ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⴼⵓⴽ ⵓⵎⵛⵉⵡⴻⵕ ⴳⴰⵔ ⵍⴻⵧⵏ ⴷ ⵓⵙⵡⵉⵔ ⴰⵎⴰⵜⵓ ⴰⵖⴻⵍⵏⴰⵡ ⵏ ⵍⵉⴱⵢⴰ ⴷⴻⴳ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⵜⵉⵖⵉⵎⵉⵜ ⵏ ⵓⵎⵛⵉⵡⴻⵕ ⴰⵢ ⴷ-ⵢⴻⵍⵍⴰⵏ ⴳⴰⵔ ⵓⴳⴻⵏⵙⴰⵙ ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ, ⴱⴻⵔⵏⴰⵔⴷⵉⵏⵧ ⵍⴻⵧⵏ, ⴷ ⵢⵉⵡⴻⵜ ⵏ ⵜⵎⴰⴳⵍⴰ ⵏ ⵓⵙⵡⵉⵔ ⴰⵎⴰⵜⵓ ⴰⵖⴻⵍⵏⴰⵡ ⵏ ⵍⵉⴱⵢⴰ ⵜⴼⵓⴽ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⵍⴻⵣⵣⴰⵢⴻⵔ ⵢⴻⵔⵏⴰ ⵢⴻⵍⵍⴰ-ⴷ ⴷⴻⴳ-ⵙ ⵓⵎⵙⴻⴼⵀⴰⵎ ⴷ ⴰⴽⴽⴻⵏ ⴰⵎⵛⵉⵡⴻⵕ ⴳⴰⵔ ⵢⵉⵍⵉⴱⵉⵢⴻⵏ ⴰⴷ ⵉⴽⴻⵎⵎⴻⵍ ⵙⴻⴳ-ⴰ ⵖⴻⵔ ⵙⴷⴰⵜ.

« ⴰⵎⵛⵉⵡⴻⵕ (ⴳⴰⵔ ⵢⵉⵍⵉⴱⵉⵢⴻⵏ) ⵍⴰ ⵢⴻⵜⵜⴽⴻⵎⵎⵉⵍ, ⵢⴻⵔⵏⴰ ⴰⴷ ⵏⵏⴰⴷⵉ ⴰⵎⴻⴽ ⴰⵔⴰ ⵏⴻⴼⵔⵓ ⴰⵢⴻⵏ ⴰⵢⵖⴻⴼ ⴷ-ⵢⴻⵍⵍⴰ ⵓⵎⴳⴻⵔⵔⴰⴷ » ⴳⴰⵔ ⵢⵉⴷⵉⵙⴰⵏ ⵉⵍⵉⴱⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴻⵧⵏ ⴷⴻⴳ ⵜⴳⴰⵔⴰ ⵏ ⵓⵎⵛⵉⵡⴻⵕ-ⴰ ⴰⵢ ⴷ-ⵢⴻⴱⴷⴰⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⴰⵎⵛⵉⵡⴻⵕ-ⴰ ⵢⴻⵍⵍⴰ-ⴷ, ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵓⵍⵖⵓ ⴰⵢ ⴷ-ⵜⴻⵙⵙⵓⴼⴼⴻⵖ ⴰⵙⵙ ⵏ ⵍⴻⵅⵎⵉⵙ ⵜⵓⵖⴷⴰⴹⵜ ⵏ ⵜⴻⴷⵀⴻⵍⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵍⵉⴱⵢⴰ (ⵎⴰⵏⵓⵍ) ⵖⴻⴼ « ⵡⴰⵎⴻⴽ ⴰⵔⴰ ⵢⴻⵜⵜⵡⴰⵙⵙⴻⴵⵀⴻⴷ ⵢⴻⵔⵏⴰ ⴰⴷ ⵢⴻⴷⴷⵓ ⵓⵎⵛⵉⵡⴻⵕ (ⴳⴰⵔ ⵢⵉⵍⵉⴱⵉⵢⴻⵏ) ».

ⴰⵎⵢⴰⴳⴻⵔ-ⴰ ⵢⴻⴱⴷⴰ-ⴷ ⴰⵙⵙ ⵏ ⵍⴻⵅⵎⵉⵙ ⵜⴰⵎⴻⴷⴷⵉⵜ, ⵢⴻⵔⵏⴰ ⵢⴻⵍⵍⴰ-ⴷ ⵙ ⵓⵃⴷⴰⵕ ⵏ ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵜⴻⵎⵖⵓⵏⵜ ⵏ ⵢⵉⵡⴰⵏⴰⴽⴻⵏ ⴰⵄⵕⴰⴱⴻⵏ, ⴷ ⵓⵏⴻⵖⵍⴰⴼ ⴰⵟⴰⵍⵢⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵒⴰⵧⵍⵧ ⴳⴻⵏⵜⵉⵍⵧⵏⵉ.

ⵢⴻⵣⵎⴻⵔ ⵍⵃⴰⵍ ⴰⴷ ⴽⴻⵎⵎⵍⴻⵏⵜ ⵍⴻⵎⵛⴰⵡⵕⴰⵜ ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ==

ⵉⵖⴻⴼ ⵏ ⵜⵓⵖⴷⴰⴹⵜ ⵏ ⵜⴻⴷⵀⴻⵍⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ ⵜⴻⵏⵏⴰ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ ⴰⵎⵛⵉⵡⴻⵕ ⴳⴰⵔ ⵢⵉⵍⵉⴱⵉⵢⴻⵏ ⴰⴷ ⵉⴽⴻⵎⵎⴻⵍ ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ (ⴷⴷⵓⵕⵜ-ⴰ), ⵡⴰⵔ ⵎⴰ ⵜⴻⵏⵏⴰ-ⴷ ⴰⵏⵡⴰ ⴰⵎⴽⴰⵏ ⵏⴻⵖ ⴰⵙⵙ ⴷⴻⴳ ⴰⵔⴰ ⴷ-ⵢⵉⵍⵉ ⵡⴰⵢⴰ. « ⵢⴻⵣⵎⴻⵔ ⵍⵃⴰⵍ ⴰⴷ ⵉⴽⴻⵎⵎⴻⵍ ⵓⵎⵛⵉⵡⴻⵕ ⴳⴰⵔ ⵢⵉⵍⵉⴱⵉⵢⴻⵏ ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ » ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵜⴰⴱⴷⴰⵎⵎⴰⵙⵜ-ⵏⵏⴻⵙ « ⵜⴻⴱⵖⴰ ⴰⴽⴽ ⵉⴷⵉⵙⴰⵏ ⴰⴷ ⵜⵜⴻⴽⴽⵉⵏ ⴷⴻⴳ ⵓⵎⵜⴰⵡⴰ ⵢⴻⵔⵏⴰ ⵓⵔ ⵢⴻⵜⵜⵉⵍⵉ ⵓⵍⴰ ⴷ ⵢⵉⵡⴻⵏ ⵏ ⵢⵉⴷⵉⵙ ⴰⵔⴰ ⵢⴻⵇⵇⵍⴻⵏ ⴷⴻⴳ ⵔⵔⵉⴼ ».

ⵎⴰⵙⵙ ⵍⴻⵧⵏ ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ ⴰⵎⵛⵉⵡⴻⵕ ⴰⵢ ⴷ-ⵢⴻⵍⵍⴰⵏ ⴳⴰⵔ-ⴰⵙ ⴷ ⵓⵙⵡⵉⵔ ⴰⵎⴰⵜⵓ ⴰⵖⴻⵍⵏⴰⵡ ⵏ ⵍⵉⴱⵢⴰ ⵢⴻⵍⵍⴰ « ⵢⴻⵙⵄⴰ ⴰⵣⴰⵍ ⴷ ⴰⵎⴻⵇⵔⴰⵏ ».

« ⵉⵙⵡⵉ ⵏ ⵓⵎⵛⵉⵡⴻⵕ-ⴰ ⵏⴻⵜⵜⴰ ⴷ ⴰⵙⵙⴻⵇⵏⴻⵄ ⵏ ⵡⵉⴷ ⵓⵔ ⵉⵡⵓⴼⵇⴻⵏ ⴰⵔⴰ ⴰⴽⴰⵍⴰ ⵏ ⴼⴻⵔⵔⵓ ⵏ ⵜⴰⵍⵓⴼⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ « ⵢⴻⵡⵡⵉ-ⴷ ⴰⵡⴰⵍ ⵖⴻⴼ ⵡⴰⵟⴰⵙ ⵏ ⵜⴻⵎⵙⴰⵍ ⵜⵉⵙⴻⵔⵜⵉⵢⵉⵏ ⴷ ⵜⵖⴻⵍⵍⵉⵙⴰⵏⵉⵏ ⴷ ⵢⵉⴳⴻⵏⵙⴰⵙⴻⵏ ⵏ ⵓⵙⵡⵉⵔ ⴰⵎⴰⵜⵓ ⴰⵖⴻⵍⵏⴰⵡ ».

ⵎⴰⵙⵙ ⵍⴻⵧⵏ ⵢⴻⵙⵏⴻⵎⵎⴻⵔ ⵍⴻⵣⵣⴰⵢⴻⵔ ⵉⵎⵉ ⴷⴻⴳ-ⵙ ⴰⵢ ⴷ-ⵢⴻⵍⵍⴰ ⵓⵎⵢⴰⴳⴻⵔ-ⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵏⴻⵎⵎⴻⵔ ⴰⵏⴻⵖⵍⴰⴼ ⴰⵟⴰⵍⵢⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵉⵎⵉ ⴰⵢ ⵢⴻⵜⵜⴻⴽⴽⴰ ⴷⴻⴳ ⵓⵎⵢⴰⴳⴻⵔ-ⴰ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ « ⵍⴻⵣⵣⴰⵢⴻⵔ ⴷ ⵟⵟⴰⵍⵢⴰⵏ ⴷ ⵙⵏⴰⵜ ⵏ ⵜⵎⵓⵔⴰ ⵜⵉⵏⴰⵔⴰⴳⵉⵏ (ⵜⵉⵊⵉⵔⴰⵜⵉⵏ) ⵏ ⵍⵉⴱⵢⴰ ⵢⴻⵔⵏⴰ ⵙⵄⴰⵏⵜ ⴷⴷⵓⵕ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵓⵏⴰⴷⵉ ⵏ ⵜⵉⴼⵔⴰⵜ ⵜⴰⵙⴻⵔⵜⵉⵜ ⵉ ⵜⴰⵍⵓⴼⵜ ⵏ ⵍⵉⴱⵢⴰ ».

ⵎⴰⵙⵙ ⵍⴻⵧⵏ ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⵜⴰⴳⵏⵉⵜ ⴷⴻⴳ ⵍⵉⴱⵢⴰ ⵙⵉⵎⴰⵍ ⵍⴰ ⵜⴻⵙⵙⴰⴳⴰⴷ, ⵍⴰⴷⵖⴰ ⵉⵎⵉ ⵜⵉⴳⵔⴰⵡⵉⵏ ⵜⵉⵔⴻⴱⵔⴰⴱⵉⵏ, ⴳⴰⵔ-ⴰⵙⴻⵏⵜ ⵜⵓⴷⴷⵙⴰ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⴰⵏ » (ⴷⴰⵄⴻⵛ), ⵙⵉⵎⴰⵍ ⵍⴰ ⵜⵜⴰⵥⴻⵏⵜ ⵖⴻⵔ ⵙⴷⴰⵜ. ⵎⴰⵣⴰⵍ ⵢⴻⴳⴳⵓⵏⵉ ⵛⵛⵖⴻⵍ==

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ ⵢⴻⵏⵏⴰ-ⴷ, ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵖⴻⵎⵙⴰ, ⴷ ⴰⴽⴽⴻⵏ « ⵎⴰⵣⴰⵍ ⵢⴻⴳⴳⵓⵏⵉ ⵛⵛⵖⴻⵍ » ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵛⵉⵡⴻⵕ ⴳⴰⵔ ⵢⵉⵍⵉⴱⵏⵉⵢⴻⵏ ⴰⴽⴽⴻⵏ ⵓⵔ ⵜⴱⴻⵍⵍⴻⵄ ⴰⵔⴰ ⵍⵉⴱⵢⴰ ⴷⴻⴳ ⵜⵏⵉⴼⵉⴼⵜ ⵏ ⵡⵓⴳⵓⵔⴻⵏ.

« ⴰⵀⴻⵢⵢⵉ ⵏ ⵓⵙⴻⵏⴼⴰⵔ ⵡⵉⵙ 4 ⵏ ⵓⵎⵜⴰⵡⴰ ⵢⴻⵍⵍⴰ-ⴷ ⴷ ⴰⵙⵓⵔⵉⴼ ⵢⴻⵍⵀⴰⵏ, ⵎⴰⵛⴰ ⵎⴰⵣⴰⵍ ⵉⵙⵓⵔⵉⴼⴻⵏ ⵏⵉⴹⴻⵏ ⵖⴻⵔ ⵙⴷⴰⵜ » ⴰⴽⴽⴻⵏ ⴰⴷ ⵉⴼⴰⴽ ⵓⵎⵛⵉⵡⴻⵕ-ⴰ ⴷⴻⴳ ⴰⵔⴰ ⵜⵜⴻⴽⴽⵉⵏ ⴰⴽⴽ ⵢⵉⵍⵉⴱⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⴷ-ⵢⴻⵇⵇⴻⵍ ⵓⵔⴽⴰⴷ ⵖⴻⵔ ⵜⵎⵓⵔⵜ-ⴰ ⵜⴰⵏⴰⵔⴰⴳⵜ ».

ⵎⴰⵙⵙ ⵎⴻⵙⵙⴰⵀⴻⵍ ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⵉⴱⵢⴰ ⵜⴻⵣⵎⴻⵔ ⴰⴷ ⵜⴻⴱⵍⴻⵄ ⴷⴻⴳ « ⵜⵏⵉⵏⵉⴼⵜ ⵏ ⵡⴰⵢⴻⵏ ⵓⵔ ⵢⴻⵜⵜⵡⴰⵙⵙⵏⴻⵏ, ⵍⴰⴷⵖⴰ ⵉⵎⵉ ⴰⵢ ⵢⴻⵍⵍⴰ ⵔⵔⴻⴱⵔⴰⴱ » ⴰⵢ ⵍⴰ ⵢⴻⵜⵜⵏⴻⵔⵏⵉⵏ ⵜⴰⴳⴰⵔⴰ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵢⵉⵍⵉⴱⵉⵢⴻⵏ ⴰⴽⴽⴻⵏ ⴰⴷ ⴳⴻⵏ ⵍⵎⴻⴵⵀⵓⴷ ⴷ ⴰⵎⴻⵇⵔⴰⵏ ⵓⴳⴰⵔ ⵉ ⴼⴻⵔⵔⵓ ⵜⴰⵍⵓⴼⵜ ⴰⵢ ⵉⵃⵓⵣⴰⵏ ⵜⴰⵎⵓⵔⵜ-ⵏⵙⴻⵏ, ⵢⴻⵔⵏⴰ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ « ⵍⵎⴻⴵⵀⵓⴷ ⴰⵎⴻⵇⵔⴰⵏ ⴰⴽⴽ ⴷ ⵉⵍⵉⴱⵉⵢⴻⵏ ⵙ ⵜⵉⵎⵎⴰⴷ-ⵏⵙⴻⵏ ⴰⵔⴰ ⵜ-ⵉⴳⴻⵏ ».

ⵎⴻⵙⵙⴰⵀⴻⵍ ⵉⵄⴰⵡⴻⴷ ⴷⴰⵖ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⴻⵜⵜⴻⴳ ⵍⴰⵎⴰⵏ ⴷⴻⴳ ⵢⵉⴷⵉⵙⴰⵏ ⵉⵎⵉⴱⵉⵢⴻⵏ ⴷ ⵜⴻⴱⴷⴰⵎⵎⴰⵙⵜ ⵜⴰⴳⵔⴰⵖⵍⴰⵏⵜ ⵉ ⵍⵎⴻⵏⴷ ⵏ ⴼⴻⵔⵔⵓ ⵏ ⵜⴰⵍⵓⴼⵜ-ⴰ ⵙ ⵓⴱⵔⵉⴷ ⵏ ⵜⴰⵍⵡⵉⵜ.

ⴰⴽⴻⵎⵎⴻⵍ ⵏ ⵓⵎⵛⵉⵡⴻⵕ « ⴷ ⵏⴻⵜⵜⴰ ⴰⵢ ⴷ ⵍⵎⵓⴼⵉⴷ »==

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⴻⵖⵍⴰⴼ ⴰⵟⴰⵍⵢⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵒⴰⵧⵍⵧ ⴳⴻⵏⵜⵉⵍⵧⵏⵉ ⵢⴻⵏⵏⴰ-ⴷ, ⴷⴻⴳ ⵜⴻⵎⵍⵉⵍⵉⵜ-ⵏⵏⵉ ⴷ ⵜⵖⴻⵎⵙⴰ, ⴷ ⴰⴽⴽⴻⵏ ⴰⵎⵛⵉⵡⴻⵕ ⴳⴰⵔ ⵢⵉⵍⵉⴱⵉⵢⴻⵏ « ⴷ ⵏⴻⵜⵜⴰ ⴰⵢ ⴷ ⵍⵎⵓⴼⵉⴷ » ⴷⴻⴳ ⵡⴰⵢⴻⵏ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵓⵎⵛⵉⵡⴻⵕ ⴰⵢ ⴷ-ⵢⴻⵍⵍⴰⵏ ⴳⴰⵔ ⵎⴰⵙⵙ ⵍⴻⵧⵏ ⴷ ⵜⵎⴰⴳⵍⴰ ⵏ ⵓⵙⵡⵉⵔ ⴰⵎⴰⵜⵓ ⴰⵖⴻⵍⵏⴰⵡ.

« ⵜⵜⵡⴰⵍⵉⵖ ⴷ ⴰⴽⴽⴻⵏ ⴰⵎⵛⵉⵡⴻⵕ-ⴰ ⵢⴻⵙⵄⴰ ⵍⴼⴰⵢⴷⴰ ⴷ ⵜⴰⵎⴻⵇⵔⴰⵏⵜ (…). ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵓⵣⵏⴻⵏ-ⴷ ⵜⴰⴱⵕⴰⵜ ⵙ ⵡⴰⵣⴰⵍ-ⵏⵏⴻⵙ ⴷⴻⴳ ⵜⴻⵎⵙⴰⵍⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴳⴻⵏⵜⵉⵍⵧⵏⵉ ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⴰⴽⴻⵎⵎⴻⵍ ⵏ ⵓⵎⵛⵉⵡⴻⵕ ⴷⴻⴳ ⴰⵔⴰ ⵜⵜⴻⴽⴽⵉⵏ ⴰⴽⴽ ⵢⵉⴷⵉⵙⴰⵏ ⵉⵍⵉⴱⵉⵢⴻⵏ ⴷ ⵏⴻⵜⵜⴰ ⴰⵢ ⴷ ⵜⴰⵖⴰⵡⵙⴰ ⴰⵢ ⵢⴻⵙⵄⴰⵏ ⴰⵣⴰⵍ ⴰⵎⴻⵇⵔⴰⵏ ⴰⴽ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵓⵎⵢⴰⴳⴻⵔ-ⵏⵏⵉ, ⵍⴰⴷⵖⴰ ⵉⵎⵉ ⴰⵔⴰ ⵜⵜⴻⴽⴽⵉⵏⵜ ⵓⴳⴰⵔ ⵏ ⵜⴻⴳⵔⴰⵡⵉⵏ ⴷⴻⴳ ⵓⵎⵛⵉⵡⴻⵕ ⴳⴰⵔ ⵢⵉⵍⵉⴱⵉⵢⴻⵏ.

ⴰⵏⴻⵖⵍⴰⴼ ⴰⵟⴰⵍⵢⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵢⴻⵙⵏⴻⵎⵎⴻⵔ ⵎⴰⵙⵙ ⵍⴻⵧⵏ ⵖⴻⴼ ⵍⵎⴻⴵⵀⵓⴷ ⵏ ⵜⴻⴱⴷⴰⵎⵎⴰⵙⵜ ⴰⵢ ⵍⴰ ⵢⴻⵜⵜⴻⴳ ⴰⵛⵃⴰⵍ ⵏ ⵡⴰⵢⵢⵓⵔⴻⵏ ⴰⵢⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵏⴻⵎⵎⴻⵔ ⵍⴻⵣⵣⴰⵢⴻⵔ ⵖⴻⴼ ⴷⴷⵓⵕ ⵢⴻⵙⵄⴰⵏ ⴰⵣⴰⵍ ⴰⵢ ⵍⴰ ⵜⴻⵜⵜⵓⵔⴰⵔ ⴷⴻⴳ ⴼⴻⵔⵔⵓ ⵏ ⵜⴰⵍⵓⴼⵜ ⵜⴰⵍⵓⴱⵉⵜ ⴷ ⵜⴻⵎⵙⴻⵜⵍⴻⵍⵜ ⵉⴵⴻⵀⴷⴻⵏ ⴰⵢ ⵜⵜ-ⵉⵛⴻⵔⴽⴻⵏ ⴷ ⵍⵉⴱⵢⴰ.