ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴼⴻⵍⵍⴰⵃⵜ: ⴰⵙⵙⴻⴵⵀⴻⴷ ⵏ ⵜⵣⴻⵎⵎⴰⵔ ⵏ ⵓⵅⵣⴰⵏ ⵏ ⵍⴱⴰⵟⴰⵟⴰ
ⵜⵓⴱⵉⵔⴻⵜ – ⵜⵉⵣⴻⵎⵎⴰⵔ ⵏ ⵓⵅⵣⴰⵏ ⵏ ⵍⴱⴰⵟⴰⵟⴰ « ⵓⵔ ⵜⵜⵄⴻⴹⴹⵉⵍⴻⵏⵜ ⴰⵔⴰ ⴰⴷ ⵜⵜⵡⴰⵙⴵⴻⵀⴷⴻⵏⵜ » ⵙ ⵓⵜⵜⴻⴽⴽⵉ ⵏ ⵜⴽⴻⴱⴱⴰⵏⵉⵢⵉⵏ ⵜⵓⵙⵍⵉⴳⵉⵏ ⴷⴻⴳ ⵓⵏⵔⴰⵔ-ⴰ ⴷⴻⴳ ⵍⴻⴷⵡⴰⵕ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵜⵓⴱⵉⵔⴻⵜ ⵓⵏⴻⵖⵍⴰⴼ ⵏ ⵜⴼⴻⵍⵍⴰⵃⵜ, ⵏ ⵚⵚⵢⴰⴷⴰ ⴷ ⵜⵏⴻⴼⵍⵉⵜ ⵏ ⵜⵎⵓⵔⵜ, ⵙⵉⴷ ⴰⵀⵎⴻⴷ ⴼⴻⵔⵔⵧⵓⴽⵀⵉ.
« ⴳⴰⵔ ⵢⵉⵃⴻⵣⵣⵉⴱⴻⵏ ⴰⵢ ⵢⴻⴷⴷⴻⵎ ⵓⵏⴻⵖⵍⴰⴼ, ⵢⴻⵍⵍⴰ-ⴷ ⵍⴰⴷⵖⴰ ⵡⵉⵏ ⵏ ⵓⵙⵙⴻⴵⵀⴻⴷ ⵏ ⵜⵣⴻⵎⵎⴰⵔ ⵏ ⵓⵅⵣⴰⵏ ⵏ ⵍⴱⴰⵟⴰⵟⴰ ⵙ ⵓⵜⵜⴻⴽⴽⵉ ⵏ ⵜⴽⴻⴱⴱⴰⵏⵉⵢⵉⵏ ⵜⵓⵙⵍⵉⴳⵉⵏ ⴰⴽⴽⴻⵏ ⴰⴷ ⵜⴻⵣⵎⴻⵔ ⴰⴷ ⵜⴻⵜⵜⵡⴰⵅⵣⴻⵏ ⵍⵖⴻⵍⵍⴰ ⵏ ⵣⵣⵢⴰⴷⴰ ⴷⴻⴳ ⵡⴰⵟⴰⵙ ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ ⴰⵎ ⵜⵉⵀⴻⵕⵜ ⴷ ⵎⵄⴻⵙⴽⴻⵕ, ⵢⴻⵔⵏⴰ ⴰⴷ ⴷ-ⵢⵉⵍⵉ ⵓⵃⴽⵉⵎ ⴷⴻⴳ ⵓⵙⵙⴻⴷⴷⵓ ⵏ ⵙⵙⵓⵇ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴼⴻⵔⵔⵧⵓⴽⵀⵉ ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵄⵉⵏ ⴱⴻⵙⵙⴰⵎ, ⴰⵏⴷⴰ ⴰⵢ ⵢⴻⵔⵣⴰ ⵖⴻⴼ ⵓⵙⴻⵏⴼⴰⵔ ⵏ ⵓⵚⴻⴳⴳⴻⵎ ⵏ ⵜⴻⵎⵏⴰⴹⵜ ⵏ ⵓⵙⵙⵡⴰⵢ ⵏ ⴰⵔⵔⵉⴱⵙ ⴰⵢ ⵢⴻⵙⵄⴰⵏ ⵜⴰⵊⵓⵎⵎⴰ ⵏ 2 200 ⵏ ⵢⵉⵇⴻⵟⵟⴰⵔⴻⵏ.
ⵎⵉ ⵢⴻⵔⵣⴰ ⵖⴻⴼ ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⵜⵓⵙⵍⵉⴳⵜ ⵏ ⵓⵅⵣⴰⵏ ⵏ ⵍⴱⴰⵟⴰⵟⴰ ⴰⵢ ⴷ-ⵢⴻⵣⴳⴰⵏ ⴷⴻⴳ ⵄⵉⵏ ⴱⴻⵙⵙⴰⵎ (ⴰⵜⴰⵔⴰⵎ ⵏ ⵜⵡⵉⵍⴰⵢⵜ ⵏ ⵜⵓⴱⵉⵔⴻⵜ), ⴰⵏⴻⵖⵍⴰⴼ ⵉⵃⴻⵜⵜⴻⵜ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵜⴻⵍⵀⵓ ⵜⵖⴰⵔⴰ ⵏ ⵣⵣⴻⵔⵔⵉⵄⴰ ⵏ ⵍⴱⴰⵟⴰⵟⴰ ⴰⴽⴽⴻⵏ ⴰⴷ ⴷ-ⵜⵉⵍⵉ ⵍⵖⴻⵍⵍⴰ ⴰⵔⴰ ⴷ-ⵉⴽⴰⴼⵉⵏ ⵉⴼⴻⵍⵍⴰⵃⴻⵏ.
ⵎⴰⵙⵙ ⴼⴻⵔⵔⵧⵓⴽⵀⵉ ⵉⴳⴻⵔ-ⴷ ⴷⴰⵖ ⵜⵉⵖⵔⵉ ⵉ ⵢⵉⵎⴹⴻⴱⴱⵔⴻⵏ ⵉⴷⵉⴳⴰⵏⴻⵏ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⴰⴽⴽⴻⵏ ⴰⴷ ⵅⴻⴷⵎⴻⵏ ⵍⵡⴰⵃⵉⴷ ⵉ ⵓⵙⵙⴻⴵⵀⴻⴷ ⵏ ⵓⵙⵙⵡⴰⵢ ⵍⴰⴷⵖⴰ ⴷⴻⴳ ⵡⴰⵢⵢⵓⵔⴻⵏ ⵏ ⵢⴻⴱⵔⵉⵔ ⴷ ⵎⴰⵢⵓ ⵉ ⵓⴹⵎⴰⵏ ⵏ ⵓⴼⴰⵔⴻⵙ ⵏ ⵍⴱⴰⵟⴰⵟⴰ ⵢⴻⵍⵍⴰⵏ ⴷ ⴰⴼⴰⵔⵉⵙ ⴰⵢ ⵜⵜⴻⵜⵜⴻⵏ ⴰⵟⴰⵙ ⵎⴻⴷⴷⴻⵏ.
« ⵢⴻⵙⵙⴻⴼⴽ ⴰⴷ ⵏⴻⵙⵙⴻⵍⵀⵓ ⵜⴰⵖⴰⵔⴰ ⵏ ⵣⵣⴻⵔⵔⵉⵄⴰ ⵢⴻⵔⵏⴰ ⴰⴷ ⴷ-ⵏⴼⴰⵔⴻⵙ ⴰⵏⴻⵛⵜ ⴰⵔⴰ ⴷ-ⵉⴽⴰⴼⵉⵏ ⵙⴻⴳ-ⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵃⴻⵜⵜⴻⵜ ⵎⴰⵙⵙ ⴼⴻⵔⵔⵧⵓⴽⵀⵉ ⵎⵉ ⵢⴻⵔⵣⴰ ⵖⴻⴼ ⵢⵉⵡⴻⵏ ⵏ ⵓⵙⴻⵏⴼⴰⵔ ⵏ ⵍⴻⴱⵏⵉ ⵏ ⵢⵉⵎⵙⵉⵙⵎⴻⴹ ⴷ ⴰⵎⴻⵇⵔⴰⵏ ⴰⵢ ⵉⵣⴻⵎⵔⴻⵏ ⴰⴷ ⵢⴰⵡⵉ 10.000 ⵏ ⵢⵉⵎⵉⵜⵔⴻⵏ ⵉⴳⴰⵙⴰⵙⴻⵏ (ⵎ3) ⵏ ⵍⵖⴻⵍⵍⴰ ⴷⴻⴳ ⵜⵖⵉⵡⴰⵏⵜ-ⴰ, ⴷ ⴰⵎⴽⴰⵏ ⴰⵢⴷⴻⴳ ⵢⴻⵎⵍⴰⵍ ⴷ ⵢⵉⵎⴻⴽⵙⴰⵡⴻⵏ ⴷ ⵢⵉⴼⴻⵍⵍⴰⵃⴻⵏ ⵢⴻⵔⵏⴰ ⵢⴻⵙⵍⴰ ⵉ ⵢⵉⵖⴻⴱⵍⴰⵏ ⴷ ⵡⵓⴳⵓⵔⴻⵏ ⴰⵢ ⴷ-ⵜⵜⴻⵎⵍⵉⵍⵉⵏ ⵜⵔⵉⵔⵉⵜ ⵏ ⵢⵉⴷⵔⵉⵎⴻⵏ ⵏ ⵓⵙⵎⴰⴷ ⵏ ⵔ’ⴼⵉⴳ.
