ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵏ ⵜⵢⵓⵎⴻⵏ ⵏ 2015 (ⴷⴷⴰⵡ 100 ⴽⴳ): ⴰⴷⵣⴰⵢⵔⵉ ⴱⵧⵓⵢⴰⵛⵧⵓⴱ ⴷⴻⴳ ⵓⵎⴽⴰⵏ ⵡⵉⵙ 5

ⵜⵢⵓⵎⴻⵏ – ⴰⵊⵓⴷⵓⴽⴰ ⴰⴷⵣⴰⵢⵔⵉ ⵍⵢⴻⵙ ⴱⵧⵓⵢⴰⵛⵧⵓⴱ ⵉⵚⴰⵃ-ⵉⵜ-ⵉⴷ ⴰⵙⵙ ⵏ ⵍⵃⴻⴷⴷ ⵓⵎⴽⴰⵏ ⵡⵉⵙ 5 ⴷⴻⴳ ⵜⴰⴳⴳⴰⵢⵜ ⵏ ⴷⴷⴰⵡ 100 ⵏ ⵢⵉⴽⵉⵍⵓⴳⵕⴰⵎⴻⵏ ⴷⴻⴳ ⵜⴻⵍⵖⵓⵖⴰ ⵏ ⵜⵢⵓⵎⴻⵏ-2015 ⴷⴻⴳ ⵔⵓⵙⵢⴰ, ⵢⴻⵍⵍⴰⵏ ⴷ ⴰⵃⵔⵉⵛ ⵙⴻⴳ ⵓⵙⵍⴰⵎ ⴰⵎⴻⵇⵔⴰⵏ ⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵊⵓⴷⵓ (ⵉⵊⴼ).

ⴱⵧⵓⵢⴰⵛⵧⵓⴱ ⵢⴻⵔⴱⴻⵃ, ⴷⴻⴳ ⵜⴰⵣⵡⴰⵔⴰ, ⴷⴻⴳ ⵜⴻⴳⵔⴰⵡⵜ ⴷ ⵎⵉ ⵢⴻⵔⵏⴰ ⵙ « ⵉⵒⵒⵧⵏ » (10 ⵏ ⵜⴻⵏⵇⵉⴹⵉⵏ) ⴰⵊⵓⴷⵓⴽⴰ ⵉⵙⵟⵓⵏⵉ ⴳⵔⵧⴳⵧⵔⵉ ⵎⵉⵏⴰⵙⴽⵉⵏ, ⵙⴰⴽⴽⵉⵏ ⵢⴻⵔⵏⴰ ⴰⵊⴰⵒⵓⵏⵉ ⴽⴰⵉⵀⴰⵏ ⵜⴰⴽⴰⴳⵉ, ⴰⵍⵖⵓⵖ ⵏ ⴰⵙⵢⴰ. ⴷⴻⴳ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ, ⴰⵏⴰⴷⴷⴰⵍ ⴰⴷⵣⴰⵢⵔⵉ ⵢⴻⵔⵏⴰ ⵊⴻⵠⴳⴻⵏⵉⵊⵙ ⴱⵧⵔⵧⴷⴰⵠⴽⵧ ⵙⴻⴳ ⵍⵉⵟⵟⵓⵏⵢⴰ.

ⴷ ⴰⵛⵓ ⴽⴰⵏ, ⵢⴻⵅⵚⴻⵔ ⵉⵎⴻⵏⵖⵉ-ⵏⵏⴻⵙ ⵎⴳⴰⵍ ⵓⴱⵉⵍⴽⵉⴽⵉ ⵜⵧⵎⴰ ⵏⵉⴽⵉⴼⵧⵔⵧⵠ ⵢⴻⵔⵏⴰ ⴷ ⴰⵢⴰ ⵓⵔ ⵜ-ⵢⴻⴵⴵⵉⵏ ⴰⵔⴰ ⴰⴷ ⴷ-ⵢⴻⵔⴱⴻⵃ ⵜⴰⵣⴰⵍⵖⵉ ⵏ ⵓⴱⵕⵓⵏⵣ. ⵎⴰⵛⴰ ⵙ ⵓⵎⴽⴰⵏ-ⵏⵏⴻⵙ ⵡⵉⵙ 5, ⴱⴻⵏⵢⴰⵛⵧⵓⴱ ⵢⴻⵔⴱⴻⵃ-ⴷ 100 ⵏ ⵜⴻⵏⵇⵉⴹⵉⵏ ⴷⴻⴳ ⵓⵙⴻⵜⵜⴻⴼ ⴰⵎⴰⴹⵍⴰⵏ.

ⴰⵙⴻⴳⴳⴰⵙ ⵓⵇⴱⴻⵍ ⵏ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2016 ⵏ ⵔⵉⵧ ⵢⴻⵔⵏⴰ ⵓⵇⴱⴻⵍ ⵜⴻⵍⵖⵓⵖⴰ ⵏ ⵜⵢⵓⵎⴻⵏ, ⴱⵧⵓⵢⴰⵛⵧⵓⴱ ⵢⴻⵍⵍⴰ ⴷ ⴰⴷⵣⴰⵢⵔⵉ ⵓⵎⵢⵉⴼ ⴰⴽⴽ ⴷⴻⴳ ⵓⵙⴻⵜⵜⴻⴼ ⴰⵎⴰⴹⵍⴰⵏ ⵉⵎⵉ ⴰⵢ ⵢⴻⴹⴹⴻⴼ ⴰⵎⴽⴰⵏ ⵡⵉⵙ 15 ⵙ 1101 ⵏ ⵜⴻⵏⵇⵉⴹⵉⵏ. ⵉⴷⵣⴰⵢⵔⵉⵢⴻⵏ ⵏⵉⴹⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵍⵖⵓⵖⴰ-ⴰ ⴼⴼⵖⴻⵏ-ⵜⵜ ⴷⴻⴳ ⵜⵓⵣⵣⵢⴰ ⵜⴰⵎⴻⵣⵡⴰⵔⵓⵜ. ⵎⵧⵀⴰⵎⴻⴷ ⵔⴻⴱⴰⵀⵉ (ⴷⴷⴰⵡ 60 ⵏ ⵢⵉⴽⵉⵍⵓⴳⵕⴰⵎⴻⵏ) ⵢⴻⵅⵚⴻⵔ ⵎⴳⴰⵍ ⵙⵉⵛⵛⴰⵔⵉ ⵢⴰⵏⵏ (ⵙⴻⴳ ⵎⵧⵏⴰⵛⵧ), ⵀⵧⵓⴷ ⵣⵧⵓⵔⴷⴰⵏⵉ (ⴷⴷⴰⵡ 66 ⵏ ⵢⵉⴽⵉⵍⵓⴳⵕⴰⵎⴻⵏ) ⵢⴻⵅⵚⴻⵔ ⵙⴷⴰⵜ ⵢⴻⵙⵙⵉⵎⴱⴻⵜⵧⵠ ⴳⴰⴱⵉⵜ (ⵏ ⴽⴰⵣⴰⵅⴻⵙⵜⴰⵏ), ⵎⴰ ⴷ ⴰⴱⴷⴻⵔⴰⵀⵎⴰⵏⴻ ⴱⴻⵏⴰⵎⴰⴷⵉ (ⴷⴷⴰⵡ 90 ⵏ ⵢⵉⴽⵉⵍⵓⴳⵕⴰⵎⴻⵏ) ⵢⴻⵔⵏⴰ-ⵜ ⵣⴰⵛⴽ ⵒⵉⵧⵏⵜⴻⴽ ⵙⴻⴳ ⵜⴻⴼⵔⵉⵇⵜ ⵏ ⵓⵏⵥⵓⵍ.

ⴷⴻⴳ ⵜⵍⴰⵡⵉⵏ, ⴷ ⵙⵧⵏⵉⴰ ⴰⵙⵙⴻⵍⴰⵀ (ⵓⴳⴰⵔ ⵏ 78 ⵏ ⵢⵉⴽⵉⵍⵓⴳⵕⴰⵎⴻⵏ) ⴰⵢ ⴷ ⵜⴰⴷⵣⴰⵢⵔⵉⵜ ⵜⴰⵡⵃⵉⴷⵜ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵍⵖⵓⵖⴰ-ⴰ ⴷⴻⴼⴼⵉⵔ ⵎⴰ ⵜⴻⵊⴱⴻⴷ ⵉⵎⴰⵏ-ⵏⵏⴻⵙ ⵉⵎⴻⵏⴻ ⴰⴳⵧⵓⴰⵔ (ⴷⴷⴰⵡ 63 ⵏ ⵢⵉⴽⵉⵍⵓⴳⵕⴰⵎⴻⵏ, ⴷ ⴰⵛⵓ ⴽⴰⵏ, ⴰⵙⵙⴻⵍⴰⵀ ⵜⴻⵅⵚⴻⵔ ⴷⴻⴳ ⵜⵉⵙ 8 ⵏ ⵜⵏⴻⴳⴳⴰⵔⵓⵜ ⵙⴷⴰⵜ ⵜⵛⵉⵏⵡⴰⵜ ⵢⵓ ⵙⵧⵏⴳ. ⴷⴻⴳ ⵜⴻⵍⵖⵓⵖⴰ ⵏ ⵜⵢⵓⵎⴻⵏ, ⵉⵊⵓⴷⵓⴽⴰⵜⴻⵏ ⴼⵓⵕⵙⴻⵏ ⴰⴷ ⴷ-ⵔⴻⴱⵃⴻⵏ ⴰⵟⴰⵙ ⵏ ⵜⴻⵏⵇⵉⴹⵉⵏ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2016: ⵡⵉⵏ ⴰⵔⴰ ⵢⴰⵡⵉⵏ ⵜⴰⵣⴰⵍⵖⵉ ⵏ ⵡⵓⵔⴻⵖ ⴰⴷ ⴷ-ⵢⴻⵔⴱⴻⵃ 500 ⵏ ⵜⴻⵏⵇⵉⴹⵉⵏ, ⵎⴰ ⴷ ⵡⵉⵏ ⴰⵔⴰ ⵢⴰⵡⴹⴻⵏ ⵖⴻⵔ ⵜⵏⴻⴳⴳⴰⵔⵓⵜ ⴰⴷ ⴷ-ⵢⴻⵔⴱⴻⵃ 300 ⵏ ⵜⴻⵏⵇⵉⴹⵉⵏ, ⵎⴰ ⴷ ⵡⵉⵏ ⵓⵎⵉ ⴰⵔⴰ ⴷ-ⵉⵚⴰⵃ ⵓⵎⴽⴰⵏ ⵡⵉⵙ 3 ⴰⴷ ⴷ-ⵢⴻⵔⴱⴻⵃ 200 ⵏ ⵜⴻⵏⵇⵉⴹⵉⵏ.

ⴱⴰⴱ ⵏ ⵓⵎⴽⴰⵏ ⵡⵉⵙ 5 ⴰⴷ ⴷ-ⵢⴻⵔⴱⴻⵃ 100 ⵏ ⵜⴻⵏⵇⵉⴹⵉⵏ, ⵎⴰ ⴷ ⵡⵉⵙ 7 ⴰⴷ ⵜ-ⵉⴷ-ⵚⴰⵃⴻⵏⵜ 70 ⵏ ⵜⴻⵏⵇⵉⴹⵉⵏ. ⵓⴳⴰⵔ ⵏ 300 ⵏ ⵢⵉⵏⴰⴷⴷⴰⵍⴻⵏ ⴳⴰⵔ-ⴰⵙⴻⵏ 143 ⵏ ⵜⵍⴰⵡⵉⵏ ⵙⴻⴳ 55 ⵏ ⵜⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵍⵖⵓⵖⴰ ⵏ ⵜⵢⵓⵎⴻⵏ 2015.