ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⴽⵓⵔⵢⴰ ⵏ ⵓⵏⵥⵓⵍ ⴰⴷ ⴷ-ⵢⴻⴳ ⵜⵉⵔⵣⵉ ⵏ ⵓⵅⴻⴷⴷⵉⵎ ⵖⴻⵔ ⵍⴻⵣⵣⴰⵢⴻⵔ
ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⵜⴻⴳⴷⵓⴷⴰ ⵏ ⴽⵓⵔⵢⴰ (ⴽⵓⵔⵢⴰ ⵏ ⵓⵏⵥⵓⵍ), ⵢⵓⵏ ⴱⵢⵓⵏⴳ-ⵙⴻ, ⴰⴷ ⴷ-ⵢⴻⴳ ⵜⵉⵔⵣⵉ ⵏ ⵓⵎⴰⵀⵉⵍ (ⴰⵅⴻⴷⴷⵉⵎ) ⵖⴻⴼ ⵍⴻⵣⵣⴰⵢⴻⵔ ⵓⵙⴰⵏ ⵏ ⵍⴰⵕⴻⴱⵄⴰ ⴷ ⵍⴻⵅⵎⵉⵙ ⵙ ⵓⵏⴻⵄⵔⵓⴹ ⵏ ⵓⵏⴻⵖⵍⴰⴼ ⵏ ⵓⵡⴰⵏⴰ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵓⵎⵢⴰⵍⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ ⵏ ⵓⵖⵍⵉⴼ. ⵜⵉⵔⵣⵉ-ⴰ ⵏ ⵙⵉⵏ ⵏ ⵡⵓⵙⵙⴰⵏ ⵜⵓⴷⴻⴼ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⴵⵀⴻⴷ ⵏ ⵓⵎⵛⵉⵡⴻⵕ ⴰⵙⴻⵔⵜⵉ ⵏ ⵓⵙⵡⵉⵔ ⵓⵏⵏⵉⴳ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ. ⴰⴷ ⵜⵉⵍⵉ ⴷⴰⵖ ⵜⴻⵔⵣⵉ-ⴰ ⴷ ⵜⴰⴳⵏⵉⵜ ⵜⴰⵎⴰⵢⵏⵓⵜ ⴰⵔⴰ ⴼⴰⵕⵙⴻⵏ ⵢⵉⵎⴹⴻⴱⴱⵔⴻⵏ ⵉⴷⵣⴰⵢⵔⵉⵢⴻⵏ ⴷ ⵡⵉⴷ ⵏ ⴽⵓⵔⵢⴰ ⵏ ⵓⵏⵥⵓⵍ ⴰⴽⴽⴻⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵡⴰⵙⵙⴰⵖⴻⵏ ⵓⵛⵔⵉⴽⴻⵏ ⵢⴻⵔⵏⴰ ⴰⴷ ⵎⴱⴰⴷⴷⴰⵍⴻⵏ ⵜⵉⵎⵓⵖⵍⵉⵡⵉⵏ ⵖⴻⴼ ⵜⴻⵎⵙⴰⵍ ⵏ ⵏⵏⴼⴻⵄ ⵓⵛⵔⵉⴽ ⵢⴻⵔⵣⴰⵏ ⵜⴰⵎⵏⴰⴹⵜ ⴷ ⵓⵎⴰⴹⴰⵍ. ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⴽⵓⵔⵢⴰ ⵏ ⵓⵏⵥⵓⵍ ⴰⴷ ⴷ-ⵜⴻⴷⴷⵓ ⵢⵉⴷ-ⵙ ⵜⵎⴰⴳⵍⴰ ⴷ ⵜⴰⵎⴻⵇⵔⴰⵏⵜ ⵢⴻⵔⵏⴰ ⴰⴷ ⴰⵡⴰⵍ ⴷ ⵢⵉⵎⵢⴰⴳⵔⴻⵏ ⴰⵔⴰ ⴷ-ⵢⵉⵍⵉⵏ ⴳⴰⵔ ⵙⵉⵏ-ⴰ ⵏ ⵢⵉⴷⵉⵙⴰⵏ ⴷ ⵡⵉⴷ ⴰⵔⴰ ⵉⵔⴻⵥⵎⴻⵏ ⴰⴱⵔⵉⴷ ⵉ ⵓⵙⵙⴰⵍⵇⴻⵢ ⴷ ⵓⵏⴻⵡⵡⴻⵄ ⵏ ⵓⵎⵢⴰⵍⴻⵍ (ⴰⵎⵄⴰⵡⴻⵏ) ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ ⵙ ⵕⵕⵓⵃ ⵏ ⵜⵙⴻⵖⵔⵓⵜ-ⵏⵏⵉ ⵏ ⵜⵉⵛⵛⵓⵔⴽⴰ ⵜⴰⵙⵓⴷⴷⵙⴰⵏⵜ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴳⴰⵔ ⵢⵉⵙⴻⵍⵡⴰⵢⴻⵏ ⵏ ⵍⴻⵣⵣⴰⵢⴻⵔ ⴷ ⴽⵓⵔⵢⴰ ⵏ ⵓⵏⵥⵓⵍ ⴷⴻⴳ 2006, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵖⵍⵉⴼ.
