ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵛⵉⵔⵜ ⵏ ⵓⴹⴰⵔ: ⴰⵟⴰⵙ ⵏ ⵍⵖⴰⵛⵉ ⴰⵢ ⵉⵃⴻⴷⵕⴻⵏ ⴷⴻⴳ ⵜⴻⵎⴹⴻⵍⵜ ⵏ ⵎⴻⵙⵙⴰⵧⵓⴷ ⴽⵧⵓⵙⵙⵉⵎ

ⵚⵟⵉⴼ – ⴰⵎⴰⵔⵉⵔ ⴰⴳⵔⴰⵖⵍⴰⵏ ⴰⵇⴱⵓⵔ ⵏ ⵜⵛⵉⵔⵜ ⵏ ⵓⴹⴰⵔ, ⵉⵎⵙⵉⴷⴻⴼ ⵏ ⵢⵉⵙⵡⴰⵏ ⵏ ⴻⵙ ⵚⵟⵉⴼ, ⵎⴻⵙⵙⴰⵧⵓⴷ ⴽⵧⵓⵙⵙⵉⵎ, ⵢⴻⵡⵡⴻⴹ ⵍⴻⵄⴼⵓ ⵏ ⵕⴻⴱⴱⵉ ⵜⴰⴼⴻⵊⵔⵉⵜ ⵏ ⵡⴰⵙⵙ ⵏ ⵍⴻⵜⵏⵉⵢⴻⵏ ⵖⴻⵔ 74 ⵏ ⵢⵉⵙⴻⴳⴳⴰⵙⴻⵏ ⴷⴻⴼⴼⵉⵔ ⵢⵉⵡⴻⵏ ⵏ ⵡⴰⴹⴹⴰⵏ ⴷ ⴰⵖⴻⵣⴼⴰⵏ, ⵢⴻⵔⵏⴰ ⵢⴻⴷⴷⴰ-ⴷ ⵢⵉⴷ-ⵙ ⵢⵉⵡⴻⵏ ⵏ ⵍⵖⴰⵛⵉ ⴷ ⴰⵎⴻⵇⵔⴰⵏ ⵖⴻⵔ ⵜⴻⵎⴹⴻⵍⵜ-ⵏⵏⴻⵙ ⴰⵢ ⴷ-ⵢⴻⵍⵍⴰⵏ ⴷⴻⴼⴼⵉⵔ ⵍⵄⴰⵚⴻⵔ.

ⴰⵟⴰⵙ ⵙⴻⴳ ⵡⵉⴷ ⴰⵢ ⵢⴻⵍⵍⴰⵏ ⵜⵜⵓⵔⴰⵔⴻⵏ ⵢⵉⴷ-ⵙ ⴰⵢ ⴷ-ⵢⵓⵙⴰⵏ, ⴳⴰⵔ-ⴰⵙⴻⵏ ⴰⴱⴷⴻⵍⵀⴰⵎⵉⴷ ⵙⴰⵍⵀⵉ, ⴰⴱⴷⴰⵍⵍⴰⵀ ⵎⴰⵜⵜⴻⵎ, ⵍⴰⵉⴷ ⵎⴻⵙⵙⴰⵧⵓⴷ ⴷ ⴰⵍⵍⴰⵧⵓⴰ ⴳⵀⴰⵔⵣⵧⵓⵍⵉ, ⴰⵎ ⵡⴰⴽⴽⴻⵏ ⴰⵢ ⵃⴻⴷⵕⴻⵏ ⴷⴰⵖ ⵢⵉⵎⴰⵔⵉⵔⴻⵏ ⵏ ⵜⵙⵓⵜⴰ ⴰⵢ ⵜⴻⵏ-ⵉⴷ-ⵉⴹⴻⴼⵔⴻⵏ ⴰⵎ ⴰⴱⴷⴻⵍⵀⴰⴽⵉⵎ ⵙⴻⵔⵔⴰⵔ ⴷ ⴱⵧⵓⵣⵉⴷ ⵛⵀⴻⵏⵉⵜⵉ, ⴷ ⵢⵉⵎⴰⵔⵉⵔⴻⵏ ⵉⵇⴱⵓⵔⴻⵏ ⵏ ⵜⵛⵉⵔⵜ ⵏ ⵓⴹⴰⵔ ⵙⴻⴳ ⵡⴰⵟⴰⵙ ⵏ ⵜⴻⵖⵍⴰⵎⵉⵏ ⵏ ⵜⵎⵓⵔⵜ ⴰⵎ ⵀⴰⵎⵎⴰ ⵎⴻⵍⴰⴽⵀⴻⵙⵙⵧⵓ (ⵎⵙⵒ ⵜⴱⴰⵜⴻⵏⵜ) ⴷ ⴰⴱⴷⴻⵍⵀⴰⵎⵉⴷ ⴰⵣⴻⵔⵧⵓⴰⵍ (ⴰⵙ ⵄⵉⵏ ⵎⵍⵉⵍⴰ), ⵎⵍⴰⵍⴻⵏ-ⴷ ⴰⴽⴽ ⴷⴻⴳ ⵜⵎⴻⵇⴱⴻⵔⵜ ⵏ ⵙⵉⴷ ⵍⵅⵉⵔ ⵖⴻⵔ ⵢⵉⴷⵉⵙ ⵏ ⵢⵉⴷⵓⴱⴰ ⵉⴷⵉⴳⴰⵏⴻⵏ ⴷ ⵢⵉⵡⴻⵏ ⵏ ⵍⵖⴰⵛⵉ ⴷ ⴰⵎⴻⵇⵔⴰⵏ.

ⴰⵟⴰⵙ ⵏ ⵎⴻⴷⴷⴻⵏ ⴰⵢ ⴷ-ⵉⴱⴰⵏⴻⵏ ⵃⴻⵣⵏⴻⵏ, ⵢⴻⵔⵏⴰ ⵓⵍⴰ ⴷ ⵢⵉⵡⴻⵏ ⵙⴻⴳ ⵢⵉⵎⴼⴻⵕⵕⴵⴻⵏ ⵉⵇⴱⵓⵔⴻⵏ ⵏ ⵜⴻⵖⵍⴰⵎⵜ-ⴰ ⵓⵔ ⵢⴻⵜⵜⵓ ⵍⴻⵃⴷⴰⵇⴰ ⴷ ⴹⴹⴱⵉⵄⴰ ⵢⴻⵍⵀⴰⵏ ⵏ ⵓⵔⴳⴰⵣ-ⴰ, ⴰⵎ ⵡⴰⴽⴽⴻⵏ ⴰⵢ ⵎⴰⵣⴰⵍ ⵛⴼⴰⵏ ⵎⴻⴷⴷⴻⵏ ⵖⴻⴼ ⵓⵥⵡⴰⵔ-ⵏⵏⴻⵙ ⴷ ⵡⵓⵔⴰⵔ, ⵏⴻⵜⵜⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵙⴻⴱⴻⵃ ⵏ ⵜⴻⵇⴱⵓⵛⵜ ⵏ ⵍⴻⵣⵣⴰⵢⴻⵔ ⵉ ⵜⴻⵖⵍⴰⵎⵜ ⵏ ⴻⵙ ⵚⵟⵉⴼ 3 ⵏ ⵜⵉⴽⴽⴰⵍ: ⴷⴻⴳ 1963 ⵎⴳⴰⵍ ⴻⵙ ⵎⴻⵙⵜⵖⴰⵏⴻⵎ (1 ⵖⴻⵔ 1, ⵙⴰⴽⴽⵉⵏ 2 ⵖⴻⵔ 0), ⴷⴻⴳ 1967 ⵎⴳⴰⵍ ⵊⵙⵎ ⵙⴽⵉⴽⴷⴰ (1 ⵖⴻⵔ 0) ⴷ 1968, ⴰⵙⴻⴳⴳⴰⵙ ⴰⵢⴷⴻⴳ ⴰⵢ ⵜⴻⵔⴱⴻⵃ ⴻⵙ ⵚⵟⵉⴼ ⴷⴻⴳ ⵙⵏⴰⵜ ⵏ ⵜⴻⵎⵙⵉⵣⴻⵡⵔⵉⵏ ⵖⴻⴼ ⵜⵉⴽⴽⴻⵍⵜ (ⵜⴰⵍⵖⵓⵖⴰ ⴷ ⵜⴻⵇⴱⵓⵛ) ⵎⴳⴰⵍ ⵏⴰ ⵃⵓⵙⵉⵏ ⴷⴰⵢ (3 ⵖⴻⵔ 2).

ⵎⴻⵙⵙⴰⵧⵓⴷ ⴽⵧⵓⵙⵙⵉⵎ ⵢⴻⵙⵜⴻⵏⵢⴰ ⵜⵓⵔⴰⴳⵜ ⴷ ⵛⵔ ⴱⴻⵍⵛⵧⵓⵔⵜ (ⴰⵙⵙ-ⴰ ⵛⵔ ⴱⴻⵍⵧⵓⵉⵣⴷⴰⴷ) ⴷⴻⴳ ⵜⵙⴻⵎⵀⵓⵢⵜ ⵏ 1963-1964, ⵙⴰⴽⴽⵉⵏ ⵢⴻⴱⴷⴰ ⵓⵔⴰⵔ ⵖⴻⵔ ⴻⵙ ⵚⵟⵉⴼ ⴰⵏⴷⴰ ⴰⵢ ⵉⴽⴻⵎⵎⴻⵍ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵓⵎⴻⵛⵡⴰⵕ-ⵏⵏⴻⵙ.

ⵢⴻⵍⵍⴰ ⵢⴻⴽⴽⴰⵜ ⵜⴰⵛⵉⵔⵜ ⵙ ⵍⴵⴻⵀⴷ ⵢⴻⵔⵏⴰ ⵜⵜⴰⴳⴰⴷⴻⵏ-ⵜ ⴰⴽⴽ ⵢⵉⵄⴻⵙⵙⴰⵙⴻⵏ ⵏ ⵢⵉⵙⵡⵉ ⵏ ⵜⵎⵓⵔⵜ. ⴷⴰⵖ, ⵙⵏⴰⵜ ⵏ ⵜⵉⴽⴽⴰⵍ ⴰⵢ ⴰⵙ-ⴷ-ⵖⵔⴰⵏ ⴰⴽⴽⴻⵏ ⴰⴷ ⵢⵓⵔⴰⵔ ⴷⴻⴳ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵢⴻⵔⵏⴰ ⴷ ⵏⴻⵜⵜⴰ ⴰⵢ ⵢⴻⵙⵙⴰⴷⴼⴻⵏ ⵉⵙⵡⵉ ⴰⵡⵃⵉⴷ ⴷⴻⴳ ⵜⴻⵎⵍⵉⵍⵉⵜ-ⵏⵏⵉ ⵜⴰⵎⵎⵉⴷⵡⴰⵏⵜ ⴰⵢ ⴷ-ⵢⴻⵍⵍⴰⵏ ⴳⴰⵔ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⴷ ⵜⴻⵖⵍⴰⵎⵜ ⵜⴰⵙⵡⵉⵙⵉⵜ ⵏ ⵍⴰ ⵛⵀⴰⵓⵅ-ⴷⴻ-ⴼⵧⵏⴷ ⴰⵏⴷⴰ ⵍⴻⵣⵣⴰⵢⴻⵔ ⵜⴻⵅⵚⴻⵔ ⵙ 1 ⵖⴻⵔ 5.

ⵎⴻⵙⵙⴰⵧⵓⴷ ⴽⵧⵓⵙⵙⵉⵎ ⵢⴻⵍⵍⴰ ⴷⴰⵖ ⵓⵔ ⵢⴻⵜⵜⴽⵓⴽⵔⵓ ⴰⴷ ⴷ-ⵢⵉⵏⵉ ⴰⵢⴻⵏ ⵓⵔ ⴰⵙ-ⵢⴻⵄⵊⵉⴱⴻⵏ ⴰⵔⴰ, ⵢⴻⵔⵏⴰ ⵢⴻⵍⵍⴰ ⵢⴻⵣⴳⴰ ⵢⴻⵔⴼⴰ ⵖⴻⴼ ⵢⵉⵎⴷⴰⵏⴻⵏ-ⵏⵏⵉ « ⵉⵎⴻⵏⵏⴻⴽⵛⴰⵎⴻⵏ » ⴰⵢ ⵢⴻⵙⵙⴻⵇⴷⴰⵛⴻⵏ ⵜⴰⵛⵉⵔⵜ ⵏ ⵓⴹⴰⵔ ⵉ ⵍⴼⴰⵢⴷⴰ-ⵏⵙⴻⵏ, ⴰⵎ ⵡⴰⴽⴽⴻⵏ ⴰⵢ ⵉⵡⴻⵜ ⴰⵛⵃⴰⵍ ⴰⴽⴽⴻⵏ ⵉⵎⴹⴻⴱⴱⵔⴻⵏ ⵏ ⵜⵛⵉⵔⵜ ⵏ ⵓⴹⴰⵔ ⴰⴷ ⵉⵍⵉⵏ ⵙⴻⴳ ⵢⵉⵎⴰⵔⵉⵔⴻⵏ ⵏ ⵜⵛⵉⵔⵜ ⵏ ⵓⴹⴰⵔ.

ⵎⴻⵙⵙⴰⵧⵓⴷ ⴽⵧⵓⵙⵙⵉⵎ ⵉⵍⵓⵍ ⴷⴻⴳ 6 ⴼⵓⵕⴰⵕ 1941 ⴷⴻⴳ ⵚⵟⵉⴼ. ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⴰⵢ ⵢⴻⵇⵇⵉⵎ ⵢⴻⵜⵜⵏⴰⵖ ⴷ ⵡⴰⴹⴹⴰⵏ, ⵢⴻⵔⵏⴰ ⵓⵍⴰ ⴰⴽⴽⴻⵏ, ⵢⴻⵍⵍⴰ ⴷⵉⵎⴰ ⵢⴻⵜⵜⴹⴰⴼⴰⵔ ⵉⵙⴰⵍⴰⵏ ⵏ ⵜⵛⵉⵔⵜ ⵏ ⵓⴹⴰⵔ, ⴷ ⴰⴷⴷⴰⵍ ⵓⵎⵉ ⵢⴻⴼⴽⴰ ⴰⴽⴽ ⵜⴰⵎⴻⴷⴷⵓⵔⵜ-ⵏⵏⴻⵙ.