻⴽⵎⴻⵏ ⵜⴰⵎⵓⵔⵜ ⵎⴰⵣⴰⵍ-ⵉⵜ ⵉⵖⴰⴱ (ⵙⴻⴳ ⵓⵎⵛⵉⵡⴻⵕ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵢⵉⵡⴻⵜ ⵏ ⵜⴻⵖⴱⴰⵍⵓⵜ ⵏ ⵢⵉⴱⴷⴰⵎⵎⴰⵙⴻⵏ ⴰⵢ ⴷ-ⵜⴻⴱⴷⴻⵔ ⵜⵏⴻⴳⴳⴰ ⵏ ⴰⴼⵒ.
ⴰⵎⵛⵉⵡⴻⵕ ⵉⴽⴻⵎⵎⴻⵍ ⴰⵙⵙ ⵏ ⵜⵜⵍⴰⵜⴰ ⴷⴷⴰⵡ ⵍⴻⵄⵏⴰⵢⴰ ⵏ ⵓⴳⴻⵙⴰⵙ ⴰⵎⴰⵢⵏⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⵙⵉⵏⵉⴳⴰⵍⵉ ⴰⴱⴷⵧⵓⵍⴰⵢⴻ ⴱⴰⵜⵀⵉⵍⵢ, 5 ⵏ ⵡⵓⵙⵙⴰⵏ ⵓⵇⴱⴻⵍ ⵎⴰ ⵍⵍⴰⵏⵜ-ⴷ ⵜⴻⴼⵔⴰⵏⵉⵏ ⵜⵉⵡⴰⵎⵏⵉⵢⵉⵏ ⵏ ⵡⴰⵙⵙ ⵏ ⵍⴻⵜⵏⵉⵢⴻⵏ ⴰⵢⵖⴻⴼ ⴷ-ⵢⴻⵍⵍⴰ ⵡⵓⴳⵓⵔ.
ⴰⴽⴰⴱⴰⵔ ⴰⵢ ⵉⵃⴻⴽⵎⴻⵏ ⵜⴰⵎⵓⵔⵜ, ⵛⵏⴷⴷ-ⴼⴷⴷ, ⵢⴻⵏⵏⴰ-ⴷ ⴰⵙⵙ ⵏ ⵜⵜⵍⴰⵜⴰ ⴷ ⴰⴽⴽⴻⵏ ⵢⵓⴳⵉ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵎⵛⵉⵡⴻⵕ ⵜⴰⵙⵡⵉⵄⵜ-ⴰ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⵕⵕⴰⵢ-ⴰ ⵏ ⵓⵎⵛⵉⵡⴻⵕ ⴰⵢ ⴷ-ⵢⴻⵍⵍⴰⵏ ⴽⵔⴰ ⴽⴰⵏ ⵏ ⵡⵓⵙⵙⴰⵏ ⵓⵇⴱⴻⵍ ⵜⴻⴼⵔⴰⵏⵉⵏ « ⵉⵙⵡⵉ-ⵏⵏⴻⵙ ⴷ ⴰⵛⴻⵡⵡⴻⵍ ⵏ ⵜⴻⴼⵔⴰⵏⵉⵏ ».
ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⴻⴷⵧⵓⴰⵔⴷ ⵏⴷⵓⵡⵉⵎⴰⵏⴰ, ⴰⴳⴻⵏⵙⴰⵙ ⵏ ⵓⵏⴰⴱⴰⴹ ⴰⴱⵓⵔⵓⵏⴷⵉ ⴷⴻⴳ ⵍⴻⵎⵛⴰⵡⵕⴰⵜ-ⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵓⵍⴰ ⴷ ⵏⴻⵜⵜⴰ ⵉⵖⵓⵏⵣⴰ ⵜⵉⵎⵍⵉⵍⵉⵜ ⵏ ⵡⴰⵙⵙ ⵏ ⵜⵜⵍⴰⵜⴰ, ⵡⴰⵔ ⵎⴰ ⵢⴻⵏⵏⴰ-ⴷ ⵎⴰⵖⴻⴼ, ⴰⵎ ⵡⴰⴽⴽⴻⵏ ⵓⵔ ⴷ-ⵢⴻⵙⵙⴻⴼⵀⴻⵎ ⴰⵔⴰ ⵎⴰⵖⴻⴼ ⴰⵢ ⴷ-ⵢⴻⵇⵇⴻⵍ ⵖⴻⵔ ⵓⵎⵛⵉⵡⴻⵕ ⴰⵙⵙ ⵏ ⵍⴰⵕⴻⴱⵄⴰ.
ⴷⴻⴳ ⵓⵎⴰⵀⵉⵍ-ⵏⵙⴻⵏ (ⴰⵅⴻⴷⴷⵉⵎ) ⵏ ⵜⴻⴱⴷⴰⵎⵎⴰⵙⵜ, ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵍⴰ ⵅⴻⴷⴷⵎⴻⵏ ⵖⴻⵔ ⵢⵉⴷⵉⵙ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵜⵓⴷⴷⵙⵉⵡⵉⵏ ⵜⵉⴳⴻⵔⵏⴰⴱⴰⴹⵉⵏ ⵏ ⵜⴻⴼⵔⵉⵇⵜ ⵏ ⵓⴳⵎⵓⴹ ⴷ ⵢⵉⴳⵍⴻⵎⵉⵎⴻⵏ ⵉⵎⴻⵇⵔⴰⵏⴻⵏ.
« ⴷ ⵉⴷⵉⵙⴰⵏ (ⴰⵢ ⵢⴻⵎⵅⴰⵚⴰⵎⴻⵏ ⴷⴻⴳ ⵜⴰⵍⵓⴼⵜ-ⴰ) ⴰⵔⴰ ⵜⵜ-ⵉⴷ-ⵢⴻⴼⵔⵓⵏ ⵖⴻⴼ ⵡⴰⵢⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⵢⴻⵜⵜⵡⴻⴳ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵀⵉⵍ ⵏ ⵎⴻⵍⵎⵉ ⴰⵔⴰ ⴷ-ⵉⵍⵉⵏⵜ ⵜⴻⴼⵔⴰⵏⵉⵏ ⴷ ⵜⴻⵎⵙⴰⵍ ⵏⵉⴹⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴳⴻⵏⵙⴰⵙ ⵓⵣⵣⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⵉⴳⴻⵍⵎⵉⵎⴻⵏ ⵉⵎⴻⵇⵔⴰⵏⴻⵏ, ⵉⴱⵔⴰⵀⵉⵎⴰ ⴼⴰⵍⵍ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⴷⵉⵙ ⵏ ⵓⵙⴻⵍⵡⴰⵢ ⵢⴻⵜⵜⵀⴻⵎ ⵜⴰⴳⵔⴰⵡⵜ-ⵏⵏⵉ ⵏ ⵢⵉⴷⵉⵒⵍⵓⵎⴰⵜⵉⵢⴻⵏ ⴷ ⴰⴽⴽⴻⵏ « ⵍⴰ ⵜⵄⴻⵔⵔⴻⴹ ⴰⴷ ⵜⴻⵔⴳⴻⵍ ⴰⴱⵔⵉⴷ ⵉ ⵓⵙⵙⵓⴷⴷⴻⵙ ⵏ ⵜⴻⴼⵔⴰⵏⵉⵏ ».
ⴱⵓⵔⵓⵏⴷⵉ ⵜⵃⵓⵣⴰ-ⵜⵜ ⵢⵉⵡⴻⵜ ⵏ ⵜⴰⵍⵓⴼⵜ ⵜⴰⵙⴻⵔⵜⵉⵜ ⴷ ⵜⴰⵎⴻⵇⵔⴰⵏⵜ ⵙⴻⴳ ⵡⴰⵙⵎⵉ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵒⵉⴻⵔⵔⴻ ⵏⴽⵓⵔⵓⵏⵣⵉⵣⴰ ⴷ ⴰⴽⴽⴻⵏ ⴰⴷ ⴷ-ⵢⴻⵙⵙⴻⵔⵙ ⵉⵎⴰⵏ-ⵏⵏⴻⵙ ⵖⴻⵔ ⵜⴻⴼⵔⴰⵏⵉⵏ ⵉ ⵜⵉⴽⴽⴻⵍⵜ ⵜⵉⵙ 3, ⵢⴻⵔⵏⴰ ⵜⵉⴼⵔⴰⵏⵉⵏ ⵜⵉⵙⴻⵍⵡⴰⵢⴰⵏⵉⵏ ⴷⴻⴳ ⵜⵎⵓⵔⵜ-ⴰ ⴰⴷ ⴷ-ⵉⵍⵉⵏⵜ ⴰⵙⵙ ⵏ 15 ⵢⵓⵍⵢⵓ. ⵉⵅⵚⵉⵎⴻⵏ-ⵏⵏⴻⵙ ⵜⵜⵡⴰⵍⵉⵏ ⴷ ⴰⴽⴽⴻⵏ ⵜⵉⵎⵎⴰⵣⵡⴻⵔⵜ-ⵏⵏⴻⵙ ⵖⴻⵔ ⵜⴻⴼⵔⴰⵏⵉⵏ ⵜⴻⴼⴼⴻⵖ ⵉ ⵜⵎⴻⵏⴹⴰⵡⵜ ⴷ ⵓⵎⵜⴰⵡⴰ ⵏ ⴰⵔⵓⵙⵀⴰ ⴰⵢ ⵉⴼⵓⴽⴻⵏ ⵟⵟⵔⴰⴷ ⴰⵖⴰⵔⵉⵎ ⴷⴻⴳ ⴱⵓⵔⵓⵏⴷⵉ (1993-2006).
ⴰⵎⵛⵉⵡⴻⵕ ⵢⴻⵃⴱⴻⵙ ⴷⴻⴳ ⵜⴻⵏⵇⵉⴹⵜ ⵜⴰⵍⴻⵎⵎⴰⵙⵜ ⵏ ⵜⴰⵍⵓⴼⵜ-ⴰ: ⵜⴰⵎⵙⴰⵍⵜ ⵏ ⵓⵜⵜⴻⴽⴽⵉ ⵏ ⵏⴽⵓⵔⵓⵏⵣⵉⵣⴰ ⵉ ⵜⵉⴽⴽⴻⵍⵜ ⵜⵉⵙ 3 ⴷⴻⴳ ⵜⴻⴼⵔⴰⵏⵉⵏ
ⵜⴰⵍⵓⴼⵜ ⵜⴰⵙⴻⵔⵜⵉⵜ ⵏ ⴱⵓⵔⵓⵏⴷⵉ ⴷ ⵜⵉⵏ ⴰⵢⴷⴻⴳ ⴷ-ⵍⵍⴰⵏⵜ ⵜⵎⴻⵙⴱⴰⵏⵉⵢⵉⵏ ⵇⵔⵉⴱ ⵢⴰⵍ ⴰⵙⵙ ⵢⴻⵔⵏⴰ ⵜⵉⵎⴻⵙⴱⴰⵏⵉⵢⵉⵏ-ⵏⵏⵉ ⵇⵇⵉⵎⴻⵏⵜ ⵇⵔⵉⴱ ⴰⵢⵢⵓⵔ ⴷ ⵓⵣⴳⴻⵏ ⴰⵎⴰ ⴷⴻⴳ ⵜⵎⴰⵏⴻⵖⵜ ⴱⵓⵊⵓⵎⴱⵓⵔⴰ, ⴰⵎⴰ ⴷⴻⴳ ⴽⵔⴰ ⵏ ⵜⴻⵎⴷⵉⵏⵉⵏ ⵏ ⵜⵎⵓⵔⵜ. ⵉⵎⴻⵙⴱⴰⵏⵉⵢⴻⵏ ⵙⵙⵓⵜⵔⴻⵏ ⴰⴽⴽⴻⵏ ⵓⵔ ⴷ-ⵢⴻⵙⵔⵓⵙⵓⵢ ⴰⵔⴰ ⵏⴽⵓⵔⵓⵏⵣⵉⵣⴰ ⵉⵎⴰⵏ-ⵏⵏⴻⵙ ⵖⴻⵔ ⵜⴻⴼⵔⴰⵏⵉⵏ ⵜⵉⵙⴻⵍⵡⴰⵢⴰⵏⵉⵏ ⵉ ⵜⵉⴽⴽⴻⵍⵜ ⵜⵉⵙ 3 ⵢⴻⵔⵏⴰ ⵢⴻⵍⵍⴰ-ⴷ ⴷⴻⴳ-ⵙⴻⵏⵜ ⵢⵉⵎⴻⵏⵖⵉ ⴰⵢⴷⴻⴳ ⵎⵎⵓⵜⴻⵏ ⵎⴻⴷⴷⴻⵏ.
ⵉⵅⵚⵉⵎⴻⵏ ⵏ ⵎⴰⵙⵙ ⵏⴽⵓⵔⵓⵏⵣⵉⵣⴰ ⴷ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⵜⵜⵡⴰⵍⵉⵏ ⴷ ⴰⴽⴽⴻⵏ ⵜⴰⴳⵏⵉⵜ ⵓⵔ ⵜⵡⴰⵜⴰ ⴰⵔⴰ ⵉ ⵓⵙⵙⵓⴷⴷⴻⵙ ⵏ ⵜⴻⴼⵔⴰⵏⵉⵏ ⴰⵢⴷⴻⴳ ⵢⴻⵚⴼⴰⵏ.