ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⵉⵡⴻⴹ: ⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵉ ⵓⵄⴰⵡⴻⴷ ⵏ ⵓⵚⴻⴳⴳⴻⵎ ⵏ ⵓⵃⵔⵉⵛ-ⴰ

ⵍⴻⵣⵣⴰⵢⴻⵔ – ⴰⵟⴰⵙ ⵏ ⵢⵉⵏⵓⵔⴰⵔ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ) ⴰⵢ ⴷ-ⵉⴱⴰⵏⴻⵏ ⵉ ⵍⵎⴻⵏⴷ ⵏ ⵓⵄⴰⵡⴻⴷ ⵏ ⵓⵚⴻⴳⴳⴻⵎ ⵏ ⵓⵎⴻⵙⵏⵉ ⵏ ⴷⴻⴳ ⵍⵍⴰⵏ ⴰⵟⴰⵙ ⵏ ⵡⵓⴳⵓⵔⴻⵏ ⴷ ⵍⴻⵅⵚⴰⵚⴰⵜ ⴰⵎⴰ ⴷⴻⴳ ⵡⵉⵏ ⵏ ⵍⴽⵉⵕⴰⵏ (ⴰⴱⵔⵉⴷ), ⴷⴻⴳ ⵡⵉⵏ ⵏ ⵜⵎⴰⵛⵉⵏⵉⵏ, ⴷⴻⴳ ⵡⵉⵏ ⵏ ⵢⵉⴳⴻⵏⵏⵉ ⵏⴻⵖ ⴷⴻⴳ ⵡⵉⵏ ⵏ ⵢⵉⵍⴻⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵓⵎⴻⵙⵏⵉ, ⴱⵧⵓⴷⵊⴻⵎⴰ ⵜⴰⵍⴰⵉ ⴷⴻⴳ ⵢⵉⵡⴻⵏ ⵏ ⵓⴷⵉⵡⴻⵏⵏⵉ ⴰⵢ ⵉⴳⴰ ⴷ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

ⵙⴷⴻⴼⴼⵉⵔ ⵏ ⵜⴻⵎⵍⵉⵍⵉⵢⵉⵏ ⴰⵢ ⴷ-ⵢⴻⵍⵍⴰⵏ ⵙⴻⴳ ⵎⴻⵍⵎⵉ ⴽⴰⵏ ⴷ ⵢⵉⵎⴹⴻⴱⴱⵔⴻⵏ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵏⴰⴳⴷⵓⴷⵉⵏ ⵏ ⵓⵎⴻⵙⵏⵉ ⴰⴳⴻⵏⵡⴰⵏ, ⴰⵡⵍⴰⵍ ⴷ ⵡⵉⵏ ⵏ ⵍⴱⴻⵔⵔ ⴷ ⵢⵉⵏⴻⵎⵀⴰⵍⴻⵏ ⵏ ⵓⵎⴻⵙⵏⵉ ⵏ 48 ⵏ ⵜⵡⵉⵍⴰⵢⵉⵏ, ⴰⵏⴻⵖⵍⴰⴼ ⵉⴳⴻⵔ ⵜⴰⵎⴰⵡⵜ ⴷ ⴰⴽⴽⴻⵏ « ⵓⵍⴰⵛ ⴰⵙⵙⴻⵎⵢⵓⴷⴷⴻⵙ » ⴳⴰⵔ ⵜⴻⵎⵚⵓⴽⵉⵡⵉⵏ ⵏ ⵓⵎⴻⵙⵏⵉ, ⵢⴻⵔⵏⴰ ⴷ ⴰⵢⴰ ⴰⵢ ⴷ ⵙⵙⴻⴱⴱⴰ ⵜⴰⵎⴻⵇⵔⴰⵏⵜ ⵏ ⵡⵓⴳⵓⵔⴻⵏ ⴷⴻⴳ ⵓⵃⵔⵉⵛ-ⴰ.

« ⴰⵢⴻⵏ ⵓⵎⵉ ⴳⵔⴻⵖ ⵜⴰⵎⴰⵡⵜ ⴷⴻⴳ ⵢⵉⵎⵢⴰⴳⵔⴻⵏ-ⴰ ⵏⴻⵜⵜⴰ ⴷ ⵍⴻⵅⵚⴰⵚ ⵏ ⵓⵙⵙⴻⵎⵢⵓⴷⴷⴻⵙ ⴳⴰⵔ ⵜⴻⵎⵚⵓⴽⵉⵡⵉⵏ ⵏ ⵓⵎⴻⵙⵏⵉ. ⴷⵖⴰ ⴷ ⴰⵢⴰ ⴰⵢ ⵢⴻⵙⵡⴰⵖⴻⵏ ⵙⵔⵉⴷ ⴰⵙⵙⵓⴷⴷⴻⵙ ⵏ ⵓⵃⵔⵉⵛ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴽⴻⴱⴱⴰⵏⵉⵜ ⵏ ⴰⵉⵔ ⴰⵍⴳⴻⵔⵉⴻ, ⴰⵢ ⵢⴻⵙⵄⴰⵏ ⵓⴳⵓⵔⴻⵏ ⴷⴻⴳ ⵓⵇⴰⴷⴻⵔ ⵏ ⵡⴰⴽⵓⴷ ⴷ ⵜⵖⴰⵔⴰ ⵏ ⵢⵉⵎⴻⵥⵍⴰ-ⵏⵏⴻⵙ (ⵙⵙⵔⴰⴱⴻⵙ), ⵎⴰⵙⵙ ⵜⴰⵍⴰⵉ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵄⴰⵡⴻⴷ ⵏ ⵓⵚⴻⴳⴳⴻⵎ ⵏ ⵍⴻⵛⵖⴰⵍ ⵏ ⵜⴽⴻⴱⴱⴰⵏⵉⵜ-ⴰ ⴷ ⴰⵢⴻⵏ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵜⵎⴻⵔⵏⵉⵡⵜ ⵏ ⵢⵉⵎⵓⵔⴻⵏ ⵏ ⵙⵙⵓⵇ ⴷ ⵓⵙⵙⴻⵍⵀⵓ ⵏ ⵜⵖⴰⵔⴰ, ⴰⵇⴰⴷⴻⵔ ⵏ ⵡⴰⴽⵓⴷ ⴷ ⵜⵖⴻⵍⵍⵉⵙⵜ (ⵍⴰⵎⴰⵏ) ⴷⴻⴳ ⵜⴽⴻⴱⴱⴰⵏⵉⵜ-ⴰ.

ⵙⴻⴼ ⵢⵉⴷⵉⵙ ⵏⵉⴹⴻⵏ, ⵉⵅⴻⴱⴱⴻⵔ-ⴷ ⴷ ⴰⴽⴽⴻⵏ ⵜⴰⴽⴻⴱⴱⴰⵏⵉⵜ-ⴰ ⵜⴰⵏⴰⴳⴷⵓⴷⵜ ⴰⴷ ⵜⵄⴰⵡⴻⴷ ⵜⴰⵎⵓⵖⵍⵉ ⵉ ⵡⴰⴽⴽ ⴰⵀⵉⵍ-ⵏⵏⴻⵙ ⵏ ⵢⵉⵣⵉⵔⵉⴳⴻⵏ ⴷ ⵡⴰⴼⴼⵓⴳⴻⵏ ⴰⴽⴽⴻⵏ ⴰⴷ ⵜⴻⴼⵔⵓ ⵓⴳⵓⵔ ⵏ ⵡⴰⴽⵓⴷⴻⵏ ⵏ ⵡⴰⴼⴼⵓⴳ ⵢⴻⵍⵍⴰⵏ ⴷ ⵓⴳⵓⵔ ⴰⵎⴻⵇⵔⴰⵏ ⴰⴽⴽ ⵏ ⵜⴽⴻⴱⴱⴰⵏⵉⵜ-ⴰ.

Ɣⴻⴼ ⵍⴻⵃⵙⴰⴱ-ⵏⵏⴻⵙ, ⴰⵉⵔ ⴰⵍⴳⴻⵔⵉⴻ ⴰⴷ ⵜⵄⴰⵡⴻⴷ ⵜⴰⵎⵓⵖⵍⵉ, ⵙⴷⴻⴼⴼⵉⵔ ⵜⴰⵍⵍⵉⵜ-ⴰ ⵏ ⵢⵉⵎⵓⵔⴰⵙ ⵏ ⵓⵏⴻⴱⴷⵓ, ⵉ ⵡⴰⴽⴽ ⴰⵀⵉⵍ-ⵏⵏⴻⵙ ⵖⴻⴼ ⵍⴻⵃⵙⴰⴱ ⵏ ⵢⵉⵙⴰⴼⴰⴳⴻⵏ ⴰⵢ ⵜⴻⵙⵄⴰ, ⵉⵅⴻⴷⴷⴰⵎⴻⵏ-ⵏⵏⴻⵙ ⵢⴻⵜⵜⴰⴼⴳⴻⵏ ⴷ ⵢⵉⵎⵙⵉⴽⵍⴻⵏ, ⵎⴰ ⴷ ⵉⵣⵉⵔⵉⴳⴻⵏ ⵉⴳⵔⴰⵖⵍⴰⵏⴻⵏ « ⵢⴻⵙⵄⴰⵏ ⴰⵣⴰⵍ ⴷ ⴰⵙⵓⴷⴷⵙⴰⵏ » ⴰⴷ ⵜⵜⵡⴰⵊⴻⵎⵄⴻⵏ.

ⵏⵏⵉⴳ ⵡⴰⵢⴰ, ⴰⴷ ⴷ-ⵉⵍⵉⵏ ⴷⴰⵖ ⵡⴰⵀⵉⵍⴻⵏ ⵏ ⵓⵙⵙⵉⵍⴻⵖ ⵉ ⵢⵉⵏⴻⵀⵀⴰⵕⴻⵏ ⵏ ⵢⵉⵙⴰⴼⴰⴳⴻⵏ, ⴰⵎ ⵡⴰⴽⴽⴻⵏ ⴰⵔⴰ ⴷ-ⵢⵉⵍⵉ ⴷⴰⵖ ⵓⵙⵙⵉⵍⴻⵖ ⴷⴻⴳ ⵓⵙⵙⴻⴼⵔⴻⴽ ⴷ ⵓⵚⴻⴳⴳⴻⵎ ⵏ ⵢⵉⵙⴰⴼⴰⴳⴻⵏ, ⵢⴻⵔⵏⴰ ⴰⵢⴰ ⴷ ⵛⵛⵖⴻⵍ ⵢⴻⵣⵡⴰⵔⴻⵏ.

ⴰⵎⴻⵙⵏⵉ ⵙ ⵓⴱⵔⵉⴷ: ⴰⵙⵙⴻⵏⵇⴻⵙ ⵏ ⵍⵃⴻⵕⵙ ⵖⴻⴼ ⵢⵉⴱⵔⵉⴷⴻⵏ

ⵎⵉ ⵢⴻⵜⵜⵡⴰⵜⵜⴻⵔ ⵖⴻⴼ « ⵓⵖⴰⵡⴰⵙ » ⵉ ⵍⵎⴻⵏⴷ ⵏ ⵓⵚⴻⴳⴳⴻⵎ ⵏ ⵓⵎⴻⵙⵏⵉ ⵏ ⵍⴱⴻⵔⵔ, ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷ ⴰⴽⴽⴻⵏ ⵡⴰ ⴷ ⴰⵛⴰⵏⵟⵉ ⴰⵢ ⵢⴻⵃⵡⴰⴵⴻⵏ ⴰⵄⴰⵡⴻⴷ ⵏ ⵓⵙⵙⵓⴷⴷⴻⵙ ⵉ ⵍⵎⴻⵏⴷ ⵏ ⵓⵚⴻⴳⴳⴻⵎ ⵏ ⵚⵚⴻⵏⴼ-ⴰ ⵏ ⵓⵎⴻⵙⵏⵉ, ⵜⵓⴽⴽⵙⴰ ⵏ ⵍⵃⴻⵕⵙ ⵖⴻⴼ ⵢⵉⴱⵔⵉⴷⴻⵏ ⴷ ⵓⵙⵙⴻⵏⵇⴻⵙ ⵏ ⵢⵉⵙⴻⵀⵡⴰ (ⵍⴰⴽⵙⵉⴷⴰⵜ) ⵏ ⵓⴱⵔⵉⴷ.

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⴰⵏⴻⵖⵍⴰⴼ ⵏ ⵓⵎⴻⵙⵏⵉ ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⴰ ⵜⵜⵄⴰⵡⴰⴷⴻⵏ ⵜⴰⵎⵓⵖⵍⵉ ⵉ ⵓⵣⴻⵏⵣⵉⵖ ⴰⵖⴻⵍⵏⴰⵡ ⵏ ⵓⵎⴻⵙⵏⵉ ⵏ ⵍⴱⴻⵔⵔ ⴰⴽⴽⴻⵏ ⴰⴷ ⴷ-ⵀⴻⵢⵢⵉⵏ ⴰⵀⵉⵍ ⴰⵎⴰⵢⵏⵓ ⵏ ⵜⵡⴻⵀⵀⵉⵢⵉⵏ, ⵏ ⵡⴰⴽⵓⴷⴻⵏ ⵢⴻⵜⵜⵓⵏⴻⴼⴽⴻⵏ ⵉ ⵢⵉⵎⴻⵙⵏⴰⵢⴻⵏ, ⵍⴰⴷⵖⴰ ⵉⵎⴻⵙⵏⴰⵢⴻⵏ ⵓⵙⵍⵉⴳⴻⵏ, ⴷ ⵓⵄⴰⵡⴻⴷ ⵏ ⵓⵙⵙⵓⴷⴷⴻⵙ ⵏ ⵜⴻⵖⵙⴰⵔ ⵏ ⵓⵎⴻⵙⵏⵉ ⴰⴱⵔⵉⴷⴰⵏ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⵙⵏⵉ ⵙ ⵍⴽⵉⵕⴰⵏ ⴷⴻⴳ ⵜⴻⵎⴷⵉⵏⵉⵏ ⴷ ⵜⴻⵎⵏⴰⴹⵉⵏ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙⴻⵏⵜ, ⴰⵏⴻⵖⵍⴰⴼ ⵉⵃⴻⵜⵜⴻⵜ-ⴷ ⵖⴻⴼ ⵓⵙⵙⴻⵍⵀⵓ ⵏ ⵜⵖⴰⵔⴰ ⵏ ⵢⵉⵎⴻⵥⵍⴰ ⵏ ⵓⵎⴻⵙⵏⵉ-ⴰ ⴷ ⵜⴻⴳⵏⵉⵜ ⴷⴻⴳ ⵢⴻⵍⵍⴰ ⵍⴽⴰⵕ ⵙ ⵓⵙⵙⴻⴼⵇⴻⴷ ⴰⵜⴻⴽⵏⵉ. « ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⵇⵙⴻⵃ ⵍⵇⴰⵏⵓⵏ ⴷⴻⴳ ⵜⴻⵎⵙⴰⵍⵜ ⵏ ⵜⵖⴰⵔⴰ ⴷ ⵜⵖⴻⵍⵍⵉⵙⵜ ⴰⴽⴽⴻⵏ ⴰⴷ ⵏⴻⵇⵙⴻⵏ ⵢⵉⵙⴻⵀⵡⴰ ⵏ ⵓⴱⵔⵉⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⴰⵍⴰⵉ.

ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵜⴰⵙⴻⵇⵇⴰⵎⵓⵜ ⵜⴰⴳⵔⴰⵖⵍⵉⴼⵜ ⴰⵢ ⴷ-ⵢⴻⵜⵜⵡⴰⵙⴱⴻⴷⴷⴻⵏ ⴷⴻⴳ 2014, ⵜⴻⵙⵙⴻⵡⵊⴻⴷ-ⴷ ⵓⵎⵓⵖ ⵏ ⵢⵉⵃⴻⵣⵣⵉⴱⴻⵏ ⴰⵔⴰ ⵢⴻⵜⵜⵡⴰⵙⴼⴻⵄⵍⴻⵏ ⵖⴻⴼ ⵣⵉⴽ ⵍⵃⴰⵍ, ⵙ ⵍⵇⵉⵙ ⵜⵍⴻⵎⵎⴰⵙⵜ ⵢⴻⵔⵏⴰ ⵙ ⵍⵇⵉⵙ ⵓⴱⵄⵉⴷ ⵉ ⵍⵎⴻⵏⴷ ⵏ ⵓⵙⵙⴻⵏⵇⴻⵙ ⵏ ⵓⵎⴹⴰⵏ ⵏ ⵢⵉⵙⴻⵀⵡⴰ. Ɣⴻⴼ ⵣⵉⴽ ⵍⵃⴰⵍ, ⵢⴻⵙⵙⴻⴼⴽ ⴰⴷ ⵙⴼⴻⵄⵍⴻⵏ ⴽⵔⴰ ⵏ ⵢⵉⵃⴻⵣⵣⵉⴱⴻⵏ ⵓⵄⵊⵉⵍⴻⵏ ⴷⴻⴳ ⴰⵔⴰ ⵜⵜⴻⴽⴽⵉⵏ ⵢⵉⵃⵔⵉⵛⴻⵏ ⵏⵉⴹⴻⵏ ⴰⵎ ⵡⵉⵏ ⵏ ⵢⵉⵎⵓⵀⴰⵍ ⵉⵏⴰⴳⴷⵓⴷⴻⵏ, ⵉ ⵍⵎⴻⵏⴷ ⵏ ⵓⵚⴻⴳⴳⴻⵎ ⵏ ⵢⵉⴱⵔⵉⴷⴻⵏ, ⵉⵎⵉ ⵢⵉⵔ ⵜⴰⴳⵏⵉⵜ ⴷⴻⴳ ⵍⵍⴰⵏ ⵢⵉⴱⵔⵉⴷⴻⵏ ⴷ ⵢⵉⵡⴻⵜ ⵙⴻⴳ ⵙⵙⴻⴱⴱⴰⵜ ⵜⵉⵎⴻⵇⵔⴰⵏⵉⵏ ⵏ ⵢⵉⵙⴻⵀⵡⴰ.

ⵢⴻⵙⵙⴻⴼⴽ ⴷⴰⵖ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵡⴰⵀⵉⵍⴻⵏ ⵏ ⵓⵙⵙⵉⵍⴻⵖ ⴷⴻⴳ ⵜⴻⵏⵀⴰⵕⵜ ⵏ ⵜⴽⴻⵕⵕⵓⵙⵉⵏ ⴰⵢ ⵙⵙⴻⵇⴷⴰⵛⴻⵏ ⵢⵉⵖⴻⵔⴱⴰⵣⴻⵏ ⵏ ⵜⴻⵏⵀⴰⵕⵜ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵙⵙⴻⴼⴽ ⵍⴽⵉⵕⴰⵏ ⴷ ⵢⵉⵎⵙⴻⴷⴷⴰⵢⴻⵏ ⵏ ⵓⵙⵙⵉⵡⴻⴹ ⵏ ⵙⵙⴻⵍⵄⴰ ⴰⴷ ⵙⵄⵓⵏ ⴰⴽⵕⵓⵏⵓⵎⵉⵜⵔ ⵢⴻⵜⵜⵇⵉⵙⵙⵉⵏ ⵜⴰⵣⵣⵍⴰ.

ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵏ ⵓⵃⴻⵣⵣⵉⴱ-ⴰ ⵓⵄⵊⵉⵍ ⵏ ⵓⴽⵕⵓⵏⵉⵎⵉⵜⵔ ⵢⴻⵜⵜⵇⵉⵙⵙⵉⵏ ⵜⴰⵣⵣⵍⴰ (ⴷ ⵜⵖⴰⵡⵙⵉⵡⵉⵏ ⵏⵉⴹⴻⵏ ⴰⵎ ⵍⴱⴻⵄⴷ ⵖⴻⴼ ⵜⴽⴻⵕⵕⵓⵙⵉⵏ ⵏⵉⴹⴻⵏ, ⴰⴽⵓⴷ ⵏ ⵓⵙⴳⵓⵏⴼⵓ ⵏ ⵓⵏⴻⵀⵀⴰⵕ ⵎⵉ ⴰⵔⴰ ⵉⵕⵓⵃ ⵖⴻⵔ ⵎⴻⴱⵄⵉⴷ, ⴰⵜⴳ.), ⵢⴻⵍⵍⴰ-ⴷ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵔⵏⴰ ⵢⴻⵜⵜⵓⵏⴻⴼⴽ ⵉ ⵜⵏⴰⵔⵉⵜ ⵜⴰⵎⴰⵜⵓⵜ ⵏ ⵓⵏⴰⴱⴰⴹ.

ⵙⴻⴳ ⵢⵉⴷⵉⵙ ⵏⵉⵒⴷⴻⵏ, ⵙⴱⴻⴷⴷⴻⵏ-ⴷ ⵢⵉⵡⴻⵏ ⵏ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⴰⴽⴽⴻⵏ ⴰⴷ ⵢⴻⵙⵙⴻⵃⴱⵉⴱⴻⵔ ⵖⴻⴼ ⵓⵙⵙⴻⴼⵄⴻⵍ ⵏ ⵍⵇⴰⵏⵓⵏ-ⴰ ⴰⵙⵎⵉ ⴰⵔⴰ ⵉⵄⴻⴷⴷⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ. ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵃⴻⵣⵣⵉⴱⴻⵏ ⵙ ⵍⵇⵉⵙ ⴰⵍⴻⵎⵎⴰⵙ, ⴰⵏⴻⵖⵍⴰⴼ ⵏ ⵓⵎⴻⵙⵏⵉ ⵜⴽⴻⵍⵍⴻⴼ-ⵉⵜ ⵜⵙⴻⵇⵇⴰⵎⵓⵜ-ⵏⵏⵉ ⵜⴰⴳⵔⴰⵖⵍⵉⴼⵜ ⴰⴽⴽⴻⵏ ⴰⴷ ⵉⵄⴰⵡⴻⴷ ⵉ ⴽⵔⴰ ⵏ ⵢⵉⴹⵔⵉⵙⴻⵏ ⵏ ⵍⵇⴰⵏⵓⵏ ⴰⵎ ⵍⵇⴰⵏⵓⵏ ⵏ ⵢⵉⵃⴻⵣⵣⵉⴱⴻⵏ ⵢⴻⵇⵇⵏⴻⵏ ⵖⴻⵔ ⵓⵍⴻⵙⵙⴻⵙ ⵏ ⵜⴰⵣⵣⵍⴰ ⴷⴻⴳ ⵜⴻⵎⴷⵉⵏⵜ ⴷ ⵓⵙⵙⴻⴼⵄⴻⵍ ⵏ ⵍⵇⴰⵏⵓⵏ ⵏ ⵜⵜⴻⵙⵔⵉⵃ ⵏ ⵜⴻⵏⵀⴰⵕⵜ ⴰⴱⵢⵓⵎⵉⵜⵔⵉ.

« ⵍⴻⵇⵡⴰⵏⵉⵏ ⵏ ⵓⵙⵙⴻⴼⵄⴻⵍ ⵏ ⵜⵜⵔⴻⵙⵔⵉⵃ ⵏ ⵜⴻⵏⵀⴰⵕⵜ ⴰⴱⵢⵓⵎⵉⵜⵔⵉ ⵡⴻⵊⴷⴻⵏ ⵢⴻⵔⵏⴰ ⵓⵔ ⵜⵜⵄⴻⴹⴹⵉⵍⴻⵏ ⴰⵔⴰ ⴰⴷ ⵜⵜⵓⵏⴻⴼⴽⴻⵏ ⵉ ⵜⵎⴰⵔⵉⵜ ⵜⴰⵎⴰⵜⵓⵜ ⵏ ⵓⵏⴰⴱⴰⴹ. ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⴷⵉⵙ ⴰⵜⴻⴽⵏⵉ, ⵎⴰⵣⴰⵍ ⵍⴰ ⵢⴻⵜⵜⴽⴻⵎⵎⵉⵍ ⵓⵎⴰⵀⵉⵍ ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵉ ⵍⵎⴻⵏⴷ ⵏ ⵓⴼⴰⴽⵉ ⵏ ⵓⵙⵙⴻⵡⵊⴻⴷ ⵏ ⵓⴼⴰⵢⵍⵓ ⴰⵖⴻⵍⵏⴰⵡ ⵏ ⵜⵓⴼⴼⵖⵉⵡⵉⵏ ⵉ ⵍⵇⴰⵏⵓⵏ, ⴰⵛⴽⵓ ⴰⴼⴰⵢⵍⵓ-ⴰ ⵢⴻⵙⵙⴻⴼⴽ (ⵉ ⵓⵙⵙⴻⴼⵄⴻⵍ ⵏ ⵜⵜⴻⵔⵙⵉⵃ-ⴰ ⵏ ⵜⴻⵏⵀⴰⵕⵜ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.

ⵙ ⵍⵇⵉⵙ ⵓⴱⵄⵉⴷ, ⴰⴷ ⵜⵜⵡⴰⴷⴷⵎⴻⵏ ⵢⵉⵃⴻⵣⵣⵉⴱⴻⵏ ⵉ ⵍⵎⴻⵏⴷ ⵏ ⵓⵙⵙⴻⵔⵙⵉ ⵏ ⵢⵉⵕⴰⴷⴰⵕⴻⵏ ⵓⵙⴱⵉⴹⴻⵏ ⴷ ⵜⴻⵖⵙⴰⵔ ⵏ ⵓⵡⵣⴰⵏ ⵏ ⵢⵉⴽⴰⵎⵢⵓⵏⴻⵏ ⵉⵎⴰⵥⴰⵢⴻⵏ ⴰⴽⴽⴻⵏ ⴰⴷ ⵏⴻⵇⵙⴻⵏ ⵢⵉⵙⴻⵀⵡⴰ ⵏ ⵓⴱⵔⵉⴷ. ⴰⴽⴽⴻⵏ ⴰⴷ ⵢⴻⵏⵇⴻⵙ ⵍⵃⴻⵕⵙ ⵖⴻⴼ ⵢⵉⴱⵔⵉⴷⴻⵏ ⵢⴻⵔⵏⴰ ⴰⴷ ⵜⵉⴼⵙⵓⵙ ⵜⵉⴷⴷⵉⵜ ⵏ ⵜⴽⴻⵕⵕⵓⵙⵉⵏ ⵍⴰⴷⵖⴰ ⴷⴻⴳ ⵍⴻⵣⵣⴰⵢⴻⵔ ⵢⴻⵍⵍⴰⵏ ⴷ ⵜⴰⵡⵉⵍⴰⵢⵜ ⵢⴻⵏⴹⴻⵔⵔⴻⵏ ⵓⴳⴰⵔ ⵙⴻⴳ ⵜⴻⴳⵏⵉⵜ-ⴰ, ⵎⴰⵙⵙ ⵜⴰⵍⴰⵉ ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⵍⵍⴰⵏ ⵢⵉⵙⴻⵏⴼⴰⵔⴻⵏ ⵉ ⵍⴻⴱⵏⵉ ⵏ 7 ⵏ ⵢⵉⵏⴻⵖⵙⴰⵔⴻⵏ ⵙ ⵡⴰⵏⵏⴰⴳⴻⵏ ⴷⴻⴳ ⵍⴻⴱⵢⴰⵔ, ⵜⴰⵇⵓⴱⴱⴻⵜ, ⵃⵉⴷⵕⴰ, ⵍⵎⴰⴷⴰⵏⴻⵢⵢⴰ, ⵙⵉⴷⵉ ⵢⴻⵃⵢⴰ, ⵙⵉⴷⵉ ⵎⵃⴻⵎⵎⴻⴷ ⴷ ⵜⴻⵖⵙⴻⵔⵜ ⵜⴰⴱⵔⵉⴷⴰⵏⵜ ⵏ ⴱⵉⵔ ⵎⵓⵕⴰⴷ ⵕⴰⵢⴻⵙ, ⵢⴻⵔⵏⴰ ⴰⴷ ⵙⵄⵓⵏ ⵜⴰⵣⵎⴻⵔⵜ ⴰⴷ ⴰⵡⵉⵏ ⴳⴰⵔ 600 ⴷ 1000 ⵏ ⵜⴽⴻⵕⵕⵓⵙⵉⵏ.

ⵉⵏⴻⵖⵙⴰⵔⴻⵏ-ⴰ ⴰⴷ ⴷ-ⵡⴻⵊⴷⴻⵏ ⴳⴰⵔ 2016 ⴷ 2018 ⵖⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ. ⵎⵔⴰⵡ (10) ⵏ ⵢⵉⵎⵓⴽⴰⵏ ⵏⵉⴹⴻⵏ ⴰⵢ ⴷ-ⵙⵙⵓⵎⵔⴻⵏ ⴰⴽⴽⴻⵏ ⴰⴷ ⴱⵏⵓⵏ ⴷⴻⴳ-ⵙⴻⵏ ⵉⵙⴳⵓⵍⴰⴼ ⵉ ⵍⵎⴻⵏⴷ ⵏ ⵓⵃⴱⴰⵙ ⵏ ⵜⴽⴻⵕⵕⵓⵙⵉⵏ ⴷ ⵜⵖⴰⵡⵙⵉⵡⵉⵏ ⵏⵉⴹⴻⵏ, ⴳⴰⵔ-ⴰⵙⴻⵏ ⵉⵏⴻⵖⵙⴰⵔⴻⵏ ⴰⵔⴰ ⵢⴻⵙⵄⵓⵏ, ⵎⴰ ⵓⵍⴰⵛ, 500 ⵏ ⵢⵉⵎⵓⴽⴰⵏ.

ⵙⴰ (7) ⵏ ⵢⵉⵎⵓⴽⴰⵏ ⴰⵢ ⵢⴻⵜⵜⵡⴰⵇⴻⴱⵍⴻⵏ ⵉ ⵍⵎⴻⵏⴷ ⵏ ⵡⴰⵢⴰ ⴷⴻⴳ ⴱⵉⵔ ⵎⵓⵕⴰⴷ ⵕⴰⵢⴻⵙ, ⴷⴻⴳ ⵜⴻⵖⵙⴰⵔⵜ ⵏ ⵓⵎⵉⵟⵔⵓ ⵏ ⵃⴰⵢ ⵍⴱⴰⴷⵕ, ⴷⴻⴳ ⵜⵉⵏ ⵏ ⵍⵃⴻⵕⵕⴰⵛ, ⴷⴻⴳ ⵄⵉⵏ ⵍⴱⴻⵏⵢⴰⵏ, ⴷⴻⴳ ⵛⵛⵔⴰⴳⴰ, ⴷⴻⴳ ⴱⵓⵎⴻⵄⵟⵉ ⴷ ⵜⵅⴻⵔⵔⵓⴱⵜ.

ⴰⵎⴻⵙⵏⵉ ⴰⵡⵍⴰⵍ: ⴰⴷ ⵢⴻⵜⵜⵡⴰⴱⵏⵓ ⵓⵙⴰⴳⴻⵏ ⴰⵎⴰⵢⵏⵓ ⴷⴻⴳ ⵜⴻⵎⵏⴰⴹⵜ ⵏ ⵜⵍⴻⵎⵎⴰⵙⵜ ⵏ ⵜⵎⵓⵔⵜ:

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⵙⵏⵉ ⴰⵡⵍⴰⵍ, ⵎⴰⵙⵙ ⵜⴰⵍⴰⵉ ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵍⵍⴰ ⵓⵙⴻⵏⴼⴰⵔ ⵏ ⵍⴻⴱⵏⵉ ⵏ ⵓⵙⴰⴳⴻⵏ ⴰⵎⵙⴻⵏⵣⵉ ⴷⴻⴳ ⵜⴻⵎⵏⴰⴹⵜ ⵏ ⵜⵍⴻⵎⵎⴰⵙⵜ ⵏ ⵜⵎⵓⵔⵜ ⴳⴰⵔ ⵜⴻⵎⴷⵉⵏⵉⵏ ⵏ ⵛⴻⵔⵛⴰⵍ (ⵜⵉⵒⴰⵣⴰ) ⴷ ⵜⵏⴻⵙ (ⵛⵛⵍⴻⴼ), ⵢⴻⵔⵏⴰ ⴰⵙⴻⵏⴼⴰⵔ-ⴰ ⴰⴷ ⵢⴻⵃⵡⵉⴵ ⴰⵙⵙⴻⴼⵜⵉ ⵏ ⵡⴰⵣⴰⵍ ⵏ 200 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ.

ⵉⴷⵔⵉⵎⴻⵏ ⵉ ⵍⴻⴱⵏⵉ ⵏ ⵓⵙⴻⵏⴼⴰⵔ-ⴰ ⵎⴰⵛⵉ ⴷ ⴰⵡⴰⵏⴰⴽ (ⴷⴷⵓⵍⴰ) ⴰⵔⴰ ⵜⴻⵏ-ⵉⴷ-ⵢⴻⴼⴽⴻⵏ, ⵎⴰⵛⴰ ⴰⵏⴻⵖⵍⴰⴼ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵣⵔⴰⵡⵉⵏ-ⵏⵏⴻⵙ ⵡⴻⵔⵄⴰⴷ ⵓⵔ ⴷ-ⵡⵊⵉⴷⴻⵏⵜ. ⴰⵙⴻⵏⴼⴰⵔ-ⴰ ⴰⴷ ⵢⴻⵜⵜⵡⴰⴱⵏⵓ ⴷⴻⴳ 3 ⵏ ⵢⵉⵙⵓⵔⵉⴼⴻⵏ, ⵢⴻⵔⵏⴰ ⴰⴷ ⵢⴻⴹⴹⴻⴼ 10 ⵏ ⵢⵉⵙⴻⴳⴳⴰⵙⴻⵏ.

ⵉ ⵍⵎⴻⵏⴷ ⵏ ⵓⵙⵙⵉⴷⵔⴻⵎ ⵏ ⵓⵙⴻⵏⴼⴰⵔ-ⴰ, ⴰⵏⴻⵖⵍⴰⴼ ⵏ ⵓⵎⴻⵙⵏⵉ ⵍⴰ ⵢⴻⵜⵜⵏⴰⴷⵉ ⵖⴻⴼ ⵜⴰⵔⵔⴰⵢⵉⵏ ⵏ ⵓⵙⵙⵉⴷⵔⴻⵎ ⵡⴰⵔ ⵎⴰ ⵜⵜⵡⴰⵙⵇⴻⴷⵛⴻⵏ ⵢⵉⴷⵔⵉⵎⴻⵏ ⵏ ⵍⵅⴻⵣⵏⴰ ⵜⴰⵏⴰⴳⴷⵓⴷⵜ ⵉ ⵍⵎⴻⵏⴷ ⵏ ⵡⴰⵢⴰ. ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⴻⵙⵏⵉ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ ⵏ ⵙⴻⵎⵎⵓⵙ ⵏ ⵢⵉⵙⴻⴳⴳⴰⵙⴻⵏ ⵏ 2015-2019, ⵜⴻⵜⵜⵡⴰⵀⴻⵢⵢⴰ-ⴷ ⵢⵉⵡⴻⵜ ⵏ ⵜⵊⴻⵍⵍⴰⴱⵜ ⵏ 832,7 ⵏ ⵢⵉⵍⴻⵎⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ.

ⴰⵎⵓⵔ ⵙⴻⴳ ⵜⵊⴻⵍⵍⴰⴱⵜ-ⴰ ⴰⴷ ⵢⴻⵜⵜⵡⴰⵚⴻⵔⵔⴻⴼ ⵖⴻⴼ ⵍⴻⴱⵏⵉ ⵏ ⵢⵉⵙⴻⵏⴼⴰⵔⴻⵏ ⵉⵎⴰⵢⵏⵓⵜⴻⵏ, ⵎⴰ ⴷ ⴰⵢⴻⵏ ⴰⵢ ⴷ-ⵢⴻⵇⵇⵉⵎⴻⵏ ⴰⴷ ⵢⴻⵜⵜⵡⴰⵚⴻⵔⴻⴼ ⵉ ⵓⴱⴻⴷⴷⴻⵍ ⵏⴻⵖ ⴰⵙⵙⴻⵎⵖⴻⵔ ⵏ ⴽⵔⴰ ⵏ ⵢⵉⵙⴻⵏⴼⴰⵔⴻⵏ ⴰⵢ ⵡⴻⵔⵄⴰⴷ ⴼⵓⴽⴻⵏ ⵙ ⵍⴻⴱⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.

ⴰⵀⵉⵍ ⵏ ⵙⴻⵎⵎⵓⵙ ⵏ ⵢⵉⵙⴻⴳⴳⴰⵙⴻ ⵏ 2015-2019 ⴷ ⵡⵉⵏ ⴰⵢ ⵢⴻⵙⵙⴻⴼⵔⴰⵢⴻⵏ, ⴷⴻⴳ ⵓⵃⵔⵉⵛ ⵏ ⵓⵎⴻⵙⵏⵉ, ⴰⴽⴻⵎⵎⴻⵍ ⵏ ⵓⵙⵙⵉⵙⵍⴻⴳ ⵏ ⵢⵉⴱⵔⵉⴷⴻⵏ ⵏ ⵡⵓⵣⵣⴰⵍ ⵏ ⵓⴳⴰⴼⴰ ⵏ ⵜⵎⵓⵔⵜ, ⵜⵓⵇⵇⵏⴰ ⵏ ⵓⵥⴻⴹⴹⴰ ⵏ ⵢⵉⴱⵔⵉⴷⴻⵏ ⵏ ⵡⵓⵣⵣⴰⵍ ⵖⴻⵔ ⵜⵔⵉⵙⵉⵜⵉ, ⵍⴻⴱⵏⵉ ⵏ ⵜⴻⵖⵙⴰⵔ ⵜⵉⵎⴰⵢⵏⵓⵜⵉⵏ, ⵍⴻⴱⵏⵉ ⵏ ⵓⵙⴰⴳⴻⵏ ⴰⵎⵙⴻⵏⵣⵉ ⴷⴻⴳ ⵜⴻⵎⵏⴰⴹⵜ ⵏ ⵓⴳⴰⴼⴰ ⵏ ⵜⵎⵓⵔⵜ, ⴰⵙⵙⴻⵎⵖⴻⵔ ⵏ ⴽⵔⴰ ⵏ ⵢⵉⵙⴻⵏⴼⴰⵔⴻⵏ ⴷ ⵍⴻⴱⵏⵉ ⵏ ⵢⵉⵣⵉⵔⵉⴳⴻⵏ ⵉⵎⴰⵢⵏⵓⵜⴻⵏ ⵏ ⵓⵎⵉⵟⵔⵓ.

ⵙⵖⵓⵔ ⵎⴻⵔⵉⴻⵎ ⵣⴰⵉⵜ