ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ ⵢⴻⵙⵙⵓⵍⵉ ⵜⵉⵔⵣⴰ-ⵉⵏⴻⵙ ⵓⵅⴻⴷⴷⵉⵎ ⴷⵉ ⵎⴰⴷⵔⵉⴷ
ⵎⴰⴷⵔⵉⴷ- ⴰⵏⴻⵖⵍⴰⴼ ⴰⵎⴻⵏⵣ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵙⵙⵓⵍⵉ ⴰⵙⵙ ⵏ ⵜⵜⵍⴰⵜⴰ ⵜⵉⵔⵣⴰ-ⵉⵏⴻⵙ ⵓⵅⴻⴷⴷⵉⵎ ⴷ-ⵢⴻⵍⵍⴰⵏ ⴷⵉ ⵜⵎⴰⵏⴰⵖⵜ ⵜⴰⵚⴱⴻⵏⵢⵓⵍⵉⵜ, ⵎⴰⴷⵔⵉⴷ, ⴰⵏⴷⴰ ⵢⴻⵙⵙⴻⵍⵡⵉ ⴷ ⵡⴻⵎⵜⵉⵍ-ⵉⵙ ⴰⵙⴻⵍⵡⴰⵢ ⵓⵏⴰⴱⴰⴹ ⴰⵙⴱⴻⵏⵢⵓⵍⵉ, ⵎⴰⵔⵉⴰⵏⵧ ⵔⴰⵊⵧⵢ ⵜⵉⵎⵍⵉⵍⵉⵜ ⵜⵉⵙ ⵙⴻⴷⴷⵉⵙ ⵢⴻⵎⵎⴻⵣⴷⵉⵏ ⵏ ⵡⴻⵙⵡⵉⵔ ⵄⵍⴰⵢⴻⵏ.
ⵜⵉⵎⵍⵉⵍⵉⵜ-ⴰⴳⵉ ⵜⴻⴽⴼⴰ ⵙ ⵓⵙⴻⵏⵢⵉ ⵏ ⵙⴻⴷⴷⵉⵙ ⵏ ⵢⴻⵎⵜⴰⵡⵉⵢⴻⵏ, ⴰⵏⴷⴰ ⵍⵍⴰⵏ ⴽⵓⵥ ⵏ ⵢⴻⵎⵙⴻⴼⵀⴰⵎⴰⵢⴻⵏ ⵢⴻⵔⵣⴰⵏ ⴰⵃⵔⵉⵛ ⵏ ⵜⴻⵣⵎⴻⵔⵜ, ⵏ ⵜⵜⴰⵡⵉⵍⴰⵜ ⴰⴽⴽ ⴷ ⵓⵎⴻⵙⵏⵉ, ⴰⵏⴰⴷⵉ ⵓⵙⵙⵏⴰⵏ ⴰⴽⴽ ⴷ ⵢⴻⵍⵎⴻⵥⵢⴻⵏ.
ⴰⵎ ⵡⴰⴽⴽⴻⵏ ⵍⵍⴰⵏ ⴷⴰⵖⴻⵏ ⴽⵕⴰⴹ ⵏ ⵡⴰⵀⵉⵍⴻⵏ ⵢⴻⵔⵣⴰⵏ ⵜⴰⴼⴻⵍⵍⴰⵃⵜ, ⴷ ⵓⵏⴻⴳⵎⵓ ⵏ ⵢⵉⴷⵓⵔⴰⵔ ⴰⴽⴽ ⴷ ⵡⵓⵍⵍⵉ, ⴷ ⵡⴻⵃⵔⵉⵛ ⵓⵙⴻⴳⵎⵉ, ⵢⵉⵡⴻⵏ ⵓⵎⵙⴻⴼⵀⴻⵎ ⵉⵡⴰⵜⴰⵏ ⵢⴻⵔⵣⴰⵏ ⴰⵊⵎⴰⵄ ⵏ ⵜⴻⵕⵛⵉⴱⵉⵏ ⴰⵎ ⵡⴰⴽⴽⴻⵏ ⵢⴻⵍⵍⴰ ⵓⵥⵎⵥ ⵏ ⵡⴻⵎⵛⴰⵔⴻⴽ ⴷⵉ ⵜⵎⴻⵙⴱⴰⵏⵉⵢⵉⵏ ⵜⵉⵏⴰⴷⴷⴰⵍⵉⵏ ⴷⵉ ⵜⴰⵍⵍⵉⵜ 2015-2016 ⴰⴽⴽ ⴷ ⵜⵎⴻⵔⵏⵉⵡⵜ ⵉ ⵡⴰⵀⵉⵍ ⵏ ⵜⴼⴻⵍⵍⴰⵃⵜ.
ⴷⴻⴳ ⵢⵉⵡⴻⵏ ⵏ ⵡⴰⵡⴰⵍ ⴷ-ⵢⴻⵏⵏⴰ ⵍⴰⵡⴰⵏ ⵏ ⵡⴻⵕⵥⴰⵎ ⵏ ⵜⴻⵎⵍⵉⵍⵉⵜ, ⵎⴰⵙ ⵙⴻⵍⵍⴰⵍ ⵢⴻⵙⵙⴰⵃⵕⴻⵚ ⵖⴻⴼ ⵓⵙⴱⴻⴷⴷⵉ ⵏ ⵡⴻⵎⵄⴰⵡⴻⵏ ⴰⵙⵜⵕⴰⵜⵉⵊⵉ ⵢⴻⵇⵇⵡⴰⵏ ⴳⴻⵔ ⵍⴻⵣⵣⴰⵢⴻⵔ ⴷ ⵚⴱⴻⵏⵢⵓⵍ ⴷⵉ ⵍⴼⴰⵢⴷⴰ ⵏ ⵢⵉⵖⴻⵔⴼⴰⵏ-ⵏⵙⴻⵏ, ⵓ ⵢⴻⵏⵏⴰ ⴱⴻⵍⵍⵉ ⴽⵓⵍⵛⵉ ⵉⵡⴰⵜⴰ ⴰⴽⴽⴻⵏ ⵍⴻⵣⵣⴰⵢⴻⵔ ⴷ ⵚⴱⴻⵏⵢⵓⵍ ⴰⴷ ⵙⵄⵓⵏ ⴰⵙⵙⴰⵖ « ⵉⴵⴰⵀⴷⴻⵏ » ⴰⵔⴰ « ⵙⴼⴰⵢⴷⵉⵏⵜ ⵉ ⵙⵏⴰⵜ ».
"ⴰⵙⵙⴰ-ⴳⵉ, ⵏⴻⵣⵎⴻⵔ ⴰⴷ ⴷ-ⵏⵉⵏⵉ ⴱⴻⵍⵍⵉ ⴽⵓⵍⵛⵉ ⵉⵡⴰⵜⴰ ⴰⴽⴽⴻⵏ ⵜⵉⵎⵓⵔⴰ-ⵏⵏⴻⵖ ⵉ ⵙⵏⴰⵜ ⴰⴷ ⵙⵄⵓⵏⵜ ⴰⵙⵙⴰⵖ ⵢⴻⵇⵇⵡⴰⵏ, ⴰⵔⴰ ⵏⴻⵙⴼⴰⵢⴷⵉ ⵎⴻⵕⵕⴰ ⵍⴰⴷⵖⴰ ⵉⵎⵉ ⵏⴻⵍⵍⴰ ⴷ ⵉⴳⴻⵔⴰⴽⴰⵍⵉⵢⴻⵏ, ⵜⵉⵇⵇⵓⵕⴱⴰⵍⴰ, ⵢⴻⵣⴷⵉ-ⵢⴰⵖ ⵍⵎⴻⴽⵜⵓⴱ,",ⵉⴷ-ⵉⵡⴻⴽⴽⴻⴷ.
ⵢⴻⵔⵏⴰ ⵢⴻⵏⵏⴰ ⴱⴻⵍⵍⵉ ⵍⴻⵣⵣⴰⵢⴻⵔ ⴷ ⵚⴱⴻⵏⵢⵓⵍ ⴰⵜⴻⵏⴰⵏ ⵜⵛⴻⵔⴽ-ⵉⵜⴻⵏ ⵜⴷⴰⵎⵙⴰ ⵉⵎⵉ ⴳⴻⵔ ⵙⵏⴰⵜ ⵏ ⵜⵎⵓⵔⴰ ⵢⴻⵍⵍⴰ "ⴰⴳⴻⵔⵔⵓⵊ ⵎⵓⵇⵇⵕⴻⵏ ⴰⵔⴰ ⵏⴻⵙⵙⴰⵅⴷⴻⵎ ⵊⵎⵉⵄ".
ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵢⴻⵍⵍⴰ ⵢⴻⵎⵎⵓⴳⴻⵔ-ⵉⵜ ⵓⴳⴻⵍⵍⵉⴷ ⵏ ⵚⴱⴻⵏⵢⵓⵍ, ⴼⴻⵍⵉⵒⴻ ⵠⵉ ⴷⵉ ⵍⴱⴻⵕⵊ ⵏ ⵣⴰⵔⵣⵓⴻⵍⴰ, ⵜⴰⵎⴻⵣⴷⵓⵖⵜ ⵓⴳⴻⵍⵍⵉⴷ ⴰⵎ ⵡⴰⴽⴽⴻⵏ ⵢⴻⵎⵇⴰⴱⴰⵍ ⵓⴷⴻⵎ ⴰⵔ ⵓⴷⴻⵎ ⴰⴽⴽ ⴷ ⵡⴻⵎⵜⵉⵍ-ⵉⵙ ⴰⵚⴱⴻⵏⵢⵓⵍⵉ.
