ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴰⵎⴰⵏ: ⴰⴱⴷⴰⵎⵎⴰⵙ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵜⵜⵡⴰⵍⵉ ⵢⴻⵣⵎⴻⵔ ⴰⴷ ⴷ-ⵢⵉⵍⵉ ⵓⵃⴱⴰⵙ ⵏ ⵢⵉⵎⴻⵏⵖⵉ ⵉ ⵓⵄⴰⵡⴻⵏ ⵏ ⵎⴻⴷⴷⴻⵏ

ⵔⵉⵢⴰⴹ – ⴰⵎⴰⵣⵓⵏ ⵓⵣⵣⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵢⴰⵎⴰⵏ, ⵉⵙⵎⴰⵉⵍ ⵧⵓⵍⴷ ⵛⵀⴻⵉⴽⵀ ⴰⵀⵎⴻⴷ, ⵢⴻⵏⵏⴰ-ⴷ ⴰⵙⵙ ⵏ ⵍⴰⵕⴻⴱⵄⴰ, ⴷ ⴰⴽⴽⴻⵏ ⵢⴻⵙⵄⴰ ⴰⵙⵙⵉⵔⴻⵎ ⵎⴻⵖⵖⵔⴻⵏ ⴰⴽⴽⴻⵏ ⴰⴷ ⴷ-ⵢⵉⵍⵉ ⵓⵃⴱⴰⵙ ⵏ ⵢⵉⵎⴻⵏⵖⵉ ⴷⴻⴳ ⵙⵏⴰⵜ-ⴰ ⵏ ⵍⴻⴷⵡⴰⵕ ⴰⵢ ⴷ-ⵢⴻⵇⵇⵉⵎⴻⵏ ⵙⴻⴳ ⵔⴻⵎⴹⴰⵏ ⵉ ⵓⵙⵙⵉⵡⴻⴹ ⵏ ⵍⴻⵎⵄⴰⵡⵏⴰ ⵉ ⵡⵉⴷ ⵢⴻⵏⴹⴻⵔⵔⴻⵏ ⴷⴻⴳ ⵜⵎⵓⵔⵜ-ⴰ. « ⵎⴰⵣⴰⵍ ⵏⴻⵙⵄⴰ ⴰⵙⵙⵉⵔⴻⵎ ⴰⴷ ⴷ-ⵢⵉⵍⵉ ⵡⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉⵙⵎⴰⵉⵍ ⵧⵓⵍⴷ ⵛⵀⴻⵉⴽⵀ ⴰⵀⵎⴻⴷ ⴷⴻⴳ ⵜⵎⴰⵏⴻⵖⵜ ⵜⴰⵙⴰⵄⵓⴷⵉⵜ ⵏ ⵔⵉⵢⴰⴹ, ⴷⴻⴳ ⵜⴳⴰⵔⴰ ⵏ ⵡⴰⵙⵙ ⵡⵉⵙ ⵙⵉⵏ ⵏ ⵓⵎⵛⵉⵡⴻⵕ ⴷ ⵓⵏⴰⴱⴰⴹ ⴰⵢⴰⵎⴰⵏⵉ ⵉⵎⴻⵏⵏⴻⵊⵍⵉ. ⴰⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⵉⴳⴻⵔ-ⴷ ⵜⵉⵖⵔⵉ ⴰⴽⴽⴻⵏ ⴰⴷ ⵢⴻⵃⴱⴻⵙ ⵢⵉⵎⴻⵏⵖⵉ ⵡⴰⵔ ⵍⴻⵄⴹⵉⵍ ⵉ ⵙⵏⴰⵜ ⵏ ⵍⴻⴷⵡⴰⵕ ⵜⵉⵎⴻⵣⵡⵓⵔⴰ ⵏ ⵡⴰⵢⵢⵓⵔ ⵉⵎⵇⴻⴷⴷⴻⵙ ⵏ ⵔⴻⵎⴹⴰⵏ, ⵙⴻⴳ 18 ⵢⵓⵏⵢⵓ ⴷ ⴰⵙⴰⵡⴻⵏ, ⵉ ⵓⵄⴰⵡⴻⵏ ⵏ ⵢⵉⵎⴻⵣⴷⴰⵖⴻⵏ ⵢⴻⵏⴹⴻⵔⵔⴻⵏ. « ⴰⵇⵍ-ⴰⵖ ⵍⴰ ⵏⴻⵜⵜⴻⵎⵛⴰⵡⴰⵕ ⵖⴻⴼ ⵡⴰⵢⴰ ⴷ ⵡⴰⴽⴽ ⵉⴷⵉⵙⴰⵏ ⴰⵢ ⵢⴻⵜⵜⴻⴽⴽⴰⵏ (ⴷⴻⴳ ⵜⴰⵍⵓⴼⵜ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⵧⵓⵍⴷ ⵛⵀⴻⵉⴽⵀ ⴰⵀⵎⴻⴷ ⴷⴻⴳ ⵡⴰⵙⵙ-ⵏⵏⵉ ⴷⴻⴳ ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵙⵙⵓⵍⵉⵏ ⴰⵙⵡⵉⵔ ⵏ ⵜⵓⵄⵊⵉⵍⵉⵏ ⴷⴻⴳ ⵢⴰⵎⴰⵏ ⵖⴻⵔ ⵜⴻⵏⵇⵉⴹⵜ ⵜⴰⵄⵍⴰⵢⴰⵏⵜ ⴰⴽⴽ. ⵖⴻⴼ ⵍⴻⵃⵙⴰⴱ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵓⴳⴰⵔ ⵏ 21,1 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵢⴰⵎⴰⵏⵉⵢⴻⵏ ⴰⵢ ⵢⴻⵃⵡⴰⴵⴻⵏ, ⵉⵎⵉⵔ-ⴰ, ⵍⴻⵎⵄⴰⵡⵏⴰ – ⵎⴻⵃⵙⵓⴱ, 80% ⵙⴻⴳ ⵢⵉⵎⴻⵣⴷⴰⵖⴻⵏ-. 13 ⵏ ⵢⵉⵎⴻⵍⵢⵓⵏⴻⵏ ⵙⴻⴳ-ⵙⴻⵏ ⵅⵓⵚⵚⴻⵏ ⵓⵞⵞⵉ, 9,4 ⵏ ⵢⵉⵎⴻⵍⵢⵓⵏⴻⵏ ⵅⵓⵚⵚⴻⵏ-ⵜⴻⵏ ⵡⴰⵎⴰⵏ. ⴰⵃⴱⴰⵙ-ⵏⵏⵉ ⵏ ⵢⵉⵎⴻⵏⵖⵉ ⵏ 5 ⵏ ⵡⵓⵙⵙⴰⵏ ⴰⵢ ⴷ-ⵜⴻⵙⵙⵓⵎⴻⵔ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⴷ ⵡⵉⵏ ⴰⵢ ⵢⴻⴵⴵⴰⵏ ⴰⵙⵙⵉⵡⴻⴹ ⵏ ⵍⴻⵎⵄⴰⵡⵏⴰ ⵉ ⵢⵉⵢⴰⵎⴰⵏⵉⵢⴻⵏ. ⴷ ⴰⵛⵓ ⴽⴰⵏ, ⵉⵖⴰⵍⵍⴻⵏ ⵏ ⵜⴻⵎⵙⵉⵙⵉⵜ-ⵏⵏⵉ ⴰⵢ ⵜⴻⵏⵀⴻⵕ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ, ⵜⴻⵇⵇⴻⵍ ⵖⴻⵔ ⵜⵢⵉⵜⵉⵡⵢⵉⵏ-ⵏⵏⴻⵙ, ⵢⴻⵔⵏⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⴷ ⵉⵖⴻⵡⵡⴰⵖⴻⵏ ⵉⵃⵓⵜⵉⵢⴻⵏ (ⴰⵢ ⵜⴻⵜⵜⵄⴰⵡⴰⵏ ⵉⵕⴰⵏ) ⵓⵔ ⵉⵇⵓⴷⵔⴻⵏ ⴰⵔⴰ ⴰⵃⴱⴰⵙ-ⵏⵏⵉ ⵏ ⵢⵉⵎⴻⵏⵖⵉ. ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⵜⵉⵏⴻⴳⴳⵓⵔⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⴳⴻⵏⴻⵠⴻ ⴰⵢⵢⵓⵔ ⵢⴻⵣⵔⵉⵏ, ⵓⵔ ⵙⵙⴰⵡⴹⴻⵏⵜ ⵖⴻⵔ ⵡⴰⵛⴻⵎⵎⴰ, ⵢⴻⵔⵏⴰ ⵎⴰⵙⵙ ⵧⵓⵍⴷ ⵛⵀⴻⵉⴽⵀ ⴰⵀⵎⴻⴷ ⵢⴻⵏⵏⴰ-ⴷ ⵉ ⵜⵏⴻⴳⴳⴰ ⵏ ⴰⴼⵒ ⴷ ⴰⴽⴽⴻⵏ ⵓⵔ ⵍⴰ ⵢⴻⵙⵙⴻⴼⵔⴰⵢ ⴰⵔⴰ ⴰⴷ ⴷ-ⵢⴻⵔⵔ ⵍⴻⵎⵛⴰⵡⵕⴰⵜ-ⴰ ⵖⴻⴼ ⵣⵉⴽ ⵍⵃⴰⵍ. « ⵏⴻⵙⵎⴻⵏⵢⴰⴼ ⴰⴷ ⵏⴻⵜⵜⴻⴷⴷⵓ, ⴰⴷ ⵏⴻⵜⵜⴻⵇⵇⴰⵍ ⴳⴰⵔ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⵔⵎⴰ ⵢⴻⵍⵍⴰ-ⴷ ⵓⵎⵜⴰⵡⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. ⴰⴱⴷⴰⵎⵎⴰⵙ-ⴰ ⵍⴰ ⵢⴻⵙⵙⴻⴼⵔⴰⵢ ⴰⴷ ⵢⴻⴷⴷⵓ ⵖⴻⵔ ⵜⵎⴰⵏⴻⵖⵜ ⵏ ⵢⴰⵎⴰⵏ, ⵚⴻⵏⵄⴰ, ⵢⴻⵍⵍⴰⵏ ⴳⴰⵔ ⵢⵉⴼⴰⵙⵙⴻⵏ ⵏ ⵢⵉⵖⴻⵡⵡⴰⵖⴻⵏ, ⴰⴽⴽⴻⵏ ⴰⴷ ⵢⴻⵙⵇⴻⵔⴷⴻⵛ ⴷ ⵢⵉⵃⵓⵜⵉⵢⴻⵏ ⴷ ⵢⵉⵎⴰⵙⵍⴰⴹⴻⵏ ⵏ ⵓⴽⴰⴱⴰⵔ ⵏ ⵓⵙⴻⵍⵡⴰⵢ ⴰⵇⴱⵓⵔ ⴰⵍⵉ ⴰⴱⴷⴰⵍⵍⴰⵀ ⵙⴰⵍⴻⵀ, ⴰⴽⴽⴻⵏ « ⴰⴷ ⵙⵙⵉⵡⴹⴻⵏ ⴰⴷ ⴷ-ⴳⴻⵏ ⴰⵎⵜⴰⵡⴰ ⵓⵇⴱⴻⵍ ⵜⴳⴰⵔⴰ ⵏ ⵔⴻⵎⴹⴰⵏ », ⵖⴻⴼ ⵡⴰⴽⴽⴻⵏ ⵢⴻⵙⵙⴰⵔⴰⵎ. ⵍⵍⴰⵏⵜ « ⴽⵔⴰ ⵏ ⴹⴹⵎⴰⵏⴰⵜ » ⴰⵔⴰ ⵢⴻⴵⴵⴻⵏ ⴰⵃⴱⴰⵙ-ⴰ ⵏ ⵢⵉⵎⴻⵏⵖⵉ ⴰⴷ ⵢⴻⵜⵜⵡⴰⵇⴰⴷⴻⵔ ⵓⴳⴰⵔ ⵏ ⵡⵉⵏ ⴰⴽⴽⴻⵏ ⵢⴻⵣⵔⵉⵏ, ⵖⴻⴼ ⵍⴻⵃⵙⴰⴱ ⵏ ⵓⴱⴷⴰⵎⵎⴰⵙ-ⴰ. « ⵎⴰ ⵜⴻⵞⵞⴰ ⴰⴽⴽⴻⵏ ⵉⵡⴰⵜⴰ, ⴰⴷ ⴷ-ⵢⵉⵍⵉ ⵓⵎⵜⴰⵡⴰ ⴰⵎⴰⵜⵓ, ⵢⴻⵔⵏⴰ ⴰⴷ ⵉⵍⵉⵏ ⵢⵉⵎⴰⵏⴰⵢⴻⵏ ⴰⵔⴰ ⵉⵄⴰⵙⵙⴻⵏ ⴰⵇⴰⴷⴻⵔ ⵏ ⵓⵃⴱⴰⵙ-ⵏⵏⵉ ⵏ ⵢⵉⵎⴻⵏⵖⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵧⵓⵍⴷ ⵛⵀⴻⵉⴽⵀ ⴰⵀⵎⴻⴷ.