ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⵡⴻⵜ-ⴷ ⵙ ⵍⴵⴻⵀⴷ ⴷⴻⴳ ⵜⵅⴰⵣⴰⴱⵉⵜ ⵏ ⵏ’ⴷⵊⴰⵎⴻⵏⴰ
ⵍⴻⵣⵣⴰⵢⴻⵔ – ⵍⴻⵣⵣⴰⵢⴻⵔ ⵜⴻⵙⵙⴰⵥⴻⵔ ⵙ ⵍⴵⴻⵀⴷ ⴷⴻⴳ ⵜⴰⵅⴰⵣⴰⴱⵉⵜ-ⵜⴰⵏⵖⵉⵎⴰⵏⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ ⵎⴳⴰⵍ ⵙⵙⵓⵇ ⴰⵍⴻⵎⵎⴰⵙ ⵏ ⵜⵎⴰⵏⴻⵖⵜ ⵜⴰⵞⴰⴷⵉⵜ ⵏ ⵏ’ⴷⵊⴰⵎⴻⵏⴰ ⴰⵢ ⵢⴻⴳⵍⴰⵏ ⵙ ⵡⴰⵟⴰⵙ ⵏ ⵜⵎⴻⴷⴷⵓⵔⵉⵏ ⴷ ⵢⵉⵎⴻⵊⵔⴰⵃ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⴰⵣⵉⵣ ⴱⴻⵏⴰⵍⵉ-ⵛⵀⴻⵔⵉⴼ.
« ⵜⴰⵅⴰⵣⴰⴱⵉⵜ-ⵜⴰⵏⵖⵉⵎⴰⵏⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵙⵙⴻⴱⵜ ⵜⴰⵚⴻⴱⵃⵉⵜ ⵎⴳⴰⵍ ⵙⵙⵓⵇ ⴰⵍⴻⵎⵎⴰⵙ ⵏ ⵜⵎⴰⵏⴻⵖⵜ ⵜⴰⵞⴰⴷⵉⵜ ⵏ’ⴷⵊⴰⵎⴻⵏⴰ ⵜⴻⴳⵍⴰ ⵙ ⵡⴰⵟⴰⵙ ⵏ ⵜⵎⴻⴷⴷⵓⵔⵉⵏ ⴷ ⵢⵉⵎⴻⵊⵔⴰⵃ ⴷⴻⴳ ⵡⴰⵢⵢⵓⵔ-ⴰ ⵏ ⵉⵎⵇⴻⴷⴻⵙ ⵏ ⵔⴻⵎⴹⴰⵏ, ⵢⴻⵔⵏⴰ ⴷ ⵉⴳⵉ ⴰⵔⴻⴱⵔⴰⴱ ⴰⵢ ⵏⴻⵙⵙⴰⵥⴻⵔ ⵙ ⵍⴵⴻⵀⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵏⴰⵍⵉ ⵛⵀⴻⵔⵉⴼ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
« ⵏⴻⵔⵔⴰ ⵜⴰⵊⵎⵉⵍⵜ ⵉ ⵍⵎⴻⴵⵀⵓⴷ ⴰⵢ ⵢⴻⵜⵜⴻⴳ ⵓⵏⴰⴱⴰⴹ ⴰⵞⴰⴷⵉ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⴻⴳⵔⴰⵡⵜ ⵜⴰⵔⴻⴱⵔⴰⴱⵜ ⵏ ⴱⵧⴽⵧ ⵀⴰⵔⴰⵎ, ⵍⴰⴷⵖⴰ ⴷⴻⴳ ⵓⴽⴰⵜⴰⵔ ⵏ ⵓⵎⵄⴰⵡⴻⵏ ⴰⵎⵏⴰⴹⴰⵏ ⵉ ⵍⵎⴻⵏⴷ ⵏ ⵓⵙⵙⴻⴳⵔⴻⵡ ⴷ ⵓⵙⴷⵓⴽⴽⴻⵍ ⵏ ⵍⵃⴻⵀⴷ ⵏ ⵡⴰⴽⴽ ⵜⵉⵎⵓⵔⴰ ⵜⵉⵏⴰⵔⴰⴳⵉⵏ (ⵜⵉⵊⵉⵔⴰⵜⵉⵏ) ⴷ ⵓⵙⵙⴻⴵⵀⴻⴷ ⵏ ⵜⵣⴻⵎⵎⴰⵔ-ⵏⵙⴻⵏⵜ ⵉ ⵓⵙⵙⴻⵅⵚⴻⵔ ⵏ ⵓⵙⴻⵏⴼⴰⵔ ⴰⵙⴻⴼⵙⴰⴷ ⵏ ⵜⴻⴳⵔⴰⵡⵜ-ⴰ ⵢⴻⴼⴼⵓⴷⴻⵏ ⵉⴷⴰⵎⵎⴻⵏ, ⵢⴻⵔⵏⴰ ⵏⴻⵙⵙⴻⵏⴼⴰⵍⴰⵢ-ⴷ ⵜⴰⵎⵙⴻⵜⵍⴻⵍⵜ-ⵏⵏⴻⵖ ⵜⵓⵎⵎⵉⴷⵜ ⵖⴻⵔ ⵢⵉⴷⵉⵙ ⵏ ⵓⵏⴰⴱⴰⴹ ⴰⵞⴰⴷⵉ ⴷ ⵜⵡⴰⵛⵓⵍⵉⵏ ⵏ ⵡⵉⴷ ⵢⴻⵏⴹⴻⵔⵔⴻⵏ ⵙⴻⴳ ⵡⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
« ⵍⴻⵣⵣⴰⵢⴻⵔ ⴷⵉⵎⴰ ⵜⴻⵅⴷⴻⵎ ⴰⴽⴽⴻⵏ ⴰⴷ ⵜⴻⵙⴷⵓⴽⴽⴻⵍ ⵍⵎⴻⴵⵀⵓⴷ ⵏ ⵡⴰⴽⴽ ⵜⵉⵎⵓⵔⴰ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏⵜ ⵜⴰⵙⵓⴷⴷⴻⵙⵜ ⴰⵢⵖⴻⴼ ⵢⴻⵍⵍⴰ ⵍⴻⵜⵜⴽⴰⵍ ⵢⴻⵔⵏⴰ ⴷ ⵜⵓⵏⴼⵉⵄⵜ ⵉ ⵍⵎⴻⵏⴷ ⵏ ⵓⵇⴰⴱⴻⵍ ⵏ ⵜⵓⴳⴳⵣⴰ ⵜⴰⵔⴻⴱⵔⴰⴱⵜ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵓⵎⴻⵏⵥⴰⵡ, ⵢⴻⵔⵏⴰ ⴰⴷ ⵜⴽⴻⵎⵎⴻⵍ ⴰⴷ ⵜⴻⵜⵜⴻⴳ ⵍⵎⴻⴵⵀⵓⴷ ⵙ ⵓⵙⵙⴻⵎⵢⵓⴷⴷⴻⵙ ⴷ ⵡⴰⴽⴽ ⵉⵛⵔⵉⴽⴻⵏ ⵉⴼⵔⵉⵇⵉⵢⴻⵏ ⴰⴽⴽⴻⵏ ⴰⴷ ⵢⴻⵅⵚⴻⵔ ⵔⵔⴻⴱⵔⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵏⴻⵟⵟⴰⵇ ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.
