ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴳⴻⵔⴷⴰⵙ ⵏ ⵓⵍⵎⵓⴷ ⴰⵍⴻⵎⵎⴰⵙ (ⴱⴻⵎ): 53,97% ⴰⵢ ⵜ-ⵉⴷ-ⵢⴻⵡⵡⵉⵏ (ⴰⵏⴻⵖⵍⴰⴼ)

ⵍⴻⵣⵣⴰⵢⴻⵔ –ⴰⴼⵎⵉⴹⵉ ⵏ ⵔⵔⴱⴻⵃ ⴷⴻⴳ ⵓⴽⴰⵢⴰⴷ ⵏ ⵓⴳⴻⵔⴷⴰⵙ ⵏ ⵓⵍⵎⵓⴷ ⴰⵍⴻⵎⵎⴰⵙ (ⴱⴻⵎ) ⵢⴻⵡⵡⴻⴹ ⵖⴻⵔ 53,97%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ. 285.392 ⵙⴻⴳ ⴳⴰⵔ 528.829 ⵏ ⵢⵉⵏⴻⵍⵎⴰⴷⴻⵏ ⴰⵢ ⴷ-ⵢⴻⵡⵡⵉⵏ ⴰⴽⴰⵢⴰⴷ-ⴰ ⴰⵢ ⴷ-ⵢⴻⵍⵍⴰⵏ ⴳⴰⵔ 14 ⴷ 16 ⵢⵓⵏⵢⵓ ⵢⴻⵣⵔⵉⵏ. ⴷ ⵜⵉⵇⵛⵉⵛⵉⵏ ⴰⵢ ⵢⴻⵙⵄⴰⵏ ⴰⴼⵎⵉⴹⵉ ⵏ ⵔⵔⴱⴻⵃ ⴰⵎⴻⵇⵔⴰⵏ, ⵙ 61,53%, ⵎⴰ ⴷ ⵉⵇⵛⵉⵛⴻⵏ, ⴰⵍⴰ 45,69% ⵙⴻⴳ-ⵙⴻⵏ ⴰⵢ ⵉⵔⴻⴱⵃⴻⵏ. ⵜⴰⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵢⵉⴽⴰⵢⴰⴷⴻⵏ ⴷ ⵜⴻⵎⵙⵉⵣⴻⵡⵔⵉⵏ (ⵧⵏⴻⵛ) ⵜⴻⵃⵙⴻⴱ-ⴷ 534.374 ⵏ ⵢⵉⵏⴻⵍⵎⴰⴷⴻⵏ ⴰⵢ ⴷ-ⵢⴻⵎⵎⴻⵕⴽⴰⵏ ⵖⴻⵔ ⵓⴽⴰⵢⴰⴷ-ⴰ, ⵢⴻⵔⵏⴰ ⴰⵎⴹⴰⵏ-ⴰ ⵢⴻⵏⵇⴻⵙ ⵙ 12,09% (49.468 ⵏ ⵢⵉⵏⴻⵍⵎⴰⴷⴻⵏ) ⵖⴻⴼ ⵍⴻⵃⵙⴰⴱ ⵏ ⵓⵙⴻⴳⴳⴰⵙ ⵢⴻⵣⵔⵉⵏ (591.509 ⵏ ⵢⵉⵏⴻⵍⵎⴰⴷⴻⵏ. ⴰⴼⵎⵉⴹⵉ ⴰⵖⴻⵍⵏⴰⵡ ⵏ ⵔⵔⴱⴻⵃ ⴷⴻⴳ ⵓⴽⴰⵢⴰⴷ ⵏ ⵓⴳⴻⵔⴷⴰⵙ ⵏ ⵓⵍⵎⵓⴷ ⴰⵍⴻⵎⵎⴰⵙ ⵢⴻⵡⵡⴻⴹ ⵖⴻⵔ 59,54% ⴷⴻⴳ 2014, ⵢⴻⵔⵏⴰ ⵢⴻⵡⵡⴻⴹ ⴰⵔⵎⵉ ⴷ 72,10% ⴷⴻⴳ 2012 (ⴷ ⵡⵉⵏ ⴰⵢ ⴷ ⴰⴼⵎⵉⴹⵉ ⵉⵎⵅⴻⵢⵢⴻⵔ ⴰⴽⴽ ⴷⴻⴳ ⵙⴻⵎⵎⵓⵙ-ⴰ ⵏ ⵢⵉⵙⴻⴳⴳⴰⵙⴻⵏ ⵉⵏⴻⴳⴳⵓⵔⴰ).