ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴱⴻⵏⵙⴰⵍⴰⵀ ⴰⴷ ⵢⴻⵃⴷⴻⵕ ⴰⵙⵙ ⵏ ⵍⴻⵅⵎⵉⵙ ⵙ ⵢⵉⵙⴻⵎ ⵏ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷⴻⴳ ⵜⵎⴻⵖⵔⴰ ⵏ ⵓⵔⵣⴰⵎ ⵏ ⵜⴻⵔⴳⴰ ⵜⴰⵎⴰⵢⵏⵓⵜ ⵏ ⵙⵙⵡⵉⵣ
ⵍⴻⵣⵣⴰⵢⴻⵔ ⵜⴰⵎⴰⵏⴻƔⵜ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉⴽⴻⵍⵍⴻⴼ ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ, ⴰⴽⴽⴻⵏ ⴰⴷ ⵜ-ⵉⴷ-ⵉⴳⴻⵏⵙⴻⵙ ⴷⴻⴳ ⵜⵎⴻⵖⵔⴰ ⵏ ⵓⵔⵥⴰⵎ ⵏ ⵜⴻⵔⴳⴰ ⵜⴰⵎⴰⵢⵏⵓⵜ ⵏ ⵙⵙⵡⵉⵣ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵎⴰⵚⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵜⵙⴻⵍⵡⵉⵜ ⵏ ⵜⴻⴳⴷⵓⴷⴰ ⴷⴻⴳ ⵢⵉⵡⴻⵏ ⵏ ⵓⵍⵖⵓ.
« ⵎⵉ ⴷ-ⵢⴻⵜⵜⵡⴰⵄⵔⴻⴹ ⵙⵖⵓⵔ ⵓⵙⴻⵍⵡⴰⵢ ⴰⴱⴷⴻⵍⴼⴻⵜⴰⵀ ⴰⵍ ⵙⵉⵙⵙⵉ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵜⴰⵄⵕⴰⴱⵜ ⵏ ⵎⴰⵚⴻⵔ, ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵉⴽⴻⵍⵍⴻⴼ ⵎⴰⵙⵙ ⴰⴱⴷⴻⵍⴽⴰⴷⴻⵔ ⴱⴻⵏⵙⴰⵍⴰⵀ, ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵓⵖⵍⴰⵏ, ⴰⴽⴽⴻⵏ ⴰⴷ ⵜ-ⵉⴷ-ⵉⴳⴻⵏⵙⴻⵙ ⴷⴻⴳ ⵜⵎⴻⵖⵔⴰ ⵜⴰⵖⴻⵍⵏⴰⵡⵜ ⴰⵔⴰ ⴷ-ⵢⵉⵍⵉⵏ ⴷⴻⴳ 6 ⵙⴻⴳ ⵡⴰⵢⵢⵓⵔ-ⴰ, ⵉ ⵍⵎⴻⵏⴷ ⵏ ⵓⵔⵥⴰⵎ ⵏ ⵜⴻⵔⴳⴰ ⵜⴰⵎⴰⵢⵏⵓⵜ ⵏ ⵙⵙⵡⵉⵣ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴻⵖⴱⴰⵍⵓⵜ-ⴰ.
« ⵎⴰⵙⵙ ⴱⴻⵏⵙⴰⵍⴰⵀ ⴰⴷ ⵢⴻⵙⵙⵉⵡⴻⴹ ⴷⴰⵖ ⵜⴰⴱⵕⴰⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵉ ⵓⵙⴻⵍⵡⴰⵢ ⵏ ⵎⴰⵚⴻⵔ, ⵢⴻⵔⵏⴰ ⴰⴷ ⵢⴻⴷⴷⵓ ⵢⵉⴷ-ⵙ ⵎⴰⵙⵙ ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵜⴻⵎⵖⵓⵏⵜ ⵜⴰⵄⵕⴰⴱⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.
