ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
"4.400 ⵏ ⵡⵓⵙⵙⴰⵏ ⴷⴻⴳ ⵜⵉⵍⵍⴰⵙ »: ⴰⵙⴰⵔⵓ ⴰⵙⵒⴻⵏⵢⵓⵍⵉ ⵖⴻⴼ ⵡⴰⵢⴻⵏ ⴰⵢ ⵜⴻⵙⵄⴻⴷⴷⴰ ⵜⵚⴻⵃⵔⴰⵡⵉⵜ ⵙⴰⴽⵉⵏⴰ ⴷⴻⵊⴷ ⴰⵀⵍⵧⵓ ⴷⴻⴳ ⵍⵃⴻⴱⵙ
ⵙⴰⵔⴰⵇⵓⵙⵟⴰ (ⵙⵒⴻⵏⵢⵓⵍ) – ⵍⵃⵉⴼ ⴰⵢ ⵉⵄⴻⴷⴷⴰⵏ ⵖⴻⴼ ⵜⵎⴻⵏⴰⵙⵜ ⵜⴰⵚⴻⵃⵔⴰⵡⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵙⴰⴽⵉⵏⴰ ⴷⵊⴻⴷ ⴰⵀⵍⵧⵓ, ⴷⴻⴳ ⵍⴻⵃⴱⴰⵙ ⵏ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⴷ ⴰⵙⴻⵏⵜⴻⵍ ⵏ ⵢⵉⵡⴻⵏ ⵏ ⵓⵙⴰⵔⵓ ⴰⴼⴻⵜⵔⴰⵡ ⴰⵢ ⴷ-ⵉⵄⴻⴷⴷⴰⵏ ⵙⴻⴳ ⵎⴻⵍⵎⵉ ⴽⴰⵏ ⴷⴻⴳ ⵜⴻⵎⴷⵉⵏⵜ ⵏ ⵙⴰⵔⴰⵇⵓⵙⵟⴰ (ⵙⵒⴻⵏⵢⵓⵍ), ⴷ ⵡⵉⵏ ⵓⵎⵉ ⵙⴻⵎⵎⴰⵏ « ⵙⴰⴽⵉⵏⴰ ⴷⵊⴻⴷ ⴰⵀⵍⵧⵓ, 4.400 ⵏ ⵡⵓⵙⵙⴰⵏ ⴷⴻⴳ ⵜⵉⵍⵍⴰⵙ ».
ⴰⵙⴰⵔⵓ-ⴰ ⵜⴳⴰ-ⵜ-ⵉⴷ ⵍⴰⵓⵔⴰ ⵙⵉⵒⴰⵏ, ⵢⴻⵔⵏⴰ ⵉⴼⵓⵔⴻⵙ-ⵉⵜ-ⴷ ⵓⵙⴰⵏⴰⵢ ⵓⵔⵓⴳⵡⴰⵢⵉ ⵏ ⵓⵄⴰⵡⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ. ⵙⵄⴻⴷⴷⴰⵏ-ⵜ-ⵉⴷ ⵙ ⵓⵃⴷⴰⵕ ⵏ ⵜⵎⴻⵖⵏⴰⵙⵜ ⵙⴰⴽⵉⵏⴰ, ⵢⴻⵔⵏⴰ ⵢⴻⴽⵛⴻⴼ-ⴷ ⵍⵃⵉⴼ ⴰⵢ ⵉⵄⴻⴷⴷⴰⵏ ⵖⴻⴼ ⵜⵎⴻⵖⵏⴰⵙ-ⴰ ⵜⴰⵚⴻⵃⵔⴰⵡⵉⵜ ⴷⴻⴳ ⵍⴻⵃⴱⴰⵙ ⵉⵎⴻⵕⵕⵓⴽⵉⵢⴻⵏ, ⵍⴰⴷⵖⴰ ⴰⵄⴻⵜⵜⴻⴱ ⴷ ⵢⵉⵔ ⵜⵉⴽⵍⵉ ⴰⵢ ⵙⵄⴻⴷⴷⴰⵏ ⴼⴻⵍⵍ-ⴰⵙ.
ⴰⴼⴻⵜⵔⴰⵡ-ⴰ ⵢⴻⴽⵛⴻⴼ-ⴷ ⴷⴰⵖ ⴰⵣⴱⵓ ⴷ ⵜⴻⴱⵖⴻⵙⵜ ⵏ ⵙⴰⴽⵉⵏⴰ, ⵢⴻⵍⵍⴰⵏ ⴷⴰⵖ ⴷ ⵜⴰⵙⴻⵍⵡⴰⵢⵜ ⵏ ⵓⵏⵎⴰⴳⴻⵔ ⵏ ⵢⵉⵎⴰⵍ ⵏ ⵜⵎⴻⵟⵟⵓⵜ ⵜⴰⵚⴻⵃⵔⴰⵡⵉⵜ, ⵉⵎⵉ ⵜⴰⵏⴻⵖⵎⴰⵙⵜ-ⴰ ⵜⴻⵙⵙⴰⵡⴻⴹ ⴰⴷ ⵜⴻⴱⴷⴻⴷ ⴷⴻⴳ ⵡⵓⴷⴻⵎ ⵏ ⵍⴱⴰⵟⴻⵍ ⴰⵢ ⵉⵄⴻⴷⴷⴰⵏ ⴼⴻⵍⵍ-ⴰⵙ ⴷⴻⴳ ⵍⴻⵃⴱⴰⵙ ⵉⵎⴻⵕⵕⵓⴽⵉⵢⴻⵏ ⵢⴻⵔⵏⴰ ⵜⴻⴹⴹⴻⴼ ⴷⴻⴳ ⵢⵉⵎⴻⵏⵣⴰⵢⴻⵏ-ⵏⵏⴻⵙ, ⴰⵎ ⵡⴰⴽⴽⴻⵏ ⴰⵢ ⵜⴻⵏⵏⵓⵖ ⵖⴻⴼ ⵜⴻⵎⵙⴰⵍⵜ ⵏ ⵜⵎⵓⵔⵜ ⴷ ⵓⵖⵔⴻⴼ-ⵏⵏⴻⵙ ⵙ ⵜⴻⵖⵣⴻⴼ ⵏ ⵜⴰⵍⵍⵉⵜ-ⵏⵏⵉ ⴷⴻⴳ ⵜⴻⵜⵜⵡⴰⵃⴱⴻⵙ ⴷⴻⴳ ⵍⴻⵃⴱⴰⵙ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵍⴰⴷⵖⴰ ⴷⴻⴳ ⵍⵃⴻⴱⵙ ⵏ ⵛⴰⵔⵛⴻⵍ ⵏⴻⴳⵔⴰ, ⴰⵏⴷⴰ ⴰⵢ ⵜⴻⵜⵜⵡⴰⵄⴻⵜⵜⴻⴱ ⴰⵎⴰ ⴷⴻⴳ ⵜⴼⴻⴽⴽⴰ-ⵏⵏⴻⵙ, ⴰⵎⴰ ⴷⴻⴳ ⵍⴱⴰⵍ-ⵏⵏⴻⵙ ⵢⴻⵔⵏⴰ ⵜⵄⴻⴷⴷⴰⵏ ⴼⴻⵍⵍ-ⴰⵙ.
ⵉ ⵍⵎⴻⵏⴷ ⵏ ⵡⴰⵢⴰ, ⵙⴰⴽⵉⵏⴰ ⵜⴻⵃⴽⴰ-ⴷ ⵖⴻⴼ ⴽⵔⴰ ⵏ ⵜⴰⵔⵔⴰⵢⵉⵏ ⵜⵉⵡⴻⵃⵛⵉⵢⵉⵏ ⴰⵢ ⵙⵙⴻⵇⴷⴰⵛⴻⵏ ⵢⵉⵅⴻⴷⴷⴰⵎⴻⵏ ⵏ ⵍⴻⵃⴱⴰⵙ ⵉⵎⴻⵕⵕⵓⴽⵉⵢⴻⵏ, ⴳⴰⵔ-ⴰⵙⴻⵏⵜ « ⵉⵎⴻⵃⴱⴰⵙ ⵜⵜⵡⴰⵄⴻⵍⵍⴰⵇⴻⵏ ⵙⴻⴳ ⵢⵉⵖⴻⴼ-ⵏⵙⴻⵏ ⵢⴻⵔⵏⴰ ⵜⵜⵡⴰⵜⴻⵏ, ⵏⴻⵖ ⵜⵜⵡⴰⵄⴻⵍⵍⴰⵇⴻⵏ ⵙⴻⴳ ⵢⵉⴹⴰⵔⵔⴻⵏ-ⵏⵙⴻⵏ ⵢⴻⵔⵏⴰ ⵉⵖⴻⴼ-ⵏⵙⴻⵏ ⴰⴷ ⵉⵄⴻⵍⵍⴻⵇ ⴷ ⴰⴽⴻⵙⵙⴰⵔ ». ⵜⴰⵔⵔⴰⵢⵜ-ⴰ ⵜⴰⵏⴻⴳⴳⴰⵔⵓⵜ ⵙⴻⵎⵎⴰⵏ-ⴰⵙ ⵢⵉⵅⴻⴷⴷⴰⵎⴻⵏ ⵏ ⵍⵃⴻⴱⵙ ⵜⴰⵔⵔⴰⵢⵜ ⵏ « ⵓⵢⴰⵣⵉⴹ ⵉⴽⴻⵏⴼⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵙⴰⴽⵉⵏⴰ. ⵙⴷⴻⴼⴼⵉⵔ ⵏ ⵡⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⵏ ⵓⵃⴱⴰⵙ ⴷⴻⴳ ⵍⴻⵃⴱⴰⵙ ⵉⵎⴻⵕⵕⵓⴽⵉⵢⴻⵏ, « ⴷ ⵜⴰⵍⵍⵉⵜ ⵜⴰⵡⴻⵄⵕⴰⵏⵜ ⴰⴽⴽ ⴷⴻⴳ ⵜⵎⴻⴷⴷⵓⵔⵜ-ⵏⵏⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵙⴰⴽⵉⵏⴰ, ⴰⵙⵙ-ⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⵜⵓⵎⴰⵔ (ⵜⴻⴼⵕⴻⵃ) ⵉⵎⵉ ⴰⵢ ⴰⵙ-ⴷ-ⴱⵔⴰⵏ ⴷ ⴰⵛⵓ ⴽⴰⵏ, ⵜⵉⵍⴻⵍⵍⵉ-ⵏⵏⴻⵙ « ⵜⴻⵜⵜⵖⵉⵎⵉ-ⴷ ⵓⵔ ⵜⴻⵎⵎⵉⴷ ⴰⵔⴰ » ⵖⴻⴼ ⵍⴻⵃⵙⴰⴱ-ⵏⵏⴻⵙ, ⵉⵎⵉ ⵜⴰⵔⴳⵉⵜ ⵏ ⵓⵣⴰⵔⵓⴳ ⵏ ⵢⵉⵚⴻⵃⵔⴰⵡⵉⵢⴻⵏ ⵡⴻⵔⵄⴰⴷ ⵓⵔ ⵜⴻⴼⴼⵉⵖ ⵖⴻⵔ ⵜⵉⴷⴻⵜ.
