ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴱⵓⵔⵓⵏⴷⵉ: ⵜⵜⵡⴰⵡⴻⵅⵅⵔⴻⵏⵜ ⵍⴻⵎⵛⴰⵡⵕⴰⵜ ⴳⴰⵔ ⵓⴷⴰⴱⵓ ⴷ ⵜⴻⵏⵎⴻⴳⵍⴰ

ⴱⵓⵊⵓⵎⴱⵓⵔⴰ – ⵍⴻⵎⵛⴰⵡⵕⴰⵜ ⴳⴰⵔ ⵓⴷⴰⴱⵓ ⵏ ⵜⴻⵏⵎⴻⴳⵍⴰ ⵉ ⵍⵎⴻⵏⴷ ⵏ ⵓⵙⵙⵓⴼⴼⴻⵖ ⵏ ⴱⵓⵔⵓⵏⴷⵉ ⵙⴻⴳ ⵜⴰⵍⵓⴼⵜ ⴰⵢ ⵜⵜ-ⵉⵃⵓⵣⴰⵏ ⵙⴻⴳ ⵜⴳⴰⵔⴰ ⵏ ⵢⴻⴱⵔⵉⵔ ⵜⵜⵡⴰⵡⴻⵅⵅⵔⴻⵏⵜ ⴰⵙⵙ ⵏ ⵍⵃⴻⴷⴷ ⵡⴰⵔ ⵎⴰ ⵏⵏⴰⵏ-ⴷ ⵎⴻⵍⵎⵉ ⴰⵔⴰ ⴽⴻⵎⵎⵍⴻⵏⵜ. ⴷ ⵜⴰⴱⴷⴰⵎⵎⴰⵙⵜ ⵜⵓⴳⴰⵏⴷⵉⵜ ⴰⵢ ⵉⵡⴻⵅⵅⵔⴻⵏ ⵍⴻⵎⵛⴰⵡⵕⴰⵜ-ⴰ ⵉⵎⵉ ⴰⵏⴰⴱⴰⴹ ⵉⵖⴰⴱ ⴷⴻⴳ-ⵙⴻⵏⵜ ⴷⴻⴳ ⵡⴰⴽⵓⴷ ⴷⴻⴳ ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵉⵄⴻⵢⵢⴻⵏ-ⴷ ⴷ ⴰⴽⴽⴻⵏ ⵎⴰ ⵓⵔ ⴱⴻⴷⴷⵍⴻⵏⵜ ⴰⵔⴰ ⵜⵖⴰⵡⵙⵉⵡⵉⵏ, ⵢⴻⵣⵎⴻⵔ ⴰⴷ ⵢⴻⵟⵟⴻⵔⴹⴻⵇ ⵢⵉⵎⴻⵏⵖⵉ ⴷ ⴰⵎⴻⵇⵔⴰⵏ ⴷⴻⴳ ⵜⵎⵓⵔⵜ-ⴰ ⵢⴻⵔⵏⴰ ⵢⴻⵣⵎⴻⵔ ⴰⴷ ⵢⴻⵙⵡⴰⵖ ⴰⴽⴽ ⵜⴰⵎⵏⴰⴹⵜ ⵏ ⵢⵉⴳⴻⵍⵎⵉⵎⴻⵏ ⵉⵎⴻⵇⵔⴰⵏⴻⵏ.

ⴰⵏⴻⵖⵍⴰⴼ ⴰⴱⵓⵔⵓⵏⴷⵉ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⴻⴷⵧⵓⴰⵔⴷ ⵏⴷⵓⵡⵉⵎⴰⵏⴰ ⵢⴻⵏⵏⴰ-ⴷ ⴰⵙⵙ ⵏ ⵍⵃⴻⴷⴷ ⵜⴰⵚⴻⴱⵃⵉⵜ ⴷ ⴰⴽⴽⴻⵏ « ⵢⴻⵃⴱⴻⵙ » ⴰⵎⵛⵉⵡⴻⵕ ⴰⴽⴽⴻⵏ ⴰⴷ ⵉⵥⴻⵔ « ⴰⵎⴻⴽ ⴰⵔⴰ ⵉⴽⴻⵎⵎⴻⵍ ⵛⵛⵖⴻⵍ ».

ⴷⴻⴳ ⵜⵍⴻⵎⵎⴰⵙⵜ ⵏ ⵡⴰⵙⵙ (ⵙ ⵡⴰⴽⵓⴷ ⵏ ⴱⵓⵔⵓⵏⴷⵉ), ⵓⵍⴰ ⴷ ⵢⵉⵡⴻⵏ ⵏ ⵓⴳⴻⵏⵙⴰⵙ ⵏ ⵢⵉⴷⵉⵙ ⵏ ⵓⵙⴻⵍⵡⴰⵢ (ⴰⵏⴰⴱⴰⴹ, ⴰⴽⴰⴱⴰⵔ ⵏ ⵛⵏⴷⴷ-ⴼⴷⴷ ⵢⴻⵍⵍⴰⵏ ⴷⴻⴳ ⵓⴷⴰⴱⵓ ⵏⴻⵖ ⵉⵎⵙⵉⵙⴰⵏ-ⵏⵏⴻⵙ) ⵓⵔ ⵢⴻⵍⵍⵉ ⴷⴻⴳ ⵓⵙⴻⵏⵙⵓ ⵏ ⴱⵓⵊⵓⵎⴱⵓⵔⴰ ⴰⵏⴷⴰ ⴰⵢ ⵍⴰ ⴷ-ⵜⵜⵉⵍⵉⵏⵜ ⵍⴻⵎⵛⴰⵡⵕⴰⵜ, ⵢⴻⵔⵏⴰ ⵙ ⵡⴰⵢⴰ, ⵍⴻⵎⵛⴰⵡⵕⴰⵜ ⵓⵔ ⴽⴻⵎⵎⵍⴻⵏⵜ ⴰⵔⴰ ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.

« ⵢⴻⵙⵙⴻⴼⴽ ⴰⴷ ⵉⵍⵉⵏ ⵙⵉⵏ ⵏ ⵢⵉⴷⵉⵙⴰⵏ ⴰⴽⴽⴻⵏ ⴰⴷ ⴷ-ⵉⵍⵉⵏⵜ ⵍⴻⵎⵛⴰⵡⵕⴰⵜ. ⵎⴰ ⵓⵔ ⵢⴻⵍⵍⵉ ⴰⵔⴰ ⵓⵏⴰⴱⴰⴹ, ⴰⵢⴰ ⵢⴻⴱⵖⴰ ⴰⴷ ⴷ-ⵢⵉⵏⵉ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵏⴻⵃⴱⴻⵙ ⴰⵔⵎⴰ ⵢⴻⵡⵊⴻⴷ-ⴷ ⴰⴽⴽⴻⵏ ⴰⴷ ⵉⴽⴻⵎⵎⴻⵍ ⴰⵎⵛⵉⵡⴻⵕ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵙⴻⴼⵀⴻⵎ ⵓⴱⴷⴰⵎⵎⴰⵙ ⵓⴳⴰⵏⴷⵉ ⵛⵔⵉⵙⵒⵓⵙ ⴽⵉⵢⵧⵏⴳⴰ ⴷⴻⴳ ⵜⵖⴻⵎⵙⴰ.

« ⵏⴻⵕⵊⴰ, ⵏⴻⵖⵔⴰ ⵉ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⵢⴻⵔⵏⴰ ⵓⵔ ⴷ-ⵏⴻⵎⵍⴰⵍ ⵓⵍⴰ ⴷ ⵢⵉⵡⴻⵏ ⵙⴻⴳ ⵢⵉⴳⴻⵏⵙⴰⵙⴻⵏ ⵏ ⵓⵏⴰⴱⴰⴹ, ⴰⵎ ⵡⴰⴽⴽⴻⵏ ⵢⵉⵡⴻⵏ ⵙⴻⴳ ⵡⵉⴷ ⵓⵎⵉ ⵏⴻⵖⵔⴰ ⵓⵔ ⴰⵖ-ⴷ-ⵢⴻⵔⵔⵉ ⴰⵡⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵙⵃⴰⵙⵙⴻⴼ.

ⵜⵓⵇⵇⵍⴰ ⵖⴻⵔ ⵓⵎⵛⵉⵡⴻⵕ... ⵢⴻⵣⵎⴻⵔ ⴰⴷ ⴷ-ⵢⵉⵍⵉ ⵍⵅⵉⵔ==

ⴷ ⴰⵛⵓ ⴽⴰⵏ, « ⵡⴻⵔⵄⴰⴷ ⵓⵔ ⴼⵓⴽⴻⵏⵜ ⴰⵔⴰ ⵍⴻⵎⵛⴰⵡⵕⴰⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⴱⴷⴰⵎⵎⴰⵙ-ⵏⵏⵉ. « ⴰⴽⴽⴻⵏ ⴽⴰⵏ ⴰⵔⴰ ⵏⴻⵡⵊⴻⴷ, ⴰⴷ ⴷ-ⵏⴻⵇⵇⴻⵍ » ⵖⴻⵔ ⵍⴻⵎⵛⴰⵡⵕⴰⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵖⴻⵔ ⵓⵏⴰⴱⴰⴹ ⴰⵢ ⵢⴻⵇⵇⴻⵏ ⵡⴰⵢⴰ. « ⵢⴻⵙⵙⴻⴼⴽ ⴰⴷ ⴰⵙ-ⵏⴻⴼⴽ ⵜⴰⵍⴻⵎⵎⵉⵥⵜ ⵉ ⵓⵏⴰⴱⴰⴹ. ⴰⵀⴰⵜ, ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ ⵡⴰⵙⵙ ⴰⴷ ⴰⵖ-ⴷ-ⵉⵏⵉⵏ ⴷ ⴰⵛⵓ ⴰⵢ ⴷ-ⵢⴻⵍⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

« ⵓⵔ ⵅⵚⵉⵔⴻⵏⵜ ⴰⵔⴰ ⵍⴻⵎⵛⴰⵡⵕⴰⵜ » ⵢⴻⵔⵏⴰ ⵍⵍⴰⵏ-ⴷ « ⵢⵉⴳⵎⴰⴹ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⵏ ⵓⴳⴰⵏⴷⴰ ⴰⵢ ⵉⴽⴻⵎⵎⵍⴻⵏ ⴰⵅⴻⴷⴷⵉⵎ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⴱⵓⵊⵓⵎⴱⵓⵔⴰ ⴷⴻⴳ ⵓⵎⴽⴰⵏ ⵏ ⵓⵙⴻⵍⵡⴰⵢ ⵢⵧⵡⴻⵔⵉ ⵎⵓⵙⴻⵠⴻⵏⵉ ⴰⵢ ⵉⵡⴻⴽⴽⴻⵍ ⵓⵎⵖⵉⵡⴰⵏ ⵏ ⵜⴻⴼⵔⵉⵇⵜ ⵏ ⵓⴳⵎⵓⴹ ⴰⴽⴽⴻⵏ ⴰⴷ ⵢⵉⵍⵉ ⴷ ⴰⴱⴷⴰⵎⵎⴰⵙ ⴳⴰⵔ ⵡⵉⴷ ⵜⴻⵔⵣⴰ ⵜⴻⵎⵙⴰⵍⵜ ⴷⴻⴳ ⵜⴰⵍⵓⴼⵜ ⵏ ⴱⵓⵔⵓⵏⴷⵉ.

« ⵜⴰⵎⴻⵣⵡⴰⵔⵓⵜ, ⴷ ⵜⵉⴽⴽⴻⵍⵜ ⵜⴰⵎⴻⵏⵣⵓⵜ ⴷⴻⴳ ⵜⴰⵏⵎⴻⴳⵍⴰ ⴷ ⵓⵏⴰⴱⴰⴹ ⵇⵇⵉⵎⴻⵏ-ⴷ ⴰⴷ ⵎⵛⵉⵡⵕⴻⵏ », « ⵜⵉⵙ ⵙⵏⴰⵜ, ⵎⵙⴻⴼⵀⴰⵎⴻⵏ ⵖⴻⴼ ⵡⵓⴳⵓⵔⴻⵏ ⴰⵢ ⵜⴻⵏ-ⵉⵛⴻⵖⴱⴻⵏ, ⵜⵉⵙ ⴽⵔⴰⴹⵜ, ⴱⴷⴰⵏ ⵜⵜⴻⵎⵛⴰⵡⴰⵕⴻⵏ », ⵢⴻⵔⵏⴰ « ⵙⵙⴰⵡⴹⴻⵏ ⴰⴷ ⵎⵙⴻⴼⵀⴰⵎⴻⵏ ⵖⴻⴼ ⵜⴻⵎⵙⴰⵍⵜ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) » ⴷ ⵜⵓⵇⵇⵍⴰ ⵏ 150.000 ⵏ ⵢⵉⵣⵔⵓⵣⴰⵖ ⴰⵢ ⵉⵔⴻⵡⵍⴻⵏ ⵖⴻⵔ ⵜⵎⵓⵔⴰ ⵜⵉⵏⴰⵔⴰⴳⵉⵏ (ⵜⵉⵊⵉⵔⴰⵜⵉⵏ) ⴷⴻⴳ ⵜⴰⵍⵍⵉⵜ-ⵏⵏⵉ ⵏ ⵓⵇⴱⴻⵍ ⵜⴻⴼⵔⴰⵏⵉⵏ ⴷⴻⴳ ⵜⴻⵅⵚⴻⵔ ⵜⴻⴳⵏⵉⵜ ⴷⴻⴳ ⴱⵓⵔⵓⵏⴷⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴽⵉⵢⵧⵏⴳⴰ.

ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵄⴻⵢⵢⵏⴻⵏ-ⴷ ⵖⴻⴼ ⵜⴻⵎⵖⴻⵔ ⵏ ⵜⴰⵍⵓⴼⵜ ⴷⴻⴳ ⵜⵎⵓⵢⵔⵜ-ⴰ==

ⵙⴻⴳ ⵎⴻⵍⵎⵉ ⴽⴰⵏ, ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵢⵉⵎⴰⵣⵣⴰⵢⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⴳⴻⵔ-ⴷ ⵜⵉⵖⵔⵉ ⵉ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⴽⴽⴻⵏ ⴰⴷ ⵢⴻⴷⴷⴻⵎ ⵉⵃⴻⵣⵣⵉⴱⴻⵏ ⵡⴰⵔ ⵍⴻⵄⴹⵉⵍ ⴰⴽⴽⴻⵏ ⵓⵔ ⵢⴻⵜⵜⴰⴵⴵⴰ ⴰⵔⴰ ⴱⵓⵔⵓⵏⴷⵉ ⴰⴷ ⵜⴻⵣⴷⴻⵔ ⴷⴻⴳ ⵢⵉⵎⴻⵏⵖⵉ ⴷ ⴰⵇⴻⵙⵃⴰⵏ ⴷⴻⴼⴼⵉⵔ ⵜⴻⴼⵔⴰⵏⵉⵏ ⵏ ⵜⵙⴻⵍⵡⵉⵜ.

« ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵓⵔ ⵢⴻⵙⵙⴻⴼⴽ ⴰⵔⴰ ⴰⴷ ⵢⴻⵇⵇⵉⵎ ⴽⴰⵏ ⴷⴰ, ⵢⴻⵜⵜⵕⴰⵊⵓ ⴽⴰⵏ ⵎⴻⵍⵎⵉ ⴰⵔⴰ ⴷ-ⴹⵔⵓⵏⵜ ⵜⵎⴻⵏⵖⵉⵡⵉⵏ ⵜⵉⵎⴻⵇⵔⴰⵏⵉⵏ ⵢⴻⵔⵏⴰ ⴰⴷ ⵢⵉⵎⵖⵓⵔ ⵢⵉⵎⴻⵏⵖⵉ ⴰⵔⵎⴰ ⵉⵃⵓⵣⴰ ⴰⴽⴽ ⵜⴰⵎⵏⴰⴹⵜ », ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵢⴻⴳ ⴽⵔⴰ ⵉⵎⵉⵔ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴰⵣⵣⴰⵢⴻⵏ-ⴰ ⴰⵢ ⴷ-ⵢⴻⵙⵎⴻⴽⵜⵉⵏ ⴷ ⴰⴽⴽⴻⵏ ⵜⴰⴽⵔⵉⴹⵜ ⴷⴻⴳ ⴱⵓⵔⵓⵏⴷⵉ ⴷ ⵜⵎⵓⵔⴰ ⵏ ⵢⵉⴳⴻⵍⵎⵉⵎⴻⵏ ⵉⵎⴻⵇⵔⴰⵏⴻⵏ ⵜⴻⵣⴳⴰ ⵜⴻⵜⵜⴻⵇⵇⴰⵍ-ⴷ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ.

ⴱⵓⵔⵓⵏⴷⵉ ⵢⴻⵍⵍⴰ-ⴷ ⴷⴻⴳ-ⵙ, ⵙⴻⴳ ⵎⴻⵍⵎⵉ ⴽⴰⵏ, ⵓⵔⴽⴰⴹ ⴷ ⴰⵎⴻⵇⵔⴰⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵖⴻⴼ ⵡⴰⴽⴽⴻⵏ ⴷ-ⵏⵏⴰⵏ. Ɣⴻⴼ ⵍⴻⵃⵙⴰⴱ-ⵏⵙⴻⵏ, « ⴰⵢⴰ ⵢⴻⵣⵎⴻⵔ ⴰⴷ ⵢⴻⵙⵙⵉⵡⴻⴹ ⵖⴻⵔ ⵢⵉⵎⴻⵏⵖⵉ ⴷ ⴰⵎⴻⵇⵔⴰⵏ ⵙ ⵓⵎⵃⴰⵇ ⴷ ⵓⵙⵙⵉⴳⴻⴷ ⵏ ⵎⴻⴷⴷⴻⵏ, ⴰⵙⵙⴻⵇⴷⴻⵛ ⵏ ⵜⴻⵎⵙⵓⵍⵜⴰ, ⴰⵎⴷⴰⵍ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵉⵍⴻⵍⵍⵉⵢⴻⵏ ⴷ ⵜⵓⴹⴹⴼⴰ ⵏ ⵢⵉⵎⴹⴻⴱⴱⵔⴻⵏ ⵏ ⵜⴻⵏⵎⴻⴳⵍⴰ ⴷ ⵜⵎⴻⵜⵜⵉ ⵜⴰⵖⴰⵔⵉⵎⵜ ».

« ⵍⴰ ⵏⴻⵜⵜⵡⴰⵍⵉ ⴷⴰⵖ ⴷ ⴰⴽⴽⴻⵏ ⵓⵍⴰ ⴷ ⴰⴷⴰⴱⵓ ⵏ ⵜⴻⵖⴷⴻⵎⵜ ⵍⴰ ⵢⴻⵜⵜⵡⴰⵃⵕⴰⵙ ⵢⴻⵔⵏⴰ ⴽⵔⴰ ⵙⴻⴳ ⵢⵉⵎⴹⴻⴱⴱⵔⴻⵏ ⵉⵄⵍⴰⵢⴰⵏⴻⵏ ⵏ ⵜⴻⵖⴷⴻⵎⵜ ⵔⴻⵡⵍⴻⵏ ⵙⴻⴳ ⵜⵎⵓⵔⵜ ⵉⵎⵉ ⴰⵢ ⴷ-ⵏⵏⴰⵏ ⴷ ⴰⴽⴽⴻⵏ ⵓⴳⴰⴷⴻⵏ ⵖⴻⴼ ⵜⵎⴻⴷⴷⵓⵔⵜ-ⵏⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵔⵏⴰⵏ ⵢⵉⵎⴰⵣⵣⴰⵢⴻⵏ-ⴰ.

« ⵜⴰⴼⵔⴰⵏⵜ-ⴰ ⴰⵢ ⵙⵙⴻⴼⵔⴰⵏ ⴰⴷ ⵜⵜ-ⴳⴻⵏ ⴰⵙⵙ ⵏ 25 ⵢⵓⵍⵢⵓ ⵜⴻⵜⵜⵡⴰⵡⴻⵅⵅⴻⵔ ⵙ 6 ⵏ ⵡⵓⵙⵙⴰⵏ ⵎⴰⵛⴰ ⴰⵢⴰ ⵓⵔ ⵢⴻⵜⵜⴱⴻⴷⴷⵉⵍ ⴰⵛⴻⵎⵎⴰ ⴷⴻⴳ ⵜⴻⴳⵏⵉⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ.

ⵉⵎⴰⵣⵣⴰⵢⴻⵏ-ⴰ ⵏⵏⴰⵏ-ⴷ ⴷ ⴰⴽⴽⴻⵏ ⵜⴰⴼⵔⴰⵏⵜ-ⴰ ⵜⴻⵣⵎⴻⵔ ⴰⴷ ⴷ-ⵜⴻⴳⵍⵓ ⵙ ⵛⵛⵡⴰⵍ ⴷ ⴰⵎⴻⵇⵔⴰⵏ ⴷ ⵢⵉⵎⴻⵏⵖⵉ ⴷⴻⴳ ⴱⵓⵔⵓⵏⴷⵉ, ⵢⴻⵔⵏⴰ ⵉⵎⴻⵏⵖⵉ-ⴰ ⵢⴻⵣⵎⴻⵔ ⴰⴷ ⵢⴻⵣⵔⴻⵄ ⴷⴻⴳ ⵜⵎⵓⵔⴰ ⵏⵉⴹⴻⵏ ⵏ ⵜⴻⵎⵏⴰⴹⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵙⵎⴻⴽⵜⵉⵏ ⴷ ⴰⴽⴽⴻⵏ « ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵢⴻⵙⵄⴰ ⴷⴷⵓⵕ ⴷ ⴰⵡⵃⵉⴷ ⴷⴻⴳ ⵜⴻⵎⵙⴰⵍⵜ ⵏ ⵜⴰⵍⵡⵉⵜ ⴷ ⵜⵖⴻⵍⵍⵉⵙⵜ ⴷ ⵓⵃⴻⵣⵣⴻⴱ ⵉ ⵢⵉⵎⴻⵏⵖⵉⵢⴻⵏ ⴷⴻⴳ ⵓⵎⴰⴹⴰⵍ ».

« ⵜⴰ ⴷ ⵜⴰⵍⵓⴼⵜ ⵓⵎⵉ ⵏⴻⵣⵎⴻⵔ ⴰⴷ ⵏⴻⵔⵡⴻⵍ ⵢⴻⵔⵏⴰ ⴰⵎⴰⴹⴰⵍ ⵢⴻⵥⵔⴰ ⴷ ⴰⵛⵓ-ⵜⴻⵏ ⵢⵉⵎⵉⵀⵉⵜⴻⵏ-ⵏⵏⴻⵙ. ⴰⵢⴻⵏ ⴰⵢ ⵉⵅⵓⵚⵚⴻⵏ ⵏⴻⵜⵜⴰ ⴷ ⵜⵉⴳⴰⵡⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ.

ⴽⵓⵥ (4) ⵏ ⵢⵉⵎⴰⵣⵡⴰⵔⴻⵏ ⴷⴻⴳ ⵜⴻⴼⵔⴰⵏⵉⵏ ⵏ 21 ⵢⵓⵍⵢⵓ==

ⴷ ⵜⵉⵎⵎⴰⵣⵡⴻⵔⵜ ⵏ ⵓⵙⴻⵍⵡⴰⵢ ⵒⵉⴻⵔⵔⴻ ⵏⴽⵓⵔⵓⵏⵣⵉⵣⴰ ⴰⵢ ⵢⴻⴱⵖⴰⵏ ⴰⴷ ⵢⴻⵃⴽⴻⵎ ⵉ ⵜⵉⴽⴽⴻⵍⵜ ⵜⵉⵙ 3 ⴰⵢ ⴷ-ⵢⴻⵙⵏⴻⴽⵔⴻⵏ ⵛⵛⵡⴰⵍ ⴷⴻⴳ ⵜⵎⵓⵔⵜ ⴷⴻⴳ ⵜⴳⴰⵔⴰ ⵏ ⵢⴻⴱⵔⵉⵔ, ⵢⴻⵔⵏⴰ ⵜⴻⴳⵍⴰ-ⴷ ⵙ ⵜⴰⵍⵓⴼⵜ ⴷ ⵜⴰⵎⴻⵇⵔⴰⵏⵜ ⴷⴻⴳ ⴷ-ⵢⴻⵍⵍⴰ ⵢⵉⵎⴻⵏⵖⵉ ⵢⴻⵔⵏⴰ ⵜⴻⴳⵍⴰ ⵙ 80 ⵏ ⵜⵎⴻⴷⴷⵓⵔⵉⵏ. ⵉⵅⵚⵉⵎⴻⵏ ⵏ ⵎⴰⵙⵙ ⵏⴽⵓⵔⵓⵏⵣⵉⵣⴰ ⵏⵏⴰⵏ-ⴷ ⴷ ⴰⴽⴽⴻⵏ ⵜⴰⵎⴻⵏⴹⴰⵡⵜ ⵓⵔ ⴰⵙ-ⵜⴻⴼⴽⵉ ⴰⵔⴰ ⴰⵣⵔⴻⴼ ⴰⴽⴽⴻⵏ ⴰⴷ ⴷ-ⵢⴻⵙⵙⴻⵔⵙ ⵉⵎⴰⵏ-ⵏⵏⴻⵙ ⵖⴻⵔ ⵜⴻⴼⵔⴰⵏⵉⵏ-ⴰ ⴰⵔⴰ ⴷ-ⵢⵉⵍⵉⵏ ⴰⵙⵙ ⵏ ⵜⵜⵍⴰⵜⴰ.

ⵎⴻⵏⵖⵉⵔ ⴰⵙⴻⵍⵡⴰⵢ ⵏⴽⵓⵔⵓⵏⵣⵉⵣⴰ, ⴰⵎⴰⵣⵡⴰⵔ ⵏ ⵓⴽⴰⴱⴰⵔ ⵏ ⵛⵏⴷⴷ-ⴼⴷⴷ, 3 ⵏ ⵢⵉⵎⴰⵣⵡⴰⵔⴻⵏ ⵏⵉⴹⴻⵏ ⴰⵢ ⴷ-ⵢⴻⵙⵙⴻⵔⵙⴻⵏ ⵉⵎⴰⵏ-ⵏⵙⴻⵏ, ⵡⵉ ⴷ ⴳⴻⵔⴰⵔⴷ ⵏⴷⵓⵡⴰⵢⵧ, ⴰⵎⴰⵣⵡⴰⵔ ⵏ ⵓⴽⴰⴱⴰⵔ ⵏ ⵓⵒⵔⵧⵏⴰ, ⵊⴰⵛⵇⵓⴻⵙ ⴱⵉⴳⵉⵔⵉⵎⴰⵏⴰ, ⴰⵎⴰⵣⵡⴰⵔ ⵏ ⵓⴽⴰⴱⴰⵔ ⵏ ⴼⵏⵍ ⴷ ⵊⴻⴰⵏ ⴷⴻ ⴷⵉⴻⵓ ⵎⵓⵜⴰⴱⴰⵣⵉ, ⴰⵎⴰⵣⵡⴰⵔ ⵏ ⵜⴻⵎⵙⵉⵙⵉⵜ ⵏ ⵢⵉⴽⴰⴱⴰⵔⴻⵏ ⵏ ⵜⴻⵏⵎⴻⴳⵍⴰ ⵜⴰⵜⵜⴻⴽⴽⴰⵏⵜ ⵛⵧⵒⴰ.

(ⵙⵖⵓⵔ ⵔⴰⵎⴷⴰⵏⴻ ⵜⴰⵎⴰⵏⵉ)