ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵖⴻⵔⴱⴰⵣ ⵉⵎⵉⵏⴻⴳ ⵏ ⵢⵉⵙⴻⵏⵙⴰ ⵏ ⵍⴻⵣⵣⴰⵢⴻⵔ: ⴰⵙⵙⵉⵍⴻⵖ ⵉ ⵓⵙⵡⵉⵔ ⴰⴳⵔⴰⵖⵍⴰⵏ

ⵍⴻⵣⵣⴰⵢⴻⵔ – ⴰⵖⴻⵔⴱⴰⵣ ⵉⵎⵉⵏⴻⴳ ⵏ ⵢⵉⵙⴻⵏⵙⴰ ⴷ ⵓⵙⵙⴻⵞⵞⵉ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ (ⴻⵙⵀⵔⴰ) ⴷ ⴰⵖⵙⵓⵔ ⴰⵏⴰⴳⴷⵓⴷ ⴰⵢ ⵢⴻⵙⵙⴻⴷⴷⴰⵢ ⵓⵖⴻⵔⴱⴰⵣ ⴰⵙⵡⵉⵙⵉ ⵏ ⵍⴰⵓⵙⴰⵏⵏⴻ, ⵢⴻⵔⵏⴰ ⵉⵙⵡⵉ-ⵏⵏⴻⵙ ⵏⴻⵜⵜⴰ ⴷ ⴰⵙⵙⵉⵍⴻⵖ ⵏ ⵢⵉⵅⴻⴷⴷⴰⵎⴻⵏ ⵏ ⵢⵉⵙⴻⵏⵙⴰ ⴰⴽⴽⴻⵏ ⴰⴷ ⴰⵡⴹⴻⵏ ⵖⴻⵔ ⵓⵙⵡⵉⵔ ⴰⴳⵔⴰⵖⵍⴰⵏ. ⴰⵖⴻⵔⴱⴰⵣ-ⴰ ⵢⴻⵔⵥⴻⵎ-ⵉⵜ ⴰⵙⵙ ⵏ ⵙⵙⴻⴱⵜ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵔⵏⴰ ⴰⵏⴻⵙⵎⴰⵍ-ⵏⵏⴻⵙ ⴷ ⵜⴰⴽⴻⴱⴱⴰⵏⵉⵜ ⵏ ⵓⵙⵙⴻⴼⵜⵉ ⴷⴻⴳ ⵢⵉⵙⴻⵏⵙⴰ. ⵉⵙⵡⵉ ⵏ ⵓⵖⴻⵔⴱⴰⵣ-ⴰ ⵏⴻⵜⵜⴰ ⴷ ⴰⵙⵙⵉⵍⴻⵖ ⵏ ⵢⵉⴽⴰⵜⴰⵔⴻⵏ ⴰⵔⴰ ⵢⴻⵙⵙⴻⴼⵔⴰⴽⴻⵏ ⵉⵖⵙⴰⵔ ⵉⵙⴻⵏⵙⴰⵏⴻⵏ ⴷ ⵢⵉⵎⴻⵔⵔⴰⵢⴻⵏ ⵙ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ⴰⴽⴽⴻⵏ ⴰⴷ ⴰⵡⴹⴻⵏ ⵖⴻⵔ ⵓⵙⵡⵉⵔ ⵓⵏⵏⵉⴳ ⵏ ⵓⴳⴻⵔⵔⴻⵣ. ⴰⵖⴻⵔⴱⴰⵣ ⵏ ⴻⵙⵀⵔⴰ ⵢⴻⵇⴼⴻⵍ ⴰⵙⴻⴳⴳⴰⵙ ⵙⴻⴳ ⵡⴰⵙⵎⵉ ⴰⵢ ⵢⴻⵍⵍⴰ, ⵢⴻⵔⵏⴰ ⵉⵅⴻⴷⴷⴻⵎ ⴷⴷⴰⵡ ⵍⴻⵡⵚⴰⵢⴰ ⵏ ⵓⵖⵍⵉⴼ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ. ⴰⴳⴻⵔⴷⴰⵙ ⴰⵔⴰ ⴷ-ⵢⴰⵡⵉ ⵓⵏⴻⵍⵎⴰⴷ ⵙⴻⴳ ⵓⵙⵙⵉⵍⴻⵖ-ⴰ ⴷ ⵡⵉⵏ ⴰⵔⴰ ⵢⴻⵙⵙⴻⵍⴽⴻⵏ, ⴷⴰⵖ, ⵓⵖⴻⵔⴱⴰⵣ ⵏ ⵢⵉⵙⴻⵏⵙⴰ ⴰⵙⵡⵉⵙⵉ ⵏ ⵍⴰⵓⵙⴰⵏⵏⴻ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⴰⵎⴰⵜⵓ ⵏ ⴻⵙⵀⵔⴰ, ⵅⴰⵠⵉⴻⵔ ⵛⵀⵍⴰⵒⵧⵡⵙⴽⵉ. ⵉⴳⴻⵔⴷⴰⵙⴻⵏ-ⴰ ⴷ ⵜⵓⵔⴰⴳⵜ ⴰⵔⴰ ⴷ-ⵢⴰⵡⵉ ⵓⵏⴻⵍⵎⴰⴷ ⴷⴻⴳ 3 ⵏ ⵢⵉⵙⴻⴳⴳⴰⵙⴻⵏ (ⴰⵏⴰⴳⵔⴰⵡ ⵏ ⵍⵎⴷ) ⵢⴻⵔⵏⴰ ⴰⴷ ⴰⵙ-ⵜ-ⵉⴷ-ⵢⴻⴼⴽ ⵓⵖⵍⵉⴼ ⵏ ⵓⵍⵎⵓⴷ ⵉⵎⵉⵏⴻⴳ, ⴷ ⵜⵓⵔⴰⴳⵜ ⵜⴰⴳⵔⴰⵖⵍⴰⵏⵜ ⵏ ⵓⵙⵙⴻⴼⵔⴻⴽ ⴰⵙⴻⵏⵙⴰⵏ ⴰⵔⴰ ⴷ-ⵢⴻⴼⴽ ⵓⵖⴻⵔⴱⴰⵣ ⵏ ⵢⵉⵙⴻⵏⵙⴰ ⵏ ⵍⴰⵓⵙⴰⵏⵏⴻ ⴷⴻⴳ 4 ⵏ ⵢⵉⵙⴻⴳⴳⴰⵙⴻⵏ. ⴰⵖⴻⵔⴱⴰⵣ-ⴰ ⵢⴻⵣⴳⴰ-ⴷ ⴷⴻⴳ ⵄⵉⵏ ⵍⴻⴱⵏⵢⴰⵏ (ⴷⴻⴳ ⵓⵜⴰⵔⴰⵎ [ⵍⵖⴻⵔⴱ] ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ), ⵢⴻⵔⵏⴰ ⵢⴻⵙⵇⴰⵎ-ⴷ ⵍⴻⴱⵏⵉ-ⵏⵏⴻⵙ 13,3 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ. ⵢⴻⵙⵄⴰ 800 ⵏ ⵢⵉⵎⵓⴽⴰⵏ ⵉ ⵢⵉⵏⴻⵍⵎⴰⴷⴻⵏ, 400 ⵏ ⵡⵓⵙⵓⵜⴻⵏ ⵉ ⵢⵉⵏⴻⵍⵎⴰⴷⴻⵏ ⵢⴻⵜⵜⵏⵓⵙⵓⵏ, 20 ⵏ ⵡⵓⵙⵓⵜⴻⵏ ⵉ ⵢⵉⵏⴻⵔⵣⴰⴼⴻⵏ, 27 ⵏ ⵜⵎⵓⴷⵔⵓⵜⵉⵏ ⵉ ⵢⵉⵏⴻⵍⵎⴰⴷⴻⵏ ⴷ 7 ⵏ ⵜⵎⵓⴷⵔⵓⵜⵉⵏ ⵏ « ⴷⵓⵒⵍⴻⵅ ». ⵢⴻⵜⵜⵡⴰⴱⵏⴰ ⵓⵖⴻⵔⴱⴰⵣ ⵏ ⴻⵙⵀⵔⴰ ⴷⴻⴳ ⵢⵉⵡⴻⵜ ⵏ ⵜⵊⵓⵎⵎⴰ ⵏ 78.000 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ ⵢⴻⵔⵏⴰ ⵢⴻⵙⵄⴰ ⵜⵉⴷⵓⵎⵚⵓⴽⵉⵡⵉⵏ ⵜⵉⵜⵔⴰⵔⵉⵏ, ⵜⵜⴰⵡⵉⵍⴰⵜ ⵏ ⵜⴻⴽⵏⵓⵙⵙⵏⴰ ⵜⴰⵎⴰⵢⵏⵓⵜ, ⵢⴻⵔⵏⴰ ⴰⵙⵙⴻⵍⵎⴻⴷ ⵏ ⵓⵙⵙⴻⴼⵔⴻⴽ ⴰⵙⴻⵏⵙⴰⵏ ⴷⴻⴳ ⵓⵖⴻⵔⴱⴰⵣ-ⴰ ⵢⴻⴷⴷⴰ ⵎⵍⵉⵃ ⵖⴻⵔ ⵙⴷⴰⵜ. ⴰⵍⵎⴰⴷ ⴷⴻⴳ ⵓⵖⴻⵔⴱⴰⵣ-ⴰ ⵙ ⵍⴻⵅⵍⴰⵚ ⵢⴻⵔⵏⴰ ⵢⴻⵙⵇⴰⵎⴰⵢ-ⴷ 900.000 ⵏ ⵢⵉⴷⵉⵏⴰⵕⴻⵏ ⵉ ⵓⵙⴻⴳⴳⴰⵙ. ⴰⵙⵎⴰⵍ ⴰⵎⴻⵣⵡⴰⵔⵓ ⴷⴻⴳ-ⵙ 48 ⵏ ⵢⵉⵏⴻⵍⵎⴰⴷⴻⵏ, ⴷ ⵡⵉⴷ ⵢⴻⵍⵍⴰⵏ ⵜⵜⵏⵓⵙⵓⵏ ⴷⵉⵏ, ⵢⴻⵔⵏⴰ ⵙⴻⴳ ⵎⴻⵍⵎⵉ ⴽⴰⵏ ⴰⵢ ⴼⵓⴽⴻⵏ ⴰⵙⴻⴳⴳⴰⵙ-ⵏⵙⴻⵏ ⴰⵎⴻⵣⵡⴰⵔⵓ ⴷⴻⴳ ⵓⵖⴻⵔⴱⴰⵣ-ⴰ. ⵙ ⵡⴰⵢⴰ, ⵉⵏⴻⵍⵎⴰⴷⴻⵏ ⴰⵔⴰ ⴷ-ⵢⴰⵡⵉⵏ ⵍⴱⴰⴽ ⴰⵙⴻⴳⴳⴰⵙ-ⴰ ⴰⴷ ⵣⴻⵎⵔⴻⵏ ⴰⴷ ⴹⴻⴼⵔⴻⵏ ⴰⵙⵙⵉⵍⴻⵖ ⴷⴻⴳ ⵓⵖⴻⵔⴱⴰⵣ-ⴰ ⵙ ⵍⴻⵅⵍⴰⵚ, ⵎⴰⵛⴰ ⴰⴷ ⵉⵍⵉⵏ ⵡⵉⴷ ⴰⵔⴰ ⴷ-ⵢⴻⵙⴼⴰⵢⴷⵉⵏ ⵙⴻⴳ ⵍⴻⵎⵄⴰⵡⵏⴰ ⴰⵎⴰ ⵙⴻⴳ ⵜⴽⴻⴱⴱⴰⵏⵉⵢⵉⵏ ⵜⵉⵏⴰⴳⴷⵓⴷⵉⵏ, ⴰⵎⴰ ⵙⴻⴳ ⵜⴽⴻⴱⴱⴰⵏⵉⵢⵉⵏ ⵜⵓⵙⵍⵉⴳⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵏⵔⴰⵔ ⵏ ⵜⵎⴻⵔⵔⵉⵜ, ⴳⴰⵔ-ⴰⵙⴻⵏⵜ ⵜⴰⴽⴻⴱⴱⴰⵏⵉⵜ ⵏ ⵓⵙⵙⴻⴼⵜⵉ ⴷⴻⴳ ⵢⵉⵙⴻⵏⵙⴰ. ⵉⵙⴻⵍⵎⴰⴷⴻⵏ, ⴷⴻⴳ ⵓⵖⴻⵔⴱⴰⵣ-ⴰ, ⵍⵍⴰⵏ ⴳⴰⵔ-ⴰⵙⴻⵏ ⵢⵉⴷⵣⴰⵢⵔⵉⵢⴻⵏ ⴷ ⵢⵉⴱⴻⵕⵕⴰⵏⵉⵢⴻⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵜⴻⵏⵡⴰⵍⵉⵏ ⵢⴻⵙⵄⴰⵏ ⵜⵜⴰⵡⵉⵍⴰⵜ ⴷ ⵉⵜⵔⴰⵔⴻⵏ, ⴷⵖⴰ ⴷ ⴰⵢⴰ ⴰⵔⴰ ⵢⴻⴵⴵⴻⵏ ⵉⵏⴻⵍⵎⴰⴷⴻⵏ ⴰⴷ ⴰⵡⴹⴻⵏ ⵖⴻⵔ ⵓⵙⵡⵉⵔ ⵏ ⵓⴳⴻⵔⵔⴻⵣ ⴷ ⵓⵏⵏⵉⴳ. ⴰⵖⴻⵔⴱⴰⵣ ⴰⵙⵡⵉⵙⵉ ⵏ ⵍⴰⵓⵙⴰⵏⵏⴻ ⵢⴻⵜⵜⴰⵣⴻⵏ-ⴷ, ⴷⴰⵖ, ⵙⴻⴳ-ⴰ ⵖⴻⵔ ⴷⴰ, ⵉⴽⴰⵜⴰⵔⴻⵏ ⵖⴻⵔ ⵍⴻⵣⵣⴰⵢⴻⵔ ⴰⴽⴽⴻⵏ « ⴰⴷ ⵄⴰⵙⵙⴻⵏ » ⴰⵎⴰⵀⵉⵍ (ⴰⵅⴻⴷⴷⵉⵎ) ⵏ ⵓⵖⴻⵔⴱⴰⵣ ⵏ ⴻⵙⵀⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ-ⵏⵏⴻⵙ. ⵉⵏⴻⵍⵎⴰⴷⴻⵏ ⴰⵢ ⵉⵣⴻⵔⵔⵡⴻⵏ ⴷⴻⴳ ⵓⵖⴻⵔⴱⴰⵣ-ⴰ ⵙⵙⵉⵍⵉⵖⴻⵏ-ⵜⴻⵏ-ⵉⴷ ⴷⴻⴳ ⵡⴰⵟⴰⵙ ⵏ ⵢⵉⵏⵓⵔⴰⵔ, ⴰⵎⴰ ⴷⴻⴳ ⵓⵎⵎⴰⴳⴻⵔ, ⴰⵎⴰ ⴷⴻⴳ ⵓⵙⵙⴻⴼⵔⴻⴽ, ⴰⵎⴰ ⴷⴻⴳ ⵓⵙⵙⴻⵡⵡⵉ, ⵢⴻⵔⵏⴰ ⵜⵜⴳⴻⵏ-ⴰⵙⴻⵏ ⴰⵙⵙⵉⵍⴻⵖ ⴷⴻⴳ ⵓⵏⵔⴰⵔ ⴷⴻⴳ ⵢⵉⵙⴻⵏⵙⴰ ⴰⵎⴰ ⴷⴻⴳ ⵍⴻⵣⵣⴰⵢⴻⵔ, ⴰⵎⴰ ⴷⴻⴳ ⵓⵣⵖⴰⵔ. ⴰⵏⵏⴰⵏⴻⵏ ⵏ ⵓⵏⵔⴰⵔ ⵜⵜⵉⵍⵉⵏ-ⴷ ⴷⴻⴳ ⵓⵎⴻⵙⴷⵉⵙ ⵡⵉⵙ 3 ⴷ ⵓⵎⴻⵙⴷⵉⵙ ⵡⵉⵙ 7 ⵏ ⵓⵙⵙⵉⵍⴻⵖ-ⵏⵙⴻⵏ ⴰⵎⴰ ⴷⴻⴳ ⵓⵏⵔⴰⵔ ⵏ ⵓⵙⵙⴻⴼⵔⴻⴽ ⴰⵙⴻⵏⵙⴰⵏ, ⴰⵎⴰ ⴷⴻⴳ ⵜⵎⴻⵣⵣⵓⴳⵉⵏ ⵢⴻⵎⴳⴻⵔⵔⴰⴷⴻⵏ ⵏⵉⴹⴻⵏ. ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵉⵏⴻⵍⵎⴰⴷⴻⵏ ⵏ ⵓⵖⴻⵔⴱⴰⵣ ⵏ ⴻⵙⵀⵔⴰ ⵜⵜⴻⴽⴽⴰⵏ ⴷⴻⴳ ⵓⵔⵥⴰⵎ ⵏ ⵓⵖⴻⵔⴱⴰⵣ ⵏ ⵎⴰⵔⵉⵧⵜⵜ ⴷⴻⴳ ⵇⵙⴻⵏⵟⵉⵏⴰ, ⴰⵎ ⵡⴰⴽⴽⴻⵏ ⴰⵢ ⵍⵍⴰⵏ ⴽⵔⴰ ⵙⴻⴳ-ⵙⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵎⴻⵙⵔⵉⵜ ⵏ ⵛⵛⵉⴽⵓⵍⴰ ⴰⵢ ⴷ-ⵢⴻⵍⵍⴰⵏ ⵙⴻⴳ ⵎⴻⵍⵎⵉ ⴽⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ. ⴰⵖⴻⵔⴱⴰⵣ-ⴰ ⵢⴻⵙⵄⴰ ⴷⴰⵖ ⵜⴰⵏⴻⵞⵞⵉⵜ ⵙⴷⴰⵅⴻⵍ-ⵉⵙ ⵉ ⵓⵙⵙⴻⵍⵎⴻⴷ, ⵢⴻⵔⵏⴰ ⵜⴰⵏⴻⵞⵞⵉⵜ-ⴰ ⵜⵔⴻⵥⵥⴻⵎ 3 ⵏ ⵜⵉⴽⴽⴰⵍ ⵉ ⴷⴷⵓⵕⵜ (ⵜⵜⵍⴰⵜⴰ, ⵍⴰⵕⴻⴱⵄⴰ ⴷ ⵍⴻⵅⵎⵉⵙ). ⴰⵔⵥⴰⵎ ⵏ ⵓⵖⴻⵔⴱⴰⵣ-ⴰ ⴷ ⵡⵉⵏ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵓⵙⵙⴻⴵⵀⴻⴷ ⴷ ⵓⵙⵙⴰⵍⵉ ⵏ ⵓⵙⵡⵉⵔ ⵏ ⵢⵉⵅⴻⴷⴷⴰⵎⴻⵏ ⵏ ⵓⵏⵔⴰⵔ ⵏ ⵜⵎⴻⵔⵔⵉⵜ, ⵍⴰⴷⵖⴰ ⵉⵎⵉ ⵍⴻⵣⵣⴰⵢⴻⵔ ⴰⵜⵜⴰⵏ ⴰⴷ ⵜⴻⴱⴷⵓ ⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵏ ⵓⵙⵙⴻⴼⵜⵉ ⴷⴻⴳ ⵓⵏⵔⴰⵔ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ, ⵏ ⵜⵎⴻⵔⵔⵉⵜ ⴷ ⵜⴻⵏⴹⵉ, ⴰⵎⴰⵔ ⴳⵀⵧⵓⵍ. ⴰⵣⴰⵍ ⵏ 20 ⵏ ⵢⵉⵙⵓⴷⴰ ⵏⵉⴹⴻⵏ ⵏ ⵓⵙⵙⵉⵍⴻⵖ ⴷⴻⴳ ⵜⵎⴻⵔⵔⵉⵜ ⴰⵔⴰ ⵢⴻⵜⵜⵡⴰⵔⴻⵥⵎⴻⵏ ⵙⴻⴳ-ⴰ ⵖⴻⵔ 2020.