ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⴽⴻⵔⴹⴰ ⵏ ⵍⴻⵎⵄⴰⵡⵏⴰ ⵉ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ: ⵎⴻⵕⵕⵓⴽ ⵜⴻⵜⵜⵡⴰⴽⵛⴻⴼ-ⴷ ⵙ ⵜⴽⴻⵔⴽⴰⵙ-ⵏⵏⴻⵙ

ⴱⵔⵓⵅⴻⵍⵍⴻⵙ – ⵜⴻⵜⵜⵡⴰⵇⴻⴷⴷⴻⵎ-ⴷ ⴷⴻⴳ ⵓⵎⵏⵉ ⵓⵕⵓⴼⵉ ⵜⴻⴳⵏⵉⵜ ⵏ ⵜⵉⴷⴻⵜ ⵏ ⵓⵏⴰⴳⵔⴰⵡ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⵉ ⵓⵄⴰⵡⴻⵏ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ. ⴰⵇⴻⴷⴷⴻⵎ-ⴷ ⵢⴻⵜⵜⵡⴰⵀⴻⵢⵢⴰ-ⴷ ⵙ ⵓⵙⵙⴻⵇⴷⴻⵛ ⵏ ⵡⵓⴳⴰⵔ ⵏ 30 ⵏ ⵢⵉⵕⴰⴱⵓⵍⴻⵏ ⵏ ⵓⴷⴻⵇⵇⴻⵇ ⵢⴻⵔⵏⴰ ⵢⴻⴽⵛⴻⴼ-ⴷ ⴷ ⴰⴽⴽⴻⵏ ⵎⴻⵕⵕⵓⴽ ⵜⴻⵙⴽⴻⵔⴽⴻⵙ ⴷⴻⴳ ⵜⴻⵎⵙⴰⵍⵜ-ⵏⵏⵉ ⵏ « ⵜⵓⴽⴻⵔⴹⴰ ⵏ ⵓⵃⵔⵉⵛ ⵙⴻⴳ ⵍⴻⵎⵄⴰⵡⵏⴰ ⵜⵓⵕⵓⴼⵉⵜ ⴰⵢ ⵢⴻⵜⵜⵡⴰⵡⴻⵀⵀⴰⵏ ⵉ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⵓⵣⴰⵖ ».

ⴷⴻⴳ ⵜⴳⴻⵔⵎⴰⵏⵜ-ⵏⵏⴻⵙ ⴰⵙⵙ ⵏ ⵜⵜⵍⴰⵜⴰ 14 ⵢⵓⵍⵢⵓ ⵙⴷⴰⵜ ⵜⵙⴻⵇⵇⴰⵎⵓⵜ ⵏ « ⵓⵙⵙⴻⴼⵇⴻⴷ ⵏ ⵓⵎⴰⵔⵓⴷ » ⴷⴻⴳ ⵓⵎⵏⵉ ⵓⵕⵓⴼⵉ, ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴰⵍⵍⴰⵍⵜ (ⵍⴻⵎⵄⴰⵡⵏⴰ) ⵜⴰⵍⵙⴰⵏⵜ ⴷ ⵓⵃⵓⴷⴷⵓ ⴰⵖⴰⵔⵉⵎ (ⴻⵛⵀⵧ), ⴰⴷⴰⵏⵎⴰⵕⴽⵉ ⵛⵍⴰⵓⵙ ⵙⴻⵔⴻⵏⵙⴻⵏ, ⵢⴻⵏⴽⴻⵕ ⴰⵢⴻⵏ ⴰⵢ ⴷ-ⵜⴻⵏⵏⴰ ⵜⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⵏ ⵓⵙⵙⴻⴼⵇⴻⴷ ⵏ ⵓⵎⴰⵔⵓⴷ, ⵜⴰⵍⵎⴰⵏⵉⵜ ⵉⵏⴳⴻⴱⵧⵓⵔⴳ ⴳⵔⴰⵙⵙⵍⴻ ⴰⵢ ⴷ-ⵉⴳⴰⵏ ⵜⵉⵎⵍⵉⵍⵉⵜ ⵉ ⵓⵄⴰⵡⴻⴷ ⵏ ⵜⵎⵓⵖⵍⵉ ⴷⴻⴳ ⵓⵕⴰⴱⵓⵍ ⵏ 2007.

ⴳⵔⴰⵙⵙⵍⴻ ⵜⴻⵔⵣⴰ ⴷⴻⴳ ⵢⴻⴱⵔⵉⵔ ⵢⴻⵣⵔⵉⵏ ⵖⴻⴼ ⴷⴰⴽⵀⵍⴰ (ⴷ ⵜⴰⵎⴷⵉⵏⵜ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ) ⵢⴻⵔⵏⴰ ⵢⴻⴷⴷⴰ ⵢⵉⴷ-ⵙ ⵓⵙⴻⵍⵡⴰⵢ ⵏ ⵜⴻⴳⵔⴰⵡⵜ ⵏ ⵜⴰⵎⵎⵉⴷⵡⴰ ⴷ ⵎⴻⵕⵕⵓⴽ. ⴰⵏⴻⴳⴳⴰⵔⵓ-ⴰ ⵢⴻⵇⵇⵉⵎ ⴽⴰⵏ ⵢⴻⴽⴽⴰⵜ-ⴷ ⴷⴻⴳ « ⴷⴷⵉⵄⴰⵢⴰⵜ ⴰⵢ ⵉⵛⴰⵄⴻⵏ ⴷⴻⴳ ⵎⴻⵕⵕⵓⴽ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⴻⵔⴻⵏⵙⴻⵏ, ⴷ ⴷⴷⵉⵄⴰⵢⴰⵜ ⴰⵢ ⴷ-ⵢⴻⵏⵏⴰⵏ ⴷ ⴰⴽⴽⴻⵏ ⵜⴻⵜⵜⵡⴰⴽⴻⵔ ⵍⴻⵎⵄⴰⵡⵏⴰ ⵉ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ.

ⴰⵏⴻⵎⵀⴰⵍ ⴰⵎⴰⵜⵓ ⵏ ⴻⵛⵀⵧ ⵉⵇⴻⴷⴷⴻⵎ-ⴷ ⴰⵏⴰⴳⵔⴰⵡ ⵏ ⵓⵙⵙⴻⴼⵇⴻⴷ ⵏ ⵓⵙⵙⵉⵡⴻⴹ ⵏ ⵍⴻⵎⵄⴰⵡⵏⴰ ⵜⵓⵕⵓⴼⵉⵜ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵏⴰⴳⵔⴰⵡ-ⴰ ⵏ ⵜⵄⴻⵙⵙⴰⵙⵜ « ⵉⵣⴻⵢⵢⴻⵕ » ⵎⵍⵉⵃ ⵢⴻⵔⵏⴰ ⴷ « ⵓⵎⵎⵉⴷ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⴼⴽⴰ ⵜⵜⴱⵓⵜ ⵖⴻⴼ ⵡⴰⵢⴰ. ⵉⵎⴹⴻⴱⴱⴻⵔ ⵏ ⴻⵛⵀⵧ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⵎⵀⴻⵍⵜ-ⴰ ⵓⵙⵙⵉⵡⴻⴹ ⵏ ⵍⴻⵎⵄⴰⵡⵏⴰ « ⵜⴻⵍⵍⴰ-ⴷ ⴷⴻⴳ 2003 ⵢⴻⵔⵏⴰ ⴳⴰⵏ-ⴷ ⴼⴻⵍⵍ-ⴰⵙ 36 ⵏ ⵢⵉⵕⴰⴱⵓⵍⴻⵏ ⵏ ⵓⴷⴻⵇⵇⴻⵇ, ⴳⴰⵔ-ⴰⵙⴻⵏ 8 ⵏ ⵢⵉⵕⴰⴱⵓⵍⴻⵏ ⵓⵔⴰⵏ-ⵜⴻⵏ ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⵓⵣⴰⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵍⴻⵅⵚⴰⵚ ⴰⵢ ⵉⵃⵓⵣⴰⵏ ⵉⵚⴻⵃⵔⴰⵡⵉⵢⴻⵏ ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⵓⵣⴰⵖ ⴷ ⵜⴰⵍⵍⴰⵍⵜ ⵜⴰⵍⵙⴰⵏⵜ ⵓⵔ ⵢⴻⴹⵎⵉⵏⴻⵏ ⴰⵔⴰ, ⴰⵏⴻⵎⵀⴰⵍ ⴰⵎⴰⵜⵓ ⵏ ⴻⵛⵀⵧ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⴷⵓⴽⵍⵉ ⵜⵓⵕⵓⴼⵉⵜ ⵢⴻⵙⵙⴻⴼⴽ ⴰⴷ ⵜⴻⵇⵇⵉⵎ ⵜⴻⵃⴷⴻⵕ ⴷⴻⴳ ⵓⵏⵔⴰⵔ ⵏ ⵜⴰⵍⵍⴰⵍⵜ ⵜⴰⵍⵙⴰⵏⵜ, ⴷ ⴰⵛⵓ ⴽⴰⵏ, ⵢⴻⵙⵙⴻⴼⴽ ⴷⴰⵖ ⴰⴷ ⵜⴻⴳ ⵍⵎⴻⴵⵀⵓⴷ ⴰⴽⴽⴻⵏ ⴰⴷ ⵜⴻⵙⵙⵉⴼⵙⴻⵙ ⴰⵏⴰⴷⵉ ⵏ ⵜⵉⴼⵔⴰⵜ ⵜⴰⵙⴻⵔⵜⵉⵜ ⵉ ⵜⴰⵍⵓⴼⵜ-ⴰ, ⵢⴻⵔⵏⴰ « ⴰⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⴷ ⵏⴻⵜⵜⴰ ⴰⵢ ⴷ ⵜⵉⴼⵔⴰⵜ ⵜⴰⵡⵃⵉⴷⵜ ⵉ ⵜⴰⵍⵓⴼⵜ-ⴰ ⴰⵢ ⵉⵄⴻⴹⴹⵍⴻⵏ ».

ⴷⴻⴳ ⵓⵙⴽⴰⵙⵉ-ⴰ, ⵢⵉⵡⴻⵜ ⵏ ⵜⵎⴰⵣⴰⵏⵜ ⵜⵓⵕⵓⴼⵉⵜ ⴷ ⵜⴰⵙⵒⴻⵏⵢⵓⵍⵉⵜ, ⴰⵢⴰⵍⴰ ⵙⴻⵏⴷⴻⵔ, ⵜⵡⴻⵜ-ⴷ ⵙ ⵡⴰⵡⴰⵍ ⵓⵙⵔⵉⴷ ⴷⴻⴳ ⵜⴻⵎⵙⴰⵍⵜ-ⴰ, ⵉⵎⵉ ⴰⵢ ⴰⵙ-ⵜⴻⵏⵏⴰ ⵉ ⵜⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⴷ ⴰⵛⵓ-ⵜⴻⵏⵜ ⵙⵙⴻⴱⴱⴰⵜ ⴰⵢ ⵜⵜ-ⵢⴻⴵⴵⴰⵏ ⴰⴷ ⵜⴻⵙⵙⴻⵇⴷⴻⵛ ⴰⵕⴰⴱⵓⵍ ⴷ ⴰⵇⴱⵓⵔ ⵏ ⵜⵏⴰⵔⵉⵜ ⵏ ⵢⵉⵎⴻⵏⵖⵉ ⵎⴳⴰⵍ ⵓⴷⵖⴰⵍ ⵏ ⵜⴷⵓⴽⵍⵉ ⵜⵓⵕⵓⴼⵉⵜ (ⵧⵍⴰⴼ) ⴰⴽⴽⴻⵏ ⴰⴷ ⴷ-ⵜⴻⵇⵇⴻⵍ ⵖⴻⵔ ⵢⵉⵡⴻⵜ ⵏ ⵜⴻⵎⵙⴰⵍⵜ ⴰⵢⵖⴻⴼ ⵜⴻⴷⵖⴻⵔ ⵜⵙⴻⵇⵇⴰⵎⵓⵜ ⵢⴻⵔⵏⴰ ⴼⴽⴰⵏ-ⴷ ⴼⴻⵍⵍ-ⴰⵙ ⵢⵉⵎⵡⴻⴽⴽⵍⴻⵏ ⵓⵕⵓⴼⵉⵢⴻⵏ ⵜⵉⵔⵉⵔⵉⵢⵉⵏ ⵢⴻⵙⵙⴻⵇⵏⴰⵄⴻⵏ.

ⵜⴰⵎⴰⵣⴰⵏⵜ-ⵏⵏⵉ ⵜⴰⵙⵒⴻⵏⵢⵓⵍⵉⵜ ⵜⴻⵙⵙⵓⵜⴻⵔ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⵙⴻⴳ ⵜⵙⴻⵍⵡⴰⵢⵜ ⵏ ⵜⵙⴻⵇⵇⴰⵎⵓⵜ ⴰⴷ ⴷ-ⵜⴻⵙⵙⴻⴼⵀⴻⵎ ⴰⴽⴽⴻⵏ ⵉⵡⴰⵜⴰ ⵎⴰⵖⴻⴼ ⴰⵢ ⵜⴻⵙⵙⴻⵇⴷⴻⵛ ⴰⵡⴰⵍ ⵏ « ⴷⴷⵉⵄⴰⵢⴰⵜ » ⵢⵉⵍⵉ, ⵍⴻⵎⵎⴻⵔ ⴷ ⵍⴻⴱⵖⵉ ⴰⴷ ⴷ-ⵢⵉⵍⵉ ⵓⵙⵙⴻⴼⵇⴻⴷ ⴷ ⵉⵎⴷⴻⵇⵇⴻⵇ ⵏ ⵓⵎⴰⵔⵓⴷ.

ⵜⴰⵎⴰⵣⴰⵏⵜ-ⴰ ⵜⴰⵙⵒⴻⵏⵢⵓⵍⵉⵜ ⵜⴻⵏⵏⴰ-ⴷ ⴷⴰⵖ ⵡⵉⵙⵙⴻⵏ ⴷ ⴰⵛⵓ ⴰⵢ ⴷ ⵙⵙⴻⴱⴱⴰ ⴰⵔⵎⵉ ⴰⵢ ⴷ-ⵢⴻⵜⵜⵡⴰⵙⵙⴻⴽⴼⴻⵍ ⵓⵕⴰⴱⵓⵍ ⴰⵇⴱⵓⵔ ⵏ ⵧⵍⴰⴼ ⵓⵇⴱⴻⵍ ⵎⴰ ⵜⴻⵍⵍⴰ-ⴷ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴷⴻⴳ ⵢⴻⴱⵔⵉⵔ ⵢⴻⵣⵔⵉⵏ ⴷ ⵡⴰⵎⴻⴽ ⴰⵢ ⵍⴰ ⵄⴻⵔⵔⴹⴻⵏ ⴽⵔⴰ ⵏ ⵢⵉⴷⵉⵙⴰⵏ ⴰⵢ ⵢⴻⵇⵇⵏⴻⵏ ⵖⴻⵔ ⵎⴻⵕⵕⵓⴽ ⴰⴷ ⵜ-ⵙⵇⴻⴷⵛⴻⵏ ⴷⴻⴳ ⵏⵏⴼⴻⵄ-ⵏⵙⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⵖ ⴷ ⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⵜⴽⴻⵎⵎⴻⵍ ⵜⴰⵍⵍⴰⵍⵜ ⵜⴰⵍⵙⴰⵏⵜ ⵜⵓⵕⵓⴼⵉⵜ ⵉ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⴰⵎ ⵡⴰⴽⴽⴻⵏ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵢⴻⵜⵜⵡⴰⵙⵙⴻⵅⵍⴻⴹ ⵢⵉⴷⵉⵙ ⴰⵍⵙⴰⵏ ⴷ ⵢⵉⴷⵉⵙ ⴰⵙⴻⵔⵜⵉ ⴷⴻⴳ ⵢⵉⵎⴻⵏⵖⵉ-ⴰ (ⵏ ⵓⵏⴻⵥⵔⵓⴼ ⵓⵜⵔⵉⵎ) ».

ⴷ ⵍⴻⵅⵚⴰⵔⴰ ⵜⴰⵎⴻⵇⵔⴰⵏⵜ ⵉ ⵎⴻⵕⵕⵓⴽ

ⴽⵔⴰ ⵏ ⵢⵉⵎⴰⵣⴰⵏⴻⵏ ⵏⵉⴹⴻⵏ ⵔⵏⴰⵏ-ⴷ ⵖⴻⵔ ⵢⵉⴷⵉⵙ ⵏ ⵜⵎⴰⵣⴰⵏⵜ-ⵏⵏⵉ ⵜⴰⵙⵒⴻⵏⵢⵓⵍⵉⵜ, ⵢⴻⵔⵏⴰ ⵢⴻⵍⵍⴰ ⴳⴰⵔ-ⴰⵙⴻⵏ ⵓⵟⴰⵍⵢⴰⵏⵉ ⵔⴰⴼⴼⴰⴻⵍⴻ ⴼⵉⵜⵜⵧ ⴰⵢ ⴷ-ⵢⴻⵙⵎⴻⴽⵜⵉⵏ ⴷ ⴰⴽⴽⴻⵏ ⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⴰⵜⵏⵉ ⴷⴻⴳ ⵜⴻⴳⵏⵉⵜ ⵜⴰⵡⴻⵄⵕⴰⵏⵜ ⵢⴻⵔⵏⴰ ⴰⵜⵏⵉ ⴷⴷⵔⴻⵏ ⴷⴻⴳ ⵜⴻⴳⵏⵉⵜ-ⴰ ⵉⵎⵉ ⴰⵢ ⵜⴻⵏ-ⵉⴷ-ⵥⵥⵄⴻⵏ ⵢⵉⵖⴰⵍⵍⴻⵏ ⵉⵎⴻⵕⵕⵓⴽⵉⵢⴻⵏ ⵙⴻⴳ ⵡⴰⴽⴰⵍ-ⵏⵙⴻⵏ. ⴷⵖⴰ, ⴰ ⵡⵉⵏ ⵢⵓⴼⴰⵏ, ⴷ ⴰⵢⴰ ⴰⵔⴰ ⵢⴻⴵⴵⴻⵏ ⵜⴰⴷⵓⴽⵍⵉ ⵜⵓⵕⵓⴼⵉⵜ ⴰⴷ ⵜⴻⵃⵕⴻⵙ ⵎⴻⵕⵕⵓⴽ ⴰⴽⴽⴻⵏ ⴰⴷ ⴷ-ⵜⴰⴼ ⵜⵉⴼⵔⴰⵜ ⵜⴰⵙⴻⵔⵜⵉⵜ ⵉ ⵜⴰⵍⵓⴼⵜ-ⴰ ⴰⵢ ⵉⵄⴻⴹⴹⵍⴻⵏ.

ⵙ ⵓⵛⵛⴻⵜⴽⵉ ⴰⵎ ⵡⴰ, ⵎⴻⵕⵕⵓⴽ ⵜⴻⵅⵚⴻⵔ ⵜⵉⴽⴽⴻⵍⵜ ⵏⵉⴹⴻⵏ ⵙⴷⴰⵜ ⵓⵎⵏⵉ ⵓⵕⵓⴼⵉ ⵢⴻⵔⵏⴰ ⵓⵔ ⵜⴻⵙⵙⴰⵡⴻⴹ ⴰⵔⴰ ⴰⴷ ⵜⴻⵙⵙⴻⴷⵀⵓ ⴰⵎⵏⵉ-ⴰ ⵖⴻⴼ ⵜⴻⵎⵙⴰⵍⵜ-ⵏⵏⵉ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ. ⴷⴻⴳ ⵢⴻⵏⵏⴰⵢⴻⵔ ⵏ 2015, ⵢⵉⵡⴻⵏ ⵏ ⵓⵕⴰⴱⵓⵍ ⵏ ⵜⵏⴰⵔⵉⵜ ⵏ ⵢⵉⵎⴻⵏⵖⵉ ⵎⴳⴰⵍ ⵓⴷⵖⴰⵍ (ⵧⵍⴰⴼ) ⴰⵢ ⴷ-ⵢⴻⵜⵜⵡⴰⵀⴻⵢⵢⴰⵏ ⵖⴻⴼ ⵜⴰⵍⵍⴰⵍⵜ ⵜⵓⵕⵓⴼⵉⵜ ⵉ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⵙⴽⴻⴼⵍⴻⵏ-ⵜ-ⵉⴷ 8 ⵏ ⵢⵉⵙⴻⴳⴳⴰⵙⴻⵏ ⵙⴷⴻⴼⴼⵉⵔ ⵎⴰ ⵢⴻⵜⵜⵡⴰⵀⴻⵢⵢⴰ-ⴷ ⵙⴻⴳ ⵜⴻⵕⵛⵉⴱⵉⵏ ⴰⴽⴽⴻⵏ ⴰⴷ ⵙⵙⵉⵎⵙⴻⵏ ⵉ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵢⴻⵔⵏⴰ ⴰⴷ ⵜⵜ-ⵜⵜⴻⵀⵎⴻⵏ ⴷ ⴰⴽⴽⴻⵏ ⵜⵓⴽⴻⵔ ⵍⴻⵎⵄⴰⵡⵏⴰ ⴰⵢ ⵢⴻⵜⵜⵡⴰⵡⴻⵀⵀⴰⵏ ⵉ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ, ⵢⵉⵍⵉ ⴰⴹⴼⴰⵔ ⴷ ⵜⵄⴻⵙⵙⴰⵙⵜ ⵏ ⵜⴰⵍⵍⴰⵍⵜ-ⴰ ⵜⴻⵜⵜⵉⵍⵉ-ⴷ ⴷⴻⴳ ⵓⵏⵔⴰⵔ ⵢⴻⵔⵏⴰ ⵍⵀⴰⵏ-ⴷ ⵢⵉⴷ-ⵙ ⵢⵉⵅⴻⴷⴷⴰⵎⴻⵏ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵣⵔⵓⵣⴰⵖ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴻⵛⵀⵧ, ⴰⵀⵉⵍ ⴰⵎⴰⴹⵍⴰⵏ ⵏ ⵜⵓⵞⵞⵉⵜ ⴷ ⵜⵓⴷⴷⵙⵉⵡⵉⵏ ⵜⵉⵔⵏⴰⴱⴰⴹⵉⵏ ⵏⵉⴹⴻⵏ.

ⴰⵟⴰⵙ ⵏ ⵜⵓⴷⴷⵙⵉⵡⵉⵏ ⴷ ⵢⵉⵛⵔⵉⴽⴻⵏ ⵏ ⵜⴰⵍⵍⴰⵍⵜ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⴰⵢ ⴷ-ⵉⴱⴻⴷⵔⴻⵏ, ⴷⴻⴳ ⵜⵙⴻⴷⵎⵉⵔⵉⵏ-ⵏⵙⴻⵏ, ⵉⵙⵡⵉ ⵏ ⴷⵉⵔⵉ ⵏ ⵓⵙⵙⴻⴽⴼⴻⵍ ⵏ ⵓⵕⴰⴱⵓⵍ-ⴰ ⵢⴻⵔⵏⴰ ⵏⵏⴰⵏ-ⴷ ⴷ ⴰⴽⴽⴻⵏ ⵓⵔ ⵢⴻⵙⵄⵉ ⴰⵔⴰ ⴰⴽⴽ ⴰⵙⵙⴰⵖ ⴷ ⵓⵏⵔⴰⵔ, ⴰⵎ ⵡⴰⴽⴽⴻⵏ ⵡⵉⴷ ⴰⵢ ⵜ-ⵉⴷ-ⵉⴽⴻⵛⴼⴻⵏ ⴱⵖⴰⵏ « ⴰⴷ ⵔⵥⴻⵏ ⵉⴼⴰⴷⴷⴻⵏ ⵉ ⵢⵉⴷⵉⵙⴰⵏ ⴰⵢ ⴷ-ⵢⴻⵜⵜⵚⴻⴷⴷⵉⵇⴻⵏ ⵍⴻⵎⵄⴰⵡⵏⴰ ⵉ ⵢⵉⵣⵔⵓⵣⴰⵖ ⴰⵎ ⵡⴰⴽⴽⴻⵏ ⴰⵢ ⴱⵖⴰⵏ ⴰⴷ ⵜⴻⵔⵏⵓ ⴰⴷ ⵜⴻⵔⵡⵉ ⵜⴻⴳⵏⵉⵜ ⵜⴰⵍⵙⴰⵏⵜ ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ».

ⵙⴻⴳ ⵢⵉⴷⵉⵙ-ⵏⵏⴻⵙ, ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⵚⴻⵃⵔⴰⵡⵉⵜ ⵜⴻⵏⵏⴰ-ⴷ ⴷ ⴰⴽⴽⴻⵏ ⵜⴻⵙⵄⴰ ⵜⵉⵍⵖⴰ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⴷ ⴰⴽⴽⴻⵏ « ⴽⵔⴰ ⵏ ⵢⵉⵎⴷⴰⵏⴻⵏ ⴰⵢ ⵉⵅⴻⴷⴷⵎⴻⵏ ⵉ ⵍⵎⴻⵏⴷ ⵏ ⵎⴻⵕⵕⵓⴽ ⴳⴰⵏ ⴽⵔⴰ ⵏ ⵜⵖⴰⵡⵙⵉⵡⵉⵏ », ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷ ⴰⴽⴽⴻⵏ ⵜⴰⴷⵓⴽⵍⵉ ⵜⵓⵕⵓⴼⵉⵜ ⵡⴻⵔⴵⵉⵏ ⴷ-ⵜⴻⴼⴽⵉ ⵜⵜⴱⵓⵜ ⴷ ⴰⴽⴽⴻⵏ ⵜⴻⵜⵜⵡⴰⴽⴻⵔ ⵜⴰⵍⵍⴰⵍⵜ ⵜⴰⵍⵙⴰⵏⵜ ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ.

ⵙⴷⴰⵜ ⵜⵃⴻⵎⵍⴰ-ⴰ ⵏ ⵓⵛⴻⵎⵎⴻⵜ, ⵜⴰⵣⵣⵉⵔⵜ ⵜⴰⵣⴻⵡⵡⴰⵖⵜ ⵜⴰⵚⴻⵃⵔⴰⵡⵉⵜ ⵜⴳⴻⵔ-ⴷ ⵜⵉⵖⵔⵉ ⵉ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴽⴽⴻⵏ « ⵓⵔ ⴷ-ⵉⵖⴻⵍⵍⵉ ⴰⵔⴰ ⴷⴻⴳ ⵜⴻⴼⵅⴻⵜ ⵏ ⵜⴽⴻⵔⴽⴰⵙ ⴷ ⵜⵃⵉⵍⴰ ».