ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

Tiwaculin tidzayriyin ttṣerrifent 8% seg umeṣruf-nsent deg yiceṭṭiḍen

ⵍⴻⵣⵣⴰⵢⴻⵔ – ⵜⴰⵡⴰⵛⵓⵍⵜ ⵜⴰⴷⵣⴰⵢⵔⵉⵜ ⵜⴻⵜⵜⵚⴻⵔⵔⵉⴼ ⵢⴰⵍ ⴰⵙⴻⴳⴳⴰⵙ 8% ⵙⴻⴳ ⵢⵉⴷⵔⵉⵎⴻⵏ-ⵏⵏⴻⵙ ⴷⴻⴳ ⵢⵉⵛⴻⵟⵟⵉⴹⴻⵏ ⴷ ⵢⵉⵔⴽⴰⵙⴻⵏ, ⵢⴻⵔⵏⴰ ⴰⵢⴰ ⵢⴻⵡⵡⴻⴹ, ⴷⴻⴳ ⵜⵍⴻⵎⵎⴰⵙⵜ, ⵖⴻⵔ 58.000 ⵏ ⵢⵉⴷⵉⵏⴰⵕⴻⵏ ⵉ ⵓⵙⴻⴳⴳⴰⵙ, ⵖⴻⴼ ⵍⴻⵃⵙⴰⴱ ⵏ ⵜⵙⴻⵙⵜⴰⵏⵜ ⴰⵢ ⴷ-ⵜⴳⴰ ⵜⵏⴰⵔⵉⵜ ⵜⴰⵖⴻⵍⵏⴰⵡⵜ ⵏ ⵜⴰⴷⴷⴰⴷⴰⵏⵉⵏ (ⵧⵏⵙ).

ⴷⴻⴳ 2011, ⵜⵉⵡⴰⵛⵓⵍⵉⵏ ⵜⵉⴷⵣⴰⵢⵔⵉⵢⵉⵏ ⵚⴻⵔⵔⴼⴻⵏⵜ, ⵙ ⵓⵊⴻⵎⵎⴰⵍ, 363,5 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵖⴻⴼ ⵢⵉⵛⴻⴹⴹⵉⴹⴻⵏ ⴷ ⵢⵉⵔⴽⴰⵙⴻⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴽⵛⴻⴼ ⵜⵙⴻⵙⵜⴰⵏⵜ-ⴰ ⵖⴻⴼ ⵡⴰⵢⴻⵏ ⴰⵢ ⵜⵜⵚⴻⵔⵔⵉⴼⴻⵏ ⵢⵉⴷⵣⴰⵢⵔⵉⵢⴻⵏ ⴷⴻⴳ ⵓⵙⵙⵓⴷⴻⵔ ⴷ ⵓⵙⵡⵉⵔ ⵏ ⵜⵎⴻⴷⴷⵓⵔⵜ ⵏ ⵢⵉⵅⵅⴰⵎⴻⵏ.

« ⴰⵎⵓⵔ ⴰⵢ ⵢⴻⵜⵜⵡⴰⵚⴻⵔⵔⴰⴼⴻⵏ ⴷⴻⴳ ⵢⵉⵛⴻⴹⴹⵉⴹⴻⵏ ⴷ ⵢⵉⵔⴽⴰⵙⴻⵏ ⵢⴻⵍⵍⴰ ⵢⴻⵣⵎⴻⵔ ⴰⴷ ⴷ-ⵢⵉⵍⵉ ⵎⴻⵖⵖⴻⵔ ⵓⴳⴰⵔ » ⵍⴻⵎⵎⴻⵔ ⵎⴰⵛⵉ ⴷ ⵜⵉⵃⵓⵏⴰ ⴰⵢ ⵢⴻⵙⵏⵓⵣⵓⵢⴻⵏ ⵉⵛⴻⴹⴹⵉⴹⴻⵏ ⵉⵇⴱⵓⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵢⵧⵓⵛⴻⴼ ⴱⴰⵣⵉⵣⵉ (ⴰⵏⴻⵎⵀⴰⵍ ⵏ ⵜⴰⴷⴷⴰⴷⴰⵏⵉⵏ ⵜⵉⵏⵎⴻⵜⵜⵉⵢⵉⵏ ⴷ ⵢⵉⵎⴻⴷⵅⵓⵍⴻⵏ ⴷⴻⴳ ⵧⵏⵙ) ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

ⵜⴰⵍⴻⵎⵎⴰⵙⵜ ⵏ ⵡⴰⵏⴻⵛⵜ ⴰⵢ ⵜⴻⵜⵜⵚⴻⵔⵔⵉⴼ ⵜⵡⴰⵛⵓⵍⵜ ⵜⴰⴷⵣⴰⵢⵔⵉⵜ ⴷⴻⴳ ⵢⵉⵛⴻⴹⴹⵉⴹⴻⵏ ⴷ ⵢⵉⵔⴽⴰⵙⴻⵏ ⵜⵓⵡⴻⴹ ⵖⴻⵔ 58.021 ⵢⵉⴷⵉⵏⴰⵕⴻⵏ. ⵙ ⵡⴰⵡⴰⵍ ⵏⵉⴹⴻⵏ, ⵜⴰⵡⴰⵛⵓⵍⵜ ⵜⴰⴷⵣⴰⵢⵔⵉⵜ ⵜⴻⵜⵜⵚⴻⵔⵔⵉⴼ, ⴷⴻⴳ ⵜⵍⴻⵎⵎⴰⵙⵜ, 4.835 ⵏ ⵢⵉⴷⵉⵏⴰⵕⴻⵏ ⵉ ⵡⴰⵢⵢⵓⵔ ⴷⴻⴳ ⵢⵉⵛⴻⴹⴹⵉⴹⴻⵏ ⴷ ⵢⵉⵔⴽⴰⵙⴻⵏ, ⵢⴻⵔⵏⴰ ⵢⴰⵍ ⴰⵎⴷⴰⵏ ⴷⴻⴳ ⵜⵡⴰⵛⵓⵍⵜ ⵢⴻⵜⵜⵡⴰⵚⴻⵔⵔⴰⴼ ⴼⴻⵍⵍ-ⴰⵙ ⴰⵣⴰⵍ ⵏ 9.900 ⵏ ⵢⵉⴷⵉⵏⴰⵕⴻⵏ ⵉ ⵡⴰⵢⵢⵓⵔ, ⵖⴻⴼ ⵍⴻⵃⵙⴰⴱ ⵏ ⵜⵙⴻⵙⵜⴰⵏⵜ-ⴰ.