ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵜⵍⵉⵜⵉⵜ: ⵙⵧⵓⴰⴷ ⴰⵉⵜ ⵙⴰⵍⴻⵎ ⴰⴷ ⵜⴻⵜⵜⴻⴽⴽⵉ ⴷⴻⴳ ⵡⵓⵔⴰⵔⴻⵏ ⵉⴼⵔⵉⵇⵉⵢⴻⵏ (ⵜⵉⵎⵙⵉⵣⵣⴻⵍⵜ ⵏ 5000 ⵏ ⵢⵉⵎⵉⵜⵔⴻⵏ)

ⵍⴻⵣⵣⴰⵢⴻⵔ–ⵜⴰⴷⵣⴰⵢⵔⵉⵜ ⵙⵧⵓⴰⴷ ⴰⵉⵜ ⵙⴰⵍⴻⵎ ⵜⴻⵔⴱⴻⵃ ⴷⴻⴳ ⵜⴻⵎⵙⵉⵣⵣⴻⵍⵜ ⵏ 5000 ⵏ ⵢⵉⵎⵉⵜⵔⴻⵏ ⵢⴻⵔⵏⴰ ⵜⴳⴰ-ⴷ ⴰⴳⵎⵓⴹ ⴰⴷⴷⴰⵢ ⴰⵔⴰ ⵜⵜ-ⵢⴻⴵⴵⴻⵏ ⴰⴷ ⵜⴻⵜⵜⴻⴽⴽⵉ ⴷⴻⴳ ⵡⵓⵔⴰⵔⴻⵏ ⵉⴼⵔⵉⵇⵉⵢⴻⵏ ⵏ 2015 ⴰⵔⴰ ⴷ-ⵢⵉⵍⵉⵏ ⴳⴰⵔ 4 ⴷ 23 ⵛⵜⴻⵎⴱⴻⵕ ⴷⴻⴳ ⴽⵓⵏⴳⵓ-ⴱⵔⴰⵣⵣⴰⵠⵉⵍⵍⴻ, ⵉⵎⵉ ⴰⵢ ⴷ-ⵜⴻⵡⵡⵉ ⴰⴳⵎⵓⴹ ⵏ 15 ⵏ ⵜⴻⴷⵇⵉⵇⵉⵏ, 38 ⵏ ⵜⵙⵉⵏⵉⵏ ⴰⵙⵙ ⵏ ⵍⵊⴻⵎⵄⴰ ⵜⴰⵎⴻⴷⴷⵉⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ. ⴰïⵜ ⵙⴰⵍⴻⵎ (36 ⵏ ⵢⵉⵙⴻⴳⴳⴰⵙⴻⵏ) ⵜⴻⵙⵙⴰⵡⴻⴹ ⵖⴻⵔ ⵓⴳⵎⵓⴹ-ⴰ ⴷⴻⴳ ⵜⴻⵍⵖⵓⵖⴰ ⵜⴰⵎⵏⴰⴹⴰⵏⵜ ⵏ « ⵢⵉⵎⴻⵇⵔⴰⵏⴻⵏ », ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵙⵓⴷⴷⵉⵙ ⵓⵍⵉⵎⵒⵉ ⵏ ⵎⵧⵀⴰⵎⴻⴷ-ⴱⵧⵓⴷⵉⴰⴼ. ⵜⵉⵎⵙⵉⵣⵡⴻⵔⵜ-ⴰ ⵜⴻⵍⵍⴰ-ⴷ ⴷⴻⴳ ⵡⴰⴽⵓⴷ ⴷⴻⴳ ⴰⵢ ⴷ-ⵢⴻⵍⵍⴰ « ⵡⴰⵙⵙ ⴰⵔⴻⵎⴹⴰⵏⵉ » ⵡⵉⵙ ⵙⵉⵏ ⴰⵢ ⴷ-ⵜⴻⵙⵙⵓⴷⴷⴻⵙ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⴰⵜⵍⵉⵜⵉⵜ ⴷⴻⴳ ⵡⴰⵢⵢⵓⵔ-ⴰ ⵉⵎⵇⴻⴷⴷⴻⵙ ⵉ ⵍⵎⴻⵏⴷ ⵏ ⵓⵄⴰⵡⴻⵏ ⵏ ⵢⵉⵏⴰⴷⴷⴰⵍⴻⵏ ⵏ ⵜⴻⴷⵖⴻⵔⵜ ⴰⴽⴽⴻⵏ ⴰⴷ ⴳⴻⵏ ⵉⴳⵎⴰⴹ-ⵏⵙⴻⵏ ⴰⴷⴷⴰⵢⴻⵏ ⴰⵔⴰ ⵜⴻⵏ-ⵢⴻⴵⴵⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵜⵜⵉⵄⴰⴷⴰⵜ ⴰⵢ ⴷ-ⵢⴻⵜⵜⴻⴷⴷⵓⵏ, ⴳⴰⵔ-ⴰⵙⴻⵏ ⵓⵔⴰⵔⴻⵏ ⵉⴼⵔⵉⵇⵉⵢⴻⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵡⴰⵢⵢⵓⵔ ⵏ ⵛⵜⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⴷⵓⵏ. ⵓⵍⴰ ⵎⴰ ⴰⵟⴰⵙ ⵏ ⵢⵉⵏⴰⴷⴷⴰⵍⴻⵏ ⴰⵢ ⵢⴻⵜⵜⴻⴽⴽⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⵙⵓⴷⴷⵙⴻⵏ, ⴷⴻⴳ ⵡⴰⵙⵙ ⴰⵔⴻⵎⴹⴰⵏⵉ ⴰⵎⴻⵣⵡⴰⵔⵓ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ 26 ⵢⵓⵏⵢⵓ ⵢⴻⵣⵔⵉⵏ, ⵓⵍⴰ ⴷ ⵢⵉⵡⴻⵏ ⵏ ⵓⵏⴰⴷⴷⴰⵍ ⵓⵔ ⵢⴻⵙⵙⴰⵡⴻⴹ ⵖⴻⵔ ⵢⵉⴳⵎⴰⴹ ⴰⴷⴷⴰⵢⴻⵏ. ⴷ ⴰⵉⵜ ⵙⴰⵍⴻⵎ ⴰⵢ ⴷ ⵜⴰⵏⴰⴷⴷⴰⵍⵜ ⵜⴰⵎⴻⵣⵡⴰⵔⵓⵜ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵓⴳⵎⵓⴹ ⴰⴷⴷⴰⵢ ⴷⴻⴳ ⵜⴻⵎⵙⵉⵣⵣⴻⵍⵜ ⵏ 5000 ⵏ ⵢⵉⵎⵉⵜⵔⴻⵏ ⴷⴻⴳ ⵡⴰⵙⵙ ⴰⵔⴻⵎⴹⴰⵏⵉ ⵡⵉⵙ ⵙⵉⵏ. ⴷ ⴰⵛⵓ ⴽⴰⵏ, ⵉⵏⴰⴷⴷⴰⵍⴻⵏ ⵏⵉⴹⴻⵏ ⵎⴰⵣⴰⵍ-ⴰⵙⴻⵏ ⵙⵉⵏ ⵏ ⵡⵓⵙⵙⴰⵏ ⵏⵉⴹⴻⵏ ⴷⴻⴳ ⵔⴻⵎⴹⴰⵏ-ⴰ (9 ⴷ 13 ⵢⵓⵍⵢⵓ) ⴰⴽⴽⴻⵏ ⴰⴷ ⴷ-ⴳⴻⵏ ⵉⴳⵎⴰⴹ ⴰⴷⴷⴰⵢⴻⵏ.