ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⴷⴷⵓⴽⵍⴰ ⵜⴰⵎⴻⵕⵕⵓⴽⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵜⵡⴻⵜ-ⴷ ⴷⴻⴳ ⵓⵔⴽⴰⴹ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵎⴻⵕⵕⵓⴽ

ⵔⵔⴱⴰⵟ - ⵜⵉⴷⴷⵓⴽⵍⴰ ⵜⴰⵎⴻⵕⵕⵓⴽⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵜⴻⵏⵏⴰ-ⴷ, ⴰⵙⵙ ⵏ ⵜⵜⵍⴰⵜⴰ, ⴷ ⴰⴽⴽⴻⵏ ⵜⴻⵍⵍⴰ-ⴷ « ⵜⵓⵇⵇⵍⴰ ⴷ ⵜⴰⵎⵉⵀⴰⵡⵜ ⵖⴻⵔ ⴷⴻⴼⴼⵉⵔ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵎⴻⵕⵕⵓⴽ, ⵢⴻⵔⵏⴰ ⵜⴻⴽⵛⴻⴼ-ⴷ ⴷ ⴰⴽⴽⴻⵏ ⵎⴰⵣⴰⵍ ⵍⴰ ⴷ-ⵢⴻⵜⵜⵉⵍⵉ ⴷⴻⴳ ⵜⵎⵓⵔⵜ-ⴰ ⵓⵄⴻⵜⵜⴻⴱ, ⵍⴻⵃⴽⴻⵎ ⵙ ⵜⵎⴻⵜⵜⴰⵏⵜ, ⴰⴱⴱⴰⵥ ⴰⵙⴻⵔⵜⵉ ⴷ ⵍⵇⴻⵍⵍⴰ ⵏ ⵓⵇⴰⴷⴻⵔ ⵏ ⵜⵎⴻⵟⵟⵓⵜ. ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵓⵕⴰⴱⵓⵍ ⵏ ⵜⵉⴷⴷⵓⴽⵍⴰ ⵜⴰⵎⴻⵕⵕⵓⴽⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵎⴻⵕⵕⵓⴽ ⵜⴻⵍⵍⴰ-ⴷ ⴷⴻⴳ-ⵙ « ⵜⵓⵇⵇⵍⴰ ⴷ ⵜⴰⵎⵉⵀⴰⵡⵜ ⵖⴻⵔ ⴷⴻⴼⴼⵉⵔ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵍⴻⵍⵍⵉⵢⵉⵏ ⴷ ⵢⵉⵣⴻⵔⴼⴰⵏ ⵏ ⵍⵍⵙⴰⵙ. ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⵜⴻⵙⵙⴰⵡⴻⴹ ⴰⴷ ⴷ-ⵜⴰⵡⵉ ⵜⴰⵙⵓⴽⵉⵏⵜ ⵙⴻⴳ ⵓⵕⴰⴱⵓⵍ-ⴰ. ⵜⴰⴼⵜⴰⵔⵜ-ⴰ ⵜⴻⵙⵙⵓⴽⴽ-ⴷ ⵜⵉⵟ « ⵙ ⵜⴻⵍⵇⴻⵢ » ⵖⴻⴼ ⵜⴻⴳⵏⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵎⴻⵕⵕⵓⴽ, ⵢⴻⵔⵏⴰ « ⵜⴻⵊⴱⴻⴷ-ⴷ ⵍⴰⴷⵖⴰ ⵍⵡⴻⵍⵀⴰ ⵖⴻⴼ ⵓⴽⴻⵎⵎⴻⵍ ⵏ ⵓⵙⵙⴻⵇⴷⴻⵛ ⵏ ⵓⵄⴻⵜⵜⴻⴱ, ⵍⴻⵃⴽⴻⵎ ⵙ ⵜⵎⴻⵜⵜⴰⵏⵜ, ⴰⴱⴱⴰⵥ ⴰⵙⴻⵔⵜⵉ ⴷ ⵍⵇⴻⵍⵍⴰ ⵏ ⵓⵇⴰⴷⴻⵔ ⵏ ⵜⵎⴻⵟⵟⵓⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵕⴰⴱⵓⵍ-ⴰ ⴷ ⴰⴽⴽⴻⵏ « ⴷⴻⴳ ⵓⵙⴻⴳⴳⴰⵙ ⵏ 2014, ⵙⴻⵎⵎⵓⵙ (5) ⵏ ⵍⴻⵃⴽⴰⵎ ⵙ ⵜⵎⴻⵜⵜⴰⵏⵜ ⴰⵢ ⴷ-ⵢⴻⵜⵜⵡⴰⵏⴻⵟⵇⴻⵏ ». ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⵉⴷⴷⵓⴽⵍⴰ ⵜⴰⵎⴻⵕⵕⵓⴽⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵜⴻⴱⴷⴻⵔ-ⴷ « ⵓⴳⴰⵔ ⵏ 251 ⵏ ⵍⵉⵃⴰⵍⴰⵜ » ⵏ ⵓⵃⴱⴰⵙ ⴰⵙⴻⵔⵜⵉ. ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵍⴻⵍⵍⵉⵢⵉⵏ ⵜⵉⵏⴰⴳⴷⵓⴷⵉⵏ (ⴰⵣⵔⴻⴼ ⵏ ⵜⵉⴷⴷⵓⴽⵍⴰ, ⴰⵣⵔⴻⴼ ⵏ ⵓⵎⵙⴻⴳⵔⴰⵡ, ⵜⵉⵍⴻⵍⵍⵉ ⵏ ⵜⵖⴻⵎⵙⴰ) ⴷⴻⴳ ⵎⴻⵕⵕⵓⴽ, ⵜⵉⴷⴷⵓⴽⵍⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⵓⵍⴰ ⴷⴻⴳ ⵓⵏⵔⴰⵔ-ⴰ « ⵢⴻⵍⵍⴰ-ⴷ ⵓⵔⴽⴰⴹ ⴷ ⵜⵓⵇⵇⵍⴰ ⵜⴰⵎⵉⵀⴰⵡⵜ ⵖⴻⵔ ⴷⴻⴼⴼⵉⵔ », ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷ ⴰⴽⴽⴻⵏ « ⴰⵟⴰⵙ ⵏ ⵛⵛⵕⵓⵄⴰⵜ » ⵏ ⵜⴽⴻⵍⵍⴰⵅ ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⵢⵉⵏⴻⵖⵎⴰⵙⴻⵏ, « ⵜⵜⵡⴰⵃⴻⵜⵜⵎⴻⵏⵜ-ⴷ ⵜⵍⵉⵙⴰ ⵜⵉⵣⴻⵡⵡⴰⵖⵉⵏ ⵖⴻⴼ ⵡⴰⵟⴰⵙ ⵏ ⵜⵍⴻⵍⵍⵉⵢⵉⵏ ⵏ ⵡⴰⵡⴰⵍ ⴷ ⵜⵖⴻⵎⵙⴰ » ⵢⴻⵔⵏⴰ « ⴰⵟⴰⵙ ⵏ ⵢⵉⵏⴻⵖⵎⴰⵙⴻⵏ ⴷ ⵢⵉⵎⵃⵉⴷⴷⴰⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⵢⵖⴻⴼ ⵢⴻⵜⵜⵡⴰⵃⴽⴻⵎ ⵍⵃⴻⴱⵙ ». ⵜⴰⴳⵏⵉⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵉⴷⴷⵓⴽⵍⴰ ⵜⴰⵎⴻⵕⵕⵓⴽⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ « ⵜⴻⵙⵙⴽⴰⵏⴰⵢ-ⴷ, ⴳⴰⵔ ⵡⴰⵢⴰ ⴷ ⵡⴰⵢⴻⵏ ⵏⵉⴹⴻⵏ, ⴰⵎⴽⴰⵏ ⵏ ⴷⵉⵔⵉ ⴰⵢ ⵜⴻⵙⵄⴰ ⵎⴻⵕⵕⵓⴽ ⴷⴻⴳ ⵓⵙⴻⵜⵜⴻⴼ ⵏ ⵜⵎⵓⵔⴰ ⵖⴻⴼ ⵍⴻⵃⵙⴰⴱ ⵏ ⵜⵍⴻⵍⵍⵉ ⵏ ⵜⵖⴻⵎⵙⴰ, ⵢⴻⵔⵏⴰ ⴷⴻⴳ ⵓⵙⴻⵜⵜⴻⴼ ⵏ ⵢⵉⵏⴻⵎⵓⵔⴰ ⵡⴰⵔ ⵜⵉⵍⵉⵙⴰ, ⵎⴻⵕⵕⵓⴽ ⵜⴻⵙⵄⴰ ⴰⵎⴽⴰⵏ ⵡⵉⵙ 136, ⵎⴰ ⴷⴻⴳ ⵡⵉⵏ ⵏ ⴼⵔⴻⴻⴷⵧⵎ ⵀⵧⵓⵙⴻ, ⵎⴻⵕⵕⵓⴽ ⵜⵓⵙⴰ-ⴷ ⴷ ⵜⵉⵙ 147. ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵣⴰⵍ ⵏ 85 ⵏ ⵢⵉⴳⴷⴰⵍⴻⵏ ⵏ ⵓⵔⵎⵓⴷ ⴰⵢ ⴷ-ⵢⴻⴼⴼⵖⴻⵏ ⵎⴳⴰⵍ ⵜⵉⴷⴷⵓⴽⵍⴰ ⵜⴰⵎⴻⵕⵕⵓⴽⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴳⴰⵔ ⵢⵓⵍⵢⵓ 2014 ⴷ ⵢⵓⵏⵢⵓ 2015 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵉⴷⴷⵓⴽⵍⴰ-ⴰ. ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴳⵏⵉⵜ ⵏ ⵍⴻⵃⴱⴰⵙ, ⵜⵉⵖⴰⵡⵙⵉⵡⵉⵏ ⴷⵉⵔⵉ-ⵜⴻⵏⵜ ⵓⴳⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵉⴷⴷⵓⴽⵍⴰ. « ⵎⴻⵏⵖⵉⵔ ⴰⵄⴻⵜⵜⴻⴱ, ⵜⴰⴽⵔⵉⴹⵜ ⴷ ⵢⵉⵔ ⵜⴰⴳⵏⵉⵜ ⵏ ⵓⵃⴱⴰⵙ », ⴰⵕⴰⴱⵓⵍ-ⴰ ⵢⴻⵏⵏⴰ-ⴷ ⴷ ⴰⴽⴽⴻⵏ « ⵓⴳⴰⵔ ⵏ 30 ⵏ ⵢⵉⵎⴷⴰⵏⴻⵏ ⴰⵢ ⵉⴳⴰⵏ ⴰⵙⵓⵏⴷⴻⴷ ⵏ ⵍⴰⵥ ⴷⴻⴳ 2014 ⴷⴻⴳ ⵍⴻⵃⴱⴰⵙ ⵉⵎⴻⵕⵕⵓⴽⵉⵢⴻⵏ. ⵜⵉⵏ ⴰⵢ ⵜⴻⵏⵜ-ⵢⵓⴳⴰⵔⴻⵏ ⵏⴻⵜⵜⴰⵜ, ⴷⴻⴳ 2014, ⵎⵎⵓⵜⴻⵏ 14 ⵏ ⵢⵉⵎⴷⴰⵏⴻⵏ ⴷⴻⴳ ⵍⵃⴻⴱⵙ, ⵢⴻⵔⵏⴰ 3 ⵙⴻⴳ-ⵙⴻⵏ ⵙⴻⴳ ⵡⵉⴷ ⴰⵢ ⵉⴳⴰⵏ ⴰⵙⵓⵏⴷⴻⴷ ⵏ ⵍⴰⵥ ». ⴰⵕⴰⴱⵓⵍ-ⴰ ⵢⴻⴱⴷⴻⵔ-ⴷ ⴷⴰⵖ ⵜⴰⴳⵏⵉⵜ ⵏ ⵜⵎⴻⵟⵟⵓⵜ ⴷⴻⴳ ⵎⴻⵕⵕⵓⴽ ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ « ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵓⵙⵙⴻⴱⴷⴻⴷ ⵏ ⵜⵙⵓⴷⵓⵜ ⵉ ⵓⵄⴷⴰⵍ ⴷ ⵓⵃⴰⵕⴻⴱ ⵎⴳⴰⵍ ⴰⴽⴽ ⵍⴻⵚⵏⴰⴼ ⵏ ⵎⴻⵃⵢⴰⴼ, ⵓⵍⴰ ⵎⴰ ⵏⵏⴰⵏ-ⴷ ⴰⴷ ⴷ-ⵢⴻⴼⴼⴻⵖ ⴷⴻⴳ 2013, ⵍⵇⴰⵏⵓⵏ-ⴰ ⵡⴻⵔⵄⴰⴷ ⵓⵔ ⴷ-ⵢⴻⴼⴼⵉⵖ ⴰⵔ ⴰⵙⵙ-ⴰ ». ⵜⵉⴷⴷⵓⴽⵍⴰ ⵜⴰⵎⴻⵕⵕⵓⴽⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵜⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵏⵇⴻⵙ ⵓⵎⴹⴰⵏ ⵏ ⵜⵍⴰⵡⵉⵏ ⴷⴻⴳ ⵓⵎⵏⵉ, ⵢⴻⵔⵏⴰ ⴰⵢⴰ ⵢⴻⵙⵙⴽⴰⵏⴰⵢ-ⴷ ⴷ ⴰⴽⴽⴻⵏ « ⴰⵄⴷⴰⵍ ⵎⴰⵣⴰⵍ ⵢⴻⴱⵄⴻⴷ ⴰⴽⴽⴻⵏ ⴰⴷ ⴷ-ⵢⵉⵍⵉ ». ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴽⵔⵉⴹⵜ ⵎⴳⴰⵍ ⵜⵍⴰⵡⵉⵏ, ⵜⵉⴷⴷⵓⴽⵍⴰ ⵜⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ « ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵢⴻⵇⵇⵏⴻⵏ ⵖⴻⵔ ⵓⵃⴰⵕⴻⴱ ⵏ ⵜⴻⴽⵔⵉⴹⵜ ⵎⴳⴰⵍ ⵜⵍⴰⵡⵉⵏ ⵍⵍⴰⵏ ⵙⵙⴻⴼⵔⴰⵏ ⴰⴷ ⵜ-ⵉⴷ-ⵙⵙⵓⴼⴼⵖⴻⵏ ⴷⴻⴳ ⵜⴳⴰⵔⴰ ⵏ 2013, ⵎⴰⵛⴰ ⴰⵔ ⴰⵙⵙ-ⴰ ⵡⴻⵔⵄⴰⴷ ⴷ-ⵢⴻⴼⴼⵉⵖ ». ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵇⴻⴷⴷⴰⵛⵉⵏ ⵏ ⵓⵅⵅⴰⵎ, ⵜⵉⴷⴷⵓⴽⵍⴰ ⵜⴰⵎⴻⵕⵕⵓⴽⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵜⵡⴻⵜ-ⴷ ⴷⴻⴳ ⵓⵙⴻⵏⴼⴰⵔ-ⵏⵏⵉ ⵏ ⵍⵇⴰⵏⵓⵏ ⴰⵢ ⵢⴻⴼⴽⴰⵏ ⵜⵜⴻⵙⵔⵉⵃ ⵉ ⵢⵉⴳⴻⵔⴷⴰⵏ ⴰⴷ ⵅⴻⴷⵎⴻⵏ ⵙⴻⴳ 16 ⵏ ⵢⵉⵙⴻⴳⴳⴰⵙⴻⵏ ⴷ ⴰⵙⴰⵡⴻⵏ (ⴰⵖⴻⵔⵢⴰ ⵏ 18 ⵏ ⵢⵉⵙⴻⴳⴳⴰⵙⴻⵏ). ⴰⵟⴰⵙ ⵏ ⵜⵖⴰⵡⵙⵉⵡⵉⵏ ⴰⵢ ⴷ-ⵢⴻⵙⵙⴻⴽⵏⴻⵏ ⴷ ⴰⴽⴽⴻⵏ ⵎⴻⵕⵕⵓⴽ « ⵎⴰⵣⴰⵍ-ⵉⵜⵜ ⵜⴻⴹⴹⴻⴼ ⴰⵎⴽⴰⵏ ⵓⵔ ⵢⴻⵙⵙⴻⴼⵕⴰⵃⴻⵏ ⴷⴻⴳ ⵓⵏⵔⴰⵔ ⵏ ⵓⵄⴷⴰⵍ ⴳⴰⵔ ⵢⵉⵔⴳⴰⵣⴻⵏ ⴷ ⵜⵍⴰⵡⵉⵏ (ⴰⵎⴽⴰⵏ ⵡⵉⵙ 129 ⵙⴻⴳ 136 ⵏ ⵜⵎⵓⵔⴰ ⴷⴻⴳ 3 ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵕⴰⴱⵓⵍ-ⴰ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵕⴰⴱⵓⵍ-ⴰ ⵢⴻⴽⵛⴻⴼ-ⴷ ⴷ ⴰⴽⴽⴻⵏ ⵉⵎⴻⵄⴷⴰⵕ ⵡⴻⵔⵄⴰⴷ ⵓⵔ ⵙⵄⵉⵏ ⵉⵣⴻⵔⴼⴰⵏ-ⵏⵙⴻⵏ ⵉⴷⴰⵎⵙⴰⵏⴻⵏ ⴷ ⵢⵉⵏⵎⴻⵜⵜⵉⵢⴻⵏ.