ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵙⴻⵔⵖⴰ: ⴰⵙⵙⴻⵎⵖⴻⵔ ⵏ ⵜⵣⴻⵎⵎⴰⵔ ⵏ ⵓⵅⵣⴰⵏ ⴷⴻⴳ ⵜⴻⵎⴷⵉⵏⵉⵏ ⵜⵉⵎⴻⵇⵔⴰⵏⵉⵏ
ⵍⴻⵣⵣⴰⵢⴻⵔ – ⵜⵉⵣⴻⵎⵎⴰⵔ ⵏ ⵓⵅⵣⴰⵏ ⵏ ⵢⵉⵙⴻⵔⵖⴰ ⴷⴻⴳ ⵜⴻⵎⴷⵉⵏⵉⵏ ⵜⵉⵎⴻⵇⵔⴰⵏⵉⵏ ⴰⴷ ⵜⵜⵡⴰⵙⵎⴻⵖⵔⴻⵏⵜ ⴰⴽⴽⴻⵏ ⴰⴷ ⴼⴰⴽⴻⵏ ⵡⵓⴳⵓⵔⴻⵏ ⵏ ⵓⴼⵔⴰⵇ ⵏ ⵢⵉⴼⴰⵔⵉⵙⴻⵏ ⵏ ⵓⵒⵉⵜⵕⵓⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵙⵙⴻⴱⵜ ⵓⵏⴻⵖⵍⴰⴼ ⵏ ⵜⴻⵥⵡⴻⵔⵜ, ⵙⴰⵍⴰⵀ ⴽⵀⴻⴱⵔⵉ.
« ⴷ ⵜⵉ ⴰⵢ ⴷ ⵍⴻⵡⵚⴰⵢⴰⵜ ⵏ ⵓⵏⴰⴱⴰⴹ: ⵢⴻⵙⵙⴻⴼⴽ ⴰⴷ ⵏⴻⵙⵙⵉⵡⴻⴹ ⵖⴻⵔ ⵜⵣⴻⵎⵎⴰⵔ ⵏ ⵓⵅⵣⴰⵏ ⵏ ⵢⵉⵙⴻⵔⵖⴰ ⴰⵔⴰ ⵢⴻⴹⴹⴼⴻⵏ 30 ⵏ ⵡⵓⵙⵙⴰⵏ ⵏ ⵓⵙⵙⵓⴷⴻⵔ ⴰⴽⴽⴻⵏ ⴰⴷ ⵜⴼⴰⴽ ⵉ ⵍⴻⴱⴷⴰ ⵜⵓⴳⴷⵉ-ⴰ ⵏ ⵍⴻⵅⵚⴰⵚ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵢⵉⵡⴻⵜ ⵏ ⵜⴻⵔⵣⵉ ⵏ ⵓⵙⵙⴻⴼⵇⴻⴷ ⵏ ⵍⵅⴻⵣⵏⴰ ⵏ ⵢⵉⵙⴻⵔⵖⴰ ⵏ ⵜⵅⴻⵔⵔⵓⴱⵜ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ).
ⵎⴰⵙⵙ ⴽⵀⴻⴱⵔⵉ ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵜⵉⵖⵙⴰⵔ ⵏ ⵜⵓⵎⴰⵙⵜ ⵓⵔ ⵢⴻⵙⵙⴻⵇⴷⴰⵛⴻⵏ ⴰⵔⴰ ⴰⴽⴽ ⵜⵉⵣⴻⵎⵎⴰⵔ-ⵏⵙⴻⵏⵜ ⵏ ⵓⵅⵣⴰⵏ ⵢⴻⵙⵙⴻⴼⴽ ⴰⴷ ⵇⵇⵍⴻⵏⵜ ⴰⴷ ⵜⴻⵏⵜ-ⵙⵙⴻⵇⴷⴰⵛⴻⵏⵜ, ⵢⴻⵔⵏⴰ ⴰⴷ ⵜⵜⵓⵏⴻⴼⴽⴻⵏⵜ ⵍⴻⵡⵚⴰⵢⴰⵜ ⵉ ⵍⵎⴻⵏⴷ ⵏ ⵡⴰⵢⴰ ⵉ ⵓⴷⴰⴱⵓ ⵏ ⵓⵃⴽⴰⵎ ⵏ ⵢⵉⵙⴻⵔⵖⴰ (ⴰⵔⵀ) ⴰⴽⴽⴻⵏ ⴰⴷ ⵢⴻⵙⵙⴻⵃⴱⵉⴱⴻⵔ ⵖⴻⴼ ⵓⵙⵙⴻⴼⵄⴻⵍ ⵏ ⵓⵍⵓⴳⴻⵏ-ⴰ.
ⵏⴰⴼⵜⴰⵍ ⴰⴷ ⵜⴻⵙⵙⴻⴼⵜⵉ 200 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵙⴻⴳ-ⵢⴰ ⵖⴻⵔ 2019 ⴷⴻⴳ ⵓⵙⵙⴻⵎⵖⴻⵔ ⵏ ⵜⵣⴻⵎⵎⴰⵔ ⵏ ⵍⵅⴻⵣⵏⴰⵜ ⵏ ⵢⵉⵙⴻⵔⵖⴰ, ⵍⴻⴱⵏⵉ ⵏ ⵢⵉⵊⴻⵄⴱⵓⴱⴻⵏ ⵏ ⵓⵙⵙⵉⵡⴻⴹ ⵏ ⵢⵉⴼⴰⵔⵉⵙⴻⵏ ⵏ ⵓⵒⵉⵜⵕⵓⵍ ⴷ ⵍⴻⴱⵏⵉ ⵏ ⵡⴰⵎⵎⴰⵙⴻⵏ ⵏ ⵓⴼⵔⴰⵇ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⴻⴳ ⵢⵉⴷⵉⵙ-ⵏⵏⴻⵙ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵏⴰⴼⵜⴰⵍ, ⵀⵧⵛⵉⵏⴻ ⵔⵉⵣⵧⵓ.
ⵉⵙⵡⵉ ⵏⴻⵜⵜⴰ ⴷ ⴰⵙⵙⴻⵎⵖⴻⵔ ⵏ ⵜⵣⴻⵎⵎⴰⵔ ⵏ ⵏⴰⴼⵜⴰⵍ ⴷⴻⴳ ⵓⵅⵣⴰⵏ ⵏ ⵢⵉⵙⴻⵔⵖⴰ ⵙⴻⴳ 10 ⵖⴻⵔ 30 ⵏ ⵡⵓⵙⵙⴰⵏ, ⵖⴻⴼ ⵍⴻⵃⵙⴰⴱ ⵏ ⵍⴻⵃⵙⴰⴱⴰⵜ ⴰⵢ ⴰⵖ-ⴷ-ⵢⴻⴼⴽⴰ ⵢⵉⵎⴹⴻⴱⴱⴻⵔ-ⵏⵏⴻⵙ. ⵜⴰⴽⴻⴱⴱⴰⵏⵉⵜ-ⴰ ⵜⴻⴱⵖⴰ ⴰⴷ ⵜⴻⵔⵏⵓ ⵙ ⵙⵏⴰⵜ ⵏ ⵜⵉⴽⴽⴰⵍ ⵜⵉⵣⴻⵎⵎⴰⵔ-ⵏⵏⴻⵙ ⵏ ⵓⵅⵣⴰⵏ. ⵉⵎⵉⵔ-ⴰ, ⵜⵉⵣⴻⵎⵎⴰⵔ-ⵏⵏⴻⵙ ⴰⵜⴻⵏⵜⵉ ⵍⴰ ⵜⴻⵣⵣⵉⵏⵜ ⴷⴻⴳ 625.000 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ ⵏ ⵢⵉⵙⴻⵔⵖⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵏⴰⴼⵜⴰⵍ ⴰⴷ ⵜⴻⵔⵥⴻⵎ, ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ ⵓⵙⴻⴳⴳⴰⵙ, 31 ⵏ ⵜⴻⵖⵙⴰⵔ ⵏ ⵜⵓⵎⴰⵙⵜ ⴷⴻⴳ ⵓⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ, ⵢⴻⵔⵏⴰ ⵜⵉⵖⵙⴰⵔ-ⴰ ⴰⴷ ⵔⵏⵓⵏⵜ ⵖⴻⵔ 26-ⵏⵏⵉ ⵏ ⵜⴻⵖⵙⴰⵔ ⴰⵢ ⵢⴻⵍⵍⴰⵏ ⵢⴰⴳⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ.
