ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴼⵜⵉⵕⵜ ⵏ ⵕⴻⵎⴹⴰⵏ ⵜⴻⵜⵜⵓⵇⴻⵢⴻⵎ ⵙ ⵡⴰⵣⴰⵍ ⵏ 100 ⴷⴰ.

ⵍⴻⵣⵣⴰⵢⴻⵔ – ⴰⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⴰⴽⴽ ⴷ ⵍⵡⴰⵇⴼ ⵢⴻⴳⴻⵔ-ⴷ ⵜⵉⵖⵕⵉ ⴰⵙⵙ ⵏ ⵍⴰⵕⴻⴱⵄⴰ ⵉ ⵍⵎⵓⵎⵏⵉⵏ ⴱⴻⵍⵍⵉ ⵜⴰⴼⵜⵉⵕⵜ ⵏ ⵕⴻⵎⴹⴰⵏ ⵓⵙⴻⴳⴳⴰⵙ-ⴰⴳⵉ ⵜⴻⵜⵜⵓⵇⴻⵢⴻⵎ ⵙ ⵡⴰⵣⴰⵍ ⵏ 100 ⴷⴰ.

ⴷⴻⴳ ⵢⵉⵡⴻⵏ ⵏ ⵡⵓⵍⵖⵓ, ⴰⵖⵍⵉⴼ ⵢⴻⵙⵙⴰⵡⴻⵍ ⵉ ⵢⴰⴽⴽ ⵍⵎⵓⵎⵏⵉⵏ ⴰⴽⴽⴻⵏ ⴰⴷ ⵙⵙⵓⴼⴼⵖⴻⵏ ⵜⴰⴼⵜⵉⵕⵜ ⵏ ⵡⴰⴳⴳⵓⵔ ⵏ ⵕⴻⵎⴹⴰⵏ, ⴰⵣⴰⵍ-ⵉⵙ ⵢⴻⵜⵜⵓⵇⴻⵢⴻⵎ ⵙ 100 ⴷⴰ ⵉ ⵡⴻⵎⴷⴰⵏ, ⴰⵣⴰⵍ ⵏ ⵡⵓⵔⴰⵡ ⵏ ⵜⵓⵞⵞⵉⵜ ⵏ ⵉⵣⵣⴰⵢⵔⵉⵢⴻⵏ ⵢⴻⵔⵡⴰⵙⴻⵏ ⵖⴻⵔ 2 ⴽⴳ.

ⴰⵖⵍⵉⴼ ⵢⴻⵔⵏⴰ ⵢⴻⵏⵏⴰ-ⴷ ⴷⴰⵖⴻⵏ ⴱⴻⵍⵍⵉ ⵉⵅⴻⴱⴱⴻⵕ ⴰⴽⴽ ⵍⵉⵎⴰⵎⴰⵜ ⵢⴻⵍⵍⴰⵏ ⴷⵉ ⵜⵎⴻⵣⴳⵉⴷⴰ ⴰⴽⴽⴻⵏ ⴰⴷ ⵎⵄⴰⵡⴰⵏⴻⵏ ⴰⴽⴽ ⵜⵙⴻⵇⵇⵓⵎⴰⵢ ⵏ ⴷⴷⵉⵏ ⵢⴻⵍⵍⴰⵏ ⴷⵉ ⵜⵎⴻⵣⴳⵉⴷⴰ ⴷⵉ ⵢⴰⵍ ⵜⴰⵎⴰ ⵏ ⵜⵎⵓⵔⵜ, ⴰⴽⴽⴻⵏ ⴱⴻⴷⴷⵓ ⵏ ⵡⴻⵊⵎⴰⵄ ⵏ ⵜⴻⴼⵜⵉⵕⵜ ⴰⴷ ⴷ-ⵢⵉⵍⵉ ⵙⴻⴳ ⵡⴰⵙⵙ ⵡⵉⵙ 15 ⵏ ⵕⴻⵎⴹⴰⵏ ⴰⴽⴽⴻⵏ ⴰⴷ ⵜⴻⵜⵜⵡⴻⴼⵕⴰⵇ ⵉ ⵡⵉⴷ ⵢⴻⵏⵅⴰⵚⵚⴻⵏ.