ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵔ ⴷ-ⵜⴻⵜⵜⵡⴰⴱⴷⴻⵔ ⴰⵔⴰ « ⵜⴰⵛⵉⵔⵜ ⵏ ⵓⴹⴰⵔ » ⴷⴻⴳ ⵍⴻⴽⵡⴰⵖⴻⴹ ⵏ ⵙⵙⵒⴰ-ⵊⵙⴽ

ⵜⵉⵣⵉ ⵡⴻⵣⵣⵓ – ⵍⴻⴽⵡⴰⵖⴻⴹ ⵏ ⵜⴽⴻⴱⴱⴰⵏⵉⵜ ⵜⴰⵏⴰⴷⴷⴰⵍⵜ ⵏ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ (ⵙⵙⵒⴰ-ⵊⵙⴽ) ⵓⵔ ⵢⴻⵍⵍⵉ ⴰⵔⴰ ⴷⴻⴳ-ⵙⴻⵏ ⵓⵃⵔⵉⵛ ⵏ « ⵜⴰⵛⵉⵔⵜ ⵏ ⵓⴹⴰⵔ » ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵉⵣⵉ ⵡⴻⵣⵣⵓ ⵓⵙⴻⵇⵇⴰⵎⵓ ⵏ ⵓⵙⵙⵓⴽⴽⴻⵙ ⵏ ⵜⴻⵖⵍⴰⵎⵜ-ⴰ.

ⵎⴰⵙⵙ ⵙⴰⵍⴰⵀ ⵎⴻⵔⵉⴻⵎ ⴰⵢ ⴷ-ⵢⴻⵙⵙⴰⵡⵍⴻⵏ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ, ⵢⴻⵔⵏⴰ ⴷ ⴰⵎⴰⵙⵍⴰⴹ ⵏ ⵓⵙⴻⵇⵇⴰⵎⵓ ⵏ ⵓⵙⵙⵓⴽⴽⴻⵙ ⵏ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ (ⴷ ⵜⴰⴳⵔⴰⵡⵜ ⵢⴻⵍⵍⴰⵏ ⵎⴳⴰⵍ ⵓⵙⴻⵍⵡⴰⵢ ⵏ ⵜⴻⵖⵍⴰⵎⵜ-ⴰ ⵢⴻⵔⵏⴰ ⵜⴻⵙⵙⵓⵜⵓⵔ ⴰⴷ ⵢⴻⵜⵜⵉⵅⴻⵔ) ⵢⴻⵏⵏⴰ-ⴷ ⴷ ⴰⴽⴽⴻⵏ « ⵓⵍⴰⵛ ⴰⵃⵔⵉⵛ ⵏ ⵜⵛⵉⵔⵜ ⵏ ⵓⴹⴰⵔ ⴷⴻⴳ ⵍⴻⴽⵡⴰⵖⴻⴹ ⵏ ⵜⴽⴻⴱⴱⴰⵏⵉⵜ ⵏ ⵙⵙⵒⴰ-ⵊⵙⴽ ⵙⴻⴳ ⵓⵙⴻⴳⴳⴰⵙ ⵏ 2012 ».

ⴷⴻⴳ ⵍⴻⴽⵡⴰⵖⴻⴹ-ⴰ ⴰⵢ ⴷ-ⵢⴻⵜⵜⵓⵏⴻⴼⴽⴻⵏ ⵉ ⵜⵖⴻⵎⵙⴰ, ⴰⵎⴰⴳⵔⴰⴷ ⵡⵉⵙ 6 ⵢⴻⵏⵏⴰ-ⴷ ⴷ ⴰⴽⴽⴻⵏ « ⵎⴻⵏⵖⵉⵔ ⴰⵙⴻⵇⵇⴰⵎⵓ ⵏ ⵢⵉⵎⴼⴻⵕⵕⴵⴻⵏ, ⵜⴰⵖⵍⴰⵎⵜ ⵜⴻⵙⵄⴰ ⵢⵉⵡⴻⵏ ⵏⴻⵖ ⴰⵟⴰⵙ ⵏ ⵢⵉⵃⵔⵉⵛⴻⵏ ⵉⵏⴰⴷⴷⴰⵍⴻⵏ ⵢⴻⵎⵎⵓⵣⵣⴳⴻⵏ (ⵢⴻⵜⵜⵅⴻⵚⵚⴻⵚⴻⵏ): ⵜⴰⵛⵉⵔⵜ ⵏ ⵓⴼⵓⵙ, ⵜⴰⵛⵉⵔⵜ ⵏ ⵓⵇⴻⵛⵡⴰⵍ, ⵜⴰⵜⵍⵉⵜⵉⵜ ».

ⵎⴰⵛⴰ, « ⵙⴻⴳ ⵓⵙⴻⴳⴳⴰⵙ ⵏ 2013, ⵜⵉⵛⵔⴰⵡⵉⵏ ⵏ ⵜⴻⵖⵍⴰⵎⵜ-ⴰ ⵜⴰⵏⴰⴷⴷⴰⵍⵜ ⵜⴰⵎⴰⵙⵡⴰⴹⵜ ⴱⴻⴷⴷⵔⴻⵏⵜ-ⴷ ⴷ ⴰⴽⴽⴻⵏ ⵜⵜⵡⴰⵚⴻⵔⵔⴼⴻⵏ ⵢⵉⴷⵔⵉⵎⴻⵏ ⵙ ⵢⵉⵙⴻⵎ ⵏ ⵓⵃⵔⵉⵛ ⵏ ⵜⵛⵉⵔⵜ ⵏ ⵓⴹⴰⵔ ⵢⵉⵍⵉ ⴰⵃⵔⵉⵛ-ⴰ ⵓⵔ ⴷ-ⵢⴻⵜⵜⵡⴰⴱⴷⴻⵔ ⴰⵔⴰ ⴷⴻⴳ ⵍⴻⴽⵡⴰⵖⴻⴹ-ⴰ. ⵡⴰ ⴷ ⴰⵚⴻⵔⵔⴻⴼ ⴰⵢ ⵢⴻⵙⵙⴻⴼⴽⴻⵏ ⴰⴷ ⴷ-ⵢⴻⵜⵜⵡⴰⵙⵙⴻⴼⵀⴻⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴻⵔⵉⴻⵎ ⵢⴻⵍⵍⴰⵏ ⴷ ⴰⴱⵓⴳⴰⵟⵓ ⴰⵇⴱⵓⵔ ⵏ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ.

ⵜⴰⵖⴰⵡⵙⴰ ⵏⵉⴹⴻⵏ ⴰⵢ ⴷ-ⵢⴻⵜⵜⵡⴰⴽⴻⵛⴼⴻⵏ ⴷⴻⴳ ⵓⵙⴰⵔⴰⴳ-ⴰ ⵏ ⵜⵖⴻⵎⵙⴰ ⵏⴻⵜⵜⴰ ⴷ ⴹⴹⵍⴰⴱⴰ ⴰⵢ ⵜⴻⵜⵜⵡⴰⵍⴰⵙ ⵜⴻⵖⵍⴰⵎⵜ ⵏ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ ⵢⴻⵔⵏⴰ ⴷ ⵜⵉⵏ ⵢⴻⵡⵡⴹⴻⵏ ⵖⴻⵔ 944 584 752 ⵏ ⵢⵉⴷⵉⵏⴰⵕⴻⵏ, ⴷ ⴹⴹⵍⴰⴱⴰ ⴰⵢ ⴷ-ⵢⴻⵜⵜⵡⴰⴱⴻⴷⵔⴻⵏ ⴷⴻⴳ ⵜⴻⵛⵔⴰⵡⵜ ⵏ ⵓⵙⴻⴳⴳⴰⵙ ⴰⴷⵔⵉⵎⴰⵏ ⵏ 2013 ⵏ ⵙⵙⵒⴰ-ⵊⵙⴽ, ⵢⴻⵔⵏⴰ ⵜⴻⵜⵜⵓⵏⴻⴼⴽ-ⴷ ⵓⵍⴰ ⴷ ⵜⴰⵛⵔⴰⵡⵜ-ⴰ ⵉ ⵜⵖⴻⵎⵙⴰ.

« ⴹⴹⵍⴰⴱⴰ-ⴰ ⴷ ⵜⴰⵎⴻⵇⵔⴰⵏⵜ ⵎⵍⵉⵃ ⵢⴻⵔⵏⴰ ⵜⵓⴳⴰⵔ ⵕⴰⵙⴻⵍⵎⴰⵍ ⵏ ⵙⵙⵒⴰ ⴰⵢ ⵢⴻⵙⵄⴰⵏ ⴰⵣⴰⵍ ⵏ 800 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ, ⵢⴻⵔⵏⴰ ⴰⵢⴰ ⵢⴻⵙⵙⴽⴰⵏⴰⵢ-ⴷ ⵜⵓⴽⴻⵔⴹⴰ ⵏ ⵢⵉⵙⵙⴻⴼⵜⵉⵢⴻⵏ ⵏ ⵜⴽⴻⴱⴱⴰⵏⵉⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰⵙⵙ ⵎⴻⵔⵉⴻⵎ ⵉⵅⴻⴱⴱⴻⵔ-ⴷ ⴷ ⴰⴽⴽⴻⵏ ⵛⵛⴻⵜⴽⴰⵏ ⵙ ⵓⵙⴻⵍⵡⴰⵢ ⵏ ⵢⵉⵍⴻⵎⵥⵉⵢⴻⵏ ⵉⵏⴰⴷⴷⴰⵍⴻⵏ ⵏ ⵍⴻⵇⴱⴰⵢⴻⵍ, ⵎⵧⵀⴰⵏⴷ-ⵛⵀⴻⵔⵉⴼ ⵀⴰⵏⵏⴰⵛⵀⵉ, ⵢⴻⵔⵏⴰ ⵢⴻⵜⵜⵡⴰⵜⵜⵀⴻⵎ ⵙ ⵜⵓⴹⴹⴼⴰ ⵏ ⵓⵎⴽⴰⵏ ⴰⵢ ⵜ-ⵢⴻⵅⴹⴰⵏ ⴷ ⵢⵉⵔ ⴰⵙⵙⴻⴷⴷⵓ.

ⵜⴰⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⵓⵔ ⵜⴻⵙⵙⴰⵡⴻⴹ ⴰⵔⴰ ⴰⴷ ⴷ-ⵜⴻⴹⴹⴻⴼ ⵎⵧⵀⴰⵏⴷ ⵛⵀⴻⵔⵉⴼ ⵀⴰⵏⵏⴰⵛⵀⵉ ⵙ ⵓⵙⴰⵡⴰⵍ ⴰⴽⴽⴻⵏ ⴰⴷ ⵜⵥⴻⵔ ⴷ ⴰⵛⵓ ⴰⵢ ⵢⴻⵜⵜⵅⴻⵎⵎⵉⵎ ⵖⴻⴼ ⵡⴰⵏⴻⵛⵜ-ⴰ.