ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⴱⵓⵔⵓⵏⴷⵉⵢⴻⵏ ⴼⴻⵔⵏⴻⵏ ⴰⵙⴻⵍⵡⴰⵢ-ⵏⵙⴻⵏ ⴷⴻⴳ ⵜⴻⴼⵔⴰⵏⵜ ⴰⵢⵖⴻⴼ ⴷ-ⵢⴻⵍⵍⴰ ⵛⵛⵡⴰⵍ ⵢⴻⵔⵏⴰ ⵖⵓⵏⵣⴰⵏ-ⵜⵜ ⵢⵉⴽⴰⴱⴰⵔⴻⵏ ⵏⵉⴹⴻⵏ

ⴱⵓⵊⵓⵎⴱⵓⵔⴰ – ⵉⴱⵓⵔⵓⵏⴷⵉⵢⴻⵏ ⴷⴷⴰⵏ ⴰⵙⵙ ⵏ ⵜⵜⵍⴰⵜⴰ ⵖⴻⵔ ⵜⵏⴰⵔⵉⵢⵉⵏ (ⵍⴱⵉⵔⵓⵡⴰⵜ) ⵏ ⵜⴻⴼⵔⴰⵏⵜ ⴰⴽⴽⴻⵏ ⴰⴷ ⴼⴻⵔⵏⴻⵏ ⴰⵙⴻⵍⵡⴰⵢ-ⵏⵙⴻⵏ ⴷⴻⴳ ⵜⴻⴼⵔⴰⵏⵉⵏ ⴰⵢⵖⴻⴼ ⵢⴻⵏⴽⴻⵔ ⵛⵛⵡⴰⵍ ⵢⴻⵔⵏⴰ ⵖⵓⵏⵣⴰⵏ-ⵜⴻⵏⵜ ⵢⵉⴽⴰⴱⴰⵔⴻⵏ ⵏ ⵜⴻⵏⵎⴻⴳⵍⴰ, ⴷⴻⴳ ⵡⴰⴽⵓⴷ ⴷⴻⴳ ⵙⵉⵏ ⵏ ⵎⴻⴷⴷⴻⵏ ⴰⵢ ⵢⴻⵎⵎⵓⵜⴻⵏ ⴷⴻⴳ ⴱⵓⵊⵓⵎⴱⵓⵔⴰ ⴰⵏⴷⴰ ⴰⵢ ⵟⵟⴻⵔⴹⵇⴻⵏⵜ ⵍⴱⵓⵎⴱⴰⵜ ⵢⴻⵔⵏⴰ ⵙⵍⴰⵏ ⵎⴻⴷⴷⴻⵏ ⵉ ⵔⵔⵚⴰⵚ ⴷⴻⴳ ⵢⵉⴹ.

ⵜⵉⵏⴰⵔⵉⵢⵉⵏ ⵏ ⵜⴻⴼⵔⴰⵏⵜ ⵔⴻⵥⵎⴻⵏⵜ ⵙ ⵓⴱⵔⵉⴷ ⵓⵏⵚⵉⴱ ⵖⴻⴼ 4ⵙ00 ⵏ ⵜⵚⴻⴱⵃⵉⵜ (ⵙ ⵡⴰⴽⵓⴷ ⴰⵎⴰⴹⵍⴰⵏ ⵏ ⴳⵎⵜ) ⵢⴻⵔⵏⴰ ⴰⵣⴰⵍ ⵏ 3,8 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴱⵓⵔⵓⵏⴷⵉⵢⴻⵏ ⵓⵎⵉ ⴷ-ⴳⵔⴻⵏ ⵜⵉⵖⵔⵉ ⵉ ⵜⴻⴼⵔⴰⵏⵉⵏ-ⴰ, ⵓⵍⴰ ⵎⴰ ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⴼⵔⴰⵏⵉⵏ-ⴰ « ⵓⵔ ⵢⴻⵍⵍⵉ ⴷⴻⴳ-ⵙⴻⵏⵜ ⵍⴰⵎⴰⵏ »

ⴰⵙⴻⵍⵡⴰⵢ ⴰⵏⴰⴼⴼⴰⵖ ⵒⵉⴻⵔⵔⴻ ⵏⴽⵓⵔⵓⵏⵣⵉⵣⴰ ⵢⴻⵙⵙⴻⵔⵙ-ⴷ ⵉⵎⴰⵏ-ⵏⵏⴻⵙ ⵉ ⵜⵙⴻⵍⵡⵉⵜ ⵜⵉⵙ ⴽⵔⴰⴹⵜ ⵢⴻⵔⵏⴰ ⵢⵓⵙⴰ-ⴷ ⵖⴻⴼ 10ⵙ00 (8ⵙ00 ⵏ ⵜⵚⴻⴱⵃⵉⵜ ⴳⵎⵜ) ⵖⴻⵔ ⴱⵓⵢⴻ, ⵜⴰⴷⴷⴰⵔⵜ ⴷⴻⴳ ⴰⵢ ⴷ-ⵉⵍⵓⵍ, ⴰⴽⴽⴻⵏ ⴰⴷ ⵢⴻⴷⵖⴻⵔ (ⴰⴷ ⵢⴻⴱⴱⵓⵟⵉ), ⵢⴻⵔⵏⴰ ⵖⴻⴼ ⵍⴻⵃⵙⴰⴱ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⵏ ⴱⵓⵔⵓⵏⴷⵉ, 60% ⵙⴻⴳ ⵢⵉⵎⴻⵣⴷⴰⵖⴻⵏ ⵏ ⵜⴰⴷⴷⴰⵔⵜ-ⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⴼⵔⴰⵏⵉⵏ. ⴷ ⴰⵛⵓ ⴽⴰⵏ, ⴷⴻⴳ ⵜⵎⴰⵏⴻⵖⵜ ⵏ ⵜⵎⵓⵔⵜ, ⵓⵍⴰ ⴷⴻⴳ ⵜⵍⴻⵎⵎⴰⵙⵜ ⵏ ⵡⴰⵙⵙ ⵡⴻⵔⵄⴰⴷ ⵓⵔ ⴷ-ⴼⴼⵉⵖⴻⵏ ⴰⵔⴰ ⴰⵟⴰⵙ ⵏ ⵎⴻⴷⴷⴻⵏ ⴰⴽⴽⴻⵏ ⴰⴷ ⴷⴻⵖⵔⴻⵏ ⵍⴰⴷⵖⴰ ⴷⴻⴳ ⵢⵉⴳⵎⴰⵎⴻⵏ ⴰⵏⴷⴰ ⴰⵢ ⵢⴻⵏⴽⴻⵔ ⵛⵛⵡⴰⵍ.

ⵜⴰⴼⵔⴰⵏⵜ-ⴰ ⵜⵖⵓⵏⵣⴰ-ⵜⵜ ⵜⴻⵏⵎⴻⴳⵍⴰ ⴰⵢ ⵢⵓⴳⵉⵏ ⴰⴷ ⵜⴻⵙⵜⴻⵄⵕⴻⴼ ⵙ ⵓⵣⵔⴻⴼ ⵏ ⵏⴽⵓⵔⵓⵏⵣⵉⵣⴰ (ⴰⵢ ⵢⴻⵜⵜⵡⴰⴼⴻⵔⵏⴻⵏ ⵢⴰⴳⵉ ⴷⴻⴳ 2005 ⴷ 2010) ⴰⴽⴽⴻⵏ ⴰⴷ ⴷ-ⵢⴻⵙⵙⴻⵔⵙ ⵉⵎⴰⵏ-ⵏⵏⴻⵙ ⵖⴻⵔ ⵜⴻⴼⵔⴰⵏⵉⵏ-ⴰ ⵏ « ⵜⴽⴻⵍⵍⴰⵅ » ⵢⴻⵔⵏⴰ ⵜⴻⵙⵙⵓⵜⴻⵔ ⴰⴷ ⵜⵜⵡⴰⵡⴻⵅⵅⵔⴻⵏⵜ.

ⴷⴻⴳ ⵜⴻⴼⵔⴰⵏⵉⵏ ⵏ ⵓⵎⵏⵉ ⴷ ⵜⵖⵉⵡⴰⵏⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ 29 ⵢⵓⵏⵢⵓ, ⴷ ⴰⴽⴰⴱⴰⵔ ⵏ ⵛⵏⴷⴷ-ⴼⴷⴷ ⴰⵢ ⵉⵔⴻⴱⵃⴻⵏ ⵢⴻⵔⵏⴰ ⴰⵢⴰ ⵓⵔ ⵢⴻⵙⵙⴻⵡⵀⴻⵎ ⵢⵉⵡⴻⵏ, ⵢⴻⵔⵏⴰ ⵓⵍⴰ ⴷ ⵜⵉⴼⵔⴰⵏⵉⵏ-ⴰ ⵜⵖⵓⵏⵣⴰ-ⵜⴻⵏⵜ ⵜⴻⵏⵎⴻⴳⵍⴰ. ⵜⵉⴽⴽⴻⵍⵜ-ⴰ ⴷⴰⵖ, ⵓⵍⴰⵛ ⵛⵛⴻⴽ ⴷ ⴰⴽⴽⴻⵏ ⴷ ⴰⵙⴻⵍⵡⴰⵢ ⵏⴽⵓⵔⵓⵏⵣⵉⵣⴰ ⴰⵔⴰ ⵉⵔⴻⴱⵃⴻⵏ, ⵖⴻⴼ ⵍⴻⵃⵙⴰⴱ ⵏ ⵢⵉⵎⴰⵏⴰⵢⴻⵏ.

ⵜⴰⴼⵔⴰⵏⵜ-ⴰ ⵙⵙⴻⵔⵙⴻⵏ-ⴷ ⴷⴻⴳ-ⵙ ⵉⵎⴰⵏ-ⵏⵙⴻⵏ 4 ⵏ ⵢⵉⵎⴰⵣⵡⴰⵔⴻⵏ ⵏⵉⴹⴻⵏ ⵙⴻⴳ ⵢⵉⴽⴰⴱⴰⵔⴻⵏ ⴰⵢ ⵢⴻⵜⵜⵡⴰⵙⵙⵏⴻⵏ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵓⴷⴰⴱⵓ, ⴳⴰⵔ-ⴰⵙⴻⵏ ⴰⵅⵚⵉⵎ-ⵏⵏⴻⵙ ⴰⴳⴻⵊⴷⴰⵏ ⴰⴳⴰⵜⵀⵧⵏ ⵔⵡⴰⵙⴰ. ⴰⵏⴻⴳⴳⴰⵔⵓ-ⴰ, ⵓⵍⴰ ⵎⴰ ⵓⵔ ⵢⴻⵊⴱⵉⴷ ⴰⵔⴰ ⵉⵎⴰⵏ-ⵏⵏⴻⵙ ⵙⴻⴳ ⵜⴻⴼⵔⴰⵏⵉⵏ, ⵢⴻⵙⵄⴰ ⵛⵛⴻⴽ ⴷⴻⴳ ⵜⴻⵣⴷⴻⴳ ⵏ ⵜⴻⴼⵔⴰⵏⵉⵏ-ⴰ ⵢⴻⵔⵏⴰ ⵓⵔ ⵉⴳⵉ ⴰⵔⴰ ⵜⴰⵃⴻⵎⵍⴰ ⵏ ⵜⴻⴼⵔⴰⵏⵉⵏ.

ⴽⵔⴰⴹ-ⵏⵏⵉ (3) ⵏ ⵢⵉⵎⴰⵣⵡⴰⵔⴻⵏ ⵏⵉⴹⴻⵏ ⴰⵢ ⴷ-ⵢⴻⵎⵎⴻⵕⴽⴰⵏ ⵖⴻⵔ ⵜⴻⴼⵔⴰⵏⵉⵏ – ⵊⴻⴰⵏ ⵎⵉⵏⴰⵏⵉ, ⴰⵙⴻⵍⵡⴰⵢ ⵏ ⵓⴽⴰⴱⴰⵔ ⵏ ⴼⵔⵧⴷⴻⴱⵓ-ⵏⴰⵏⵢⵓⴽⵉ (ⵜⴰⵏⵎⴻⴳⵍⴰ) ⴷ ⵙⵉⵏ ⵏ ⵢⵉⵙⴻⵍⵡⴰⵢⴻⵏ ⵉⵇⴱⵓⵔⴻⵏ ⵏ ⵜⵎⵓⵔⵜ ⴷⵧⵎⵉⵜⵉⴻⵏ ⵏⴷⴰⵢⵉⵣⴻⵢⴻ ⴷ ⵙⵢⵍⵠⴻⵙⵜⵔⴻ ⵏⵜⵉⴱⴰⵏⵜⵓⵏⴳⴰⵏⵢⴰ, ⵊⴻⴱⴷⴻⵏ ⵉⵎⴰⵏ-ⵏⵙⴻⵏ ⵙⴻⴳ ⵜⴻⴼⵔⴰⵏⵉⵏ-ⴰ ⵓⵎⵉ ⵙⴻⵎⵎⴰⵏ ⴷ « ⴰⵙⵎⴻⵙⵅⴻⵔ » ⵢⴻⵔⵏⴰ ⵏⵏⴰⵏ-ⴷ « ⵓⵔ ⵜⵇⵓⴷⴻⵔ ⴰⵔⴰ ⵉⵍⵓⴳⴰⵏ (…) ⵉⴳⵔⴰⵖⵍⴰⵏⴻⵏ ».

ⵍⴱⵓⵎⴱⴰⵜ ⴷ ⵔⵔⵚⴰⵚ ⴷⴻⴳ ⴱⵓⵊⵓⵎⴱⵓⵔⴰ==

ⵜⴰⴼⵔⴰⵏⵜ ⵏ ⵜⵙⴻⵍⵡⵉⵜ ⴷⴻⴳ ⴱⵓⵔⵓⵏⴷⵉ ⵜⴻⵍⵍⴰ-ⴷ ⴷⴻⴳ ⵜⴰⵍⵍⵉⵜ ⵏ ⵛⵛⵡⴰⵍ ⵢⴻⵔⵏⴰ ⵙⵉⵏ ⵏ ⵎⴻⴷⴷⴻⵏ ⴰⵢ ⵢⴻⵎⵎⵓⵜⴻⵏ ⴷⴻⴳ ⵢⵉⴹ ⴷⴻⴳ ⴱⵓⵊⵓⵎⴱⵓⵔⴰ ⴰⵏⴷⴰ ⴰⵢ ⵟⵟⴻⵔⴹⵇⴻⵏⵜ ⵍⴱⵓⵎⴱⴰⵜ ⵢⴻⵔⵏⴰ ⵙⵍⴰⵏ ⵎⴻⴷⴷⴻⵏ ⵉ ⵔⵔⵚⴰⵚ ⴰⴽⴽⴻⵏ ⵓⵇⴱⴻⵍ ⵎⴰ ⴱⴷⴰⵏⵜ ⵜⴻⴼⵔⴰⵏⵉⵏ.

ⵢⴻⵜⵜⵡⴻⵏⵖ ⵢⵉⵡⴻⵏ ⵏ ⵓⵎⵙⴰⵍⵜⵓ ⴷⴻⴳ ⵢⵉⴹ ⵎⵉ ⵜⴻⵟⵟⴻⵔⴹⴻⵇ ⵢⵉⵡⴻⵜ ⵏ ⵜⵕⴻⵎⵎⴰⵏⵜ ⴷⴻⴳ ⵓⴳⵎⴰⵎ ⵏ ⵎⵓⵜⴰⴽⵓⵔⴰ (ⴷⴻⴳ ⵓⴳⴰⴼⴰ ⵏ ⴱⵓⵊⵓⵎⴱⵓⵔⴰ) ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵢⵉⵎⴹⴻⴱⴱⴻⵔ ⵏ ⵜⴻⵎⵙⵓⵍⵜⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵜⵜⵡⴻⵏⵖ ⵢⵉⵡⴻⵏ ⵏ ⵓⵖⴰⵔⵉⵎ ⵙ ⵔⵔⵚⴰⵚ ⴷⴻⴳ ⵏⵢⴰⴽⴰⴱⵉⴳⴰ (ⴰⴳⵎⵓⴹ [ⵛⵛⴻⵔⵇ]) ⴷⴻⴳ ⵜⴻⴳⵏⵉⵜ ⵓⵔ ⵉⴱⴰⵏⴻⵏ ⴰⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵏⴰⴳⴰⵏ. ⵙⵍⴰⵏ ⵎⴻⴷⴷⴻⵏ ⴰⵙⵙ ⵏ ⵜⵜⵍⴰⵜⴰ ⵜⴰⵚⴻⴱⵃⵉⵜ ⴷⴰⵖ ⵉ ⵢⵉⵡⴻⵏ ⵏ ⵓⵟⵟⴻⵔⴹⴻⵇ ⴷ ⵜⵢⵉⵜⴰ ⵏ ⵔⵔⵚⴰⵚ ⵛⵡⵉⵟ ⴽⴰⵏ ⵓⵇⴱⴻⵍ ⵎⴰ ⵔⴻⵥⵎⴻⵏ ⵜⵉⵏⴰⵔⵉⵢⵉⵏ ⵏ ⵜⴻⴼⵔⴰⵏⵉⵏ ⴷⴻⴳ ⵓⴳⵎⴰⵎ ⵏ ⵎⵓⵙⴰⴳⴰ (ⴷⴻⴳ ⵓⵏⵥⵓⵍ ⵏ ⴱⵓⵊⵓⵎⴱⵓⵔⴰ) ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.

ⵢⵓⵖ ⵍⵃⴰⵍ, ⵇⵇⵉⵎⴻⵏ ⵎⴻⴷⴷⴻⵏ ⵙⴻⵍⵍⴻⵏ ⵙ ⵜⴻⵖⵣⴻⴼ ⵏ ⵢⵉⴹ ⵉ ⵢⵉⵟⵟⴻⵔⴹⵉⵇⴻⵏ ⴷ ⵜⵢⵉⵜⴰ ⵏ ⵔⵔⵚⴰⵚ ⴷⴻⴳ ⵜⵎⴰⵏⴻⵖⵜ.

ⵡⵉⵍⵍⵢ ⵏⵢⴰⵎⵉⵜⵡⴻ, ⴰⵏⴻⵚⵚⴰⵃ ⴰⴳⴻⵊⴷⴰⵏ ⵏ ⵜⴻⵖⵡⴰⵍⵜ ⵏ ⵓⵙⴻⵍⵡⴰⵢ ⵏⴽⵓⵔⵓⵏⵣⵉⵣⴰ ⵉⵡⴻⵜ-ⴷ ⴷⴻⴳ ⵡⴰⵢⴻⵏ ⵓⵎⵉ ⵉⵙⴻⵎⵎⴰ « ⵉⴳⵉⵜⴻⵏ ⵉⵔⴻⴱⵔⴰⴱⴻⵏ » ⴰⵢ ⴷ-ⵢⴻⵍⵍⴰⵏ ⵉ « ⵓⵙⵙⵉⴳⴻⴷ ⵏ ⵉⴼⴻⵔⵔⴰⵏⴻⵏ ».

ⵜⵉⵎⵎⴰⵣⵡⴻⵔⵜ ⵏ ⵎⴰⵙⵙ ⵏⴽⵓⵔⵓⵏⵣⵉⵣⴰ ⵜⴻⵙⵙⴻⵏⴽⴻⵔ-ⴷ ⵛⵛⵡⴰⵍ ⴷⴻⴳ ⴱⵓⵔⵓⵏⴷⵉ ⵙⴻⴳ ⵜⴳⴰⵔⴰ ⵏ ⵢⴻⴱⵔⵉⵔ ⵢⴻⵔⵏⴰ ⵜⴻⵍⵍⴰ-ⴷ ⴷⴻⴳ ⵜⵎⵓⵔⵜ-ⴰ ⵜⴻⴽⵔⵉⴹⵜ ⴰⵢ ⵢⴻⴳⵍⴰⵏ ⵙ ⵜⵎⴻⴷⴷⵓⵔⵜ ⵏ 80 ⵏ ⵢⵉⵎⴷⴰⵏⴻⵏ.

ⵉⴷⵓⴱⴰ ⵏ ⴱⵓⵔⵓⵏⴷⵉ ⵙⵙⴰⵡⴹⴻⵏ ⴰⴷ ⵃⴻⴱⵙⴻⵏ ⵢⵉⵡⴻⵜ ⵏ ⵜⵓⵜⵜⵢⴰ ⵜⴰⵙⴻⵔⴷⴰⵙⵉⵜ ⴷⴻⴳ ⵜⵍⴻⵎⵎⴰⵙⵜ ⵏ ⵎⴰⵢⵓ ⵢⴻⵣⵔⵉⵏ ⴰⵎ ⵡⴰⴽⴽⴻⵏ ⴰⵢ ⵎⴻⵃⵇⴻⵏ, ⴷⴻⴳ ⵜⵍⴻⵎⵎⴰⵙⵜ ⵏ ⵢⵓⵏⵢⵓ, ⵜⵉⵎⴻⵙⴱⴰⵏⵉⵢⵉⵏ-ⵏⵏⵉ ⴰⵢ ⵢⴻⵍⵍⴰⵏ ⵜⵜⵉⵍⵉⵏⵜ-ⴷ ⵇⵔⵉⴱ ⵢⴰⵍ ⴰⵙⵙ ⴷⴻⴳ ⴱⵓⵊⵓⵎⴱⵓⵔⴰ. ⴷ ⴰⵛⵓ ⴽⴰⵏ, ⴷⴻⴳ 10 ⵏ ⵡⵓⵙⵙⴰⵏ ⵉⵏⴻⴳⴳⵓⵔⴰ, ⵍⵍⴰⵏ-ⴷ ⴰⵟⴰⵙ ⵏ ⵢⵉⵏⵟⴰⴳⴻⵏ ⵙ ⵜⵕⴻⵎⵎⴰⵏⵉⵏ ⴷⴻⴳ ⵜⵎⵓⵔⵜ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵍⵍⴰ ⵢⵉⵎⴻⵏⵖⵉ ⵉⵎⵙⴻⵍⵍⴻⵃ ⴳⴰⵔ ⵢⵉⴳⴻⵏ ⴷ ⵢⵉⵖⴻⵡⵡⴰⵖⴻⵏ ⴷⴻⴳ ⵓⴳⴰⴼⴰ ⵏ ⵜⵎⵓⵔⵜ, ⵙⴷⴰⵜ ⵜⵍⵉⵙⴰ ⴷ ⵕⵡⴰⵏⴷⴰ. ⵜⵉⵖⵔⵉ ⵉ ⵓⵀⴻⴷⴷⴻⵏ ⴷ ⵓⵎⵛⵉⵡⴻⵕ==

ⴰⵎⵖⵉⵡⴰⵏ ⴰⴳⵔⴰⵖⵍⴰⵏ –ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵉⵛⵔⵉⴽⴻⵏ ⵓⵜⵔⵉⵎⴻⵏ [ⵉⵖⴻⵔⴱⵉⵢⴻⵏ] ⴷ ⵜⴷⵓⴽⵍⵉ ⵜⴰⴼⵔⵉⵇⵉⵜ- ⵜⵜⵡⴰⵍⵉⵏ ⴷ ⴰⴽⴽⴻⵏ ⵜⴰⴳⵏⵉⵜ ⵜⴰⵙⴻⵔⵜⵉⵜ ⴷ ⵜⵖⴻⵍⵍⵉⵙⴰⵏⵜ ⴷⴻⴳ ⵜⴻⵍⵍⴰ ⴱⵓⵔⵓⵏⴷⵉ ⵉⵎⵉⵔ-ⴰ ⵓⵔ ⵜⵡⴰⵜⴰ ⴰⵔⴰ ⴰⴽⴽⴻⵏ ⴰⴷ ⴷ-ⵉⵍⵉⵏⵜ ⴷⴻⴳ-ⵙ ⵜⴻⴼⵔⴰⵏⵉⵏ ⴷⴻⴳ ⵢⴻⵍⵍⴰ ⵍⴰⵎⴰⵏ.

ⴽⵔⴰ ⴽⴰⵏ ⵏ ⵜⵙⴰⵄⵜⵉⵏ ⵓⵇⴱⴻⵍ ⵎⴰ ⴱⴷⴰⵏⵜ ⵜⴻⴼⵔⴰⵏⵉⵏ, ⴰⵎⴰⵔⵓ ⴰⵎⴰⵔⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴱⴰⵏ ⴽⵉ-ⵎⵧⵧⵏ, ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⴷⵓⴱⴰ ⵏ ⴱⵓⵔⵓⵏⴷⵉ ⴰⴽⴽⴻⵏ « ⴰⴷ ⴳⴻⵏ ⴽⵓⵍⵍⴻⵛ ⵉ ⵍⵎⴻⵏⴷ ⵏ ⵓⴹⵎⴰⵏ ⵏ ⵍⴰⵎⴰⵏ ⴷ ⵓⵙⵙⵓⴷⴷⴻⵙ ⵏ ⵜⴻⴼⵔⴰⵏⵉⵏ ⵜⵉⵙⴻⵍⵡⴰⵢⴰⵏⵉⵏ ⴷⴻⴳ ⵜⴰⵍⵡⵉⵜ ».

ⵉⴳⴻⵔ-ⴷ ⵜⵉⵖⵔⵉ « ⵉ ⵡⴰⴽⴽ ⵉⴷⵉⵙⴰⵏ ⴰⴽⴽⴻⵏ ⴰⴷ ⵃⴻⴱⵙⴻⵏ ⴰⴽⴽ ⵜⴰⴽⵔⵉⴹⵜ ⴰⵢ ⵉⵣⴻⵎⵔⴻⵏ ⴰⴷ ⵜⴻⵙⵡⴰⵖ ⴰⵔⴽⴰⴷ ⵏ ⵜⵎⵓⵔⵜ ⵏ ⴱⵓⵔⵓⵏⴷⵉ ⴷ ⵜⴻⵎⵏⴰⴹⵜ ».

ⵎⴰⵙⵙ ⴱⴰⵏ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵄⴻⵍⵍⴻⵇ ⵏ ⵓⵎⵛⵉⵡⴻⵕ ⴳⴰⵔ ⵢⵉⴱⵓⵔⵓⵏⴷⵉⵢⴻⵏ « ⵢⴻⵍⵍⴰ-ⴷ ⴷⴻⴳ ⵜⴻⴳⵏⵉⵜ ⴷⴻⴳ ⵡⴻⵔⵄⴰⴷ ⵓⵔ ⴷ-ⵢⴻⵍⵍⵉ ⵓⵎⵜⴰⵡⴰ ⵖⴻⴼ ⵡⴰⵟⴰⵙ ⵏ ⵜⴻⵎⵙⴰⵍ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵍⴻⴱⵏⵉ ⵏ ⵜⴻⴳⵏⵉⵜ ⴰⵔⴰ ⵢⴻⴵⴵⴻⵏ ⵜⵉⴼⵔⴰⵏⵉⵏ ⴰⴷ ⴷ-ⵉⵍⵉⵏⵜ ⴷⴻⴳ ⵜⴰⵍⵡⵉⵜ ⵢⴻⵔⵏⴰ ⴰⴷ ⴷ-ⵢⵉⵍⵉ ⴷⴻⴳ-ⵙⴻⵏⵜ ⵍⴰⵎⴰⵏ ».

ⵎⴰⵙⵙ ⴱⴰⵏ ⵉⴼⵓⵕⴻⵙ ⵜⴰⴳⵏⵉⵜ ⴰⴽⴽⴻⵏ ⴰⴷ ⵉⵄⴰⵡⴻⴷ ⴰⴷ ⵉⴳⴻⵔ ⵜⵉⵖⵔⵉ ⵉ ⵡⵓⵖⴰⵍ « ⵖⴻⵔ ⵓⵎⵛⵉⵡⴻⵕ ⵙ ⵡⵓⵍ ⵢⴻⵚⴼⴰⵏ ⴳⴰⵔ ⴰⴽⴽ ⵉⴷⵉⵙⴰⵏ ».

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵏ ⴱⵉⵍⵊⵉⴽ ⵢⴻⵍⵍⴰⵏ ⴷ ⴰⵛⵔⵉⴽ ⵙ ⵡⴰⵣⴰⵍ-ⵏⵏⴻⵙ ⵏ ⴱⵓⵔⵓⵏⴷⵉ (ⴰⵢ ⵢⴻⵍⵍⴰⵏ ⴷ ⵜⴰⵀⵔⴻⵙⵜ-ⵏⵏⴻⵙ ⵜⴰⵇⴱⵓⵔⵜ) « ⵢⴻⵙⵃⴰⵙⵙⴻⴼ » ⵖⴻⴼ ⵓⵙⵙⵓⴷⴷⴻⵙ ⵏ ⵜⴻⴼⵔⴰⵏⵉⵏ-ⴰ ⵢⴻⵔⵏⴰ ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⵜⴰⵎⵓⵔⵜ-ⵏⵏⴻⵙ « ⴰⴷ ⵜⵄⴰⵡⴻⴷ ⵜⴰⵎⵓⵖⵍⵉ ⴷⴻⴳ ⵓⵎⵄⴰⵡⴻⵏ ⴷ ⴱⵓⵔⵓⵏⴷⵉ ».

(ⵙⵖⵓⵔ ⴰⵍⵉ ⴽⴻⴼⵙⵉ)