ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴰⵙ ⵙⴻⵍⵍⴰⵍ ⴰⴷ ⵉⵕⵓⵃ ⵖⴻⵔ ⵜⵖⴻⵔⴷⴰⵢⵜ ⵖⴻⴼ ⵢⵉⵅⴻⴼ ⵏ ⵜⴻⵔⴱⴻⵄⵜ ⵎⵓⵇⵇⵕⴻⵏ
ⵍⴻⵣⵣⴰⵢⴻⵔ - ⴰⵏⴻⵖⵍⴰⴼ ⴰⵎⴻⵣⵡⴰⵔⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⴰⴷ ⵉⵕⵓⵃ ⴰⵙⵙ ⵏ ⵍⴰⵅⵎⵉⵙ ⵖⴻⵔ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ ⵖⴻⴼ ⵓⵇⴻⵕⵕⵓ ⵏ ⵢⵉⵡⴻⵜ ⵏ ⵜⴻⵔⴱⴰⵄⵜ ⵜⴰⵏⴻⵖⵍⴰⴼⴰⵏⵜ ⵎⵓⵇⵇⵕⴻⵏ ⴰⴽⴽⴻⵏ ⴰⴷ ⵡⴰⵍⵉⵏ ⴰⴷⴷⴰⴷ ⵏ ⵜⵎⵉⵍⴰⵢⵜ-ⴰⴳⵉ ⵢⴻⵜⵜⵉⴷⵉⵔⴻⵏ ⵜⵉⴷⵢⴰⵏⵉⵏ ⴷ-ⵢⴻⴳⵍⴰⵏ ⵙ ⵓⴳⴰⵔ ⵏ ⵙⵏⴰⵜ ⵏ ⵜⵎⴻⵔⵡⵉⵏ ⵍⵎⴻⵢⵜⵉⵏ.
ⵜⵉⵔⵣⴰ-ⵢⴰⴳⵉ ⵜⴻⵍⵍⴰ-ⴷ ⵢⵉⵡⵡⴰⵙ ⴷⴻⴼⴼⵉⵔ ⵏ ⵜⴻⵎⵍⵉⵍⵉⵜ ⵖⴻⴼ ⵍⵉⵃⴰⵍⴰ ⵜⴻⵜⵜⵉⴷⵉⵔ ⵜⵖⴻⵔⴷⴰⵢⵜ, ⵜⵉⵏ ⵢⴻⵙⵙⴻⵍⵡⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴷ-ⵢⴻⴼⴼⵖⴻⵏ ⵙ ⵡⴰⵟⴰⵚ ⵏ ⵍⴰⵕⵢⵓⵢ.
ⵖⴻⴼ ⵡⴰⵢⴰⴳⵉ, ⴰⵎⵓⵇⵇⵕⴰⵏ ⵏ ⴷⴷⴻⵡⵍⴰ ⵉⵄⴻⵢⴻⵏ ⴰⵎⴹⴻⴱⴱⴻⵕ ⵏ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ 4 ⴰⴽⴽⴻⵏ ⴰⴷ ⵢⴻⵇⵇⴻⵏ ⴳⴻⵔ ⵢⴰⴽⴽ ⵜⵉⴳⴰⵡⵉⵏ ⵏ ⵢⵉⵖⴰⵍⵍⴻⵏ ⵏ ⵍⴰⵎⴰⵏ ⴷ-ⵢⴻⵍⵀⴰⵏ ⵙ ⵜⵔⵉⵔⵉⵜ ⵏ ⵜⴰⵍⵡⵉⵜ ⴷⵉ ⵢⴰⴽⴽ ⴰⴽⴰⵍ ⵏ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ.
ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉⵡⴻⵚⵚⴰ ⴷⴰⵖⴻⵏ ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⴽⴽⴻⵏ ⴰⴷ ⴷ-ⵢⴻⵍⵀⵓ, ⴰⴽⴽ ⴷ ⵓⵏⴻⵖⵍⴰⴼ ⵏ ⵜⴻⵖⴷⴻⵎⵜ, ⴰⵄⴻⵙⵙⴰⵙ ⵏ ⵢⴻⵅⵜⵉⵎⴻⵏ, ⴰⴽⴽⴻⵏ ⴰⵏⴻⵣⵣⴰⵔⴼⵓ ⴰⴷ ⵢⴻⵅⴷⴻⵎ ⴰⵢⴻⵏ ⵉⵍⴰⵇⴻⵏ ⴷⴻⴳ ⵡⴰⵢⴻⵏ ⴰⴽⴽ ⵉⴷ-ⵢⴻⴹⵕⴰⵏ ⵢⴻⵔⵣⴰⵏ ⴰⵕⴽⴰⴹ ⵏ ⵍⵇⴰⵏⵓⵏ ⴷⵉ ⵜⵖⴻⵔⴷⴰⵢⵜ ⵍⴰⴷⵖⴰ ⴰⵢⴻⵏ ⴷ-ⵢⴻⴹⵕⴰⵏ ⵎⴳⴰⵍ ⵉⵎⴷⴰⵏⴻⵏ ⴷ ⵡⴰⵢⵍⴰ-ⵏⵙⴻⵏ.