ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵔⵔⴰⵣ ⴰⵎⴻⵇⵔⴰⵏ ⵏ ⵜⴽⵓⵔⵜ ⵜⴰⵎⴰⴼⴰⴳⵜ ⵏ ⵜⵍⴰⵡⵉⵏ: ⵍⴻⵣⵣⴰⵢⴻⵔ ⵜⴻⵔⵏⴰ ⵓⵙⵜⵕⴰⵍⵢⴰ ⵙ 3 ⵖⴻⵔ 0

ⵜⴰⵍⴷⵢⴽⵧⵔⴳⴰⵏ (ⴽⴰⵣⴰⵅⵙⵜⴰⵏ) – ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⴽⵓⵔⵜ ⵜⴰⵎⴰⴼⴰⴳⵜ ⵏ ⵜⵍⴰⵡⵉⵏ ⵜⴻⵔⵏⴰ ⴰⵙⵙ ⵏ ⵍⵃⴻⴷⴷ ⵜⴰⵎⵜⵉⵍⵜ-ⵏⵏⴻⵙ ⵜⵓⵙⵜⵕⴰⵍⵉⵜ ⵙ ⵓⴳⵎⵓⴹ ⵏ 3 ⵏ ⵢⵉⵃⵔⵉⵛⴻⵏ ⵖⴻⵔ 0 (25-19, 25-22, 25-13) ⴷⴻⴳ ⵜⴰⵍⴷⵢⴽⵧⵔⴳⴰⵏ, ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⴷⴻⴳ ⵡⴰⵙⵙ ⵡⵉⵙ 3 ⵢⴻⵔⵏⴰ ⴷ ⴰⵏⴻⴳⴳⴰⵔⵓ ⴷⴻⴳ ⵜⵓⵣⵣⵢⴰ ⵏ ⵓⵄⴻⴷⴷⵉ ⵏ ⵡⴰⵔⵔⴰⵣ ⴰⵎⴻⵇⵔⴰⵏ.

ⴷⴻⴳ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ ⵜⵉⵎⴻⵣⵡⵓⵔⴰ ⵓⵇⴱⴻⵍ ⵜⴰ, ⵜⵉⴷⵣⴰⵢⵔⵉⵢⵉⵏ ⵅⴻⵚⵔⴻⵏⵜ ⵙⴷⴰⵜ ⴽⴰⵣⴰⵅⵙⵜⴰⵏ ⴷ ⴽⵓⴱⴰ ⵙ 3 ⵖⴻⵔ 0.

ⴰⵙⵍⴻⵖⵎⴰⵢ ⵏ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⴼⵔⴰⵏçⵧⵉⵙ ⵙⴰⵍⵠⴰⴳⵏⵉ ⵢⵓⵎⴰⵔ (ⵢⴻⴼⵕⴻⵃ) ⵙ ⵔⵔⴱⴻⵃ-ⴰ, ⵢⴻⵔⵏⴰ ⵢⴻⵏⵏⴰ-ⴷ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ: « ⴰⵇⵍ-ⴰⵖ ⵏⵓⵎⴰⵔ ⴰⵟⴰⵙ ⵢⴻⵔⵏⴰ ⴱⵖⵉⵖ ⴰⴷ ⵙⵏⴻⵎⵎⵔⴻⵖ ⵜⵉⵎⴰⵔⵉⵔⵉⵏ-ⵉⵏⵓ ⴰⵛⴽⵓ ⵜⵉⵎⵍⵉⵍⵉⵜ-ⵏⵏⵉ ⵜⴻⵍⵍⴰ-ⴷ ⵜⴻⵡⵄⴻⵕ ⴰⵟⴰⵙ. ⵏⵓⵔⴰⵔ ⵜⵉⵎⵍⵉⵍⵉⵜ ⵢⴻⵍⵀⴰⵏ ⵢⴻⵔⵏⴰ ⵢⴻⵡⵄⴻⵕ ⴼⴻⵍⵍ-ⴰⵏⴻⵖ ⴰⴷ ⵏⴻⵜⵜⵓⵔⴰⵔ ⴷⵉⵎⴰ ⵎⵍⵉⵃ. ⵢⴻⵙⵙⴻⴼⴽ ⴷⴰⵖ ⴰⴷ ⵏⵀⴻⵏⵏⵉ ⵓⵙⵜⵕⴰⵍⵢⴰ ⵉⵎⵉ ⴰⵢ ⵜⴻⵔⴱⴻⵃ ⴰⵃⵔⵉⵛ-ⵏⵏⴻⵙ ⵡⵉⵙ ⵙⵉⵏ ».

ⵙⴻⴳ ⵢⵉⴷⵉⵙ-ⵏⵏⴻⵙ, ⵜⴰⵇⴻⴱⵟⴰⵏⵜ ⵏ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ, ⴼⴰⵜⵉⵎⴰ-ⵣⵧⵀⵔⴰ ⵧⵓⴽⴰⵣⵉ, ⵜⴻⵛⴽⴻⵕ-ⴷ ⵔⵔⴱⴻⵒⵀ-ⴰ ⴰⵢ ⴷ-ⵢⵓⵙⴰⵏ ⴷⴻⴼⴼⵉⵔ ⵙⵏⴰⵜ ⵏ ⵍⴻⵅⵚⴰⵔⴰⵜ.

« ⵏⵓⵔⴰⵔ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵢⴻⵍⵀⴰⵏ ⵢⴻⵔⵏⴰ ⵜⵜⵡⴰⵍⵉⵖ ⴷ ⴰⴽⴽⴻⵏ ⵔⵔⴱⴻⵃ-ⴰ ⵏⵓⴽⵍⴰⵍ-ⵉⵜ. ⵍⴰ ⵏⵄⴻⵔⵔⴻⴹ ⴰⴷ ⵏⴻⵙⵙⴻⵍⵀⵓ ⴰⵙⵡⵉⵔ-ⵏⵏⴻⵖ ⵢⴰⵍ ⵜⵉⴽⴽⴻⵍⵜ ⴷⴻⴳ ⴰⵔⴰ ⵏⵓⵔⴰⵔ. ⵍⵎⵓⴼⵉⴷ ⵏⴻⵜⵜⴰ ⴰⵇⵍ-ⴰⵖ ⵏⴻⵡⵊⴻⴷ ⴰⴽⴽⴻⵏ ⴰⴷ ⵏⵓⵔⴰⵔ ⴷⴻⴳ ⵜⴻⵍⵖⵓⵖⴰ ⴰⵢ ⴷ-ⵢⴻⵜⵜⴻⴷⴷⵓⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.

ⴷⴻⴳ ⵜⴻⵎⵍⵉⵍⵉⵜ-ⴰ, ⵔⴻⴷⵧⵓⴰⵏⵉ ⴰⵎⵉⵏⴰ ⵜⵓⴼⵔⴰⵔ-ⴷ ⵉⵎⵉ ⴷ ⵏⴻⵜⵜⴰⵜ ⴰⵢ ⵢⴻⵙⵙⴰⴷⴼⴻⵏ ⴰⵟⴰⵙ ⴰⴽⴽ ⵏ ⵜⴻⵏⵇⵉⴹⵉⵏ (12), ⴷⴻⴳ ⵡⴰⴽⵓⴷ ⴷⴻⴳ ⵜⵓⵙⵜⵕⴰⵍⵉⵜ ⵙⵧⵒⵀⵉⴻ ⴳⵧⴷⴼⵔⴻⵢ ⵜⴻⵙⵙⴰⴷⴻⴼ 9 ⵏ ⵜⴻⵏⵇⵉⴹⵉⵏ, ⵎⴰ ⴷ ⵙⴰⴼⵉⴰ ⴱⵧⵓⴽⵀⵉⵏⴰ ⵜⴻⵙⵙⴰⴷⴻⴼ 8.

ⴷⴻⴳ ⵓⵙⴻⵜⵜⴻⴼ, ⴽⵓⴱⴰ ⴷ ⴽⴰⵣⴰⵅⵙⵜⴰⵏ ⴰⵢ ⴷ ⵜⵉⵎⴻⵣⵡⵓⵔⴰ ⴷⴻⴳ ⵜⴻⴳⵔⴰⵡⵜ ⵏ ⵏ ⵙ 6 ⵏ ⵜⴻⵏⵇⵉⴹⵉⵏ ⵉ ⵢⵉⵡⴻⵜ, ⵎⴰⵛⴰ ⵡⴻⵔⵄⴰⴷ ⵓⵔ ⵓⵔⴰⵔⴻⵏⵜ ⴰⵔⴰ ⵢⵉⵡⴻⵜ ⵏ ⵜⴻⵎⵍⵉⵍⵉⵜ, ⵎⴰ ⴷ ⵍⴻⵣⵣⴰⵢⴻⵔ ⵜⴻⵔⴱⴻⵃⵜ-ⴷ 3 ⵏ ⵜⴻⵏⵇⵉⴹⵉⵏ ⴷⴻⴳ ⵡⴰⴽⵓⴷ ⴷⴻⴳ ⵓⵙⵜⵕⴰⵍⵢⴰ ⴷ ⵏⴻⵜⵜⴰⵜ ⴰⵢ ⴷ ⵜⴰⵏⴻⴳⴳⴰⵔⵓⵜ ⵙ 0 ⵏ ⵜⴻⵏⵇⴹⵉⵏ.

ⵜⴰⵖⵍⴰⵎⵜ ⵏ ⵍⴻⵣⵣⴰⵢⴻⵔ ⴰⵢ ⵢⴻⵜⵜⵡⴰⵙⴻⵜⵜⴼⴻⵏ ⴷ ⵜⵉⵙ ⵙⵏⴰⵜ ⴷⴻⴳ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ, ⴰⴷ ⴷ-ⵜⴻⵇⵇⴻⵍ ⴷⵉⵏⴷⵉⵏ ⵖⴻⵔ ⵜⵎⵓⵔⵜ ⴰⴽⴽⴻⵏ ⴰⴷ ⵜⵓⵔⴰⵔ ⴷ ⵜⴻⵖⵍⴰⵎⵉⵏ ⵏ ⵜⴻⴳⵔⴰⵡⵜ ⵇ ⵏ ⵡⴰⵔⵔⴰⵣ ⴰⵎⴻⵇⵔⴰⵏ ⴳⴰⵔ 3 ⴷ 5 ⵢⵓⵍⵢⵓ ⴷⴻⴳ ⵛⵛⵔⴰⴳⴰ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ).