ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵔⵥⴻⵎ ⵢⵉⵡⴻⵏ ⵏ ⵡⴰⵎⵎⴰⵙ ⵏ ⵜⵜⵊⴰⵕⴰ ⴷ ⵣⵣⵀⵓ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ

ⵍⴻⵣⵣⴰⵢⴻⵔ – ⴰⵎⵎⴰⵙ ⴰⵎⵙⴻⵏⵣⵉ ⴷ ⵣⵣⵀⵓ ⵏ « ⵛⵉⵜⵢ ⵛⴻⵏⵜⴻⵔ » ⵢⴻⵜⵜⵡⴰⵔⵥⴻⵎ ⵙ ⵡⵓⴷⴻⵎ ⵓⵏⵚⵉⴱ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵔⵏⴰ ⴰⵎⵎⴰⵙ-ⴰ ⴰⴷ ⵢⴻⵔⵏⵓ ⵖⴻⵔ ⵡⴰⵎⵎⴰⵙⴻⵏ ⵏⵉⴹⴻⵏ ⵏ ⵓⴼⵔⴰⵇ ⴰⵎⴻⵇⵔⴰⵏ ⵏ ⵙⵙⴻⵍⵄⴰ ⴰⵢ ⵢⴻⴱⴷⴰⵏ ⵣⴻⵔⵔⵄⴻⵏ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ, ⵍⴰⴷⵖⴰ ⴷⴻⴳ ⵜⵎⴰⵏⴻⵖⵜ.

ⵜⴰⴼⴰⴳⵍⴰ-ⴰ ⵏ ⵓⵔⵥⴰⵎ ⵜⴻⵍⵍⴰ-ⴷ ⴰⵢⵢⵓⵔ ⵙⴷⴻⴼⴼⵉⵔ ⵎⴰ ⵢⴻⵔⵥⴻⵎ ⵡⴰⵎⵎⴰⵙ-ⴰ ⵉ ⵓⴳⴷⵓⴷ, ⵢⴻⵔⵏⴰ ⵢⴻⵃⴷⴻⵕ ⴷⴻⴳ-ⵙ ⵓⵏⴻⵖⵍⴰⴼ ⵏ ⵜⴻⴷⵔⵉⵎⵜⵏ, ⴰⴱⴷⴻⵔⵔⴰⵀⵎⴰⵏⴻ ⴱⴻⵏⴽⵀⴻⵍⴼⴰ, ⴷ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⴽⴻⴱⴱⴰⵏⵉⵜ ⵜⴰⴷⵣⴰⵢⵔⵉⵜ-ⵜⴰⵙⴰⵄⵓⴷⵉⵜ ⵏ ⵓⵙⵙⴻⴼⵜⵉ (ⴰⵙⵉⵛⵧⵎ, ⴰⵏⴻⵙⵎⴰⵍ ⵏ ⵓⵙⴻⵏⴼⴰⵔ-ⴰ), ⴰⴱⴷⴻⵍⴽⵔⵉⵎ ⴱⵧⵓⵣⵔⴻⴷ.

ⴰⵙⴻⵏⴼⴰⵔ-ⴰ ⵢⴻⵏⴽⴻⵔ-ⴷ ⵙ 3,6 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⵢⴻⵔⵏⴰ ⵢⴻⵍⵍⴰ-ⴷ ⵙ ⵙⵉⵏ ⵏ ⵢⵉⵔⴻⴹⴹⴰⵍⴻⵏ. ⵢⵉⵡⴻⵏ ⵏ ⵓⵃⵔⵉⵛ ⵢⴻⵜⵜⵡⴰⵔⴹⴻⵍ-ⴷ ⵙⴻⴳ ⵜⴱⴰⵏⴽⴰ ⵏ ⵜⴼⴻⵍⵍⴰⵃⵜ ⴷ ⵜⵏⴻⴼⵍⵉⵜ ⵏ ⵜⵎⵓⵔⵜ (ⴱⴰⴷⵔ) ⵢⴻⵔⵏⴰ ⵢⵓⵡⴻⴹ ⵖⴻⵔ 2,55 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⴰⵃⵔⵉⵛ ⵏⵉⴹⴻⵏ ⴷ ⴰⵔⴻⴹⴹⴰⵍ ⵙⴻⴳ ⵜⴽⴻⴱⴱⴰⵏⵉⵜ ⵜⴰⴷⵔⵉⵎⴰⵏⵜ ⵏ ⵓⵙⵙⴻⴼⵜⵉ (ⵙⵧⴼⵉⵏⴰⵏⵛⴻ) ⵢⵓⵡⴻⴹ ⵖⴻⵔ 350 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ. ⵎⴰ ⴷ ⴰⵙⵉⵛⵧⵎ ⵜⴻⵜⵜⴻⴽⴽⴰ-ⴷ ⵙ 700 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ.

ⴰⵎⵎⴰⵙ ⴰⵎⵙⴻⵏⵣⵉ ⵏ ⵛⵉⵜⵢ ⵛⴻⵏⵜⴻⵔ ⵢⴻⵙⵄⴰ ⵜⴰⵊⵓⵎⵎⴰ ⵜⴰⵊⴻⵎⵎⴰⵍⵜ ⵏ 32.927 ⵏ ⵢⵉⵎⵉⵜⵔⴻⵏ ⵉⵎⴽⵓⵥⴻⵏ (ⵎ2) ⵢⴻⵔⵏⴰ ⵍⵍⴰⵏ ⴷⴻⴳ-ⵙ ⵙⵉⵏ ⵏ ⵢⵉⵣⴰⴷⴰⵖⴻⵏ. ⵢⵉⵡⴻⵏ ⵢⴻⵍⵍⴰ ⴷⴻⴳ-ⵙ ⵙⵙⵓⵇ ⵏ ⵜⵎⴻⵕⴽⴰ ⵜⴰⴼⵕⴻⵏⵙⵉⵙⵜ ⵏ ⵛⴰⵔⵔⴻⴼⵧⵓⵔ ⴷ ⵓⴳⴻⵏⵏⴰⵔⵉ ⵏ ⵓⵙⴻⵡⵡⴻⵇ ⴰⵢ ⵢⴻⵙⵄⴰⵏ ⵙⵉⵏ ⵏ ⵢⵉⵙⵡⵉⵔⴻⵏ, ⵎⴰ ⴷ ⴰⵣⴰⴷⴰⵖ ⵏⵉⴹⴻⵏ ⴷⴻⴳ-ⵙ ⵜⵉⵏⴻⵞⵞⵉⵢⵉⵏ ⴷ ⵢⵉⵎⵓⴽⴰⵏ ⵏ ⵣⵣⵀⵓ ⴷ ⵢⵉⵡⴻⵏ ⵏ ⵓⵏⴻⵖⵙⴰⵔ ⵏ ⵡⴰⵏⵏⴰⴳⴻⵏ ⴰⵢ ⵉⵣⴻⵎⵔⴻⵏ ⴰⴷ ⵢⴰⵡⴻⵢ 700 ⵏ ⵜⴽⴻⵕⵕⵓⵙⵉⵏ.

ⴰⵎⵎⴰⵙ-ⴰ ⵢⵓⵙⴰ-ⴷ ⴷⴻⴳ ⵜⵖⵉⵡⴰⵏⵜ ⵏ ⵎⵓⵃⴻⵎⵎⴰⴷⴻⵢⵢⴰ (ⵙⴷⴰⵜ ⵓⴳⵎⴰⵎ ⵏ ⴱⴰⵏⴰⵏⵉⴻⵔⵙ) ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵜⴼⵓⵍⵉⵏ-ⵏⵏⴻⵙ ⴷ ⴰⵢⵍⴰ ⵏ ⵧⵛⴻⴰⵏⵧ ⵛⴻⵏⵜⴻⵔ (ⴷ ⴰⴼⵓⵔⴽ ⵏ ⴰⵙⵉⵛⵧ). ⴷ ⵜⴰⴽⴻⴱⴱⴰⵏⵉⵜ ⵏ ⵀⵢⵒⴻⵔ ⴷⵉⵙⵜⵔⵉⴱⵓⵜⵉⵧⵏ ⴰⵍⴳⴻⵔⵉⴻ (ⵀⴷⴰ) ⴰⵢ ⵜ-ⵢⴻⵙⵙⴻⴼⵔⴰⵢⴻⵏ, ⵢⴻⵔⵏⴰ 70% ⵙⴻⴳ ⵕⴰⵙⴻⵍⵎⴰⵍ ⵏ ⵜⴽⴻⴱⴱⴰⵏⵉⵜ-ⴰ ⵢⴻⴹⴹⴻⴼ-ⵉⵜ ⵓⴼⵓⵔⴽ ⴰⵜⵓⵏⵙⵉ ⵏ ⵛⴰⵔⵔⴻⴼⵧⵓⵔ, ⵎⴰ ⴷ 30% ⵜⴻⴹⴹⴻⴼ-ⵉⵜ ⴰⵙⵉⵛⵧⵎ ⵙ ⵢⵉⵙⴻⵎ ⵏ ⵢⵉⵎⴷⴰⵏⴻⵏ ⵉⴷⵣⴰⵢⵔⵉⵢⴻⵏ.

ⴰⵎⵎⴰⵙ-ⴰ ⵢⴻⵙⵙⴻⵅⴷⴰⵎ 620 ⵏ ⵢⵉⵎⴷⴰⵏⴻⵏ ⴳⴰⵔ-ⴰⵙⴻⵏ 320 ⴷⴻⴳ ⵙⵙⵓⵇ-ⵏⵏⵉ ⴰⵎⴻⵇⵔⴰⵏ, 200 ⴷⴻⴳ ⵜⵃⵓⵏⴰ ⴷ 100 ⴷⴻⴳ ⵓⵙⵙⴻⴼⵔⴻⴽ ⵏ ⵡⴰⵎⵎⴰⵙ. ⴰⵙⵉⵛⵧⵎ ⴷ ⵜⴰⴽⴻⴱⴱⴰⵏⵉⵜ ⵜⵓⵅⵍⵉⴹⵜ ⵏ ⵓⵙⵙⴻⴼⵜⵉ ⵜⴻⵏⵏⵓⵍⴼⴰ-ⴷ ⴷⴻⴳ 2008 ⵙ ⵓⵎⵜⴰⵡⴰ ⴳⴰⵔ ⵍⴻⵣⵣⴰⵢⴻⵔ ⴷ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ.

ⵜⴰⴽⴻⴱⴱⴰⵏⵉⵜ-ⴰ ⵜⴻⵙⵄⴰ ⵕⴰⵙⴻⵍⵎⴰⵍ ⵏ 8 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ, ⵢⴻⵔⵏⴰ ⵢⴰⵍ ⴰⵡⴰⵏⴰⴽ ⵢⴻⵜⵜⴻⴽⴽⴰ-ⴷ ⵙ ⵓⵣⴳⴻⵏ ⵙⴻⴳ ⵕⴰⵙⴻⵍⵎⴰⵍ-ⴰ. ⵉⵙⵡⵉ ⴰⴳⴻⵊⴷⴰⵏ ⵏ ⴰⵙⵉⵛⵧⵎ ⵏⴻⵜⵜⴰ ⴷ ⴰⵙⵎⴰⵍ ⵏ ⵓⵙⵙⴻⴼⵜⵉ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵡⴰⴽⴽ ⵉⵃⵔⵉⵛⴻⵏ ⵏ ⵜⴷⴰⵎⵙⴰ, ⵢⴰⵍ ⵙ ⵓⵙⵏⵓⵍⴼⵓ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⴰⵢⵏⵓⵜⵉⵏ ⵏⴻⵖ ⵙ ⵜⵉⵖⵉⵏ ⵏ ⵜⴼⵓⵍⵉⵏ ⴷⴻⴳ ⵜⴽⴻⴱⴱⴰⵏⵉⵢⵉⵏ ⴰⵢ ⵢⴻⵍⵍⴰⵏ.

ⵎⵉ ⵜⴼⵓⴽ ⵜⴻⵔⵣⵉ-ⵏⵏⴻⵙ ⴷⴻⴳ ⵡⴰⵎⵎⴰⵙ-ⴰ, ⴰⵏⴻⵖⵍⴰⴼ ⵏ ⵜⴻⴷⵔⵉⵎⵜ ⵢⴻⵏⵏⴰ-ⴷ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷ ⴰⴽⴽⴻⵏ ⴰⵙⴻⵏⴼⴰⵔ-ⴰ ⴷ « ⴰⵣⴰⵎⵓⵍ » ⵖⴻⴼ ⵍⴵⴰⵍ ⵏ ⵡⵉⴷ ⴰⵢ ⴷ-ⵢⴻⵜⵜⴻⴽⴽⴰⵏ ⴷⴻⴳ ⵍⴻⴱⵏⵉ-ⵏⵏⴻⵙ (ⴷ ⵜⴰⴱⴰⵏⴽⴰ ⴷ ⵙⵏⴰⵜ ⵏ ⵜⴽⴻⴱⴱⴰⵏⵉⵢⵉⵏ ⵏ ⵓⵙⵙⴻⴼⵜⵉ).

ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ ⴷ ⴰⴽⴽⴻⵏ ⵚⵚⴻⵏⴼ-ⴰ ⵏ ⵓⵙⵙⴻⴼⵜⵉ ⴰⵢ ⵢⴻⴱⵏⴰⵏ ⵖⴻⴼ ⵕⴰⵙⴻⵍⵎⴰⵍ ⵓⵅⵍⵉⴹ ⴳⴰⵔ ⵍⴻⵣⵣⴰⵢⴻⵔ ⴷ ⵓⵛⵔⵉⴽ ⴰⴱⴻⵕⵕⴰⵏⵉ ⵙ ⵜⵎⴻⵕⴽⴰ ⵜⴰⴳⵔⴰⵖⵍⴰⵏⵜ ⴷ ⵡⵉⵏ ⴰⵔⴰ ⴷ-ⵢⵉⵍⵉⵏ ⵜⵉⴽⴽⴰⵍ ⵏⵉⴹⴻⵏ ⵙⴻⴳ-ⴰ ⵖⴻⵔ ⵙⴷⴰⵜ ⵢⴻⵔⵏⴰ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⵢⴻⵔⵏⴰ ⴰⵢⴰ ⴰⴷ ⴷ-ⵜⴻⵙⴼⴰⵢⴷⵉ ⴷⴰⵖ ⵙⴻⴳ-ⵙ ⵙⵙⴻⵍⵄⴰ ⵜⴰⵖⴻⵍⵏⴰⵡⵜ.