ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵙⵙ ⵙⴻⵍⵍⴰⵍ ⵢⴻⵎⵎⵓⴳⴻⵔ ⴰⵎⴰⵣⵓⵏ ⵓⵣⵣⵉⴳ ⵏ ⵓⵙⴻⵍⵡⴰⵢ ⵏ ⵉⵕⴰⵏ
ⵍⴻⵣⵣⴰⵢⴻⵔ –ⴰⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵎⵎⵓⴳⴻⵔ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵎⴰⵙⵙ ⵀⴰⵎⵉⴷ ⵛⵀⵉⵜⵛⵉⵀⴰⵏ, ⴰⵏⴻⵖⵍⴰⴼ ⵉⵕⴰⵏⵉ ⵏ ⵜⴻⵥⵡⴻⵔⵜ ⵢⴻⵔⵏⴰ ⴷ ⴰⵎⴰⵣⵓⵏ ⵓⵣⵣⵉⴳ ⵏ ⵓⵙⴻⵍⵡⴰⵢ ⵏ ⵉⵕⴰⵏ, ⵀⴰⵙⵙⴰⵏ ⵔⵧⵀⴰⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵢⵉⵡⴻⵏ ⵏ ⵓⵍⵖⵓ ⵏ ⵢⵉⵎⴻⵥⵍⴰ ⵏ ⵓⵏⴻⵖⵍⴰⴼ ⴰⵎⴻⵏⵣⵓ. ⵉⵎⴹⴻⴱⴱⴻⵔ-ⴰ ⵉⵕⴰⵏⵉ ⵉⵇⴻⴷⴷⴻⵎ-ⴷ, ⴷⴻⴳ ⵓⵎⵢⴰⴳⴻⵔ-ⴰ, « ⵉⵙⵡⴰⵏ ⵏ ⵜⵇⴰⵛⵓⵛⵜ ⵜⵉⵙ ⴽⵔⴰⴹⵜ (3) ⵏ ⵢⵉⵖⴼⴰⵡⴻⵏ ⵏ ⵓⵡⴰⵏⴰⴽ ⴷ ⵓⵏⴰⴱⴰⴹ ⵏ ⵓⵎⵏⴰⴳⴻⵔ ⵏ ⵜⵎⵓⵔⴰ ⵜⵉⵎⵙⵉⴵⵡⵉⵏ ⵏ ⵍⴳⴰⵣ (ⴳⴻⵛⴼ) ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵜⴻⴳⵏⵉⵜ ⴷⴻⴳ ⵍⴰ ⴷ-ⵜⵜⵉⵍⵉⵏ ⵢⵉⴱⴻⴷⴷⵉⵍⴻⵏ ⴷ ⵉⵎⴻⵇⵔⴰⵏⴻⵏ ⴷⴻⴳ ⵍⴻⵙⵡⴰⵇ ⵉⴳⵔⴰⵖⵍⴰⵏⴻⵏ ⵏ ⵓⵒⵉⵜⵕⵓⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ. ⴰⵎⵢⴰⴳⴻⵔ-ⴰ ⵢⴻⵍⵍⴰ-ⴷ ⵙ ⵓⵃⴷⴰⵕ ⵏ ⵓⵏⴻⵖⵍⴰⴼ ⵏ ⵜⴻⵥⵡⴻⵔⵜ, ⵙⴰⵍⴰⵀ ⴽⵀⴻⴱⵔⵉ, ⵢⴻⵔⵏⴰ ⵢⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵙⵉⵏ-ⴰ ⵏ ⵢⵉⵎⴹⴻⴱⴱⵔⴻⵏ ⴰⴽⴽⴻⵏ « ⴰⴷ ⵇⴻⵢⵢⵎⴻⵏ ⴰⵙⵙⴰⵖⴻⵏ ⵓⵛⵔⵉⴽⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵍⴰⴷⵖⴰ ⴷⴻⴳ ⵓⵏⵔⴰⵔ ⵏ ⵜⴻⵥⵡⴻⵔⵜ, ⴰⴽⴽⴻⵏ ⴰⴷ ⵙⵙⴻⵎⵢⵓⴷⴷⵙⴻⵏⵜ ⵍⴻⵛⵖⴰⵍ-ⵏⵙⴻⵏⵜ ⵅⵉⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ
